ଶୀର୍ଷକ:- ବାହୁଡା଼ ଯାତ୍ରା

ଆଷାଢ଼ ମାସର ଗୁଣ୍ଡିଚା ଯାତ
ଚତୁର୍ଦ୍ଧାମୁରତୀ ଙ୍କ ବାହୁଡ଼ା ରଥ
ଅଗ୍ରସର ହେବେ ଶ୍ରୀ ମନ୍ଦିର ମୁଖେ
ସାଆନ୍ତ ଫେରିବେ ବଡ଼ ଦେଉଳ ପାଶେ ।।(୧)

କମ୍ପି ଉଠିଥିଲା ବଡ଼ ଦାଣ୍ଡ
ଭକ୍ତ ଭଗବାନ୍ ଙ୍କ ମିଳନ ସ୍ଥଳେ
ପୁଣି ଯେ ଆଜି ହୋଇବ ତାହା
ଆତ୍ମା ପରମାତ୍ମା ଙ୍କ ମିଳନ ବେଳେ ।।(୨)

ମାଉସୀ ମାଆର ସ୍ନେହ ଶରଧାରେ
ଫେରିବାକୁ କହେନି ମନ
ଶ୍ରୀ ଯେ ଏଠି ରାଗି ବସିଛନ୍ତି
କରିବେ ତୁମକୁ ହଇରାଣ ।।(୩)

ବାହୁଡିବେ ଆଜି
ମଣିମା ମୋର;
ପରିପୂର୍ଣ୍ଣ ହେବ
ଶ୍ରୀ ମନ୍ଦିର......।।(୪)

ଶରଧା ବାଲି ରୁ ବାହୁଡ଼ିବେ ଆଜି
ଚାହିଁଛି ତୋତେ ପରା ଶ୍ରୀକ୍ଷେତ୍ର
ରଥରେ ଫେରିବେ ତିନି ମୂରତି
କଳା, ଧବଳ, ହଳଦୀମୁଖୀ ।।(୫)

ବରଷକେ ଥରେ ମାଉସୀ ଘର
ନାମ ଯେ ତାର ରଥ ଯାତର
ଭାଇ ଭଉଣୀ ଙ୍କ ସାଥୀରେ ଧରି ସେ
ଲୀଳା ରଚାନ୍ତି ଅପାର ।।(୬)

ଗୁଣ୍ଡିଚା ମାଆ ର ହାତରନ୍ଧା ପିଠା
ଭାରି ସୁଆଦିଆ ଲାଗେ
ଆଷାଢ଼ ଆସିଲେ ଅଭିଳାଷରେ ମନ
ମାଉସୀ ର ହାତ ପରଷା ଖୋଜେ ।।(୭)

ଭକତ ଭାବରେ ବାନ୍ଧି ହୋଇ ପ୍ରଭୁ
ବିଜେ ଆଡ଼ପ ମଣ୍ଡପେ
ମାନବୀୟ ଲୀଳା କରି ଶ୍ରୀମୁଖ
ମିଶନ୍ତି ଭକ୍ତ ସମୀପେ ।।(୮)

ମହାଲକ୍ଷ୍ମୀ ଯାଇ ଗୁହାରି କରନ୍ତି
ମାଆ ବିମଳା ଙ୍କ ପାଖେ
ମୋହଚୂର୍ଣ୍ଣ ଦେଇ ବିମଳା କୁହନ୍ତି
ଯାଅ ଜଗନ୍ନାଥ ପାଶେ ।।(୯)

ମନ ମାରି ମାଆ ବସିଛନ୍ତି
ଏକାନ୍ତ ଭାବେ ଶ୍ରୀମନ୍ଦିରେ
ରାଗ ଗର ଗର ହୋଇ ତର ତର
ଲକ୍ଷ୍ମୀ ପହଞ୍ଚନ୍ତି ଗୁଣ୍ଡିଚା ରାଣୀଙ୍କ ଘରେ ।।(୧୦)

ହେରାପଞ୍ଚମୀ ରେ ଆଗମୁଖା ହେଲେ
ପ୍ରତିଶୋଧ ନେବା ପାଇଁ
ଲୁଚି ଲୁଚି ଯାଇ ପ୍ରଭୁ ଙ୍କ ରଥରୁ
କିଛି ଅଂଶ ଭାଙ୍ଗି ଦେଇ ।।(୧୧)

ଆସିଲେ ଫେରି ଗୋହରି ବାଟରେ
ଦେଖା ଦେଲେନାହିଁ ପ୍ରଭୁ
ସବୁ ଜାଣି ପ୍ରଭୁ ନୀରବ ଅଛନ୍ତି
କହିବେ କି ଅବା କାହାକୁ ।।(୧୨)

ଦୁଇ ଦିନରେ ଫେରିଯିବେ ବୋଲି
ଦେଇ ଆସିଥିଲେ କଥା
ଦୁଇ ଦିନ ଯାଇ ଦଶ ଦିନ ହେଲା
ଫେରିବାକୁ ତାଙ୍କ ହଉନି ଇଚ୍ଛା ।।(୧୩)

ବିଜୟାଦଶମୀ ବାହୁଡା଼ରେ ପ୍ରଭୁ
ଫେରୁଛନ୍ତି ଶ୍ରୀମନ୍ଦିର
ପୁରୀ ରସଗୋଲା ଦେଇ ମାନକୁ
ଭାଙ୍ଗିବେ ଶ୍ରୀ ଦୁଲ୍ଲ୍ଳଣୀଙ୍କର ।।(୧୪)

ନବଦିନାତ୍ମକ ଯାତ୍ରା କରି ପ୍ରଭୁ
ଫେରିବେ ଆଜି ଶ୍ରୀ ମନ୍ଦିର
ଜନମ ମାଟି ଛାଡ଼ି କରମ ମାଟିରେ
ହିସାବ କରିବେ ପାପପୁଣ୍ୟର ।।(୧୫)

IPS:- ସୋନାଲି ସ୍ୱାଇଁ
ସାକ୍ଷୀଗୋପାଳ, ପୁରୀ

ବାହୁଡ଼ା ଯାତ୍ରା

ବାହୁଡ଼ା ଯାତ୍ରା