ଆଜି କାଲିର ଆଧୁନିକ ଯୁବପିଢି ହିସାବରେ ଆମ୍ଭମାନଙ୍କୁ ସମସ୍ତ ସମସ୍ୟାର ଆଧୁନିକ ସମାଧାନ ଖୋଜିବାକୁ ପଡ଼ିବ ବିନା ଅନ୍ୟମାନଙ୍କ ଉପରେ ନିର୍ଭର ନକରି ନିର୍ଭିକ ଓ ସାହସିକତା ର ସହ ସ୍ବୟଂ ନିର୍ଣ୍ଣୟ ନେବାକୁ ପଡ଼ିବ ନିଜର, ପରିବାରର, ପଞ୍ଚାୟତର, ଜିଲ୍ଲାର, ରାଜ୍ୟର ଏବଂ ଆମ ଦେଶରେ ଉପୁଜୁଥିବା ସମସ୍ତ ସମସ୍ୟାର। ସମସ୍ୟା କିଛି ବି ହୋଇପାରେ ଆତଙ୍କବାଦ, ଅର୍ଥନୈତିକ, ରାଜନୈତିକ ବା ବିଦେଶ ନୀତି । ଆଜିର ଆମର ଯୁବପିଢି ସମସ୍ତ ବିଦ୍ୟାରେ ପାରଙ୍ଗମ। ସମସ୍ତ ସମସ୍ୟାର ସମାଧାନ ବର୍ତ୍ତମାନ ତା ପାଖରେ ରହିଛି ଆଉ ସେହି ସମସ୍ୟା ରୁ କେମିତି ମୁକୁଳି ହବ ତାହାର ଉପାୟ ବି ତା ପାଖରେ ଉପଲବ୍ଧ।

ଆମେମାନେ ସମସ୍ତେ ଏହି ବିଷୟରେ ନିଶ୍ଚୟ ଅବଗତ ଅଛୁ ଯେ ଆଜିକାର ସମୟରେ ଦେଶର ସବୁଠାରୁ ବଡ଼ ସମସ୍ୟା ହେଉଛି ବେକାରୀ ସମସ୍ୟା । ଏହି ସମସ୍ୟା ବର୍ତ୍ତମାନ ଆମର ସମାଜ ଓ ଦେଶକୁ କେନସର୍ ପରି ଭିତର ଆଡରୁ ଫମ୍ପା କରିଦେଉଛି।ଆଉ ବହୁତ ଯୁବକ ଆତ୍ମହତ୍ୟା କରିବାକୁ ବାଧ୍ୟ ହେଉଛନ୍ତି। ଯାହା ଫଳରେ କେବଳ ଗୋଟିଏ ଜୀବନ ନୁହେଁ ବରଂ ପୁରା ପରିବାର ର ଜୀବନ ନଷ୍ଟ ହୋଇଯାଉଛି। ଗୋଟିଏ ବେକାରୀ ସମସ୍ୟା ତ ସମାଧାନ ହୋଇପାରିଲା ନାହିଁ କିନ୍ତୁ ଆତ୍ମହତ୍ୟା ଯୋଗୁ ପରିବାର ର ଅନ୍ୟ ସଦସ୍ୟମାନେ ବି ବେକାରୀ ସମସ୍ୟା ଆଡ଼କୁ ମାଡିବସିଲେ। ଗୋଟିଏ ବେକାରୀ ସମସ୍ୟା ବଦଳରେ ତିଆରି ହୋଇଗଲା ଆଉ ପାଞ୍ଚଗୋଟି ବେକାର।

