ଋତୁ ମାନଙ୍କ ମଧ୍ୟରେ ଯେ ହେଉଛି ରାଣୀ, ସେ ହେଉଛି ବର୍ଷା। ଯାହାର ଆଗମନକୁ ଆମ ଭାରତୀୟ ସଂସ୍କୃତି ରେ ଶୁଭ ବୋଲି ଗ୍ରହଣ କରାଯାଇଥାଏ। ସେହି ଶୁଭ ମହୁରତ ର କିରଣ କୁ ପାଇବା ପାଇଁ ଆଶାତୀତ ହୋଇ ବସିଥାନ୍ତି କେତେଯେ ପୃଥିବୀର ବାସିନ୍ଦା, ତାହା ଅବର୍ଣ୍ଣନୀୟ। ବର୍ଷା ର ଆଗମନ ରେ, ଉତଫୁଳିତ କୃଷି ର ମନ, ଅସ୍ଥିର କରିଦିଏ ଜନଜୀବନ। ଉଦୟ ହେବାକୁ ଯାଉଥିବା ପରିବର୍ତ୍ତନର ଏହି ଶିଖା ମଧ୍ୟରେ ମଧ୍ୟରେ ପୀଡନ ଓ ଯାତନା ର କାରଣ ହୋଇଥିଲେ ହେଁ ପ୍ରତ୍ୟେକ ବ୍ୟକ୍ତି ପୃଥିବୀର ବିଭିନ୍ନ ଅନୁକୋଣରୁ, ନିଜର ହୃଦୟ ଓ ବାହୁ ଖୋଲି ବର୍ଷା କୁ ସ୍ବାଗତ କରିଥାନ୍ତି।

ବର୍ଷା କେବଳ ଏକ ଋତୁ ନୁହେଁ, ମନୁଷ୍ୟ ର ଜୀବନ ଶୈଳୀକୁ ଓତ ପ୍ରୋତ ଭାବରେ ପ୍ରଭାବିତ କରୁଥିବା ଏକ ମେରୁଦଣ୍ଡ। ନିଜର ଅଲୌକିକ ପ୍ରକୃତି ଓ ଚରିତ୍ର ସହିତ ଆଗମନ କରୁଥିବା ସେହି ବର୍ଷା ଓଦା ମାଟି ର ସେହି ସୁଗନ୍ଧ ସହିତ, ଅନେକ ଦୁର୍ଗନ୍ଧ ମଧ୍ୟ ଆଣି ଆସିଥାଏ। ସେହିପରି ନିଜର ଆଗମନରେ ସେ ଅନେକଙ୍କ ହୃଦୟରେ ଖୁସିର ଇନ୍ଦ୍ରଧନୁ ଓ ଅନେକଙ୍କ ମନରେ ଡର ର କରାଳ ରୂପ ସୃଷ୍ଟି କରିଥାଏ, ଏହା ହିଁ ହେଇଛି ପରିବର୍ତ୍ତନର ପ୍ରତିବିମ୍ବ। ଯେପରି କୁନି କୁନି ବିଦ୍ୟାର୍ଥୀ ମାନଙ୍କ ମନରେ ଘେରିଯାୟେ ଏକ ଛୋଟ ଭୟ ର ଆସ୍ତରଣ। ଋତୁ ର ପରିବର୍ତନ ସହିତ, ପରିବର୍ତ୍ତନ ହୋଇଥାଏ ଶିକ୍ଷକ ଓ ଗୁରୁଜନଙ୍କ ପ୍ରଶ୍ନ। ମନେରଖିବା ପାଇଁ ପଡ଼ିଥାଏ ବର୍ଷାଦିନେ ଫୁଟୁଥିବା ଫୁଲର ଓ ଫଳର ନାମ। ସତରେ ବର୍ଷା ଟାଣୀନିଏ ଅତୀତର ସେହି ନିର୍ବୋଧ ସ୍ମୃତିଭରା ଦିବାଗୁଡ଼ିକୂ। ଭାବିଲେ ଆଜି ବି ହସଲାଗେ। ଶିଶୁମାନଙ୍କ ଜମାରେ ପଡ଼ିଥିବା ସେହି କାଦୁଅର ଦାଗ ବର୍ଷା ପାଣିରେ ଧୋଏଗଲା ପରି, ସମୟର ସହିତ ସେମାନଙ୍କ ନିର୍ବୋଧତା ମଧ୍ୟ ଧୋୟାହୋଇଯାଏ।

