ସନ୍ତୁଳା ଅଟେ ଆମ ଘର ର ପ୍ରଧାନ ଖାଦ୍ୟ

ଅଟେ ସେ ମୋ ବାପାଙ୍କ ଅତି ପ୍ରିୟ ।

ବୋଉକୁ କହିବେ ନିଇତି ସନ୍ତୁଳା ସନ୍ତୁଳ

ନହେଲେ ହୋଇଯିବ ମୋ ପେଟ ଗୋଳମାଳ।😅

ରାତିରେ ପ୍ରତିଦିନ ରୁଟି ସହ ସନ୍ତୁଳା ଯଦି ନ ହୋଇଥିବ

ସେ ଦିନ ତ ଘର ଖାଲି ଆମ ଉଠିବ ପଡ଼ିବ ।😅

ସନ୍ତୁଳା ହେଉଛି ଆମ ଓଡିଶାର ଏକ ମିଶ୍ରିତ ପନିପରିବା ତରକାରୀ ବା ଅତି ଲୋକପ୍ରିୟ ପାର୍ଶ୍ଵ ଖାଦ୍ୟ।ଏହି ସୁସ୍ବାଦୁ ତରକାରୀ ଅତ୍ୟଧିକ ପୁଷ୍ଟିକର କାରଣ ସନ୍ତୁଳା କମ୍ ତେଲ ଏବଂ ତାଜା ପନିପରିବାର ବିଭିନ୍ନ ମିଶ୍ରଣକୁ ନେଇ ପ୍ରସ୍ତୁତ ହୁଏ,ଯାହା କି କୋଲେଷ୍ଟ୍ରଲ ଫ୍ରୀ ତରକାରୀ ଅଟେ। ଏହା ସ୍ୱାସ୍ଥ୍ୟ ପାଇଁ ସୁସ୍ଥ ଏବଂ ସୁଆଦିଆ ।

ପନିପରିବା ବିଭିନ୍ନ ଭିଟାମିନ୍ ଏବଂ ମିନେରାଲ୍ସର ଏକ ଉତ୍କୃଷ୍ଟ ଉତ୍ସ ଯାହା ଆମ ଶରୀର ପାଇଁ ଚମତ୍କାର ଅଟେ ।କଖାରୁ,ବିନ୍ସ,ଗାଜର,ସଜନା,ବିଟ,ଭଣ୍ଡା,ଭେଣ୍ଡି,ଆଳୁ,ଦେଶୀଆଳୁ,କୋବି ଆଦି ବିଭିନ୍ନ ପନିପରିବା ଯାହା ମିଶେଇ ପ୍ରସ୍ତୁତ କରିପାରିବେ ।

ଭାତ,ଚୁଡ଼ା,ଚକୁଳି କିମ୍ବା ଯେକୌଣସି ପ୍ରକାରର ଭାରତୀୟ ରୁଟି ମାନେ ପୁରି, ପରଟା ଇତ୍ୟାଦି ସହିତ ପରସା ଯାଏ ।

ଅଧିକାଂଶ ପରିବାରରେ ସପ୍ତାହରେ ଅତି କମ୍ ରେ ଥରେ କିମ୍ବା ଦୁଇ ଥର ଏହା ପ୍ରସ୍ତୁତ କରାଯାଏ, କିନ୍ତୁ ଆମ ଘରେ ସପ୍ତାହ ସାରା ହେଲେ ମୋ ବାପାଙ୍କର ଆନନ୍ଦ ।

ଆମେ ଯେତବେଳେ ବାହାରକୁ ଖାଇବାକୁ ଯାଉ ସେଠି କେତେ କଣ ଅର୍ଡର୍ କରି ପକାଉ ପିଜା, ପାସ୍ତା, ବର୍ଗର, ବିରୀୟନୀ କିନ୍ତୁ ବାପାଙ୍କ ପ୍ରିୟ ସନ୍ତୁଳା ଟେ ମିଳିଗଲେ ସେ ଭାରି ଖୁସି । ଏହି ଡିସ୍ ନିମ୍ନରେ ବର୍ଣ୍ଣିତ ।

