ଦୁଇ ବର୍ଷରେ ଥରେ ମା' ଆସନ୍ତି,
ଭକ୍ତ ମାନେ ମିଶି
ମଧ୍ୟରାତ୍ରି 12ଟାରେ ମା'ଙ୍କୁ ପାଛୋଟି ଆଣିବାକୁ ଯାଆନ୍ତି।
ନାରୀ ମାନେ ଦ୍ୱାରେ ଦ୍ୱାରେ ଅପେକ୍ଷା କରନ୍ତି,
ମା'ଙ୍କ ଆଗମନରେ ପାଦ ଧୋଇ ସ୍ଵାଗତ କରନ୍ତି।

ମା ଫୁଲରେ ଆସନ୍ତି, ଫୁଲରେ ରୁହନ୍ତି,
ତିରିଶ ଦିନ ଧରି, କେବେ ନ ଝାଉଳନ୍ତି।
ଗଲା ବେଳେ, ସେଇ ଫୁଲରେ ହିଁ ଯାଆନ୍ତି,
ଏହାହିଁ ମା'ଙ୍କ ଚମତ୍କାର ବୋଲି
ଭକ୍ତମାନେ କହନ୍ତି।

ମା'ଙ୍କ ଆସିବା ଖୁସିରେ,
ମା ଙ୍କ ଲାଗି ଖିରି-ପିଠା
ଭାର ଧରିଆସନ୍ତି

କିଏ ରାମ, ତ କିଏ ବଳରାମ,
କିଏ ରାଧା, କିଏ କୃଷ୍ଣ,
ମାନସିକ କରି ବିଭିନ୍ନ ବେସ ଧାରଣ କରନ୍ତି,
ଭକ୍ତିରେ ଦେହ-ମନ ଏକାକାର କରନ୍ତି।

ବଡ଼ ମେଳା ଲାଗେ,
ଗଳି-ଗଳି ଉତ୍ସବ ଜାଗେ।
ବ୍ରହ୍ମପୁର ସହର ମା ଙ୍କ ଲାଗି ଚମକି ଉଠେ

ମା' ବୁଢୀ ଠାକୁରାଣୀ ରାତିରେ ନଗର ସାହି-ସାହି ଵୁଲନ୍ତି,
ଢୋଲ, ପାଟୁଆ, ରଣଭେରୀ ସହିତ ଯାଆନ୍ତି।
ଝୁଣା ଧୂପ ଦୀପରେ ମହକୁଥାଏ,
ଆ଼ କି ସୁନ୍ଦର ମୁହୂର୍ତ୍ତ ସିଏ

ମା' ପ୍ରତି ବର୍ଷ ବସନ୍ତ ବନି ଆସନ୍ତ କି?
ତୁମକୁ ପ୍ରତିଦିନ ଦେଖିପାରନ୍ତି କି?
ସେଇ ସୌଭାଗ୍ୟ ମୋତେ ବି ଦେଇଥାନ୍ତ କି? ମା
ମୁ ବି ଧନ୍ୟ ହେଇ ଯାଇ ଥାନ୍ତି..

ଭୂମିକା ମହାରଣା
ପଶ୍ଚିମବଙ୍ଗ
26/୪/୨୦୨୫

ବ୍ରହ୍ମପୁର ବୁଢ଼ୀ ଠାକୁରାଣୀ ୟାତ୍ରା

ଦୁଇ ବର୍ଷରେ ଥରେ ଆସେ...