ହା.. ହା..! ଆପଣମାନେ ଭାବୁଥିବେ କଣ ଏମିତି ରଜ ପୋଡ଼ ପିଠା,ପାନ,ଦୋଳି ଖେଳରୁ ହଟି'ପାଶରି ଗଲିଣି'ଶୀର୍ଷକ ରହିଲାଣି,ଆଜ୍ଞା ହଁ କଥା କଣ କି ଏ ଲେଖା ଟି ରଜ ଉପଲକ୍ଷେ ଓଡ଼ିଆ ସାହିତ୍ୟ ସମାଜ(oss) ଏବଂ ଆମ ଓଡ଼ିଆ ସୃଜନୀ (ଜନ ଗଣ ଆୱାଜ)ର ମିଳିତ ପ୍ରୟାସରେ ଏକ ସ୍ବତନ୍ତ୍ର ପ୍ରତିଯୋଗୀତାର ଆୟୋଜନ ନିମନ୍ତେ ଆରମ୍ଭ କରିଛି। ମୁଁ ତ ରେଜିଷ୍ଟର କରିଦେଇଛି ସାଇଟ ରେ।କୁଆଡେ଼ ଆଉ ଯିବି!!!!ଯାହା ବି ହେଲେ ଲେଖିକି ପୋଷ୍ଟ କରିବାକୁ ପଡ଼ିବ,ନହେଲେ ଆମ ବିଶ୍ୱଜିତ ବାବୁ କଣ ଛାଡ଼ିବା ଜନ୍ତୁ।ଲାଗିପଡି ପା ଲେଖେଇବେ।🤭

ହଉ ସେ ସବୁ ଛାଡନ୍ତୁ ବିଷୟବସ୍ତୁ କୁ ଆସିବା।

ପାଖେଇ ଆସିଲା ରଜ

ହେବା ପାଇଁ ସଜବାଜ,

ମୋ ମନ କନକନ

ଲେଖାରୁ ହଟିଗଲା ଧ୍ୟାନ।

ଘରକୁ କେବେ ଯିବି,,,

ଗଣୁଛି ବସି ଦିନ

ସେଥିପାଇଁ ମୋ ମନ ଉଚ୍ଛନ୍ନ।🤭

ଆଜ୍ଞା ହଁ ଏହା ନିରାଟ ସତ କଥା।

ଏଇ ଉପଲକ୍ଷେ ସମସ୍ତେ ତ ରଜ ର ଇତିହାସ,ଭୂଗୋଳ,ସାହିତ୍ୟ,ଅଙ୍କ,ବିଜ୍ଞାନ ସବୁ ପଢ଼ି ପାଣି ଭଳି ପିଇ ସୃଜନୀ ସାଇଟ ରେ ପୋଷ୍ଟ କରିସାରିଲେଣି, ମୁଁ ଆଉ ରଜ ର କଉ ବିଷୟକୁ ବଖାଣିବି।🤔 ଏମିତି ଭାବି ଭାବି ଧଡ୍ କି ଉଠିଲି, ଫୋନ ରେ ସାଇଟ ଓପନ କରି ଲେଖିବା ଆରମ୍ଭ କଲି, ଚଳିତ ବର୍ଷ ରଜ ପାଇଁ ଜଉ ସବୁ ସଜବାଜ ଆଉ ତା ପାଇଁ ମୁଁ ହେଇଛି ଯାହା ହନ୍ତସନ୍ତ କଣ କମ କଥା କି। ଏ ରଜ କଣ ମୋତେ କମ ନାଙ୍କେଦମ୍ 🦫କଲାଣି କି!!!ଶୁଣୁନାହାନ୍ତି👇😤

