ମହା ଶିବରାତ୍ରୀ

ଜାଳିବି ଜାଗର ଆହେ ଶମ୍ଭୁନାଥ

ରାତ୍ରୀ ରହି ଉଜାଗର

କରିବି ଦର୍ଶନ ଗାଈବି ଜଣାଣ

ହେ ପ୍ରଭୁ ନୀଳକଣ୍ଠେଶ୍ୱର ।।

ଶହେଆଠ ବେଲ ପତର

ନେଇ ଯିବି ଉତ୍ତରେଶ୍ୱର

ନଡ଼ିଆ,କଦଳୀ,କ୍ଷୀର ରେ

ପୂଜିବି ତୁମ ପୟର ।।

ପଳାଶ,ଗୟଶ,ଦୁଦୁରା,ଅରଖ

ଘେନ ମାର୍କଣ୍ଡେଶ୍ୱର

ତୁମ ମହାମନ୍ତ୍ର ଗାନ କରି କରି

ରହିବି ରାତି ଉଜାଗର ।।

ବରଷ ଯାକର ପାପ ନାଶ କରି

ଦିଅ ମୋତେ ଅନୁମତି

ହେ ଇଶ୍ଵାଣେଶ୍ୱର ଦିଅହେ ଶକ୍ତି

ଜାଳେ ମୁଁ ଜାଗର ବତୀ ।।

ତୁମ ମହାଦୀପ ଦେଖି ମୋର ମନୁ

ହେଉ ସବୁ ଦୁଃଖ ଦୂର

ହେ ପାତାଳେଶ୍ୱର ଏ ତୁମ ଜଗତ

କର ହେ ତୁମେ ଉଦ୍ଧାର ।।

ତୁମେ ବ୍ରହ୍ମେଶ୍ୱର ତୁମେ ସୋମେଶ୍ୱର

ତୁମେ ହେ ମକରେଶ୍ୱର

ମୁଁ ପାପୀ ଅଲେଖ ଶରଣେ ତୁମର

ଦୋଷ ବାରେ କ୍ଷମା କର ।।

ଅଲେଖ

All reactions:

14

You, Alekha Pal and 12 others