କବିତା - ମନର ମାନସୀ

ଚଞ୍ଚଳ ବୟସୀ ମନର ମାନସୀ
ହୃଦୟର ରାଜଜେମା,
ସପ୍ରେମେ ସ୍ବାଗତ ସ୍ଵପ୍ନ ରାଇଜକୁ
କର ପ୍ରେମ ପରିକ୍ରମା। ୧।।

ଖୋଲା ରଖିଅଛି ହୃଦୟ ଦରଜା
ପ୍ରେମ ସୁଧା ବାଣ୍ଟିବାକୁ,
ଖୋସି ଆସିଥିବ ନାଲି ଗୋଲାପଟେ
ଗଭା ସହ ଖେଳିବାକୁ। ୨।।

ବଧୂ ବେଶେ ଆସ ନାଲି ଶାଢ଼ୀ ପିନ୍ଧି
ରାଜଜେମା ପରି ଗହଣା,
ରଜନୀଗନ୍ଧାରେ ବିଛଣା ବିଛାଇ
ହସାଇବା ସ୍ବପ୍ନ ଅଗଣା। ୩।।

ଭସାଇଣ ଦେବ ହସର ନଈରେ
ରାତି କାଳେ ଯିବ ପାହି,
ଶିଖି ଅଛ ଯେତେ ମିଠା ମିଠା ପ୍ରେମ
ସାରା ରାତି ଦେବ କହି। ୪।।

ଉଧାର ନେଇଛ ପ୍ରୀତିର ଚୁମ୍ବନ
ସୁଧ ସହ ଫେରାଇବ,
ହାରି ଅଛ ତୁମେ ସ୍ବପ୍ନ ପ୍ରେମ ସର୍ତ୍ତେ
ଆଲିଙ୍ଗନ ନିଶ୍ଚେ କରିବ। ୫।।

ମନା କରିବନି ସ୍ବପ୍ନ ଆସରକୁ
ଅନୁରୋଧ ମୋର ରଖିବ,
ଭିଯିଯିବ ରାତି ଅମୃତର ସାଥୀ
ପ୍ରେମ ସ୍ବପ୍ନ ରାତ୍ରେ ଆସିବ। ୬।।

ସୌମ୍ୟ ରଞ୍ଜନ ନନ୍ଦ
କେନ୍ଦୁଝର