ଶନିବାର ଠାରୁ ପୋଷାକ, cosmetics, ଅଳତା, ନଖପାଲିଶି, ଚୁଡ଼ି, ମେହେନ୍ଦି, ମ୍ୟାଚିଂ ଗହଣା ସପିଙ୍ଗ ପାଇଁ ବହାରିପଡ଼ିଲି।ଦୋକାନରେ ଭିତରେ ପଶୁ ପଶୁ କି ବାମ୍ଫ, ଏସି ବି କାମ କରୁନି। ବାପ୍ ରେ ବାପ୍ କି ଭିଡ଼, କୁହନା କୁହନା ଝାଳ ଲାଳ ଏକା ଖଣ୍ଡ।ଏତେ ଭିଡ଼ ଭିତରେ ଗୁଣ୍ଡୁଚି ମୂଷା ଭଳି ଗଳି ଗାଳି ଶାଢ଼ୀ 🥻 କୁର୍ତ୍ତି ଡ୍ରେସ👗 ଯାହା ଶୋ ହେଇଥିଲା ଦେଖିପକେଇଲି, କିନ୍ତୁ...କିନ୍ତୁ କିନ୍ତୁ... ତା ପଛପଟ ଲେଉଟେଇ ଥୋଇଦେଉଥାଏ,

କାହିଁକି????

କାହିଁକି ନାଁ ସବୁ ର ପ୍ରାଇସ ୨୭୦୦ରୁ ଆରମ୍ଭ....ଆଉ ଏକ ପଇସା ବି ତଳକୁ ନାହିଁ।

ମଲା,,, କଣ କିଡନୀ ବିକି ପିନ୍ଧିବି ନା କଣ। କି ରଜ ହେଲା ଲୋ ମା,,,,,,

ବଜାର ଭିଡ଼ ତ ଭିଡ଼ ଦର ଛୁଇଁଲାଣି ଆକାଶ,ପାହାଡ ।

ଭୁନେଶ୍ବରର ପ୍ରାୟ ସବୁ ଶୋ ରୁମ ବୁଲିଗଲି ତା ଦର ଦେଖି ମୋ ମୁଣ୍ଡକୁ ବିଛା କାମୁଡ଼ିଲା, ଭାବିଲି ଯେତେବେଳେ ବାପା ଆମକୁ ବଜାର ନିଅନ୍ତି ରଜରେ"ପିଲେ ବାହାର ରେ, ରଜ ଡ୍ରେସ କିଣିବାକୁ ଯିବା" ସେତେବେଳେ ବାପାଙ୍କ ଝାଳବୁହା ଟଙ୍କା ଆମକୁ ଖୁସି କରିବା ପାଇଁ ପାଣି ଭଳି ବୋହିଯାଏ। ତଥାପି ବାପା ସବୁ କିଛି ଛାତିରେ ଚାପି ଆମ ମନଲାଖି ପୋଷାକ ଟି ଆମକୁ ପିନ୍ଧିବାକୁ ଦିଅନ୍ତି। ସେତେବେଳ ନା ବାପା କୁହନ୍ତି ପଛପଟେ କେତେ ଟଙ୍କା ଲେଖା ଅଛି ଦେଖିବାକୁ ନା ଆମେ କେବେ ଲେଉଟାଇ ଦେଖିଛୁ।😔

କେବଳ ମନ ପସନ୍ଦ ର ଡ୍ରେସ କି ଜିନିଷ ମିଳିଗଲେ ଖୁସିରେ ଧରି ଘରକୁ ଫେରିଛୁ। ଆଜି ଯେତେେଳେ ନିଜେ କିଛି ଅର୍ଥ ଉପାର୍ଜନ କରୁଛେ ଅନୁଭବ ହେଉଛି ବାପାଙ୍କ କଷ୍ଟ,ତାଙ୍କ ତ୍ୟାଗ ଆଉ ଆମ ପ୍ରତିଥିବା ଅବଦାନ ର ମୂଲ୍ୟ।

