ଆଜି ଆମେ ଜଣେ ଅସାଧାରଣ ବ୍ୟକ୍ତିଙ୍କୁ ମନେ ପକାଉଛୁ, ଯାହାଙ୍କୁ ସାରା ଦେଶ 'ମିସାଇଲ ମ୍ୟାନ୍' ବୋଲି ଚିହ୍ନି ଥାଏ। ତାଙ୍କ ନାମ ଥିଲା ଡକ୍ଟର ଏ.ପି.ଜେ. ଅବ୍ଦୁଲ କଲାମ। ତାଙ୍କର ଜନ୍ମ ଦିନ ହେଉଛି ଏକ ଅବସର, ଯେଉଁ ଦିନ ଆମେ କେବଳ ତାଙ୍କୁ ସ୍ମରଣ କରିବା ନୁହେଁ, ବରଂ ତାଙ୍କ ଜୀବନରୁ କିଛି ମହତ୍ତ୍ୱପୂର୍ଣ୍ଣ ଶିକ୍ଷା ନେବା।

ଡକ୍ଟର କଲାମ ଜନ୍ମ ହୋଇଥିଲେ ଏକ ସାଧାରଣ ପରିବାରରେ। ତାଙ୍କ ପିତା ଜଣେ ନୌକା ଚଳାଉଥିଲେ ଏବଂ ଘରେ ଅନେକ ସଦସ୍ୟ ଥିଲେ। ଛୋଟ ବୟସରେ ସେ ଖବର କାଗଜ ବାଣ୍ଟି ପରିବାରକ ସାହାଯ୍ୟ କରୁଥିଲେ। ତାଙ୍କ ଜୀବନ ଆରମ୍ଭ ହୋଇଥିଲା ଅନେକ କଷ୍ଟ ସହିତ, କିନ୍ତୁ ସେ କେବେ ହେଲେ ହାର ମାନି ନାହାଁନ୍ତି। ଏହି ଗଳ୍ପ ଆମକୁ ଶିଖାଏ ଯେ, ଜୀବନରେ ସଫଳ ହେବା ପାଇଁ ଧନ କିମ୍ବା ବଡ଼ ପରିବାର ଜରୁରୀ ନୁହେଁ, ଜରୁରୀ ହେଉଛି କଠିନ ପରିଶ୍ରମ କରିବାର ଇଚ୍ଛା ଶକ୍ତି।

ଡକ୍ଟର କଲାମ ଜଣେ ମହାନ ବିଜ୍ଞାନୀ ଭାବରେ ଖ୍ୟାତି ଅର୍ଜନ କରିଥିଲେ। ଭାରତର ମିସାଇଲ୍ କାର୍ଯ୍ୟକ୍ରମରେ ତାଙ୍କର ଅବଦାନ ଅତୁଳନୀୟ। ତାଙ୍କ ନେତୃତ୍ୱରେ ଭାରତ ପୋଖରାନ-୨ ପରମାଣୁ ପରୀକ୍ଷା କରି ଦେଖାଇ ଦେଇଥିଲା ଯେ ଆମେ ମଧ୍ୟ ଏକ ଶକ୍ତିଶାଳୀ ରାଷ୍ଟ୍ର। ତେଣୁ ତାଙ୍କୁ 'ମିସାଇଲ ମ୍ୟାନ୍' ଡାକନ୍ତି। କିନ୍ତୁ ସେ କେବଳ ମିସାଇଲ୍ ବନାଇବାରେ ସୀମିତ ନଥିଲେ। ସେ ଚାହୁଁଥିଲେ ଯେ ଭାରତବର୍ଷ ବିଜ୍ଞାନ ଏବଂ ପ୍ରଯୁକ୍ତିବିଦ୍ୟାରେ ସାରା ଦୁନିଆରେ ଆଗୁଆ ହେବ।

ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ଡକ୍ଟର କଲାମ ଜଣେ ଭଲ ମନୁଷ୍ୟ ମଧ୍ୟ ଥିଲେ। ସେ ବଡ଼ ବଡ଼ ଡିଗ୍ରୀ ପାଇଥିଲେ ବି, ତାଙ୍କ ମନରେ ଅହଂକାର ନଥିଲା। ସେ ବଚ୍ଚାମାନଙ୍କୁ ବହୁତ ଭଲ ପାଉଥିଲେ ଏବଂ ସେମାନଙ୍କୁ ସରଳ ଭାଷାରେ ଜ୍ଞାନ ଦେଉଥିଲେ। ସେ ବଚ୍ଚାମାନଙ୍କୁ ସ୍ୱପ୍ନ ଦେଖିବା ଏବଂ ସେହି ସ୍ୱପ୍ନକୁ ପୂରଣ କରିବା ପାଇଁ ଉତ୍ସାହିତ କରୁଥିଲେ। ତାଙ୍କର ପ୍ରସିଦ୍ଧ ଉକ୍ତି ଥିଲା, "ସ୍ୱପ୍ନ ସେହି ନୁହେଁ ଯାହା ଆପଣ ରାତିରେ ଶୋଇଲା ବେଳେ ଦେଖନ୍ତି, ସ୍ୱପ୍ନ ହେଉଛି ସେହି ଜିନିଷ ଯାହା ଆପଣକୁ ରାତିରେ ଶୋଇବାକୁ ଦେଇନାହିଁ।"

ଡକ୍ଟର କଲାମ ଜଣେ ସାଧାରଣ ବ୍ୟକ୍ତି ଥିଲେ, କିନ୍ତୁ ତାଙ୍କର ଚିନ୍ତାଧାରା ଏବଂ କାର୍ଯ୍ୟ ତାଙ୍କୁ ଅସାଧାରଣ କରି ତୋଳିଥିଲା। ତାଙ୍କ ଜୀବନ ଆମକୁ ଶିଖାଏ ଯେ ନିଜ ଉପରେ ବିଶ୍ୱାସ ରଖିବା, କଠିନ ପରିଶ୍ରମ କରିବା ଏବଂ ସରଳ ରହିବା କେତେ ଗୁରୁତ୍ୱପୂର୍ଣ୍ଣ। ତେଣୁ ତାଙ୍କର ଜନ୍ମ ଦିବସରେ, ଆସନ୍ତୁ ଆମେ ତାଙ୍କୁ କେବଳ ସ୍ମରଣ ନକରି, ତାଙ୍କର ଦିଆଯାଇଥିବା ଶିକ୍ଷାକୁ ନିଜ ଜୀବନରେ ଆପଣାଇ ଦେଶ ଏବଂ ସମାଜ ପାଇଁ କିଛି ଭଲ କାମ କରିବାର ପ୍ରତିଶ୍ରୁତି ନେଇଥାଉ। ଏହି ପ୍ରକାରେ, ଆମେ ତାଙ୍କୁ ସତ୍ୟିକ ଭାବରେ ଶ୍ରଦ୍ଧାଞ୍ଜଳି ଦେଇପାରିବୁ।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!

ମିସାଇଲ ମ୍ୟାନଙ୍କ ଜନ୍ମ ଦିବସରେ ସ୍ମରଣ

ମିସାଇଲ ମ୍ୟାନଙ୍କ ଜନ୍ମ ଦିବସରେ ସ୍ମରଣ