ଉପାଦାନ ଓ କାଟିବା ପ୍ରଣାଳୀ:-

1-2 ଟି ଆଳୁ ଛୋଟ ଖଣ୍ଡରେ କାଟିବା ଜରୁରୀ ।

ଅଧେ ଭଣ୍ଡା ଆଳୁ ଅପେକ୍ଷା ଟିକିଏ ବଡ଼ ଆକାରରେ କଟା ଯିବା ଜରୁରୀ ।

କିଛି କଖାରୁ ଆଳୁ ପରି ଛୋଟ ଖଣ୍ଡରେ କାଟିବା ଜରୁରୀ ।

1 ଟା ମୂଳା ଆଳୁ ପରି ଛୋଟ ଖଣ୍ଡରେ କାଟିବା ଜରୁରୀ ।

2-3ସତେଜ ସଜନା ଛୁଇଁ ।

1-2ଟି ଗାଜର ଓ ବିଟ୍ ଛୋଟ ଖଣ୍ଡରେ କଟାଯିବ।

1 ଫୁଲକୋବି ଆଳୁ ଅପେକ୍ଷା ଟିକିଏ ବଡ଼ ଆକାରରେ କାଟି ଦିଆଯାଏ ।

କିଛି ଗ୍ରିନ୍ ମଟର ।

1-2ଟମାଟୋ - ଛୋଟ ଖଣ୍ଡରେ କାଟିବେ ।

ଅଳ୍ପ ଭେଣ୍ଡି କାଟିନେବେ ।

1 କଞ୍ଚା କଦଳୀ ଛୋଟ ଖଣ୍ଡରେ କାଟିବେ ।

ଅଳ୍ପ ବିନ୍ସ ଛୋଟ ଖଣ୍ଡରେ କାଟି ଦେବେ ।

ଏକ ଚାମଚ ପଞ୍ଚ ଫୁଟଣ ଜରୁରୀ ।

1 ଟି ଚାମଚ ତେଲ ଜରୁରୀ

4-5 ରସୁଣ ଛେଚା ଜରୁରୀ |

ଛୋଟ ପିଆଜ ପତଳା କଟା ।

1-2 କଟା କଞ୍ଚା ଲଙ୍କା

ସ୍ୱାଦ ଅନୁସାରେ ଲୁଣ ।

କେମିତି ପ୍ରସ୍ତୁତ କରିବେ:-

ଟମାଟୋ, ପିଆଜ ବ୍ୟତୀତ ସମସ୍ତ ପନିପରିବାକୁ ସର୍ବନିମ୍ନ ପରିମାଣର ପାଣି ଏବଂ ଲୁଣ ସହିତ ଫୁଟାନ୍ତୁ

ପନିପରିବା ପ୍ରାୟ ରାନ୍ଧିବା ପରେ ଟମାଟୋ ମିଶାନ୍ତୁ ,ଏହା ପରେ ଅଧିକ ଘାଣ୍ଟନ୍ତୁ ନାହିଁ ।

ଏକ ପ୍ୟାନରେ ତେଲ ଗରମ କରି ପଞ୍ଚ ଫୁଟଣ ପକାନ୍ତୁ ।

ଛେଚା ରସୁଣ,କଞ୍ଚା ଲଙ୍କା ଏବଂ କଟା ପିଆଜ ପକାନ୍ତୁ

ଗୋଟିଏ ମିନିଟ୍ ପାଇଁ ମିକ୍ସ କରନ୍ତୁ ।

ତା ପରେ ପନିପରିବା ମିଶାନ୍ତୁ ଏବଂ ଶେଷର ଡାଲଚିନି, ଜିରା ଗୁଣ୍ଡ ଦେଇ ପ୍ରସ୍ତୁତି ଶେଷ କରନ୍ତୁ । ଏବଂ ଗରମ ଗରମ ପରସନ୍ତୁ ।

ଏହା ଓଡିଆ ଘରର ଏକ ପୁରୁଣା ରେସିପି ହୋଇଥିବାବେଳେ ଏହାକୁ ବିଭିନ୍ନ ଦେଶ ଏବଂ ବିଭିନ୍ନ ରାଜ୍ୟରେ ବିଭିନ୍ନ ସଂସ୍କରଣରେ ଉପଭୋଗ କରାଯାଏ ।

ନିତିଦିନ'ସନ୍ତୁଳା'ସନ୍ତୁଳ, ନହେଲେ ପେଟ ହେବ ଗୋଳମାଳ।😉😅

ମୋ ବାପାଙ୍କ ପ୍ରିୟ 'ସନ୍ତୁଳା'