ଓଡିଆ ଭାଷା କୁ ନେଇ ବର୍ତ୍ତମାନର ସମାଜ ଟିକେ ବେଶୀ ଚଳଚଞ୍ଚଳ ହୋଇଉଠିଛି। ଅସ୍ମିତା ଶବ୍ଦଟି କ୍ଷୀପ୍ର ଗତିରେ ଗତି କରୁଛି । ଆବାଳ- ବୃଦ୍ଧ-ବନିତା ସମସ୍ତଙ୍କ ମୁଖରେ ଓଡ଼ିଆ ଅସ୍ମିତା । ଓଡିଆ ଅସ୍ମିତା ଏଠି ସକାଳର ଟି ବ୍ରେକ୍ ପରି ଏବଂ ରାତିର ଡିନର୍ ପରି I ସକାଳ ଖବର କାଗଜ ଖୋଲିଲେ ଆମ ଅସ୍ମିତା ? ରାତି ରେ ନ୍ୟୁଜ୍ ଦେଖିଲେ ଅସ୍ମିତା କ'ଣ ? ଏଇ କେତେ ଦିନ ମଧ୍ୟରେ କ'ଣ ଅସ୍ମିତାର ସୃଷ୍ଟି ! ଅସ୍ମିତା କ'ଣ ? ଅସ୍ମିତା ଶବ୍ଦ ବୁଝିନ ଥିବା ଲୋକଙ୍କ ମୁଖରେ ଏହି ଶବ୍ଦ ପୁଣି ଏହା କ'ଣ ,କିପରି, କେମିତି, କାହିଁକି ଜଣା ନ ଥିବା ଲୋକଙ୍କ ମୁହଁ ରେ ମଧ୍ୟ ସେଇ ଶବ୍ଦ । ତେବେ ଅସ୍ମିତା କ'ଣ ? କ'ଣ ଏଇ ଅସ୍ମିତା ଆଗରୁ ନ ଥିଲା ଥିଲା ଯଦି କେଉଁଠାରେ ଥିଲା , କେଉଁଠି ଥିଲା ତାର ଅସ୍ତିତ୍ୱ ତେବେ ବର୍ତ୍ତମାନ ସମୟରେ ଏହା ଏତେ ଚଳଚଞ୍ଚଳ ର କାରଣ କ'ଣ ?

ସରଳ ଓ ସଂକ୍ଷିପ୍ତ ଭାବେ ବୁଝାଗଲେ, "ଅସ୍ମିତା ଶବ୍ଦଟି ଅସ୍ମିନ୍ ଯୁକ୍ତ ତ ହୋଇ ଉତ୍ପନ୍ନ ଅର୍ଥାତ୍ ଅସ୍ମିନ୍ ସ୍ଵଭାବ ଯଶ୍ୟା ଅସ୍ମିତା "। ଅହଂଭାବ, ଆତ୍ମ ପରିଚୟ ହେଉଛି ଅସ୍ମିତା । ଏହି ସ୍ୱଭାବ ଓ ଆତ୍ମ ଚେତନା ନିଜ ମାଟି, ରାଜ୍ୟ, ଭାଷା ସହ ଓତୋପ୍ରୋତ୍ତ ଭାବେ ସଂଶ୍ଲିଷ୍ଟ । ମୁଁ ଯାହା ଦ୍ୱାରା ପରିଚିତ ସିଏ ମୋ ଅସ୍ମିତା, ଏହା ମୋ ରାଜ୍ୟର ପ୍ରତି କୋଣାଦିକୋଣ, ଭାଷା ଠାରୁ ଆରମ୍ଭ କରି ସମସ୍ତ ସଂସ୍କୃତି ଯଥା ; ମାଆ ର ପଣତକାନି ଠାରୁ ଆରମ୍ଭ କରି ନୀଳକନ୍ଦର ର ପତିତପାବନ ସମସ୍ତ ଆମ ଅସ୍ମିତାର ଅଂଶ ବିଶେଷ । ଓଡ଼ିଶା ର ରୂପ, ରଙ୍ଗ, ଠାଣୀ, ବାଣୀ, କଳା-ସଂସ୍କୃତି ସମସ୍ତ ଅନ୍ତର୍ଭୁକ୍ତ ।

