ରଥୟାତ୍ରା

(ଏକ ଅନ୍ଧ ଭକ୍ତ ର କାହାଣୀ)

ସୌମ୍ୟରଂଜନ ନନ୍ଦ
ସମଣା,ଆନନ୍ଦପୁର,କେନ୍ଦୁଝର
୯୫୮୩୭୦୧୫୩

କାଳିଆ ବୋଲିତୁ ହୋଇଛୁରେ ଖ୍ୟାତ
ଜଗତେ ଗାଆନ୍ତି ତୋହରି ଗୀତ,
ଦୁଃଖିର କାଳେତୁ ନିଜର ବନ୍ଧୁ
ଅନାଥ ପାଇଁତୁ ଅନାଥନାଥ। ୧

ଜନମ ଦିନରୁ ଶୁଣିଛି ତୋ ନାମ
ତତେ କେବେ ଦେଖିନାହିଁ,
ତୁହି ତ ଗଢ଼ିଛୁ ମୋହରି ଭାଗ୍ୟ
କେବେବି ଦେଖିବି ନାହିଁ। ୨

ମନ ଥିଲା ମୋର ରଥ ଯାତରାକୁ
ନିଅନ୍ତାକି କିଏ ପୁରୀ ,
ବେଢାରେ ବୁଲିବି ଅବଢ଼ା ଖାଇବି
କେବେରେ ଲାଗିବ ତୋରି ଡୋରି। ୩

ବଡ଼ଦାଣ୍ଡ ଧୂଳି ହୋଇଯିବି ବୋଳି
ଗରୁଡ଼ ପଛରେ ରହିବି ଚାହିଁ,
ଦାସିଆ ହାତରୁ ନେଇଛୁ ନଡ଼ିଆ
ମୋ ହାତୁ କାଳିଆ ନେବୁରେ ତୁହି। ୪

ସିଂହ ଦ୍ୱାରେ ଟିକେ ଦରଶନ ଦେବୁ
ଶରଧାବାଲିରେ ଗଢ଼ିବି ରଥ,
ବଳଦେବ ବାଲି ରଥରେ ବସିଛୁ
ମନା କରିବୁନି ହେ ଜଗନ୍ନାଥ। ୫

ପାପୀ ହାତ ମୋର ପବିତ୍ର ହୋଇବ
ତୋ ରଥ ଦଉଡ଼ି ଦେଲେ ମୁଁ ଛୁଇଁ,
ତୋ ଚନ୍ଦ୍ର ବଦନ ମୋତେ ତ ସପନ
ଦେଖିବାକୁ ତତେ ସାମର୍ଥ୍ୟ ନାହିଁ। ୬

ଦର୍ଶନ ଦେବୁତୁ ନନ୍ଦିଘୋଷ ରଥେ
ଚକ ତଳେ ଯିବ ପ୍ରାଣ,
କୋଇଲି ବୈକୁଣ୍ଠେ ଯାଇ ମୁଁ ବସିବି
ମନା କରିବୁନି ତତେ ମୋ ରାଣ। ୭

ବାର ବରସ ରେ ଲଗାଇଲୁ ଡୋରି
ବଡ଼ଦାଣ୍ଡ ଆଜି ପଡୁଛି ଉଚ୍ଛୁଳି,
ସବୁ ଆଶା ମୋର ହୋଇଗଲା ପୂର୍ଣ୍ଣ
ତୋର ଦରସନ କରିଲା ବାଉଳି ।୮

କରୁଣା ସାଗର କରୁଣା ତୁ କଲୁ
ଭଲ ହୋଇଗଲା ନେତ୍ର,
ଧନ୍ୟ ଜଗନ୍ନାଥ ଧନ୍ୟ ଜଗନ୍ନାଥ
ଧନ୍ୟ ରେ କାଳିଆ ଧନ୍ୟ ତୋ ଶ୍ରୀକ୍ଷେତ୍ର ।୯

ବାଡ଼ି ନଡ଼ିଆ ମୁ ସାଙ୍ଗରେ ଆଣିଛି
ସରଧା ବାଲିରେ ଗଢିଛି ରଥ,
ନନ୍ଦିଘୋଷ ତୋର ଆଗେଇ ଚାଲିଛି
ତୋତେ ଦେଖିବାକୁ ମୁଅସମର୍ଥ. ।୧୦

ଆଶା ମୋର ସବୁ କରିଛୁ ପୂରଣ
କଲୁ ପ୍ରଭୁ ପ୍ରତାରଣା,
ଦର୍ଶନ ନଦେଇ ପ୍ରାଣ ନେଇଗଲୁ
ମନ କରିଦେଲୁ ଉଣା ।୧୧

ଓଡିଶାରାଇଜେ ହୋଇଥିଲି ଜନ୍ମ
ଜୀବନ ସାର୍ଥକ ପାଇଁ,
ଏ ପାପୀ ଜୀବନ ବିନା ଦରସନ
କାହିଁକି ସହିଲ ନାହିଁ ।୧୨

ଦୁଃଖ ଦେଲ ପ୍ରଭୁ ନଦେଇ ଦର୍ଶନ
ଧନ୍ୟ ପ୍ରଭୁ ଚକ ତଳେ ଗଲା ପ୍ରାଣ,
ଦୁଃଖ ରହିଗଲା ନା ପାଇ ଦର୍ଶନ
ସୁଖ ମିଳିଗଲା ଶେଷ ଇଛା ହୋଇଛି ପୁରଣ ।୧୩

ମୋ ହାତୁ ନଡ଼ିଆ ନେବ ଯେବେ ପ୍ରଭୁ
ବାଲି ରଥ ରେ ମୋ ବସିବ,
ଏତିକି କରୁଣା କରିବ ହେ ବନ୍ଧୁ
ଆତ୍ମା ମୋର ଶାନ୍ତି ପାଇବ. ।୧୪

ମଶାଣି ନ ଯାଇ ମୋ ମଲାଦେହ
ବଡ଼ଦାଣ୍ଡରେ ପଡି ରହୁ,
ମୁ ପାଇନାହିଁ ତୋହୋର ଦର୍ଶନ
ଶବ ମୋର ଦେଖୁଥାଉ. ।୧୫

ଏତିକି ଗୁହାରି କରୁଛି କାଳିଆ
ଖୋଲା ରଖିଥିବୁ ତୋଚାରି ଦୁଆର,
ବିନା ଦରସନେ କୌଣସି ଓଡ଼ିଆ
ଯିବ ନାହିଁ ସ୍ଵର୍ଗଦ୍ଵାର ।୧୬

🙏🙏🙏ଜୟ ଜଗନ୍ନାଥ 🙏🙏🙏

ରଥୟାତ୍ରା

ଏକ ଅନ୍ଧଭକ୍ତର କାହାଣୀ ସୌମ୍ୟରଂଜନ ନନ୍ଦ ୯୫୮୩୭୦୧୫୩୧