ବର୍ଷା ଚାଷୀ ମାନଙ୍କ ମନରେ ଭରିଦିଏ ନୂତନ ଆଶା ର କିରଣ ଓ ଆଗାମୀ ଭବିଷ୍ୟତର ଫଳାଫଳ ର ଉତ୍ସୁକତା, କିନ୍ତୁ ସେହିସମୟରେ ଅନେକଙ୍କ ମନରେ ସୃଷ୍ଟିକରେ ସଙ୍କୋଚ ର ଆଲୋଡନ। ଦଶ ଗୋଟି ରୁ ଅଧିକ ନଦୀର ଜନନୀ ଆମ ଓଡ଼ିଶା, ସେଥିମଧ୍ୟରୁ ଛ ଗୋଟି ବୃହତ୍ ନଦୀ। ବର୍ଷା ର ପରିମାଣରେ ବୃଦ୍ଧି ହେଲେ ନଦୀ ମାନେ ମଧ୍ୟ ସେମାନଙ୍କ ସୀମା ର ଭାରସାମ୍ୟ ହାରିବସନ୍ତି, ଯାହା ଫଳରେ ତାହା ବନ୍ୟା ର କରାଳ ରୂପ ନେଇ ଅନେକ ଧନଜୀବନ କୁ ବିଧ୍ୟଂଶ କରିଥାଏ। ଯେପରି ସମ୍ବଲପୁର ରେ ରହିଥିବା ହୀରାକୁଦ ଜଳଭଣ୍ଡରର ଫାଟକ ଉପରେ ନିର୍ଭର କରେ ଲୋକଙ୍କ ଚିନ୍ତାର ବିଷୟ ବା ଫାଟକ ଖୋଲିବାର ବାର୍ତ୍ତା ପାଇଲେ, କେତେକ ବନ୍ୟା ପ୍ରମୁଖ ଅଞ୍ଚଳରେ ଦୁଃଖର ବାଦଲ ଘେରି ଯାଏ। କିନ୍ତୁ ସବୁଠାରୁ ଆଶ୍ଚର୍ୟ୍ଯ କରିଥାଏ, ବାସିନ୍ଦା ମାନଙ୍କ ଦୃଢ଼ ମନୋବଳ ଓ ସାହାସ।ସେହି ଦୁଃଖକୁ ଓ ଲୁହକୁ ସେମାନେ ଲହୁ ମଣି ଆଗେଇ ଚାଲିଛନ୍ତି। ସତେ ଯେପରି ସେମାନେ ଜୀବନକୁ ବହୁ ପାଖରୁ ତର୍ଜମା କରିଛନ୍ତି, ଓ ବୁଝିପରିଛନ୍ତି, ଜୀବନର ସଠିକ୍ ରୂପକୁ।'ଜୀବନରେ ସମୟ, ପରିସ୍ଥିତି କ୍ଷଣସ୍ଥାୟୀ' ଏହି ଧାରଣାକୁ ସେମାନେ ନିଜ ଜୀବନର ଏକ ଗୁରୁତ୍ୟପୂର୍ଣ୍ଣ ଶୈଳୀ ରୂପେ ଗ୍ରହଣ କରି, ଆଗକୁ ବଢ଼ିଚଳିଛନ୍ତି। ବର୍ଷା ଦ୍ବାରା ସୃତିହେୟିଥିବା ପରିସ୍ଥିତି, ସେମାନଙ୍କୁ ପରିବର୍ତ୍ତନର ସ୍ଵାଦ ଚଖାୟିଲା।

କବି ଓ ଲେଖକଙ୍କ ଭାବନାକୁ ଶବ୍ଦର ଲହରିରେ ଅଳଙ୍କୃତ କରିଥାଏ ଏହି ବର୍ଷା। ପରିବେଶର ସୌନ୍ଦର୍ଯ୍ୟର ପରିବର୍ତ୍ତନ, ସେମାନଙ୍କ ଦୃଷ୍ଟିକୋଣ କୁ ମଧ୍ୟ ନୂତନ ଧାରଣାରେ ଭରିଦିଏ। ଯେପରି ଧରଣୀ ର ମାଟି, ବର୍ଷା ର ଆଗମନରେ କିପରି ନିଜକୁ ପୂର୍ଣ୍ଣ ଅନୁଭବ କରେ, ତାହା ସେ ନିଜର ବା ମାଟିର ଏକ ନୂତନ ସୁଗନ୍ଧ ମାଧ୍ୟମରେ ବର୍ଣ୍ଣନା କରିଥାଏ, ସେହିପରି ଲେଖକମାନେ ମଧ୍ୟ ନିଜର କବିତା ବା ଲେଖା ମାଧ୍ୟମରେ ନିଜର ପରିବର୍ତ୍ତିତ ଭାବନାକୁ ବର୍ଣ୍ଣନା କରିଥାନ୍ତି।

କୌଣସି ଧାରଣା ଓ ବସ୍ତୁକୁ ତର୍ଜମା କଲେ ତାର ଲକ୍ଷାଧିକ ତାତ୍ପର୍ଯ୍ୟ ବାହାରିଥାଏ। କିନ୍ତୁ ଏହା ବ୍ୟକ୍ତି ର ଦୃଷ୍ଟିକୋଣ ଉପରେ ସମ୍ପୂର୍ଣ୍ଣ ରୂପରେ ନିର୍ଭର କରିଥାଏ। ବିଷୟ ବର୍ଷା ଉପରେ ହେଉ କିମ୍ବା ଅନ୍ୟ କେଉଁ ବିଷୟ ଉପରେ। ଅନେକଙ୍କ ମତରେ, ବର୍ଷା ଅନ୍ୟ ଋତୁ ମାନକ ପରି ବାସ ଏକ ଋତୁ। କିନ୍ତୁ ଏହା ଜୀବନ ଶୈଳୀ ଶିଖାଉଥିବା ଏକ ମାଧ୍ୟମ। ତେଣୁ ଏହା ଦର୍ଶାଇଥାଏ ପରିବର୍ତ୍ତନ ର ଜ୍ୱଳନ୍ତ ଉଦାହରଣ।

ବର୍ଷା! ଦର୍ଷାଏ ପରିବର୍ତ୍ତନ ର ଜ୍ୱଳନ୍ତ ଉଦାହରଣ।

ପରିବର୍ତ୍ତନ ଅନିବାର୍ଯ୍ୟ।