ଆମେ ଘରୁ ବାହାରକୁ ବାହାରିଲା ବେଳେ ଗେଟ୍ ବା କବାଟ ଛୋଟିଆ ତାଲା ଟିଏ ଝୁଲାଇ ଚାଲିଯାଉ।ତେବେ କଣ ଏ ଛୋଟିଆ ତାଲା ଟିଏ ଉପରେ ଆପଣଙ୍କର ଏତେ ବିଶ୍ବାସ ସେ ଘରକୁ ସୁରକ୍ଷା ଦେଇପାରିବ?

ସଂକ୍ଷେପରେ

••••••••

ମନୁଷ୍ୟ ଏକ ସାମାଜିକ ପ୍ରାଣୀ ।ଆଦିମ କାଳରେ ଯେତେବେଳେ ମନୁଷ୍ୟ ବସବାସ ଆରମ୍ଭ କଲା ସେ ଏକାଠି ରହିବା ବା ସଂଗଠିତ ହୋଇ ରହିବା ଶିଖିବା। ପେଟକୁ ଖାଦ୍ୟ ଆବଶ୍ୟକ ଭଳି ମଣିଷର ଆଉ କିଛି ମଣିଷ ସହ ରହିବା ବି ସେତିକି ଆବଶ୍ୟକ ।ସେ ଧୀରେଧୀରେ ବୁଝିଲା ପ୍ରାକୃତିକ ବିପର୍ଯ୍ୟୟ ଆସୁ ବା କୃତ୍ରିମ ଏକତା ହିଁ ବଳ।

ଏକ ଜନସମୂହ , ନିର୍ଦିଷ୍ଟ ଏକ ଜାଗାରେ ରହି ,ସୁଖଦୁଃଖ, ହାନିଲାଭ ରେ , ପରସ୍ପର ପାଖରେ ଠିଆ ହୁଅନ୍ତି। ଧାର୍ମିକ ବା ପାରମ୍ପରିକ ଅନୁଷ୍ଠାନ ବା କାର୍ଯ୍ୟରେ ପରସ୍ପରକୁ ସାହାଯ୍ୟ କରନ୍ତି। ତାକୁ ସମାଜ ବୋଲି କହିପାରିବା।

ଆଗମ ସ୍ମିତ ଙ୍କ ଅନୁସାରେ - ମନୁଷ୍ୟ ପାରିପାର୍ଶ୍ବିକ ସ୍ଥିତି ରୁ ଲାଭ ନେବା ପାଇଁ ଯେଉଁ କୃତ୍ରିମ ଉପାୟ ଟି କଲା ତାହା ସମାଜ।

ମେକ୍ଆଇବର ଙ୍କ ଅନୁସାରେ ସମାଜ ର କିଛି ନିୟମ ରହିଛି। ସେଗୁଡିକ ହେଲା -

୧- ରୀତିନୀତି

୨- ଅଧିକାର

୩- ସ୍ୱତନ୍ତ୍ରତା

୪- କାର୍ଯ୍ୟପନ୍ଥା

୫- ପାରିପାର୍ଶ୍ବିକ ସହଯୋଗ

୬- ସମୂହ ତଥା ଉପସମୁହ

୭- ବ୍ୟକ୍ତି ର ବ୍ୟବହାର ନିୟନ୍ତ୍ରଣ

ସଂକ୍ଷେପରେ କହିଲେ ସମାଜ ଏକ ଉଦେଶ୍ୟ ପୂର୍ଣ୍ଣ ସମୂହ ଯାହା ଗୋଟିଏ କ୍ଷେତ୍ର ରେ, ପରସ୍ପର ସହ ସ୍ନେହ ସମ୍ମାନ ର ସମ୍ପର୍କ ରେ ବନ୍ଧା ହୋଇଥାଆନ୍ତି।