ଆତ୍ମହତ୍ୟା ସବୁ ସମସ୍ୟାର ସମାଧାନ ନୁହଁ ବରଂ ଏହା ହେଉଛି ନୂତନ ସମସ୍ୟା ର ମୂଳାଧାର।

ଯଦି ଆମ ଦେଶର ଯୁବକ ପାଖରେ ସମସ୍ତ ସମସ୍ୟାର ସମାଧାନ ଅଛି ତା ହେଲେ କ'ଣ ଏହି ବେକାରୀ ସମସ୍ୟାର ସମାଧାନ ନାହିଁ। ଯଦି ଅଛି ତାହେଲେ ଏମିତି ସବୁ ତାଣ୍ଡବଲୀଳା ରଚିବାର କାରଣ କଣ । କ'ଣ ଶିକ୍ଷାଲାଭ କରିବାର ମାନେ କେବଳ ଚାକିରି କରିବା ଯଦି ଏମିତି ମାନସିକତା କାହାରି ପାଖରେ ରହିଛି ତା ହେଲେ କ୍ଷମା କରିବେ ଆପଣମାନେ ଶିକ୍ଷା ର ମାନ ବୁଝି ପାରିନାହାନ୍ତି ବା ଶିକ୍ଷାର ମାନ କୁ ହ୍ରାସ କରୁଛନ୍ତି।

ଶିକ୍ଷାଲାଭ ମାନେ କେବଳ ଚାକିରି କରିବା ନୁହଁ। ଶିକ୍ଷାଲାଭ ମାନେ ସ୍ଵାଭଲମ୍ବି ହେବା, ଜ୍ଞାନ ଅର୍ଜନ କରିବା, ସ୍ଵାଭିମାନୀ ହେବା,ଶିଷ୍ଟାଚାରୀ ହେବା, ବିଦ୍ୱାନ ହେବା।ଆଉ ଆମେମାନେ ସମସ୍ତେ ଜାଣିଛୁ ବିଦ୍ୱାନ ସର୍ବତ୍ର ପୃଜ୍ୟତେ। ବିଦ୍ୟାବଳରେଆମେ ସମସ୍ତେ ପୂରା ବ୍ରହ୍ମାଣ୍ଡ ବିଜୟୀ ହୋଇପାରିବା ତା ହେଲେ ଏହି ବେକାରୀ ସମସ୍ୟାର ସମାଧାନ କାହିଁକି ବା କରି ନ ପାରିବା

ଯେଉଁ ଦେଶର ଜନସଂଖ୍ୟା ବିଶ୍ଵର ସର୍ବାଧିକ ଅଟେ। ସେମିତି ଦେଶରେ ସମସ୍ତଙ୍କ ନିମନ୍ତେ ଚାକିରି ର ଆୟୋଜନ ବା ବନ୍ଦୋବସ୍ତ କରିବା କୈାଣସି ସରକାର ପକ୍ଷରେ ସମ୍ଭବ ନୁହଁ। ଚାକିରି ବା କେଉଁଠୁ ଆସିବ ଯଦି ସମସ୍ତଙ୍କ ନିମନ୍ତେ ଚାକିରି ର ଆୟୋଜନ ହୋଇଯାଏ ବି ତା ହେଲେ ସେମାନଙ୍କୁ ଦରମା କେମିତି ଦିଆଯିବା। ଏତେ ଟଙ୍କା ଆସିବ କେଉଁଠୁ। କ'ଣ ଆମର ଅର୍ଥବ୍ୟବସ୍ଥା ଏତେ ସୃଢୁଢ ଯେ ସେ ଆମ ଦେଶର ୪୦-୫୦ କୋଟି ଯୁବକ ଯୁବତୀ ମାନଙ୍କୁ ଦରମା ଦେଇ ଚାକିରି ରେ ରଖା ଯାଇପାରିବ କ'ଣ ଆମ ଦେଶର ଜିଡିପି ର ଏତେ କ୍ଷମତା ରହିଛି ଏହି ସବୁ ପ୍ରଶ୍ନର କେବଳ ଗୋଟିଏ ଉତ୍ତର ନାଁ କେବେବି ନୂହ ଏହା କଦାପି ସମ୍ଭବ ନୂହ। ଯଦିବି ଏମିତି ପ୍ରୟାସ କେବେ କରାଯାଏ ତେବେ ଦେଶର ସର୍ବନାଶ ହେବା ଥୟ। ଅର୍ଥନୀତି ର ପତନ ଘଟିବ।ଦେଶ ସର୍ବହରା ହୋଇ ନାଶ ହୋଇଯିବ।

