ମୁଁ ଉତ୍କଳ ଭୂମି
~~~~~~~~~~

ବୀର ପୁତ୍ର କେତେ, କେତେ ବିରାଙ୍ଗନା
ରଖି ଅଛି ମୋର ମାଟିରେ ସାଇତି
ବଳିଦାନ ସବୁ ତାଙ୍କ ଉପକାର
ସଜାଇ ହୋଇ ଏ ଛାତିରେ ରହିଛି ||
ମାତୃଭୂମି କୁ ସେ ସ୍ୱର୍ଗ ମାନିଥିଲେ
ରାଜା ଗଜପତି, ମାଳତୀ, ଜଇୟା
ଜାତି କୁ କୁଟୁମ୍ବ ଜାଣି ଚାଲିଥିଲେ
ଗୋପବନ୍ଧୁ, ମୁଧୁ ସୁଦନ, ବାଜିୟା ||
ମୋର ପ୍ରତି ଏକ ଧୂଳି କଣା ପାଇଁ
ଲଢ଼ି ଅଛି ଯିଏ ଶେଷ ଶ୍ୱାସ ଯାଏ
ତାକୁ କିପରି ବା ମୁଁ ଭୁଲି ପାରିବି?
ମୋ ମାଟି ର ଶେଷ ବିନ୍ଦୁ ଥିବା ଯାଏ ||

ମୁଁ ଶାନ୍ତି, ସମୃଦ୍ଧି, ସଂସ୍କୃତି ରେ ଧନୀ
ମୋର ନୀତି ପରି ଆଉ ନୀତି ନାହିଁ
ଷାଠିଏ ପଉଟି , ନିର୍ମାଲ୍ୟ ମୋହର
ମୋ ଜାଗା କାଳିଆ ଭଳି କିଏ କାହିଁ?
ମୋ ହୃଦୟ ଭାଗ ଅନେକ ରହିଛି
ରସୋଗଲା, ମଣ୍ଡା, ମୋ ପଖାଳ ପାଣି
ଆତ୍ମା ମୋ ପିଣ୍ଡ ର ଆରିସା, କାକରା,
ପଡୋପିଠା ମୋର, ମୋ ଟଙ୍କତୋରାଣି ||

ମୁଁ ଶକ୍ତି, ସୌନ୍ଦର୍ଯ୍ୟ, କାରୁକାର୍ଯ୍ୟ ପୂର୍ଣ୍ଣ
ମୋ ପିଣ୍ଡ ରେ ପୂଜା ପାଆନ୍ତି ଗଉରୀ
ଚଣ୍ଡୀ,ତାରିଣୀ, ମୋ ଉଗ୍ରତାର ପୀଠ,
ସମଲେଶ୍ୱରୀ ମୋ ଚିର ପୁଜ୍ୟା ନାରୀ ||
ଶ୍ରୀକ୍ଷେତ୍ର ର ମୋର ବର୍ଣନା ନହୁଏ
ଚକିତ କରାଏ କୋଣାର୍କ ର କାର୍ଯ୍ୟ
ଧବଳେଶ୍ୱର ରେ ଚଳନ୍ତି ପ୍ରତିମା
ସତ୍ୟ ମୋର ଶିବ ବାବା ଲିଙ୍ଗରାଜ ||

ମୋ ପ୍ରତି ଅଙ୍ଗର ଇତିହାସ ଅଛି
କଟକ, ପୁରୀ କି ହେଉ ବାଲେଶ୍ୱର
କଥା କୁହା ସବୁ, କାହାଣୀ କହିବେ
ଭୁବନେଶ୍ୱର ବା ହେଉ ଯାଜପୁର ||
ମୋ ପ୍ରତି ମାଟିରୁ ଅମର ସଂଗୀତ
ବିଜୟର ଗାଥା ଶୁଣା ଯାଉଅଛି
ଉତ୍କଳ ଭୂମି ମୁଁ ଗର୍ବ କରେ ଆଜି
ସତେ ସେ ଚିତ୍କାର କରି ଜଣାଉଛି ||
କେତେ ବିଘ୍ନ, କେତେ ସଂଘର୍ଷ ଅନ୍ତରେ
ମୁକ୍ତ ଆଜି ଅଟେ, ମୁଁ ଅଟେ ସ୍ୱାଧୀନ
ଉତ୍କଳ ଭୂମି ମୁଁ, ମୋ ମହାବାହୁ ର
ଉତ୍କଳ ଭୂମି ମୁଁ ନିର୍ଭରହୀନ ||

~ଆଞ୍ଚଲ ଆୟୁଷ୍ମତୀ

ମୁଁ ଉତ୍କଳ ଭୂମି

ଉତ୍କଳ ଦିବସ ର ହାର୍ଦିକ ଅଭିନନ୍ଦନ ଓ ଶୁଭେଚ୍ଛା