ମୁଣ୍ଡ ବୁଲେଈ ଦେଉଛି, ହାତ ଥଣ୍ଡା ହେଇଗଲା ଣି, ଲାଗୁଚି ଏଇ ଯେମିତି ଟଳି ଯିବି ତଳେ, ଆଖି ରେ ଗରମ ଲୁହ, ଭୋକ ଶୋଷ ସବୁ ମରିଗଲାଣି,

କଣ ମୋ ଦୋଷ,କଣ ମୁଁ ହାଟ ରେ ବିକା କଣ୍ଢେଇ, ନା ତୁମ ବାରି ଲଗା ଫୁଲଗଛ ମନ ଇଚ୍ଛା ମୋତେ ଏପଟେ ସେପଟେ କରିବ |

ବୋଉ ଆସି ପାଖରେ ବସିଲା କହିଲା, ନେ ମୋ ଧନ ଟା ପରା ଖାଇଦେ ଲୋ, କେତେ ରାଗ ଯେ, ଛାଡ଼ ଡେ ମୁଁ ଖୋଇଦେବି କି?

ମୁଁ ରାଗ ରେ କହିଲି ଥାଉ ଦରକାର ନାହିଁ ଏତେ କଲୁ, ଆଉ ପାରିବୁ ନାହିଁ | ସେ ମତେ କୋଳକୁ ଟାଣି ନେଇ କହିଲା ନାଇଁ ଲୋ କିଏ କଥା ଏଗୁଡ଼ାକ ମୁଣ୍ଡରେ ପୂରେଇଛୁ, ପାଗେଳୀ ଟା, ସେ ବା ତୋର ଜନ୍ମ କଲା ମା ଆଉ ମୁଁ ତୋର ଜେଜୀ, ଯେତେ ହେଲେ ମୋ ଠୁ ଅଧିକ ଅଧିକାର ତୋର ତା ଉପରେ ଅଛି |

ମୁଁ ଚିତ୍କାର କରି ଉଠିଲି ହଁ ଜନ୍ମ କଲା ମା ତେବେ ହସ୍ପିଟାଲ ବେଡ଼ ରେ ଛାଡିଗଲା କେମିତି, ସେବେ ମନେ ପଡିଲା ନାହିଁ, ଆଜି ସ୍ୱାମୀର ଭାଗ ନେବା ଲୋଭ ରେ ଝିଅ ମନେ ପଡିଲା ଧନ୍ୟ ଅନିମା ମାଡାମ ଙ୍କ ମା ପଣ |

. ବୋଉ କହିଲା ଛି ମା କୁ ଏମିତି କିଏ ଡାକେ, ଏହା ଶିଖେଇଥିଲି, ମୁଁ କହିଲି ଦେଖେଇ ତତେ ମୁଁ ଫୁଣି କହିଦେଉଛି ତୁ ହଁ ମୋ ମାଆ ବାସ ଏତିକି ଜାଣେ |ନିଜ ଛାତି ରେ କୋହ ଚାପି ଧରି ବୋଉ କହି ବସିଲା ଅତୀତ ର କାହାଣୀ |

ତୋର ବାପା ଆଉ ମା ପ୍ରେମ ବିବାହ କରିଥିଲେ, ତୋର ଜେଜେ ଙ୍କ ବାରଣ ହେତୁ ଆମ ଠୁ ଅଲଗା ଥିଲେ, ତୋର ମା ସାତ ମାସ ଗର୍ଭବତୀ ଥିବା ବେଳେ ତୋର ବାପା ର ଅକସ୍ମାତ ମୃତ୍ୟୁ ଘଟିଥିଲା, ଚାହିଁବି ତୋର ମା କୁ ସାହାରା ଦେଇ ପାରି ନଥିଲି, ତାଙ୍କ ଘର ଲୋକ ନେଇଯାଇଥିଲେ |

