ପ୍ରତିବର୍ଷ ଅକ୍ଟୋବର ମାସ ୧୫ ତାରିଖରେ ସାରା ବିଶ୍ଵରେ ଏକ ଗୁରୁତ୍ଵପୂର୍ଣ୍ଣ ଦିବସ ପାଳିତ ହୁଏ ବିଶ୍ଵ ହାତ ଧୁଆ ଦିବସ। ୨୦୦୮ ମସିହାରେ ଆରମ୍ଭ ହୋଇଥିବା ଏହି ଦିବସଟିର ମୁଖ୍ୟ ଲକ୍ଷ୍ୟ ହେଉଛି ସବୁ ବୟସର ଲୋକଙ୍କୁ ସାବୁନରେ ହାତ ଧୋଇବାର ଗୁରୁତ୍ଵ ବିଷୟରେ ସଚେତନ କରାଇବା।

କାହିଁକି ଏତେ ଗୁରୁତ୍ଵ?

ଆମେ ଦିନସାରା ଯାହା କିଛି କାମ କରୁ, ତା’ର ଅଧିକାଂଶରେ ଆମର ହାତ ବ୍ୟବହୃତ ହୁଏ। ଖାଦ୍ୟ ଖାଇବା, କବାଟ ଠେଲିବା, ଟାୟର ଧରିବା, ପଇସା ଛୁଇଁବା – ପ୍ରତ୍ୟେକ କାର୍ଯ୍ୟରେ ଆମ ହାତ ବ୍ୟବହୃତ ହୁଏ। ଏହି ସବୁ ଜାଗାରେ ଅଦୃଶ୍ୟ ରୋଡ଼ ଜୀବାଣୁ ଓ ମଇଳା ଆମ ହାତରେ ଲାଗିଯାଏ। ଯେତେବେଳେ ଏହି ଅଶୁଦ୍ଧ ହାତରେ ଆମେ ଖାଦ୍ୟ ଛୁଇଁ, ଚେହେରା ଛୁଇଁ କିମ୍ବା ନଖ କାମୁଡ଼ୁ, ସେତେବେଳେ ରୋଡ଼ ଜୀବାଣୁ ସହଜରେ ଆମ ଶରୀର ଭିତରେ ପ୍ରବେଶ କରିପାରନ୍ତି। ଫଳସ୍ୱରୂପ, ତରଳ ଝାଡ଼ା, ସର୍ଦ୍ଦି, କାଶ, କରୋନା ଭଳି ରୋଗ ଆମକୁ ଆକ୍ରମଣ କରନ୍ତି।

ହାତ ଧୋଇବାର ସଠିକ୍ ପଦ୍ଧତି

କେବଳ ପାଣିରେ ହାତ ଭିଝାଇ ଦେଲେ ହୁଏ ନାହିଁ। ରୋଡ଼ ଜୀବାଣୁ ଙ୍କୁ ମାରିବା ପାଇଁ ସାବୁନ ଅତ୍ୟନ୍ତ ଜରୁରୀ। ହାତ ଧୋଇବା ଆସିଲେ ନିମ୍ନଲିଖିତ ପଦକ୍ଷେପଗୁଡିକ ଅନୁସରଣ କରିବା ଉଚିତ:

୧. ପରିଷ୍କାର ଗୋଟେଇ ପାଣିରେ ହାତଗୁଡ଼ିକୁ ଭିଜାନ୍ତୁ।

୨.ହାତରେ ଭଲ ଭାବରେ ସାବୁନ ଲଗାନ୍ତୁ।

୩.ଦୁଇହାତକୁ ଘସି ଘସି, ଆଙ୍ଗୁଳି ମଧ୍ୟରେ, ନଖ ତଳେ ଓ ହାତର ପିଠି ପାଖରେ ଭଲ ଭାବରେ ଘସାନ୍ତୁ। ଏହା ପାଇଁ ଅତିକମରେ ୨୦ ସେକେଣ୍ଡ ନେବା ଦରକାର।