କିଛି ସମୟ ସେ ରାସ୍ତାରେ ଠିଆ ହୋଇ ଭାବୁ ଭାବୁ ମୋ ଆଖି ଛଳ ଛଳ ହୋଇପଡ଼ିଲା। ନିଜକୁ ରୋକି,ଗାଡ଼ି ଷ୍ଟାର୍ଟ କରି ଚାଲିଗଲି ଟିକେ ଆଗକୁ, ଦେଖିବା ପାଇଁ ....ଠିକ୍ ଏତିକି ବେଳେ ବୋଉ ର ଫୋନ ଆସିଲା,କହିଲା" କଣ କରୁଛୁ,କେବେ ଆସିବୁ,କଣ ଖାଇଛୁ??"ଇତ୍ୟାଦି... ଇତ୍ୟାଦି...ସେ ବା ନନଷ୍ଟପ ଏକ୍ସପ୍ରେସ, ଗୋଟିଏ କଥା ପଚାରିଲେ ସିନା ମୁଁ କଣ ଉତ୍ତର ଦେବି,ଏକାଥରେ ଦଶଟା ପଚାରିବ କଉଟା କଣ କହିବି କହିଲ।

ତାକୁ ଚୁପ୍ କରେଇ କହିଲି ମୁଁ ବଜାର କୁ ଆସିଛି କିଣିବା ପାଇଁ...

ବୋଉ କହିଲା କଣ ବାପା ପଇସା ପଠେଇଥିଲେ ରଜ ପାଇଁ, ମୁଁ କହିଲି ନାଇଁ ମୋ ମୁଁ କିଣିଦେବିନି। ହଉ, ରୁମ୍ କୁ ଆସି କଲ କର ବୋଲି କହି ରଖିଦେଲା।

ମୁଁ ଗୋଟେ ladies corner ରେ ପଶିଲି କିଣାକିଣି ପାଇଁ,ଯାହାସବୁ ସଜଜିନିଷ ଆମ ଝିଅ ମାନଙ୍କର ଜାଣିଥିବେ ତ ଆଉ lipstick ଠାରୁ ଆରମ୍ଭ କରି nail remover ଯାଏ, ନାଇଁ ଥାଉ ମୁଁ ସବୁ କଣ ଖୋଲିକି କହିବି ମୋତେ ଲାଜ ଲାଗୁଛି,ସବୁ ସଜ ଜିନିଷ ନାଁ କହିଦେଲେ ମୋ ସଜ ହବାରେ ନଜର ଲାଗିଯିବନି,ଆଉ ମୋ ସୁନ୍ଦରତା କମି ଯିବନି। ଇସ୍ ଇଲୋ ମା ଲୋ କଣ କହୁଛି ବା ଏସବୁ 🫣।

ହଉ ଛାଡନ୍ତୁ ସେ ସବୁ, ମୋ କିଣାକିଣି ସରିଲା ପରେ ପେମେଣ୍ଟ କରିବାକୁ ଫୋନ୍ ଖୋଲିଲା ବେଲକୁ ସ୍କ୍ରିନ ରେ ଶୋ ହେଉଛି-

Rs5,,,.,, credited to a/c*3889 on,,,,,,,,,,,,😳। ମୁଁ କାବା।

ଫଟ୍ କି Phonepay ଟା ଖୋଲି ଦେଖିଲା ବେଳକୁ ଲେଖା ହେଇଛି-₹5,,,.,,received instantly from Bapa.

ସାଙ୍ଗେ ସାଙ୍ଗେ ବୋଉକୁ ଫୋନ କଲି କହିଲି"ତୁ କଣ କହିଲୁ କି ବାପାଙ୍କୁ ମୋ ପାଖେ ଏବେ ପଇସା କମ୍ ଅଛି ବୋଲି?"

ବୋଉ କହିଲା ନାଇଁ ତ।

ମୁଁ ପଚାରିଲି-ତାହାଲେ ବାପା କଣ ପଇସା ପଠେଇଛନ୍ତି?