ପ୍ରତି ଓଡ଼ିଆ ମାନଙ୍କ ର ଅସ୍ମିତା ନିଜ ମାତୃଭାଷା । ମାତୃଭାଷା ବଳରେ ସୃଷ୍ଟି ହୁଏ ତାଙ୍କ ନିଜ ପରିଚୟ ଓ ପରିଚିତି| ଯେପରି ମାଟି ପିଣ୍ଡୁଳାଟିଏ ଥୁଆ ହୋଇଥିଲେ ପରବର୍ତ୍ତୀ ପର୍ଯ୍ୟାୟରେ ତା'ର ସ୍ୱରୂପ କ'ଣ ହେବ ଆମକୁ ଜଣାନଥାଏ , କିନ୍ତୁ ଯେତେବେଳେ କାରୀଗର ଟିଏ ତାର କର ସ୍ପର୍ଶରେ ମୂର୍ତ୍ତିର ଆକାର ଦିଏ ସିଏ ଆମ ପାଇଁ ହୋଇ ଉଠେ ଦେବୀ ପ୍ରତିମା । ସେହି ମୂହୁର୍ତ୍ତ ଠାରୁ ତାର ପରିଚୟ ବଦଳେ ଠିକ୍ ସେହିପରି ମାତୃଭାଷା ଆମ ପରିଚୟ ଗଠନ ରେ ସାହାଯ୍ୟ କରେ।

ବାର ମାସରେ ତେର ଯାତ ଆମ ପ୍ରଥା, ଗାଥା, ଆମ ପରମ୍ପରା ,ଅତୀତର କୀର୍ତ୍ତୀ ରାଜି, ଆମ ଶାସନ, ଆମ ପ୍ରଶାସନ ପ୍ରଚଳିତ ଆମ ଭାଷା ଓଡିଆ ଦ୍ୱାରା ଓଡ଼ିଆ ଭାଷା ଆମ ଅସ୍ମିତା | ଏହାର ସ୍ଵତଃସ୍ଫୂର୍ତ୍ତ ଗଠିତ ନୁହେଁ ଏହି ଭାଷା କାଳକ୍ରମେ ଅନେକ କଷ୍ଟ ସହି ପାଲି,ପ୍ରାକୃତ ,ଅପଭ୍ରଂଶ ଆଦି ପର୍ଯ୍ୟାୟ କୁ ସହ୍ୟ କରି ସେ ଗଠିତ , ଏହା ଅତୀବ ପ୍ରାଚୀନ । ଏହି ଭାଷା ଦ୍ୱାରା ଆମେ ଆମ ସଂସ୍କୃତିକୁ ବଜାୟ ରଖିପାରିଛୁ । ସାମାଜୀକରଣ ଦ୍ୱାରା ଆମ ସଂସ୍କୃତି ର ଉନ୍ନତି ହୁଏ l ଏହି ସମାଜୀକରଣ ଓ ଭାବର ଆଦାନ ପ୍ରଦାନ ଏହି ଭାଷା ମାଧ୍ୟମରେ ହୋଇଥାଏ। ଏହା ଦ୍ବାରା ଆମ ସଂସ୍କୃତିର ପୁନରୋଦ୍ଧାର କରିପାରିଛୁ ।

