ସାରା ଭାରତ ବର୍ଷ ର କାଳୀ ପୂଜା ଠାରୁ ଆମ ଶ୍ରୀକ୍ଷେତ୍ର ର କାଳୀ ପୂଜା ଭିନ୍ନ, ଆମ ଶ୍ରୀକ୍ଷେତ୍ର ରେ ଗଛ କାଳୀ, ବେଢାକାଳୀ, ଶ୍ୟାମା କାଳୀ, ଦକ୍ଷିଣକାଳୀ, ଉତ୍ତର କାଳୀ ଙ୍କୁ ଆରାଧନା କରାଯାଏ l ଶ୍ରୀକ୍ଷେତ୍ର ଠୁ ଅଳ୍ପ ଦୂର ଚନ୍ଦନପୁର ଠାରେ କାଳୀ ମେଳଣ ଅନୁଷ୍ଠିତ ହୁଏ କାଳୀ ପୂଜା ର ପରଦିନ ବିଳମ୍ବିତ ରାତି ରୁ ଏ ମେଳଣ ଆରମ୍ଭ ହୋଇ ଭୋର ହୋଇଯାଏ ଶେଷ ହେବା ପାଇଁ,

ଏହି ଭାଷାଣୀ ଟି ନିଆରା କାରଣ ଏଥିରେ ତିନି ଭଉଣୀ ଙ୍କ ମେଳଣ ହୁଏ ପରେ ବିସର୍ଜନ, ଏଭଳି ପରମ୍ପରା ଆମ ଶ୍ରୀକ୍ଷେତ୍ର ରେ ହିଁ ରହିଛି, ତିନି ଭଉଣୀ ଯଥାକ୍ରମେ ବୀରପ୍ରତାପପୁର ର ମା କାମରୂପା (କରମଙ୍ଗା ଗଛ ତଳେ ପୂଜା ପାଆନ୍ତି ) ସମାଜଜପୁର ର ମା ଉଗ୍ରତାରା ଓ ବିରଗୋବିନ୍ଦପୁର ର ମା ଦକ୍ଷିଣକାଳୀ,ତିନି ଜଣ ଶଗଡ଼ ରେ ଆସନ୍ତି ଓ ଚନ୍ଦନପୁର ବଜାର ରେ ପରସ୍ପର କୁ ଭେଟନ୍ତି ପରେ ବିସର୍ଜନ l

ତିନି ଜଣ ଙ୍କ ର ମୃଣ୍ମୟୀ ପ୍ରତିମା ଗଢ଼ା ଯାଇ ପୂଜା କରାଯାଏ, ମା ଦକ୍ଷିଣକାଳୀ ଙ୍କ ପାଖେ ତ ବଳି ବି ପଡିଥାଏ କାଳକ୍ରମେ ତାହା କମିଆସିଲାଣି l