ବୋଉ କହିଲା, ମୁଁ ଖାଲି କହିଲି ସେ କିଣାକିଣି କରିବାକୁ ମାର୍କେଟ ଯାଇଛି ରୁମ୍ କୁ ଆସିଲେ କଲ କରିବ,ବାପା ପଚାରିଲେ ତ ସୀମା କଣ କହିଲା,ସେତିକି।

କାଇଁ ବାପା ପାଠେଇଛନ୍ତି କି ଟଙ୍କା?

ମୁଁ କହିଲି - ହଁ।

ବୋଉ କହିଲା ହଉ ତାହାଲେ କିଣି ଯାହା କିଣିବୁ।

ଫୋନ କାଟିକି ଟିକେ ଛିଡ଼ା ହେଲି,ଯେତିକି କୋହ ରୋକିଥିଲି ଆଉ ସମ୍ଭାଳି ପାରିଲିନି।🥹

ଖୁସି ଆଉ ଦୁଃଖ ର ମିଶ୍ରଣ ଥିଲା ଏଇ ଦୁଇ ଟୋପା ଲୁହ,

ବାପା ମାଆ ଦୁରେ ଥାଇ ଛୁଆ ର ଅବସ୍ଥା ଅନୁଭବ କରିପାରନ୍ତି,ସେ ଆବେଗ ଥିଲା ଏ ଦୁଇ ଟୋପା ଲୁହ।

ବାପା ଥିଲେ ବଜାରର ସବୁ ଜିନିଷ ତମର ବୋଲି,

ଏହି ଏହସାସ ଥିଲା ଏ ଦୁଇ ଟୋପା ଲୁହ।

ସବୁ କିଣାକିଣି କରିଲି କିନ୍ତୁ ବହୁତ ଭାବିଚିନ୍ତି, କେବଳ ମୋତେ ନୂଆଟେ ପିନ୍ଧିବାର ଅଛି ସେ କମ୍ ଦାମ ହେଉ ଅବା ଅଧିକ।

ସେଥିରୁ କମ୍ ଖର୍ଚ୍ଚ କରି ଅଧିକ ସଞ୍ଚୟ କରିଲି, ନେକ୍ସଟ୍ ମାସରେ ବେତନ ଆସିଲେ ଏଇ ଟଙ୍କା ମିଶେଇ ବାପା ବୋଉଙ୍କ ପାଇଁ କିଛି କିଣିଦେବି।

ଶେଷରେ ସୁନ୍ଦର ଶାଢ଼ୀ ଟେ କିଣିଲି ଆଉ ବୋଉ କୁ ଫଟୋ ଉଠେଇ ପଠେଇଲି ।ବୋଉ କୁ କହିଲି ଏଇଟା ମୁଁ କେବଳ ତୋ ପାଇଁ କିଣିଛି, ମୁଁ ରଜ ରେ ପିନ୍ଧିବି ତା ପରେ ତୁ ରଖିଦବୁ। ବୋଉ କହିଲା କାଇଁଲୋ ତୁ ଡ୍ରେସ କଲୁନି ସ୍କୁଲ ତ ତୁ ଡ୍ରେସ ପିନ୍ଧି ଯାଉ, ମୁ କହିଲି ନାଇଁ ମୋର ବହୁତ ଡ୍ରେସ ହେଲାଣି ଆଉ ଇଚ୍ଛା ହେଉନି,ଶାଢ଼ୀ ପିନ୍ଧିବାକୁ ଇଚ୍ଛା ହେଲା,ସେଥିପାଇଁ କିଣିନେଲି।ଆଉ ତୁ ଭଲକି ପୋଡ଼ ପିଠା କରିଥିବୁ ମୁ ପହିଲି ରଜ ସକାଳୁ ସକାଳୁ ଘରେ ପହଞ୍ଚିବି। ବୋଉ କହିଲା ହଉ ଦେଖିକି ଆସିବୁ। ସଅଳ ଆଇଥେଲେ ଭଲ ହେଇଥାନ୍ତା, ମୁଁ କହିଲି କଣ କରିବି ଲୋ କହିଲୁ ମୋର ତ ଏଠି ମନ ଜମା ବି ଲାଗୁନି, ଗାଁ ରେ ତ ଦୋଳି ଖେଳ ଆରମ୍ଭ ହେଇ ଜିବଣି। ଯିଏ ସବୁ ବାହରେ ରହୁଛନ୍ତି ରଜ ଛୁଟିରେ ଆସିବେଣି। ମୋ ମନ କଣ ଥଏ ଧରୁଛି, ଖାଲି ଉଡୁଛି ଯାଇ ଆମ ସେ ଦାଣ୍ଡ ତାସ ବଡିଆ ପାଖେ, ବଳିଆ ଭାଇ ଦୋକାନ ସାଦା ପାନ ଖିଆ ପାଖେ, ବାଉଁଶ ଦୋଳି ପାଖେ।କଣ କରିବି ଆଉ ଆଡେ କାମ ରହିଗଲା ଯେ କୁଆଡେ଼ ହଲଚଲ ହୋଇପାରୁନି।

