ଆଜି ମୁଁ କହିବି ମୋ ଓଡ଼ିଶାର କଥା
ସର୍ବ ପ୍ରଥମେ ଗାଇବି କୋଣାର୍କର ଗାଥା

ଐତିହ୍ୟ ପରମ୍ପରା ଓ ଇତିହାସର ଗର୍ବ
ବାର ଶହ ଜୀବନ ପାଇଁ ଛାଡ଼ିଗଲା ସର୍ବ

ଧର୍ମପଦ ନାମ ତାର ଛୋଟିଆ ସେ ପିଲା
ଗାଁ ଗହଳିରେ ସାଧି ସହ ଖେଳୁଥିଲା

ସାଙ୍ଗସାଥୀଙ୍କ ଦ୍ଵାରା ଅପମାନିତ ହୋଇ
ମାଁ କୁ ପଚାରିଲା ମୋ ବାପା ଗଲେ କାହିଁ

ସ୍ବାମୀଙ୍କୁ ସ୍ମରଣ କରି ମାଁ କହିଲେ କଥା
ମନ୍ଦିର ତୋଳିବାରେ ତାଙ୍କ ଲାଗିଅଛି ମଥା

ଜିଦ୍ ଧରିଲା ଧରମା ବାପାଙ୍କ ସହ ହେବ ଦେଖା
ଦେଖା ହୋଇ କହିବ ସେ ବହୁତ ସାରା କଥା

ଛୁଆର ଜିଦ୍ ରେ ମାଁ ହୋଇଗଲେ ବାନ୍ଧି
ବାଡି ବରକୋଳି ଦେଇ ପଠେଇଲେ କାନ୍ଧି

ଧରମା ଯାଇ ପହଁଚିଲା ମନ୍ଦିରର ପାଶେ
କାରିଗର ମାତି ଛନ୍ତି କର୍ମର ନିଶେ

ଶୁଣିବାକୁ ପାଇଲା ମୁଣ୍ଡି ହେଉନାହିଁ ଠିଆ
ମରଣ ଚିନ୍ତାରେ କାରିଗର ସବୁ ଛାନିଆ

ରାଜାଙ୍କ ଆଦେଶ ଯଦି ନ ହେବ ପାଳନ
ଅକାଳରେ ଚାଲିଯିବି ବାର ଶହ ଜୀବନ

ବାପାଙ୍କ ସହ ଦେଖାକରି କହିଲା ମନକଥା
ବାଡି ବରକୋଳି ଦେଖି ବାପା ଚିହ୍ନିଗଲେ ଏକା

ଛାତିରେ କୋଳେଇ ଧରି ଗ୍ଲେହ କେତେ କଲେ
ବାର ବରଷରେ ନିଜ ପୁଅକୁ ଦେଖିଲେ

ମୁଣ୍ଡିର କ'ଣ କଥା କ'ଣ ଏହାର ଗାଥା
ବାପା କହିଲେ ଏହା କାରିଗରୀ କଥା

ଧରମା କହିଲା ମୁଣ୍ଡି କରିବି ମୁଁ ଠିଆ
ବାପା ଭାବିଲେ ନିବୈଧ ଛୋଟ ଛୁଆ

ଧରମା କହିଲା ବାପା ମୁଁ ତୁମ ସନ୍ତାନ
ଏହା ଅତି ଛୋଟ ବାମହାତର ମୋ କାମ

ବାର ଶହ କାରିଗରଙ୍କ ପ୍ରାଣର ଆଶା ନେଇ
ଧର୍ମପଦ ଚଢ଼ିଗଲା ମନ୍ଦିର ଶୀର୍ଷକୁ ଯାଇ

କିଛି କାରିଗରଙ୍କ ସହାୟତା କୁ ନେଇ
ମୁଣ୍ଡିକୁ ମାରିଦେଲା ଚୁମ୍ବକୀୟ ଶକ୍ତି ଦେଇ

ଏହା ଦେଖି କାରିଗର ସବୁ ହେଲେ କାବା
ଛୋଟ ଛୁଆ ପାଖେ କେମିତି ଆସିଲା ଏ ଆଭା

ଖୁସି ଖେଳିଗଲା ହେଲା ଆନଂଦ ଉଲ୍ଲାସ
ନାଚଗୀତ ରେ ଭରିଗଲା ଧରମାର ଯଶ

ରାଜା ଯେବେ ଜାଣିବେ ଧରମାର ଯଶ
ପ୍ରାଣ ଆମର ସବୁ କରିଦେବେ ଶେଷ

ଏମନ୍ତ ଭାବିନ ସବୁ କ୍ରନ୍ଦନ ଯେ କଲେ
ଖୁସିର କଡ଼ରେ ସବୁ ଦୁଃଖରେ ଭାଙ୍ଗିଲେ

ଏମନ୍ତ ଦୁଃଖ ଧରମା ପାରିଲାନି ସହି
ବାପାଙ୍କ ପାଖରେ ବିଦାୟ ମାଗିଲା ଯେ ତହିଁ

ବାର ଶହ କାରିଗରଙ୍କ ଜୀବନ ରକ୍ଷା ପାଇଁ
ଲମ୍ଫ ପ୍ରଦାନ କରିବି ସମୁଦ୍ର ରେ ଯାଇ

ଛୋଟ ଛୁଆ ମୁଖରୁ ଏମନ୍ତ ବଚନ ଶୁଣି
କାରିଗରଙ୍କ କୁଳ କୁଟୁମ୍ବ ରହିଗଲେ ଋଣି

ଜୀବନର ଆଶା ଛାଡ଼ି ଧରମା ଦେଲା ଡିଆଁ
ସେ ଡିଆଁ ର ଗାଧା ମନେ ରଖିଛି ଦୁନିଆ

ଆମ ଧରମା ଆମ ଓଡ଼ିଶାର ଗର୍ବ
ତାଙ୍କ ପାଇଁ ପାଳନ କରୁ କେତେ ପର୍ବ

ଛୋଟସିନା ଦାନ ତାର ଥିଲା ଯେ ମହାନ୍
ଇତିହାସରେ ରହିବ ତାଙ୍କର ସ୍ବତନ୍ତ୍ର ସ୍ଥାନ

ମୋ ମାଟି ମୋ ଓଡ଼ିଶା ସବୁଠୁ ମହାନ୍
ଏହି ସଂସ୍କୁତି କାରୁକାର୍ଯ୍ୟ ସବୁ ତାଙ୍କ ଦାନ

କବି :ସୁନୀଲ୍ କୁମାର୍ ଚୈାଧୁରୀ

ମୋ କୋଣାର୍କର ଗାଥା History of my konark

A legacy and sacrifice of my Konark The Story behind the Mystery and Glory.