ଏଥିରେ କୈାଣସି ସନ୍ଦେହ ନାହିଁ ଯେ ଆମ ଦେଶ ବର୍ତ୍ତମାନ ବିକାଶର ପଥରେ ଅଗ୍ରସର ହେଉଛି କିନ୍ତୁ ତାହାର ଏତେ ବି କ୍ଷମତା ନାହିଁ ବା ସେ ଏତିକି ସକ୍ଷମ ନୁହଁ କି ସେ ୪୦-୫୦ କୋଟି ଯୁବକ ଯୁବତୀ ମାନଙ୍କ ନିମନ୍ତେ ଚାକିରିର ଆୟୋଜନ କରିପାରିବ। ହଁ ଆମ ସରକାର ବି ଏହା ଜାଣିଛନ୍ତି ଯେ ବେକାରୀ ସମସ୍ୟା ଯେ କୌଣସି ଗୋଟିଏ ବିକାଶଶୀଳ ଦେଶପାଇଁ ବୋଝ ଅଟେ।ଆଉ ସେହି ସମସ୍ୟାର ସମାଧାନ ବିନା ବିକାଶର ସପନ ଅସମ୍ଭବ। ତେଣୁ ଆମ ଦେଶର ଲୋକପ୍ରିୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମୂଦ୍ରା ଯୋଜନା ମାଧ୍ୟମ ରେ ଯୁବକ ଯୁବତୀ ମାନଙ୍କୁ ବିନା ଗ୍ୟାରେଣ୍ଟି ରେ ଲୋନ୍ ପ୍ରଦାନ କରୁଛନ୍ତି। ଯେଉଁ ଦ୍ଵାରା ସେମାନେ ଯେ କୈାଣସି ବୃତ୍ତି ବା ବାଣିଜ୍ୟ କରି ନିଜର ଆଉ ନିଜ ପରିବାରର ଭରଣପୋଷଣ କରିପାରିବେ।

ବାଣୀଜ୍ୟ/ବ୍ୟବସାୟ କାହିଁକି

ବ୍ୟବସାୟ ଏଥିପାଇଁ କି ଚାକିରି ର କେବଳ ଗୋଟିଏ ବିକଳ୍ପ ଅଛି ତାହା ହେଉଛି ବାଶିଜ୍ୟ। ବ୍ୟବସାୟ କରିବା ବି କୈାଣସି ସହଯସାଧ୍ୟ କର୍ମ ନୁହଁ। ଯଦି ବ୍ୟବସାୟ ସହଯ ହୋଇ ଥାନ୍ତା ତା ହେଲେ ସମସ୍ତେ ବ୍ୟାପାର କରିଥାଆନ୍ତେ ଏହାର ବି ବହୁତ ଦୁଃସ ପରିଣାମ ରହିଛି କିନ୍ତୁ ଏହାର ସୁପରିଣାମ ବି ବହୁତ ଅଧିକ ଓ ସୁଖପ୍ରଦ ଅଟେ। ସମସ୍ତେ ବାଣିଜ୍ୟ ବ୍ୟବସାୟ କରିପାରିବେ ନାହିଁ। ଏଥିପାଇଁ ବି ଦରକାର ମାନସିକତା,ସାହାସ, ଧୋର୍ଯ୍ୟ, ସହନଶୀଳତା,ଗୋଟିଏ ଭଲ ବ୍ୟକ୍ତିତ୍ବ ଓ କଥା କହିବାରୁ ଶୈଳୀ। ବ୍ୟବସାୟ କରିବା ଯଦି ସହଜ ହୋଇଥାନ୍ତା ତା ହେଲେ ସମସ୍ତେ ବେପାର କରିଥାଆନ୍ତେ। ବେପାର କରିବା ପାଇଁଁ ଞାନ, ବୁଦ୍ଧି ଓ କୈଶଳ ର ଆବଶ୍ୟକତା ବି ରହିଛି। ସବୁଠାରୁ ଭଲ କଥା ହେଲା ଏଥିରେ ଆୟର କୈାଣସି ସୀମା ନ ଥାଏ ଅସୀମିତ ଆୟ ବାଣିଜ୍ୟ ଦ୍ବାରା କରାଯାଇ ପାରିବ। ଏଥିରେ ନିଜର ମନ ମୁତାବକ ସମୟ ଦେବାକୁ ପଡ଼ିବ। ନିଜ ଇଚ୍ଛାରେ ଛୁଟି ନେଇ ପାରିବେ ‌। ପରିବାର କିମ୍ବା ସାଙ୍ଗସାଥୀ ମାନଙ୍କର ମଧ୍ୟ ସାହାଯ୍ୟ ନେଇ ପାରିବେ। ଯେତେ ସମୟ କାମ କରିବେ ସେତେ ସମୟ ଧନ ସଂପତ୍ତି ଅର୍ଜନ କରିପାରିବେ। ନିଜ ସହ ଅନ୍ୟ ପିଲା ମାନଙ୍କୁ ବି ରୋଜଗାରକ୍ଷମ କରେଇ ପାରିବେ।