ଗାଁ ରେ ରଜ ରେ ଦୋଳି ଖେଳିବା, ସାହି ସାହି ବୁଲିବା,ପୋଡ଼ ପିଠା ଖାଇ, ମଟନ ବାଡେଇ ଜଉ ବୁଲା ସେ କଣ ଏଠି ମିଳିବ।ପୁଣି ସାଙ୍ଗ ସାଥୀ ମାନଙ୍କ ଘରେ ଆଡେ ବୁଲି ଆସିବା ଜଉ ମଜା ସେ ମଜା ଏ ସହରେ ନାହିଁ ଲୋ ବୋଉ।ଏମିତି ଗପୁ ଗପୁ କେତେ ସମୟ ପଳେଇଲା ଯେ ଆଉ କଣ କିଛି ଲେଖା ପୋଷ୍ଟ କରିଛି streak challenge ରେ!!!ପୁରା ତ ଭୁଲି ଗଲି ଆଉ।

ଚୁପ୍ କି ଖାଇ ପିଇ ଶୋଇ ପଡ଼ିଲି ।

ସକାଳୁ ଉଠି ପୁଣି ମନେ ପକଉଛି କାଳେ କଣ ବାକି ରହିଗଲା କି ସଜ ହେବାରେ?ଆଲୋ ଆଲୋ ମନେ ପଡ଼ିଲାeyebrow threading କରିନି, ମୁଁ ଯାଉଛି ....

ନହେଲେ ସୁନ୍ଦର ଦେଖାଜିବି କେମିତି??🤭

ରଜ ରେ ଯାହା ଯାହା କିଣିଛି ପିନ୍ଧି ସାରିଲା ପରେ ଆଉ ଥରେ ଦେଖା ହେବ ଆମ ଗାଁ ରେ।।।।।

ସେ ପର୍ଯ୍ୟନ୍ତ ଆପଣମାନେ ବି ରଜ ପାଇଁ ହୁଅନ୍ତୁ ସଜବାଜ।

ସମସ୍ତଙ୍କୁ ହାପି ରଜ🤗

କର ମଉଜ।🤓💐

ରଜ ପୋଡ ପିଠା, ପାନ ଆଉ ଦୋଳି ଖେଳ ଆସର,ସଜବାଜ ନିଶାରେ ଗଲି ସବୁ ପାଶର।

ଚଳିତ ବର୍ଷ ମୋ ରଜ ନିଆରା।କେମିତି ହେଲା???? ଜାଣିବାକୁ ଚାହୁଁଛନ୍ତି.. ତାହାଲେ ଗଡ଼ଗଡ଼ କରି ପଢ଼ିଯାନ୍ତୁ ମୋ ଲେଖାଟିକୁ🤭