ବିଶ୍ବର ନେତାଜୀ

ତଡିବାକୁ ଅନ୍ଧକାର ସାଜି ଦିନମଣି,
ସ୍ବାଧୀନତା ସଂଗ୍ରାମରେ ସେ ଥିଲେ ଅଗ୍ରଣୀ।

ମୁଖ ମଣ୍ଡଳରେ ଥିଲା ଅଜସ୍ର ସାହସ,
ସାଜିଥିଲେ ଭାରତର ସଂଗ୍ରାମୀ ନରେଶ।

ବାଲ୍ୟ କାଳୁ ଥିଲେ ସିଏ ଇଂରେଜ ବିରୋଧୀ,
ଦେଶ ପାଇଁ ଲମ୍ଫଦେଲେ ଜୀବନ ଜଳଧି।

ଶତ୍ରୁ ର ଶତ୍ରୁକୁ ସିଏ ଭାବି ନିଜ ମିତ୍ର,
ଖୋଲିଥିଲେ ଦେଶର ସେ ସ୍ବାଧୀନତା ନେତ୍ର।

କରିଲେ ଗଠିତ ସିଏ ଫ୍ରି ଇଣ୍ଡିଆ ଆର୍ମି,
ସାଜି ଭାରତର ସିଏ ସ୍ବାଧୀନତା କର୍ମୀ।

ଜର୍ମାନୀ ଦେଶକୁ ଯାଇ ସାହାଯ୍ୟ ଲୋଡିଲେ,
ଭାରତ ଵାହାରେ ରହି ସଂଗ୍ରାମ କରିଲେ।

ଜାପାନ୍ ଦେଶକୁ ଯାଇ ଟୋଜୋ ଙ୍କୁ ଭେଟିଲେ,
ସ୍ବାଧୀନତା ପଥ କୁ ସେ ସରଳ କରିଲେ।

କରିଲେ ଆହ୍ବାନ ଛାଡି ବିରତ୍ବ ମରୁତ,
ସ୍ବାଧୀନତା ବଦଳରେ ମାଗିଲେ ରକତ।

ଭାରତରେ ମୁକ୍ତ ହେତୁ ଇଂରେଜ ଦନୁଜ,
କରିଲେ ଗଠିତ ଆଜାଦ୍ ହିନ୍ଦ୍ ଫଉଜ।

ମଣିପୁର ଇମ୍ଫାଲ ରେ କଲେ ଆକ୍ରମଣ,
ଦେଖାଇ ସଭିଙ୍କୁ ସିଏ ସ୍ବାଧୀନ ଅରୁଣ।

ଇଂରେଜ ଖବର ପାଇ ଦେଲେ ପ୍ରତ୍ୟୁତ୍ତର,
ସ୍ଥଳ ଓ ଆକାଶ ମାର୍ଗେ କରିଲେ ପ୍ରହାର।

ଆଧୁନିକ ଅସ୍ତ୍ର ଆଗେ ତିଷ୍ଠି ନପାରିଲେ,
ସଂଗ୍ରାମର ଅନ୍ତିମରେ ପରାଜିତ ହେଲେ।

ଝଡିବାକୁ ଦେଲେ ନାହିଁ ସାହସ କୁସୁମ,
ଠିଆ ହୋଇଥିଲେ ସାଜି ବିରତ୍ବ ର ଦ୍ରୁମ।

ଇତିହାସେ ସୃଷ୍ଟି କରି ନୂତନ ଅଧ୍ୟାୟ,
ଦେଇଥିଲେ ଦେଶର ସେ ଶ୍ରେଷ୍ଠ ପରିଚୟ।

ବିଶ୍ବର ନେତାଜୀ ସିଏ ଦେଶର ସେବକ,
ଜଳୁଥିବ ସଦା ତାଙ୍କ ଅମର ପାବକ।

********************************************
ସୌମ୍ୟ ରଞ୍ଜନ ରାୟ
ଭୂୟାଁ ଉଆସ, ଗୁଆମାଳ, ଭଦ୍ରକ

ବିଶ୍ବର ନେତାଜୀ || ଓଡ଼ିଆ କବିତା

ନେତାଜୀ ସୁବାଷ ଚନ୍ଦ୍ର ବୋଷଙ୍କ ସ୍ମୃତିରେ ......