ଲେଖନୀ ମୁନର ପ୍ରତିଟି ଧାରରେ
ଅନେକ ବିନ୍ଦୁର ବାସ,
ଭାବନା ଅନେକ ପ୍ରତିଟି ବାକ୍ୟରେ
ପ୍ରେମ ପ୍ରୀତି ପରିହାସ।।

ପୁରୁଣା କାହାଣୀ ପ୍ରେମର ମଧୁର
ହୃଦୟକୁ ଛୁଇଁଯାଏ,
ଆଜିକା ପ୍ରେମରେ କାମନା ପ୍ରଚୁର
ଜୀବନଟା ନେଇଯାଏ।।

ମିଥ୍ୟାର ଆଶ୍ରୟ ଚର୍ଚ୍ଚାର ବିଷୟ
ମରୀଚିକା ପ୍ରେମ କିବା,
ଛଳନା ଅସ୍ତ୍ରର ପ୍ରହାର ଅସହ୍ୟ
ନାଟକର ଅନ୍ତ ଅବା।।

ଜୀବନ ଗଙ୍ଗାରେ ପବିତ୍ର ବୁଡ଼ଟି
ପାପକୁ ଧୋଇବା ପାଇଁ,
ମଣିଷ ହାତରେ ପାପର ପାତ୍ରଟି
ଜନ୍ମ ଜନ୍ମାନ୍ତର ଛାଇ।।

ଲୁହର ଜୁଆର ଖୁସି ଧୋଇନିଏ
ବିଦଗ୍ଧ ପାଉଁଶ ସ୍ତୁପ,
ସ୍ମୃତିର ଲହରି କୋପଦୃଷ୍ଟି ଦିଏ
ମିଳନ ବିଚ୍ଛେଦ ଗଳ୍ପ।।

ଖଣ୍ଡ ବିଖଣ୍ଡିତ ହୃଦୟ ଟୁକୁଡ଼ା
ଲୁହରେ ଲହୁର ଭ୍ରମ,
ବିଶ୍ବାସ ନିନ୍ଦିତ ଅଧା ଦରପୋଡ଼ା
ସ୍ମୃତିରେ ବିଲୀନ କ୍ରମ।।

ସ୍ୱପ୍ନର ଅଧୁରା ସ୍ୱପ୍ନର ସହର
ଅକାଳେ ବିଧ୍ଵଂସ ପ୍ରାପ୍ତ;
ନିଦ୍ରାର ସାହାରା ପାହାନ୍ତି ପ୍ରହର
ରାତ୍ରିରେ ହୁଅଇ ଲୁପ୍ତ।।

କରୁଣ ନୟନ ହରାଇ ଆସରା
ଅତୀତ ସାଥୀରେ ରହେ,
ଅପେକ୍ଷାର ଅନ୍ତ ଅନନ୍ତ ପସରା
ଜୀବନ୍ତ ଅନ୍ତରେ ଥାଏ।।

ଲେଖନୀ ମୁନର ପ୍ରତିଟି ଧାରରେ
ଅନେକ ବିନ୍ଦୁର ବାସ,
ଭାବନା ଅନେକ ପ୍ରତିଟି ବାକ୍ୟରେ
ପ୍ରେମ ପ୍ରୀତି ପରିହାସ।।

ପୁରୁଣା କାହାଣୀ ପ୍ରେମର ମଧୁର
ହୃଦୟକୁ ଛୁଇଁଯାଏ,
ଆଜିକା ପ୍ରେମରେ କାମନା ପ୍ରଚୁର
ଜୀବନଟା ନେଇଯାଏ।।

ପ୍ରେମ ପ୍ରୀତି ପରିହାସ

ପ୍ରେମ ପ୍ରୀତି ପରିହାସ, ସାକ୍ଷୀ ଅଛି ଇତିହାସ