ମୋ ବିଦ୍ୟାଳୟ
####******####
ସ୍ୱଣ୍ଣ ଶତାବ୍ଦୀର ମୁକସାକ୍ଷୀ ହୁଏ
ଆଜି ଆମ ଅନୁଷ୍ଠାନ,
କୋଟି ହୃଦୟରେ ମମତା ପ୍ରକାଶେ
ବୃଦ୍ଧି ପାଏ ସ୍ୱାଭିମାନ। ୧

ଯାର ପରିସୀମା ବ୍ୟକ୍ତ କରୁଅଛି
ବାନ୍ଧିଅଛି କେତେ ସ୍ମୃତି,
ଯାର କ୍ଷେତ୍ରଫଳ ଦିଗନ୍ତ ବିସ୍ତାରି
ପ୍ରିତିଭରା ପରିମିତି। ୨

ଯାହାର ଭୂଗୋଳ ନବକଳେବର
ପାଉଅଛି କୋଟି ଆଦର,
ଆଖି ଭିଯାଉଛି ପାହାଚ ପଡ଼ିଆ
ଖେଳୁଥିଲେ ଯାହା ଉପର। ୩

ମନେ ପଡେ ଆଜି ଇତିହାସ ତାର
ବଗିଚାରେ ଫୁଟାଫୁଲ,
ଗୁରୁମା କହନ୍ତି ଏଇଠି ଫୁଟନ୍ତି
ଦେଶ ପାଇଁ କେତେ ଫୁଲ। ୪

ଗୁରୁଜୀ ଆମର ଅତି ଆପଣାର
ସାହିତ୍ୟର ଗନ୍ତାଘର,
ସଂସ୍କାର ଶିଖାନ୍ତି ବନ୍ଧୁ ଭାବନେଇ
ହୃଦୟରୁ ନମସ୍କାର। ୫

ଏହି ବିଦ୍ୟାଳୟେ ସାଙ୍ଗସାଥୀ ମେଳେ
ଖେଳିଅଛୁ କେତେ ଖେଳ,
ଗୁରୁଜୀ ଗୁରୁମା ଆମ ବାପା ମାଆ
ମନେପଡେ ସେହି ବେଳ। ୬

କୋମଳ ହାତକୁ ସୁନାର ହସକୁ
କୋଳେଇ ନେଇଛି ଯିଏ,
କଳାପଟା ଠାରୁ କର୍ଣ୍ଣଧାର କରେ
ମୋ ବିଦ୍ୟାଳୟ ସିଏ। ୭

ଅଗ୍ରଣୀ ହେଉ ଅନୁଷ୍ଠାନ ଆମ
ବାଧାବିଘ୍ନ ଦୂର ହେଉ,
ଅମଳିନ ରହୁ ସ୍ମୃତି ସାରାଦିନ
ବିଦ୍ୟାର୍ଥୀ ପ୍ରୀୟତା ରହୁ। ୮

ତିଆରି ହୁଅନ୍ତୁ ଶିକ୍ଷାଳୟେ ନିତି
ଗୁରୁଙ୍କର ସ୍ପର୍ଶ ପାଇ,
ବିଶ୍ଵ ଦେଖୁ ନିଶ୍ଚେ ସେ ବିଶ୍ବକର୍ମୀଙ୍କୁ
ବିଶ୍ଵସ୍ରଷ୍ଟାଙ୍କୁ ଧ୍ୟାୟି। ୯

ପ୍ରଭୁପାଦ ତଳେ ପ୍ରଣତି ଜଣାଇ
ଦୀର୍ଘାୟୁ କାମନା କରୁ,
ଶେଷ ପ୍ରାଣବିନ୍ଦୁ ବହୁ ଥିବା
କ୍ଷେତ୍ର ଶୀର୍ଷସ୍ଥାନ ଭରୁ। ୧୦

####################

ମୋ ବିଦ୍ୟାଳୟ

ସୌମ୍ୟ ରଞ୍ଜନ ନନ୍ଦ