ଦିନେ ହଠାତ ତୋର ଜନ୍ମ ର ଖବର ପାଇ, ମୁଁ ଆଉ ତୋର ଦାଦା ଧାଇଁ ଗଲୁ, ସେଠି ଦେଖିଲୁ ତୋର ଅଜା ଆଉ ଆଇ ଙ୍କ ର ଗୋଟିଏ ଜିଦ ସେ ତାଙ୍କ ଝିଅ କୁ ଫୁଣି ବିଭା ଦେବେ ତେଣୁ ତତେ ରଖିବେ ନାହିଁ, ତେଣୁ ତତେ ଅନାଥ ଆଶ୍ରମ ରେ ଛାଡିଦେବେ, ମୁଁ କଣ ସହିପାରି ଥାନ୍ତି ମୋ ରକ୍ତ ଏପରି ଅନାଥ ଆଶ୍ରମ ରେ ରହୁ ବୋଲି, ତେଣୁ ନେଇ ଆସିଲି, ଆଉ ତୋର ମା ବିଚାର ଜୀବନ ଖେଳ ରେ ହାରିଯାଇ ଥିବା ଖେଳାଳି ପରି ନିର୍ବାକ ବସିଥାଏ | ମୁଁ କହିଲି ହଁ ସେ ସିନା ହାରିଗଲି କିନ୍ତୁ ତୁ କଣ ଜିତିଗଲୁ, ତୋର ଜୀବନ ର ବାର୍ଦ୍ଧକ୍ୟ ରେ ମତେ ଆପଣାଇ ଥିବାରୁ ଜେଜେ ଘରୁ ତଡିଦେଲେ, ଏକୁଟିଆ ତୁ କେମିତି କଲୁ ବୋଉ ଯଦି ଏତେ କଲୁ ତେବେ ଆଜି କାହିଁକି ମତେ ଅନିମା ମାଡାମ ଙ୍କ ହାତ ରେ ଟେକି ଦେଉଛୁ, କାହିଁକି?

ବୋଉ କହିଲା ମା, ମୁଁ ଶୁଖିଲା ପତ୍ର ଏତେ ବାଟ କେମିତି ଆସିଲି ତାହା ଭଗବାନ ଙ୍କ କୃପା, ତୁ ବାଢିଲା ଝିଅ, ଆଗୁ ଭଲ ମନ୍ଦ କଣ ହେଇପାରେ ଦାୟିତ୍ୱ ବାନ ହାତରେ ଦେଇଦେଲେ ମୁଁ ଶାନ୍ତି ରେ ମାରିପାରିବି |

ମୁଁ କହିଲି ଯଦି ସେ ଦାୟିତ୍ୱ ବାନ ତେବେ ତୁ ବି ସାଙ୍ଗ ରେ ଚାଲ ତୁ ନ ଗଲେ ମୁଁ ଯିବିନି, ବୋଉ କହିଲା ନାଇଁ ମା, ମୁଁ କୁଆଡେ ଯିବି, ତୁ ଖୁସି ଖୁସି ଯା|

ବୋଉ କହୁଛି ଜାନୁ ରିତା, ଅନିମା ଭାରି ଦୁଖୀ, ଦ୍ୱିତୀୟ ସଂସାର କରିବି ସେ ସୁଖୀ ନୁହେଁ, ତୋର ଛଡା ଅନ୍ୟ ସନ୍ତାନ ବି ନାହିଁ, ବିଚାରି କେତେ ଝୁରି ଥିବ ତତେ, ତୁ ଅଝଟ କରିବୁ ନାହିଁ, ଭଲ ପିଲା ପାରି ରହିବୁ |

ମୁଁ କହିଲି ବୋଉ ତୁ କେତେ ସରଳ, ନିଷ୍ପାପ, ଏତିକି ବୁଝି ପାରୁନୁ, ଜେଜେ ଙ୍କ ଯିବାପରେ ମୋ ବାପା ଙ୍କ ଭାଗ ସମ୍ପତି ମତେ ମିଳିଲା ତେଣୁ ତୋର ଅନିମା ମାଡାମ ଙ୍କ ର ଆଜି ଝିଅ ସୁଆଗ ଜନ୍ମିଲା, ଆଉ ତାଙ୍କ ପରିବାର ରେ ମତେ ଆପଣାଇବା ର ଖିଆଲ |

କିନ୍ତୁ ସେମାନେ ଭୁଲିଗଲେ ଏତେ ବର୍ଷ ରିତା ର ଭରଣ ପୋଷଣ କେଉଁ ହାତ କରୁଥିଲା, କେମିତି ସେମାନେ ଚଳିଲେ, ବୋଉ ଦୁନିଆରେ ସବୁ ଯଶୋଦା ମା କଣ ତୋ ପରି ନିଜ ରକ୍ତ ଦେଇ ଗଢ଼ିଥିବା ପିଲାଟିକୁ, ଜନ୍ମ କଲା ଦେବକୀ ହାତରେ ଏତେ ସହଜ ରେ ଟେକି ଦେଇ ପାରନ୍ତି,?

............ ମିନତି............

ମୋ ବୋଉ

ଦେବକୀ ଶ୍ରେଷ୍ଠ ନା ଯଶୋଦା