ସେଇଥି ପାଇଁ ମୁଁ ସମସ୍ତ ଯୁବପିଢି କୁ ଆହ୍ୱାନ ଦେବାକୁ ଚାହୁଁଚି ଯେ ସ୍ଵାଭଲମ୍ବି ହୁଅ। ସରକାର ଉପରେ ବହୁତ ନିର୍ଭରଶୀଳ ନ ରହି ନିଜର ଦକ୍ଷତା ର ପରିଚୟ ଦେଇ ବିଦ୍ୟା ବୁଦ୍ଧି ବଳରେ ଜୀବିକା ଅର୍ଜନ କର। ହଁ ମୁଁ ମାନୁଛି ବାଣିଜ୍ୟ ପାଇଁ ଟଙ୍କା ଦରକାର। ସରକାରଙ୍କ ମୂଦ୍ରା ଯୋଜନା ର ଲାଭ ଉଠାଅ।

ବ୍ୟବସାୟ କରିବା ପାଇଁଁ ସବୁବେଳେ ଅଧିକ ଟଙ୍କା ଦରକାର ପଡିନଥାଏ। ଛୋଟ ଚା ଦୋକାନ ବା ଫାଷ୍ଟ ଫୁଡ୍ ଦୋକାନ ପାଇଁ କେତେ ବା ଟଙ୍କା ଆବଶ୍ୟକ ହୋଇଥାଏ। ନିଜ ପରିବାର ଓ ସାଙ୍ଗସାଥୀ ମାନେ ବି ତୁମର ସହାୟତା କରିପାରିବେ। ଯେତେବେଳେ ଯାଏଁ ବ୍ୟବସାୟ ରେ ଅଭିଞତା ଆସିଛି ସେତେବେଳେ ଯାଏଁ କମ୍ ଟଙ୍କା ବ୍ୟବସାୟ କରିବା ଉଚିତ।

କଥାରେ ପରା ଅଛି ଛୋଟ ବାଣିଜ୍ୟ ଲମ୍ବା ଚାଷ

ଜୟ ହିନ୍ଦ୍ ଜୟ ଭାରତ ଜୟ ଶ୍ରୀରାମ ଜୟ ଜଗନ୍ନାଥ

ଲେଖକ: ସୁନୀଲ୍ କୁମାର୍ ଚୌଧୁରୀ

Writer: Sunil Kumar Choudhury

ବ୍ୟବସାୟ -ଆଜିର ଆବଶ୍ୟକତା Business is Need of the Hour

It's not possible for Any Govt to provide Job to The Youth When You are the Largest Populated Country in the World ...