ତେବେ ଆମ ଘର ପୁରୀ ସହର ରେ ହୋଇ ମଧ୍ୟ ଏ ମେଳଣ ଟି ମୁଁ କେବେ ଦେଖିନଥିଲି କେବଳ ଯାହା ଶୁଣିଥିଲି ଆଉ ପଢ଼ିଥିଲି ଆଉ ଭିଡିଓ ଦେଖିଥିଲି ଗତବର୍ଷ ମୋ ମନରେ ଅନେକ ଇଚ୍ଛା ଥାଏ କେମିତି ଟିକେ ଭାଷାଣୀ ଦେଖିବି ଯେଉଁଦିନ ବିସର୍ଜନ ଆରମ୍ଭ ହେବ ସେଦିନ ସନ୍ଧ୍ୟା ରେ ଦକ୍ଷିଣକାଳୀ ଓ କାମରୂପା ଙ୍କୁ ଦର୍ଶନ କରିବାକୁ ଯାଇଥିଲୁ ସାଙ୍ଗ ମାନେ ଆଗରୁ ଦକ୍ଷିଣକାଳୀ ଙ୍କୁ ଦେଖିଥିଲି କିନ୍ତୁ ମା କାମରୂପା ଙ୍କୁ ପ୍ରଥମ କରି ଦେଖୁଥିଲି ସେଠି ବହୁତ ମେଳା ବି ପଡିଥିଲା ଭାରି ଭିଡ଼ ଥିଲା ଖୁସି ରେ ଆଖିରୁ ଲୁହ ଝରି ଆସିଲା ମା ଙ୍କୁ ମୁଣ୍ଡିଆ ମାରି ଦୀପ ଲଗେଇଲୁ ସେତବେଳକୁ ରାତି ପ୍ରାୟ ୭ ଶୀତ ରାତି ପୁଣି ପୁରୀ ଫେରିବାର ଥିଲା କିନ୍ତୁ ମା ଉଗ୍ରତାରା ଙ୍କ ପୀଠ କୁ ବି ଯିବାର ଅନେକ ଇଚ୍ଛା ଥିଲା ହେଲେ ଘରୁ ବାରମ୍ବାର ଫୋନ ଆଉ ଫେରିବା ବାଟ ବି ଶୂନଶାନ ହେତୁ ବାଧ୍ୟ ହୋଇ ଘରକୁ ଫେରିଲୁ ମୁଁ କିନ୍ତୁ କାନ୍ଦି କାନ୍ଦି ଫେରିଥାଏ କାରଣ ମୋ ମନରେ ବହୁତ ଇଚ୍ଛା ଥିଲା ମା ଙ୍କୁ ଟିକେ ଦେଖିବାର ସେଦିନ ବିଳମ୍ବିତ ରାତ୍ରିରେ ଭାଷାଣୀ ଆରମ୍ଭ ହେଲା ଆମେ ସାଙ୍ଗ ମାନେ ସ୍ଥିର କଲୁ ଭୋରୁ ଚନ୍ଦନପୁର ଯିବା ଆଉ ସେଠି ମା ଙ୍କ ମେଳଣ ଦେଖିବା ସତ କଥା ହେଲା ଡର ଟିକେ ଟିକେ ଲାଗୁଥାଏ କାରଣ ଆମେ ଏଠୁ ରାତି ୪. ୩୦ ରୁ ନ ବାହାରିଲେ ହେବନି ପୁଣି ଶୀତ ଦିନ କୁହୁଡି ଆଉ ଗୋଟେ ସ୍କୁଟି ରେ ଆମେ ତିନି ଝିଅ ତଥାପି ମନ କୁ ଦୃଢ଼ କରି ଯିବୁ ବୋଲି ସ୍ଥିର କରିଲୁ ପୁଣି ଆଉ ଏକ ଭୟ ଥାଏ ଯଦି ଆମେ ପହଂଚିବା ପୂର୍ବରୁ ମା ମାନଙ୍କ ଭେଟ ସରିଯିବ ଆମେ ଦେଖିପାରିବୁନି ଅସମାହିତ ପ୍ରଶ୍ନ, କିନ୍ତୁ ଅଫିସ ର ଜଣେ ବାନ୍ଧବୀ ଙ୍କ ଘର ସେଇ ଚନ୍ଦନପୁର ତେଣୁ ସେ ଆମକୁ ଖବର ଦେବେ ବୋଲି କହିଲେ ଆମେ ଆଲାର୍ମ ତ ଦେଇଥିଲୁ ତଥାପି ଟିକେ ଡେରି ହେଇଯାଇଥାଏ ଘରୁ ପ୍ରାୟ ୫. ୨୦ ଆସିକି ବାହାରିଲୁ ଅନ୍ଧାର କୁ କୁହୁଡି ବାଟ ଦିଶୁନାଥାଏ ରାସ୍ତା