ମାଆ...ତୁମେ ଗୋଟିଏ ମୋବାଇଲ ନୁହଁ,
କିନ୍ତୁ ମୁଁ ତୁମ ପାଖରେ ନଥିଲେ
ଫୁଲ୍ ଚାର୍ଜ ଥିଲେ ବି
ମୋତେ ଏନର୍ଜି ନ ଥିଲା ଭଳି ଲାଗେ।

ତୁମେ ଗୋଟିଏ ଆଲାର୍ମ୍ ନୁହଁ,
କିନ୍ତୁ ତୁମ ମଧୁର କଣ୍ଠ ଧ୍ୱନିରେ ମୋ ନିଦ ଭାଙ୍ଗି ଯାଏ
"ଉଠ, ଏହା ଶୋଇବାର ବେଳ ନୁହଁ" ବୋଲି
ଶାନ୍ତ ସ୍ୱରରେ ଯେତେବେଳେ କହ,
ମୋ ମନ ଆଶାରେ ଭରିଯାଏ।

ତୁମେ ଗୁଗୁଲ୍ ମ୍ୟାପ୍ ନୁହଁ,
କିନ୍ତୁ ମୋ ଜୀବନର ପଥ ତୁମେ ଦେଖାଅ।
ଭୁଲ ଦିଗକୁ ଯାଉଥିବା ବେଳେ,
ତୁମ ନୀରବ ଦୃଷ୍ଟି ହିଁ
ମୋତେ ଠିକ୍ ଦିଗକୁ ଫେରାଇ ନେଇଥାଏ।

ତୁମେ ଇଂଷ୍ଟା କିମ୍ବା ସ୍ନାପଚାଟର ଫିଲ୍ଟର୍ ନୁହଁ,
କିନ୍ତୁ ତୁମ ହସ ମୋ ମୁହଁକୁ ଉଜ୍ଜ୍ୱଳ କରି ଦେଇଥାଏ।
ସେ ହସରେ ଥାଏ ଶକ୍ତି,
ଯାହା ମୋତେ ଆଗକୁ ବଢ଼ିବା ପାଇଁ ଆତ୍ମବଳ ଦିଏ।

ତୁମେ ୱାଟ୍ସଆପ୍ ଷ୍ଟାଟସ୍ ନୁହଁ,
କିଏ ଦେଖୁ କି ନ ଦେଖୁ ତାହାକୁ ଧ୍ୟାନ ଦିଏନି
କିନ୍ତୁ ମୁଁ ତୁମକୁ ସବୁବେଳେ ଦେଖେ
ଯେତେ ଦେଖିଲେ ବି ଆହୁରି ଦେଖିବାକୁ ଇଚ୍ଛା ହୁଏ।

ଜୀବନ ନିତି ନୂଆ ଆପ୍ଲିକେସନ୍ ଆଣିଥାଏ,
କିନ୍ତୁ ତୁମେ ହେଉଛ ଗୋଟିଏ ଡିଫଲ୍ଟ ଆପ୍
ଯାହା କି କେବେ ଅନ୍ଇନଷ୍ଟଲ୍ ହେବ ନାହିଁ।

ତୁମେ ଏକ ଏଆଇ ଚାଟବଟ୍ ନୁହଁ,
କିନ୍ତୁ ମୋ ପ୍ରଶ୍ନ ରହିବା ପୂର୍ବରୁ
ତୁମ ଉତ୍ତର ମୋର ମନକୁ ଶାନ୍ତ କରିଦିଏ।
ତୁମେ ହିଁ ମୋ ପ୍ରଥମ ଗୁରୁ,
ମୋ ଜୀବନର ସତ୍ୟ ଶିକ୍ଷୟିତ୍ରୀ।

ତୁମେ ଗୋଟିଏ ଗୁଗୁଲ୍ ଟ୍ରାନ୍ସଲେଟ୍ ନୁହଁ,
କିନ୍ତୁ ମୋ ଭିତରର ଅନୁଭୂତିକୁ
ଶବ୍ଦ ବିନା ବି ବୁଝିପାର,
ଏବଂ ତାହାକୁ ଅନୁବାଦ କରିଦିଅ ପ୍ରେମର ଭାଷାରେ।

ତୁମେ ଗୋଟିଏ ବ୍ଲୁଟୁଥ୍ ଡିଭାଇସ୍ ନୁହଁ,
କିନ୍ତୁ ମୋ ହୃଦୟ ସହ ଅଦୃଶ୍ୟ ସୂତ୍ରରେ
ସର୍ବଦା ଜଡିତ ହେଇକି ଅଛ।
ମୁଁ ଯେଉଁ ଆଡ଼େ ଗଲେ ବି ମୋ ସହ
ତୁମର ସ୍ନେହ ଚାଲିଯାଏ।

ତୁମେ ଗୋଟିଏ କ୍ୟାଲେଣ୍ଡର ରିମାଇଣ୍ଡର୍ ନୁହଁ,
କିନ୍ତୁ ମୋ ଜୀବନର ପ୍ରତ୍ୟେକ ମୂଲ୍ୟବାନ ଦିନ
ତୁମର ମନରେ ଅଦୃଶ୍ୟ ଭାବେ ଅଙ୍କିତ ଅଛି।
ମୁଁ ଭୁଲିଯାଏ କିନ୍ତୁ ତୁମେ ସଦା ସ୍ମରଣ ରଖିଥାଅ।

ତୁମେ ଗୋଟିଏ ଡାର୍କ୍ ମୋଡ୍ ନୁହଁ,
କିନ୍ତୁ ଯେତେବେଳେ ଜୀବନ ଅନ୍ଧାର ଧାରଣ କରେ,
ତୁମର ଜ୍ୟୋତିର୍ମୟ ସ୍ନେହ ଆଲୋକ ହୋଇ
ମୋ ମନକୁ ଆଶାର ଦିଗଦର୍ଶନ ଦିଏ।

ତୁମେ ଗୋଟିଏ ଡିଜିଟାଲ୍ ଲକ୍ ନୁହଁ,
କିନ୍ତୁ ତୁମର ସ୍ନେହ, ମମତା
ମୋ ହୃଦୟର ସମସ୍ତ ଭୟକୁ ଖୋଲିଦେଇ
ଆଶାର ଦ୍ୱାରକୁ ଖୋଲି ଦେଇଥାଏ।

ତୁମେ ଏକ କ୍ଲାଉଡ୍ ଷ୍ଟୋରେଜ୍ ନୁହଁ,
କିନ୍ତୁ ମୋ ସମସ୍ତ ସ୍ମୃତି ଅନୁଭୁତି ଓ ଆଶାକୁ
ତୁମ ହୃଦୟରେ ସର୍ବଦା ସୁରକ୍ଷିତ ଭାବେ ରଖିଥାଅ।

ପୂଜା ସା✍️

ମାଆ ତୁମେ

ମାଆ ତୁମେ