ପ୍ରେମର ସଂଜ୍ଞା ମୋତେ ଜଣା ନାହିଁ। ହେଲେ ବୋଉକୁ ଦେଖିଛି, ପ୍ରେମର ସଂଜ୍ଞା ନବୁଝି ପ୍ରେମ କରିବାର। ବାପା ମନ ଇଛା କେତେ କଥା କୁହନ୍ତି। ବୋଉ ସବୁ ଶୁଣେ, ମନ କଷ୍ଟକରେ ପୁଣି ପ୍ରେମକରେ । ବୋଉ ସ୍ତ୍ରୀର ଚରିତ୍ର ଭିତରେ ଜଣେ ଭଲ ପ୍ରେମିକା। ବୋଉ ଓ ଭଉଣୀ ସାଙ୍ଗ ପରି କେବେ କେବେ ତାଙ୍କ ସହ ଆଲୋଚନା କରେ ପ୍ରେମକୁ ନେଇ। ସେମାନେ ହସନ୍ତି ,ବୋଧହୁଏ ଏ ସବୁ ଉପରେ କଥା ହେବାକୁ ଲାଜ କରନ୍ତି । ତେବେ ବାପାଙ୍କୁ ଦେଖିଲେ ଲାଗେ ବୋଧହୁଏ ସବୁ ସ୍ଵାମୀଙ୍କ ଭିତରେ ଥିବା ପ୍ରେମିକ ଗୋଟିଏ ସମୟରେ ନୀରବ ପ୍ରେମ କରିବା ଶିଖିଯାଏ। ମୁଁ ହିଁ ଅନୁଭବ କରେ ପ୍ରତ୍ୟେକ ସ୍ତ୍ରୀ ଜଣେ ଜଣେ ଭଲ ପ୍ରେମିକା। ପୁରୁଷ ପ୍ରେମରେ ବାନ୍ଧି ରଖିବା ଜାଣିଲେ ପ୍ରେମ ଓ ସଂସାର ସୁନ୍ଦର।

ପ୍ରେମରେ ପଡ଼ିଲେ ନାରୀ ହିଁ ଦେହ ଓ ମନର ସ୍ଵାଧୀନତା ପୁରୁଷ ହାତରେ ଟେକି ଦିଏ ଭଲ ପ୍ରେମିକାର ପରିଚୟ ଟିକିକ ପାଇଁ। ବ୍ୟକ୍ତିଗତ ଅନୁଭବ ଦେହ ବିଜ୍ଞାନ ଅନୁସାରେ ପ୍ରତ୍ୟେକ ପୁରୁଷ ଦେହକୁ ଚାହେଁ ଉପଭୋଗ କରିବାକୁ । କୁହାଯାଏ ପ୍ରେମରୁ ଆରମ୍ଭ ସ୍ପର୍ଶ ଓ ସ୍ପର୍ଶରୁ ପ୍ରଣୟ । ପ୍ରଣୟରୁ ଜନ୍ମ ନିଏ ପାପ ସଂପର୍କ । ପରେ ପରେ ପ୍ରେମର ସଂଜ୍ଞା ବଦଳି ଯାଏ। ହଠାତ ଦୁହେଁ ଦୁହିଁଙ୍କୁ ପାଇବାର ମୋହ ଜନ୍ମ ନିଏ । ସେଠାରୁ ଆରମ୍ଭ ହୁଏ ପ୍ରେମରେ ଭୁଲ କରିବା । ମୋହ ବଦଳି ନିଏ ବିବାହର ରୂପ । ତେବେ ବିବାହର ସଂଜ୍ଞା ଆଉ କଣ ? କେଜାଣି ମୋ ଆଖପାଖରେ ଲୋକେ କୁହନ୍ତି ବିବାହର ସଂଜ୍ଞା ବଂଶ ବୃଦ୍ଧି ସହ ଘର ସଂସାର କରିବା ।

ତେବେ ବିବାହ ପରେ ନାରୀ ସିନ୍ଧୁର ନାଇବ । ପ୍ରତ୍ୟେକ ରାତିରେ ତା ଦେହ ଭୋଗରେ ଲାଗିବ । ବଡ଼ ଅଜବ ଲାଗେ । କେମିତି ଜଣେ ଅନ୍ୟ ଜଣଙ୍କ ଦେହ ଭୋଗ କରିପାରେ ତାହା ମୁଁ ଜାଣେନି । ମୋତେ ଅନେକ ସୁନ୍ଦର୍ ଦେହ ଭୋଗିବାକୁ ମିଳିଛି ହେଲେ ପୁରୁଷ ହେବାର ଅହଙ୍କାର ମୋ ଭିତରେ ଅଛି । ମୁଁ ହିଁ ତ କୁହେ , ଆମେ ଲାଲ ମାଟି ଖୋର୍ଦ୍ଧା ଗଡର ପାଇକ । ଏ ଦେହ ମୋତେ କାହା ମୋହରେ ବାନ୍ଧି ରଖିବ ନାହିଁ। ଅନେକ ଝିଅ ମୋତେ ଅହଙ୍କାରୀ ବୋଲି କୁହନ୍ତି । କିନ୍ତୁ ତାହା ହେଲା ପୁରୁଷ ହେବାର ଗର୍ବ।