ସମାଜର ଉପକାରିତା

•••••••••••••••

ଆମେ ଜାଣୁ ଯେ ମାନବ ଏକ ସାମାଜିକ ପ୍ରାଣୀ।ସେ ଯେଉଁଠି ବସବାସ କରେ ତା ଚାରିପାଖେ ନିଜର ଏକ ସମାଜ ବନେଇ ନିଏ।ଏକ ସମ୍ପର୍କରେ ବାନ୍ଧି ହୋଇଯାଏ।ଘର ସଂସାର କରି ରହେ।ବ୍ରତ,ବିଭା, ସ୍ବାସ୍ଥ୍ୟ ଆଦି କାର୍ଯ୍ୟ ରେ ପରସ୍ପର ସହ କାନ୍ଧ ରେ କାନ୍ଧ ମିଶାଇ ଠିଆ ହୁଏ। ସେଇଥିପାଇଁ ତ ଯେତେବେଳେ ଆମେ ଘରେ ତାଲା ଟେ ଝୁଲାଇ ଚାଲିଯାଉ ତ ଆମର ବିଶ୍ୱାସ ଥାଏ ଯେ ମୋ ଆଖପାଖର ବହୁତ ଲୋକ ଅଛନ୍ତି ଏବଂ ଏତେ ଲୋକଙ୍କର ଆଖି ସାମନାରେ କେବେବି କୌଣସି ଅନୈତିକ କାର୍ଯ୍ୟକଳାପ ହୋଇ ପାରିବ ନାହିଁ।

ସମାଜରେ ମନୁଷ୍ୟର ବ୍ୟବହାର, କାର୍ଯ୍ୟ କଳାପ ର ବଳୟ ନିର୍ଧାରଣ ହୋଇଥାଏ। ତେଣୁ ମନୁଷ୍ୟ ନିଜେ ଜାଣିଶୁଣି କେବେବି ସେ ସୀମା ଲଂଘିବାକୁ ସାହାସ କରେନାହିଁ।

ଜନ କଲ୍ୟାଣ ପାଇଁ ସମାଜର ଲୋକମାନେ ପରସ୍ପର ର ସହଯୋଗରେ ଏକତ୍ରିତ ହୋଇ କାର୍ଯ୍ୟ କରନ୍ତି ଏହାଦ୍ବାରା ସାମ୍ପ୍ରଦାୟିକ ଭାତୃଭାବ ସମନ୍ବୟ ହୋଇଥାଏ।

ଅପକାରିତା

••••••••

ସମୟାନୁକ୍ରମେ ସାମାଜିକ ପ୍ରଥା ଗୁଡ଼ିକ କୁପ୍ରଥା ଭାବେ ମୁଣ୍ଡ ଟେକିବା ଆରମ୍ଭ କରିଛି ଯାହା ମାନବ ର ଅତିରିକ୍ତ ଜୀବନକୁ ପ୍ରଭାବିତ କରେ।ମନୁଷ୍ୟ ନିଜର ବ୍ୟକ୍ତିଗତ ଜୀବନ ରେ କାହାର ହସ୍ତକ୍ଷେପ ଚାହେଁନା। ବେଳେ ବେଳେ ସମାଜ ଅନ୍ୟର ଜୀବନ ଉପରେ ଆକ୍ଷେପ କରେ। ଯାହା ଆମ ନୈତିକତା ଦୃଷ୍ଟିରୁ ମଧ୍ୟ ଅନ୍ୟାୟ।

ଉପସଂହାର

•••••••

ପରିଶେଷରେ, ସର୍ବୋପରି ଗୋଟିଏ କଥା କୁହାଯାଇପାରେ,ଯେ ମନୁଷ୍ୟ ସମାଜ ବିନା ବଞ୍ଚି ପାରିବ ନାହିଁ। ଏବଂ ଏକ ସୁସ୍ଥ ତଥା ସମୃଦ୍ଧ ସମାଜ ରେ ବଞ୍ଚିବା ମନୁଷ୍ୟ ର ହିଁ ଅଧିକାର। ଆଗାମୀ ପିଢୀ ପାଇଁ ଏକ ସୁନ୍ଦର ସମାଜ ଗଢ଼ିବା ଆମ କର୍ତ୍ତବ୍ୟ। ଏବଂ ଏହି ସମାଜ କୁ ଉତ୍ତମ ରୂପରେ ଗଢିତୋଳିଲେ ମାନବ ଜୀବନ ଧନ୍ୟ ହେବ।rm

ପରମିତା ମିଶ୍ର

ବ୍ରହ୍ମପୁର, ଖୋଡାସିଙ୍ଗ-୧୦

ମାନବ ସମାଜ (Human society)