ମାତୃଭୂମି ମାତୃଭାଷା ରେ ମମତା
ଯା ହୃଦେ ଜନମି ନାହିଁ
ତାକୁ ଯଦି ଜ୍ଞାନୀ ଗଣ ରେ ଗଣିବା
ଅଜ୍ଞାନୀ ରହିବେ କାହିଁ

ଆଜିର ସମୟ ରେ ଏହି ପଂକ୍ତି ଟି ବାରମ୍ବାର ମନେପଡେ, ଦିନ ଥିଲା ଏ ଓଡ଼ିଆ ମାଟିର ବୀର ମାନେ ନିଜ ପ୍ରାଣ ଉସର୍ଗ କରିଥିଲେ, ଓଡ଼ିଆ ଭାଷା ପାଇଁ, କେତେ ଯେ କଟକଣା ସହି ସେ ମାନେ ଓଡ଼ିଆ ଭାଷା ର ପ୍ରଚାର ପ୍ରସାର କରୁଥିଲେ, ତାଙ୍କ ରି ତ୍ୟାଗ ସରୁପା ଆଜିର ଏ ଓଡ଼ିଆ ମାଟି ସ୍ୱତନ୍ତ୍ର ଉତ୍କଳ ହୋଇ ପାରିଛି |

କିନ୍ତୁ ଆଜିର ସମୟ ରେ ଓଡ଼ିଆ କୁ ଆଉ ସେ ପ୍ରାଧାନ୍ୟ ମିଳୁନାହିଁ, ପିଲାମାନେ ଅ, ଆ ବର୍ଣ୍ଣ ବଦଳରେ ଏବେ A, B ଅକ୍ଷର ଶିକ୍ଷା କରୁଛନ୍ତି, ଦୁଃଖ ର ବିଷୟ ଦେଶ ର ଆଗାମୀ ଭବିଷ୍ୟତ ଦଶମ ଶ୍ରେଣୀ ର ପିଲାମାନେ ଓଡ଼ିଆ ଅକ୍ଷର ପଢି ପାରୁ ନାହାନ୍ତି ଲେଖିବା ଦୂର କଥା |

ଆମ ସମାଜ ରେ ଇଂରାଜୀ ଶିକ୍ଷା ର ପ୍ରଚୁର ପ୍ରସାର ଘଟିଛି ତେଣୁ ଅଭିଭାବକ ମାନେ ସେମାନେ ଙ୍କ ପିଲାଙ୍କୁ, ଇଂରାଜୀ ଶିକ୍ଷା ଦେବାକୁ ଇଛୁକ, କିନ୍ତୁ ମୁଁ ବୁଝି ପାରେ ନା, ଯେଉଁ ଓଡ଼ିଆ ଭାଷା ରେ ସେମାନେ କଥା ହେଉଛନ୍ତି, ତାହା କୁ ଲେଖିବା, ପଢିବା ଶିଖାଇବା ପିଲାଙ୍କୁ ଉଚିତ ନୁହେଁ |

ପିଲାଟି ପ୍ରଥମେ ନିଜ ମାତୃଭାଷା କୁ ପଢିବା ଉଚିତ, ସେ ଜାଣିବ ଉଚିତ ସେ କାହାର ବଂଶଜ, ତା ପୂର୍ବଜ ମାନେ କଣ କାର୍ଯ୍ୟ କରିଥିଲେ, କେତେ ସୌଭାଗ୍ୟ ର ଅଧିଶାଳୀ ସେ ଉତ୍କଳ ପରି ସମୃଦ୍ଧ ପ୍ରଦେଶ ରେ ସେ ଜନ୍ମ ହୋଇଛି |

ଆମେ କାଲି ଉତ୍କଳ ଦିବସ ପାଳନ କରିବା,ଏହି ଦିବସ ରେ ଆମେ ଏକ ଶପଥ ନେବା, ଆମର ଆଗାମୀ ପୀଢ଼ି ଙ୍କୁ ଆମ ଉତ୍କଳ ବିଷୟରେ ରେ ଅବଗତ କରାଇବା, ଏବଂ ଚେଷ୍ଟା କରିବା ଏହି ଉତ୍କଳ ଦିବସ ଏକ ଛୁଟି ହୋଇ ନ ରହିଯାଉ, ଏହା କୁ ପାଳନ କରିବାର ଅସଲି ମହତ୍ୱ ଆମ ପ୍ରେଦେଶ ର କୁନି କୁନି ପିଲାମାନେ ବୁଝି ପାରନ୍ତୁ |

ବନ୍ଦେ ଉତ୍କଳ ଜନନୀ

ମୋ ଭାଷା ଓଡ଼ିଆ

ଆଜି ର ସମୟ ରେ ଓଡ଼ିଆ