ଶୂନଶାନ ଆଉ ଆମେ ତିନି ଝିଅ ଗୋଟିଏ ସ୍କୁଟି ରେ ମା ଙ୍କୁ ସୁମରି ଚାଲିଥାଏ, ସେଠାକାର ବାନ୍ଧବୀ ଖବର ଦେଲେ ଯେ ମା ଅସିଗଲେଣି କେବଳ ଦକ୍ଷିଣୀକାଳୀ ଆସିନାହାନ୍ତି ସେତବେଳକୁ ଆମେ ଯୋଉଠି ଥାଉ ଆହୁରି ୧୫ ମିନିଟ ଲାଗିବ ସେଠି ପହଂଚିବାକୁ ତଥାପି ଆଶା ଛାଡ଼ିନାଥାଉ ମା ଙ୍କୁ ଡାକି ଆଗକୁ ଚାଲିଲୁ ସେଠି ପହଂଚି ଦେଖିଲା ବେଳକୁ ଦକ୍ଷିଣୀକାଳୀ ଆସିନାହାନ୍ତି କାରଣ ତାଙ୍କ ଶଗଡ଼ ର ଚକ ଟି ମରାମତି ହେଉଥାଏ ମୋ ମନ ଏତେ ଖୁସି ହେଇଗଲା ଯେ ମୁଁ କାନ୍ଦି ପକେଇଲି ମା ମା ଡାକି ମା ଯେ ମୋ ପାଇଁ ନିଜ ଶଗଡ଼ ର ଚକା ଖରାପ କରିଦେଲା ମୋ ପାଇଁ ମେଳଣ କୁ ଅଟକାଇ ଦେଲା ମୁଁ ଖୁସି ରେ ଗଦଗଦ ହେଇଯାଉଥାଏ ତାପରେ ଫର୍ଚ୍ଚା ହେବା ଆରମ୍ବ ହୋଇଯାଇଥାଏ ଧୀରେ ଧୀରେ ପ୍ରସେସନ ସବୁ ଆସିଲା ତିନି ମା ଯାକ ଆଗ ପଛ ହୋଇ ଆସିଲେ ଆଉ ଆମେ ଯେଉଁଠି ଛିଡା ହଇଥିଲୁ ସେଠି ମେଳଣ ହେଲା ତିନି ଭଉଣୀ ଙ୍କ ର ଆଉ ସତ କହୁଛି ଏସବୁ ଲେଖିବା ବେଳେ ବି ମୋ ହାତ ଥରୁଛି ଆଉ ଆଖି ରୁ ଲୁହ ଆସିଯାଉଛି ମୁଁ ସେ ସମୟ ରେ ଏତେ ଭାବ ବିହଲ ହେଇଯାଇଥିଲି ଯେ ମତେ ଲାଗୁଥିଲା ମୁଁ ବୋଧେ ପୃଥିବୀପୃଷ୍ଟ ରେ ହିଁ ନାହିଁ ଆଉ ସେ ସମୟ ରେ ପୁଣି ଏକ ଚମତ୍କାର ହେଲା ମା ଙ୍କ ପୂଜାରୀ ମା ଙ୍କ ମୁଣ୍ଡରୁ ଫୁଲ ଫୋପାଡ଼ିଲେ ଆଉ ତାହା ମୋ ମୁଣ୍ଡରେ ଆଉ ହାତରେ ମଧ୍ୟ ପଡିଲା ସେ ଖୁସି ମୁଁ ସତରେ ଭାଷାରେ ଲେଖିପାରିବି ନାହିଁ ବାସ୍ତବରେ ମନରୁ ଡାକିଲେ ମା ଶୁଣେ ଶୁଣିବାକୁ ବାଧ୍ୟ ହୁଏ ତା ସନ୍ତାନ କଥା ସେଦିନ ର ସେ ସ୍ମୃତି ସବୁଦିନ ପାଇଁ ସତେଜ ହୋଇ ରହିଛି ଆଉ ରହିବ ମଧ୍ୟ, ଏବର୍ଷ ବି ଆଶା କରିଛି ମା ପାଖକୁ ଯିବି.. ସେ ତ ମା ଜଗତଜନନୀ ସଭିଙ୍କ ମନ କଥା ଜାଣିପାରେ ଆଉ ମାଗିବା ଆଗରୁ ପୁରଣ ମଧ୍ୟ କରେ ମା ଲୋ ତୋ ଆଶିଷ ସଦା ସର୍ବଦା ଏମିତି ରଖିଥା..

ଜୟ ମା ଦକ୍ଷିଣୀକାଳୀ

ମା ମୋ ପାଇଁ ଅଟକାଇଲେ ଶଗଡ଼

କାଳୀ ପୂଜା ମେଳଣ କୁ ନେଇ ମୋ ଅନୁଭୂତି ରୁ କିଛି