ପ୍ରେମିକ ପାଇଁ ଭଲ ପାଇବା ଦିବସ କଣ??
ହଗ୍ ଡେ, ରୋଜ ଡେ, କିସ୍ ଡେ , ଟେଡି ଡେ
ଆଉ ଭାଲେଟା ଇନ ଡେ
ଏଇ କଣ ର ପ୍ରେମ ର ଅଭିବ୍ୟକ୍ତି!!
ପ୍ରେମ ତ ଉଛୁଳା ନଦୀ ...
ସବୁ ମୂହୁର୍ତ୍ତ କୁ ଜୀବନ୍ତ କରି ପାରୁଥିବା ଅନୁଭବ।।
ରାଗ ରେ ବି ପ୍ରେମ, ଅଭିମାନ ରେ ବି ପ୍ରେମ
ଋଷା ରେ ବି ପ୍ରେମ, କଟାକ୍ଷ ରେ ବି ପ୍ରେମ,
ନୀଳ ଲଫାପା ରେ ଥିବା
ଗୋଲ ଗୋଲ ହସ୍ତାକ୍ଷର ରେ ଥିବା ଶବ୍ଦ ବି ପ୍ରେମ,
ଆଉ ଗ୍ରୀଟିଂସ୍ କାର୍ଡ ଭିତରେ ଥିବା
ଶୁଖିଲା ନାଲି ଗୋଲାପ ପାଖୁଡା ବି ପ୍ରେମ,
କାରଣ ନଥିବା ହସ ବି ପ୍ରେମ
ବିରହ ର ଲୁହ ବି ପ୍ରେମ
ଆଜି କା ର ସହଜ ରେ କହି ହେଉଥିବା ପ୍ରେମ
କଥା ନୁହଁ,
ଏ ତ ଊନବିଂଶ ଶତାବ୍ଦୀ ର ପ୍ରେମ,
ଯେଉଁଠି ଡେ' ସବୁ ନ ଥିଲା।
ଥିଲା ଲୁଚା ଚୋରା ପ୍ରେମ ।।
ଝରକା ପାଖ ପରଦା ପଛରେ
ଜହ୍ନ ଆଲୁଅ ରେ ଏକା ଏକା ବସି ବାରେ
ମନ୍ଦିର ପାଖ ଫୁଲ ଦୋକାନ ରେ
ନା ହେଲେ ଗାଁ ର ମଝି ରାସ୍ତା ରେ...
ସବୁ ଜାଗା ରେ ପ୍ରେମ ର କୃଷ୍ଣ ଚୁଡ଼ା
ରଙ୍ଗୀନ ହେଉଥିଲା,
ନୂଆ ଭାଉଜ ଙ୍କ
ହାତ ରେ ଅଧାଲେଖା ହେଇଥିବା
ଚିଠି ଧରା ପଡ଼ିବାରେ ବି ପ୍ରେମ,
ପ୍ରେମିକା ଆଖି ରେ
ଆଖି ଗୋଟିଏ କ୍ଷଣ ବି ମିଶେଇ ବା ବି
ଅନନ୍ତ ପ୍ରେମ ର ମିଠା ଉତ୍ସବ।।
ଆଲିଙ୍ଗନ ବିନା ବି ଜବରଦସ୍ତ ପ୍ରେମ
ହେଇ ପାରେ,
ବିନା ଗୋଲାପ ରେ
ବି ଏମିତି ଗାଢ଼ ପ୍ରେମ ହେଇପାରେ,
ନୀଳ ଲଫାପା ଥିବା ବାସ୍ନା ଅକ୍ଷର ରେ,
ମୋ ରୁମାଲ ରେ ତା ହାତ ରେ
ବୁଣା ହେଇ ଥିବା
ଗୋଟିଏ ଅକ୍ଷର ବି ଅଜସ୍ର ପ୍ରେମ
ଆଲିଙ୍ଗନ।।
ଏ ହେଉଛି
ଉନବିଂଶ ଶତାବ୍ଦୀର ପ୍ରେମ !!
ଜୟଶ୍ରୀ ନନ୍ଦ

ଭାଲେନଟାଇନ ଦିବସ ଆଉ

ଉନବିଂଶ ଶତାବ୍ଦୀର ପ୍ରେମ...