ଫେରିବା ନାରୀର ଭବିଷ୍ୟତକୁ । ସଂସାର ଭିତରେ ମନ ଜିତିବା, ପରିବାର ଗଢ଼ିବା , ସନ୍ତାନ ଜନ୍ମ ଦେବା ଓ ପ୍ରତ୍ୟେକ ରାତିରେ ସ୍ୱାମୀର ଶଯ୍ୟା ସଙ୍ଗିନୀ ହେଇ ତା ରାତିକୁ ମତୁଆଲା କରିବା କଣ ବିବାହ ପରେ ନାରୀର ଭବିଷ୍ୟତ । ଯେତେବେଳେ ଏ ସବୁ ନେଇ ଏକାନ୍ତରେ ଭାବେ । ପହଞ୍ଚେ ଅଭିଯୋଗ ନେଇ ବୋଉ ଓ ଭଉଣୀ ପାଖରେ । କୁହେ ମୋ ଜୀବନରେ ଯେଉଁ ନାରୀଟିଏ ଆସିବ । ତାଙ୍କୁ ବିବାହ ପରେ ପଢ଼ିବାକୁ ସ୍ଵାଧୀନତା ମିଳିବ । ବିବାହର ସାମାଜିକ ଚାପ ସୃଷ୍ଟି କରାଯିବ ନାହିଁ ଯେମିତି ସନ୍ତାନ ଜନ୍ମ ଦେବା ହେଉ କିମ୍ବା ଗଧ ପରି ଖଟିବା ହେଉ ।

କୁହାଯାଏ ନାରୀ ହିଁ ପୁରୁଷ ସଫଳତା ପଛରେ ଅନେକ ତ୍ୟାଗ କରେ । ସେମିତି ମୋ ଭାଷାରେ , ଗୋଟିଏ ଶିକ୍ଷିତ ପୁରୁଷ ହିଁ ଚରିତ୍ରବାନ ନାରୀ ଗଢେ । ପରେ ସେମାନେ ମାତୃଶକ୍ତି ଭାବରେ ଉଭା ହୁଅନ୍ତି ଅନେକ ଶିକ୍ଷିତ ପୁରୁଷ ପୁଣି ଗଢ଼ନ୍ତି। ମୋତେ ଅନୁଭବ ହୁଏ ପ୍ରେମରେ ଶିକ୍ଷା ରହିବା ଦରକାର। ପ୍ରେମ ମଧ୍ୟ ଶିକ୍ଷିତ ହେବା ଦରକାର । ଯେମିତି ମୋ ପ୍ରେମିକା ମୋ ଲେଖାକୁ ନେଇ ଅନେକ ଚିନ୍ତା କରେ । ପ୍ରତ୍ୟେକ ଦିନ ଲେଖିବାକୁ ପ୍ରେରଣା ଦିଏ । ରାତିରେ କବିତା ଶୁଣେ ନହେଲେ ମୋ କାହାଣୀ ପଢ଼େ। ସାହିତ୍ୟ ଯାତ୍ରାରେ ତାର ଭୂମିକା ଅନ୍ୟତମ। କଣ ପଢିଲି , ଲେଖିଲି ତାର ହିସାବ ସବୁବେଳେ ଦରକାର ।

ପୁଣି ଫେରିବା , ତେବେ ପ୍ରେମ କିମ୍ବା ବିବାହରେ ନାରୀ କେବଳ ପଡିତ ହୁଏନି । ଅନେକ ସମୟରେ ପୁରୁଷ ମଧ୍ୟ , ତେବେ ପ୍ରେମରେ କଥା ଉଠେ ଦୁଇ ମନ ଏକ ହେବାରେ କିନ୍ତୁ ସମୟ କ୍ରମେ ତାହା ବଦଳି ଯାଏ। ମନ କମ ଦେହ ଏକ ହେବାକୁ ଚେଷ୍ଟିତ କରାଯାଏ। ତେବେ ଏ ପରିପ୍ରେକ୍ଷୀରେ ପୁରୁଷ ଓ ନାରୀ ଦୁହିଁଙ୍କୁ ଚେଷ୍ଟା କରିବା ଦରକାର ମନ ଜିତିବାକୁ। ପ୍ରେମରେ ଦୁହିଁକ ପାଖରେ ନିଜସ୍ୱ ସ୍ଵାଧୀନତା ରହିବା ଦରକାର। ଦୁହେଁ ଦୁହିଁକୁ ଶୁଣିବା ଦରକାର ମଧ୍ୟ ।

ତେବେ ଏହା ଏକ ସମୀକ୍ଷା ପ୍ରେମ ଓ ବିବାହକୁ ନେଇ । ପୁଣି ଫେରିବା ଦ୍ୱିତୀୟ ଭାଗରେ ।।।।

ପ୍ରେମ ଓ ବିବାହ -୧

ଭାବନା ଓ ଅନୁଭବରୁ କିଛି ଲେଖା