ଓଡ଼ିଆ ଅସ୍ମିତାର ପରିଚୟ ଶ୍ରୀଜଗନ୍ନାଥ ଏହା କୁ ନେଇ ଆମ ଓଡିଶା ବିଶ୍ଵବିଖ୍ୟାତ । ଐତିହ୍ୟ ର ସ୍ୱାରକୀ ଆମ କୋଣାର୍କ ବିଶ୍ବବିଦିତ। ଏହି ପରି ଅନେକ କୀର୍ତ୍ତୀରାଜି ଓଡ଼ିଶାକୁ ପୂର୍ଣ୍ଣାଙ୍ଗ କରେ ପୂର୍ଣ୍ଣ ରୂପରେ I ସ୍ୱାଭିମାନ ଓ ପରିଚୟ ସୃଷ୍ଟି କରିବାରେ ମଧ୍ୟ ଆମ ଓଡିଆ ଅସ୍ମିତାର ରହିଛି ଅନବଦ୍ୟ ଅବଦାନ । ଆମ ବିଶ୍ଵ ଦରବାରରେ ଆମେ ଆମ କଳା ସଂସ୍କୃତି କୁ ନେଇ ବେଶ୍ ପରିଚିତ ।
ଆମ ବାଲୁକା ଶିଳ୍ପ ଠାରୁ ତାରକାଶି କାମ , ପଖାଳ କଂସା ଠାରୁ ଆମ ରସଗୋଲା , ମାଣିଆବନ୍ଧ ସୂତା ଲୁଗା ଠାରୁ ସୋନ୍‌ପୁର ପାଟଶାଢୀ, ହସ୍ତତନ୍ତ-କାରୁକାର୍ଯ୍ୟ ଏବଂ ଚିତ୍ରପଟ୍ଟ ତତ୍ ସହ ଆମ ଦର୍ଶନୀୟ ସ୍ଥାନ ଏସବୁ ଆମ ପରିଚୟ ଆମ ସ୍ୱାଭିମାନ | ଏହା ଆମକୁ ସ୍ୱାଭିମାନୀ କରିବା ସହ ରୋଜଗାରକ୍ଷମ କରାଏ ।

ଏହି ଅସ୍ମିତା ର ଭବିଷ୍ୟତ କ'ଣ ସୁରକ୍ଷିତ ? ଯେଉଁଠି ଅସ୍ମିତା ସୁରକ୍ଷିତ ଓ ସଂରକ୍ଷିତ ହେବାକଥା ସେଠି ଅସ୍ମିତା କୁ ନେଇ ଚାଲେ ଅନେକ ରାଜନୀତି ଏହା ଅତ୍ୟନ୍ତ ଦୁଶ୍ଚିନ୍ତା ର ବିଷୟ ଏହା ର ଭବିଷ୍ୟତ ଆମ ହାତରେ ଆମେ ଯୁବପିଢି ଯଦି ଏହାର ଦାୟିତ୍ୱ ନ ନେବା ଏହାର କଥା ନବୁଝିବା ତେବେ ଏହା କିପରି ତିଷ୍ଠି ରହିବ ଯେ, ଏଥି ନିମନ୍ତେ ଆମେ ଶପଥ ବଦ୍ଧ ହେବା ଆମ ଅସ୍ମିତା ର ସୁରକ୍ଷା ଓ ସଂରକ୍ଷଣ ଦାୟିତ୍ଵ ଆମେ ନେବା |

"ଏଇତ ଆମ ଓଡ଼ିଆ ଅସ୍ମିତା ଆମ ସ୍ୱାଭିମାନ ଓ ଆମ ପରିଚୟ "
" ଜୟ ଓଡିଆ ଭାଷା ଓ ଅସ୍ମିତା ।"

ସୁକନ୍ୟା ବରାଳ
ଉତ୍କଳ ବିଶ୍ୱବିଦ୍ୟାଳୟ, ବାଣୀବିହାର

*ମୋ ଅସ୍ମିତା ମୋ ପରିଚୟ*

ଓଡିଆ ଭାଷା ଓ ଓଡିଆ ଅସ୍ମିତା ଜନ ସାଧାରଣଙ୍କ ସଂସ୍କୃତି, ସ୍ୱାଭିମାନ ଓ ଆତ୍ମପରିୟକୁ ଗଢିଛି

ମୋ ଅସ୍ମିତା ମୋ ପରିଚୟ