୪.ପରିଷ୍କାର ପାଣିରେ ହାତର ସାବୁନ ଧୋଇ ପକାଇ ଦିଅନ୍ତୁ।

୫.ପରିଷ୍କାର ଗାମୁଛା କିମ୍ବା ତୁଳା କପଡ଼ାରେ ହାତ ପୋଛନ୍ତୁ।

ଯଦି ସାବୁନ ଓ ପାଣି ଉପଲବ୍ଧ ନାହିଁ, ସେଠାରେ ହ୍ୟାଣ୍ଡ ସାନିଟାଇଜର ବ୍ୟବହାର କରିପାରିବେ।

ହାତ ଧୋଇବାର ସମୟ

କେତେକ ଗୁରୁତ୍ଵପୂର୍ଣ୍ଣ ସମୟରେ ହାତ ଧୋଇବା ଅତ୍ୟନ୍ତ ଜରୁରୀ:

· ଖାଦ୍ୟ ରଖିବା ଓ ଖାଇବା ପୂର୍ବରୁ

· ରୋଗୀର ସେବା କରିବା ପୂର୍ବରୁ ଓ ପରେ

· ଶୌଚାଳୟ ବ୍ୟବହାର କରିବା ପରେ

· ଘରୁ ବାହାରର କୌଣସି ଜିନିଷ ଛୁଇଁଲା ପରେ

· ପଶୁପକ୍ଷୀଙ୍କୁ ଛୁଇଁଲା ପରେ

ସୁସ୍ଥ ଜୀବନଶୈଳୀର ଅଂଶ

ହାତ ପରିଷ୍କାର ରଖିବା ହେଉଛି ସୁସ୍ଥ ରହିବାର ଏକ ସରଳ ଓ ସଫଳ ଉପାୟ। ଏହା କେବଳ କୌଣସି ଏକ ଦିବସର କଥା ନୁହେଁ, ବରଂ ଏକ ନିତ୍ୟକର୍ମ। ହାତ ପରିଷ୍କାର ଥିଲେ ଅନେକ ଭୟଙ୍କର ରୋଗଠାରୁ ଦୂରରେ ରହିହେବ। ଶରୀର ସୁସ୍ଥ ଥିଲେ ମନଟା ମଧ୍ୟ ପ୍ରଫୁଲ୍ଲ ଓ ନିରୋଗୀ ରହିବ।

ବିଶ୍ଵ ହାତ ଧୁଆ ଦିବସ ଆମକୁ ଏକ ସରଳ କିନ୍ତୁ ଗୁରୁତ୍ଵପୂର୍ଣ୍ଣ ସନ୍ଦେଶ ଦେଇଥାଏ – “ସୁସ୍ଥ ରହିବା ପାଇଁ, ହାତ ଧୁଅନ୍ତୁ।” ଆସନ୍ତୁ, ଆଜିର ଏହି ଦିବସରୁ ଆମେ ସମସ୍ତେ ପ୍ରତିଜ୍ଞା ନେବା ଯେ ନିୟମିତ ଭାବରେ ସାବୁନରେ ହାତ ଧୋଇ ନିଜେ ନିରୋଗୀ ରହିବା ଏବଂ ଆମ ପରିବାରକୁ ମଧ୍ୟ ରୋଗମୁକ୍ତ ରଖିବା। କାରଣ, ପରିଷ୍କାର ହାତରେ ଲୁକ୍କାୟିତ ରହିଛି ଆମର ସୁସ୍ଥ ଭବିଷ୍ୟତ।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!

ବିଶ୍ଵ ହାତ ଧୁଆ ଦିବସ: ସୁସ୍ଥ ଜୀବନର ସରଳ ମନ୍ତ୍ର

ବିଶ୍ଵ ହାତ ଧୁଆ ଦିବସ: ସୁସ୍ଥ ଜୀବନର ସରଳ ମନ୍ତ୍ର