ତୁ ନ ଥିଲେ ସ୍ବପ୍ନ ସବୁ
ବାଟ ଭାଙ୍ଗି ଚାଲିଯାଆନ୍ତି
ମୋ ଆଖିର ଲୁହରେ ମିଶି
କୋଣ ଟିଏ ଖୋଜି ନିଅନ୍ତି ,
ମୋ ସ୍ଵପ୍ନକୁ ଦେଖିଅଛି
ତୋର ସେ ନିରିହ ଆଖିରେ
ମୁଁ ଯେବେ ହାର ମାନିଅଛି
ସମ୍ଭାଳୁ ତୋ ମିଠା କଥାରେ...

ବୋଉ ତୁ ମୋ ଜୀବନ
ମୋ କବିତାର କେନ୍ଦ୍ର ବିନ୍ଦୁଟେ
ବ୍ୟସ୍ତ ତୋ ପାଈଁ ଏ ମନ
ମୋ ଜୀବନର ତୁ ହିଁ ଇନ୍ଦୁଟେ,
ତୋ ସୁସ୍ଥତାର କାମନାଟି
ମୋ ଖୁସିର ଖାସ କାରଣଟେ
ଅସୁସ୍ଥତାର ତୋ ସ୍ଥିତିଟି
ଧୀର ପାଣି ପରି ହୃଦୟ କାଟେ...

" ବୋଉ "
ତୁ ଖାଲି ନୁହେଁ
ମୋ'ର ଜୀବନ
ତୁ ମୋ'ର ସର୍ବସ୍ଵ
ତୁ ମୋ'ର ହୃଦୟର ସ୍ପନ୍ଦନ
ତୁ ମୋ'ର ଶରୀରର ସ୍ରଷ୍ଟା
ତୁ ମୋ'ର ଜନ୍ମ ଜନ୍ମାନ୍ତର
ତୁ ମୋ'ର ମୂଲ୍ୟବାନ ସମ୍ପଦ
ତୁ ମୋ'ର ଜୀବନ୍ତ ଈଶ୍ୱର
ତୁ ମୋ'ର ଅବଶେଷ ଆଶା
ତୁ ମୋ'ର ମିଠା ସ୍ପନ୍ଦନ
ତୁ ମୋ'ର ଆଦ୍ୟ ପ୍ରେମିକା
ତୁ ମୋ'ର ପ୍ରାଣ ପ୍ରଦାୟିନି
ତୁ ମୋ'ର ଚିର ପୂଜନୀୟା
ତୁ ମୋ'ର କଳ୍ପବୃକ୍ଷ ଛାୟା
ତୁ ମୋ'ର ସ୍ୱପ୍ନର ବାହକ
ତୁ ମୋ'ର କବିତାର ଶୀର୍ଷକ

" ବୋଉ "
ତୋ ବିନା
ସବୁ ଅର୍ଦ୍ଧ ଅର୍ଦ୍ଧାକାର
ସବୁ ଦେବତା ପଥର,
ତୋ ବିନା
ଅଥୟ ଜୀବନ ସାଗର
ଅଧୁରା ପ୍ରତିଟି ପ୍ରହର,

କାମନା କେବଳ ତୋ'ର ସୁସ୍ଥତାର
ମୋହ କେବଳ ତୁ
ତୁ ହିଁ ମୋର ମାର୍ଗ ଦର୍ଶିନି ମୋକ୍ଷର,
ଆଶା ଯଦି ଦୁଃଖ ଦିଏ
ମୋ ଜନ୍ମା ଜନ୍ମାନ୍ତାରର ସଞ୍ଚିତ ଆଶା ତୁ
ସେ ଆଶାରୁ ଜାତ
ଖୁସିର ଗନ୍ତାଘରଟିଏ ତୁ...

" ବୋଉ "
ତୁ ନ ଥିଲେ ସ୍ବପ୍ନ ସବୁ
ବାଟ ଭାଙ୍ଗି ଚାଲିଯାଆନ୍ତି
ମୋ ଆଖିର ଲୁହରେ ମିଶି
କୋଣ ଟିଏ ଖୋଜି ନିଅନ୍ତି ,
ମୋ ସ୍ଵପ୍ନକୁ ଦେଖିଅଛି
ତୋର ସେ ନିରିହ ଆଖିରେ
ମୁଁ ଯେବେ ହାର ମାନିଅଛି
ସମ୍ଭାଳୁ ତୋ ମିଠା କଥାରେ...
" ବୋଉ "
ତୁ ଖାଲି ନୁହେଁ
ମୋ'ର ଜୀବନ
ତୁ ମୋ'ର ସର୍ବସ୍ଵ ...

ବୋଉ - ତୁ ଶୀର୍ଷକ

'' ବୋଉ '' ଏମିତି ଏକ ଶଦ୍ଦ ଯାହା ପୁରୁଣା ହେଇପାରେ, କିନ୍ତୁ ତାର ମିଠାପଣ ଶହେ ଆଧୁନିକ ବିକଳ୍ପିତ ଡାକଠାରୁ ସହସ୍ର ଗୁଣା ଅଧିକ ।।