ମାଆ ଦଣ୍ଡ କାଳୀ

ଚଇତ ରେ ଦଣ୍ଡଯାତ

ତେର ଭକତିଆ ଦଣ୍ଡ ଗଡୁଥିବେ

କରିଥିବେ କାଷ୍ଠା ବ୍ରତ।

ଚାଲ ଯିବା ଶିବ କାଳୀ ଦେଖି

ଗଞ୍ଜାମ ପ୍ରସିଦ୍ଧ ଦଣ୍ଡ ନାଟ ଦେଖି

ଅପୁତ୍ରିକି ପୁତ୍ର, ଅନ୍ଧକୁ ନୟନ

ଦିଏ ମାଆ ଦଣ୍ଡକାଳୀ ଯାଚି ।

ତେର ଦିନ ପାଇଁ ଦାଣ୍ଡ ରେ ଲାଗିବ ନାଟ

ଗୁପତ କୋଠୀରେ ପାଟଭୁକ୍ତା ଥିବେ

ତେର ଭୁକୁତା ଙ୍କୁ ଧୂଳି ରେ ଗଡ଼ାଇ

ହାତେ ଧରିଛନ୍ତି ଆଜ୍ଞା ଛାଟ

ପଢନ୍ତି ଗୁପତ ପାଠ ।

ଖରା ହେଇଥିବ ଟାଇଁ ଟାଇଁ

ଝାଞ୍ଜି ପିଟୁଥିବ ଝାଇଁ ଝାଇଁ

କାନ୍ଧେ ପଇତା କୁ ହାତେ ଚମ୍ପାବଟ

ପାଣିଦଣ୍ଡ ସାରି ସାରନ୍ତୁ ପଣା ପଞ୍ଚାମ୍ବୃତ

ଉପାସିଆ ସବୁ ଇଶ୍ଵର ଚିନ୍ତନ୍ତି

ନିଆଁ ଓ କଣ୍ଟା ରେ ଚାଲିକି ।

ରୋଗ,ଶୋକ ଦୂର ପାଇଁ

ପ୍ରତ୍ୟେକ୍ଷ ଦେଖିବା ଯାଇ

ଧନ୍ୟ ଧନ୍ୟ ତାର ମହିମା କୁ

ଘଣ୍ଟ ତଳେ ରଖେ ଭକତ କୁ

କୋଟି ଦଣ୍ଡବତ ମା ଦଣ୍ଡକାଳୀ ଙ୍କୁ

ହରନ୍ତୁ ସର୍ବ ପ୍ରାଣୀଙ୍କ ଦୁଃଖ କୁ ।

ଅଲେଖ