ନିଜ ଜୀବନ ବଞ୍ଚାଇବାକୁ ଯାଇ ବାଧ୍ୟ ହେଇ ବିବେକ ସବୁ ସତ୍ୟ କହିବାକୁ ଆରମ୍ଭ କଲା । ବିବେକ ସ୍କୁଲ୍ ସମୟରେ ପାଠ ପଢ଼ାରେ ବହୁତ ଦୁର୍ବଳ ଥିଲା । ଦଶମ ଶ୍ରେଣୀରେ ଭଲ ପ୍ରଦର୍ଶନ କରି ନଥିଲେ ମଧ୍ୟ ଧନୀ ଘରର ପିଲା ଥିବାରୁ ପଇସା ବଳ ରେ ବାପା ତାକୁ ଦୂର ବଡ ସହରର ଏକ କଲେଜ୍ ରେ ନାମ ଲେଖେଇ ଦେଲେ । ସେଠାରେ ତାର କଲେଜ୍ ହଷ୍ଟେଲ ରେ ରହିବାର ବ୍ୟବସ୍ଥା କରାଗଲା । ବିବେକ ବାପା ମା' ଏକ ମାତ୍ର ସନ୍ତାନ । ବାପା ଚାହୁଁଥିଲେ ପାଠ ପଢା ପରେ ବିବେକ ତାଙ୍କ ବ୍ୟବସାୟ ସମ୍ଭାଳିବ । ତେଣୁ ବିବେକ ଭଲ ପଢ଼ୁ ବା ନପଢ଼ୁ ତାଙ୍କୁ କିଛି ଫରକ୍ ପଡୁ ନଥିଲା । କେବଳ ସମାଜରେ ନିଜର ଆଭିଜାତ୍ୟର ପ୍ରମାଣ ଦେବାକୁ ଯାଇ ସେ ବିବେକ କୁ ପାଠ ପଢ଼ାଉ ଥିଲେ । ଉକ୍ତ କଲେଜ୍ ରେ ସମସ୍ତ ସମ୍ଭ୍ରାନ୍ତ ଘରର ପିଲା ପାଠ ପଢୁଥିଲେ । କିଛି ଦିନ ମଧ୍ୟରେ ବିବେକ କୁ ନୀତେଶ, ରୋହନ, ସୌମ୍ୟ ଓ କରନ୍ ନାମରେ ଚାରି ଜଣ ସାଙ୍ଗ ମିଳିଗଲେ । ଏମାନଙ୍କ ବନ୍ଧୁତା ବୋହୁତ ନିବିଡ଼ ଥିଲା । ଏମାନଙ୍କ ପାଠ ପଢ଼ାରେ କୌଣସି ଧ୍ୟାନ ନଥିଲା । ସମସ୍ତେ ଉଚ୍ଚ ପରିବାରର ଥିଲେ, ଏମାନଙ୍କୁ ଭଲ ପକେଟ୍ ଖର୍ଚ୍ଚ ବି ମିଳି ଯାଉଥିଲା । ଯାହା ଫଳରେ ଏମାନେ ପାଠ ପଢା ଛାଡ଼ି ବିଭିନ୍ନ ପ୍ରକାର ବଦମାସୀରେ ଲିପ୍ତ ହେଇଗଲେ । ଶ୍ରେଣୀ ରେ ଶିକ୍ଷକ ଙ୍କର ମଜା ଉଡ଼ାଇବା, କଲେଜ୍ ଝିଅ ମାନଙ୍କୁ ହଇରାଣ କରିବା, କଲେଜ୍ ସମ୍ପତି କୁ ନଷ୍ଟ କରିବା, ମଦପାନ୍ୟ କରି ଗୋଣ୍ଡଗୋଳ କରିବା ଏମାନଙ୍କ ପାଇଁ ନିତିଦିନିଆ କାମ ପାଲଟି ଯାଇଥିଲା । ଯିଏ ଏମାନଙ୍କୁ ବିରୋଧ କରୁଥିଲେ, ଏମାନେ ତା'ର ଶତ୍ରୁ ପାଲଟି ଯାଉଥିଲେ । ତାକୁ ବିଭିନ୍ନ ଉପାୟରେ ହଇରାଣ କରିବା ଆରମ୍ଭ କରି ଦେଉଥିଲେ । ଥରେ ଜଣେ ଶ୍ରେଣୀ ଶିକ୍ଷକ ଏମାନଙ୍କୁ ତାଗିଦ୍ କରିବାରୁ ଏମାନେ ତାଙ୍କ ଉପରେ ହାତ ଉଠେଇବାକୁ ମଧ୍ୟ ପଛେଇ ନଥିଲେ । ଏମାନଙ୍କ ଭୟରେ ସେ ଶିକ୍ଷକ ଜଣଙ୍କ କଲେଜ୍ ଛାଡ଼ି ଚାଲିଗଲେ । ବାରମ୍ବାର ଏମାନଙ୍କ ଘର ଲୋକଙ୍କ ନିକଟରେ କଲେଜ୍ ତରଫରୁ ଅଭିଯୋଗ କରାଯାଇଥିଲେ ମଧ୍ୟ କିଛି ସୁଫଳ ମିଳୁ ନଥାଏ । ପ୍ରତିବଦଳରେ ଘର ଲୋକଙ୍କ ଉତ୍ତର ଆସୁଥିଲା, ଯେହେତୁ ଆମେ ପାଠ ପଢା ପାଇଁ ଯଥେଷ୍ଟ ଟଙ୍କା ଖର୍ଚ୍ଚ କରୁଛୁ, ତେଣୁ ଆମେ କୌଣସି ପ୍ରକାର ଅଭିଯୋଗ ଶୁଣି ପାରିବୁ ନାହିଁ । ଆମେ ଟଙ୍କା ଖର୍ଚ୍ଚ କରୁଛୁ ମାନେ ଏମାନଙ୍କ ସମ୍ପୂର୍ଣ୍ଣ ଦାୟିତ୍ଵ ଆପଣ ମାନଙ୍କର । ଏହା ଶୁଣି କଲେଜ୍ କତୃପକ୍ଷ ମଧ୍ୟ ଚୁପ୍ ହେଇ ଯାଉଥିଲେ । ତେଣୁ ଏମାନଙ୍କ ମୁହଁ ବଢି ଚାଲିଥାଏ । ଏମାନଙ୍କ ପାଇଁ ଯଦି କୌଣସି ପିଲାର କ୍ଷତି ହେଉଥିଲା ଆଉ ସେ କଲେଜ୍ କତୃପକ୍ଷଙ୍କ ନିକଟରେ ଅଭିଯୋଗ କରୁଥିଲା, ପଇସା ବଳରେ ତାକୁ ମଧ୍ୟ ଚୁପ୍ କରି ଦିଆଯାଉଥିଲା । ଦିନକୁ ଦିନ ଏମାନଙ୍କ ଉପୋଦ୍ରବ ବଢ଼ି ବଢ଼ି ଚାଲିଥାଏ । ପାଠ ପଢା ତ' ନିମ୍ନଗାମୀ ହେଉଥାଏ ହେଲେ ବିଭିନ୍ନ ପ୍ରକାରର ନୂତନ ବଦମାସୀ ଏମାନଙ୍କ ଖାତାରେ ଯୋଡ଼ି ହେଇ ଚାଲିଥାଏ । କଲେଜ୍ ରେ ସମସ୍ତେ ଏମାନଙ୍କୁ ଭୟ କରୁଥିଲେ ।

ସେହି କଲେଜ୍ ରେ ସୋନାଲି ନାମକ ଏକ ଝିଅ ପଢ଼ୁଥିଲା । ଦେଖିବାକୁ ବୋହୁତ ସୁନ୍ଦର ଥିଲା ସେ । ଛୋଟ ବେଳୁ ତାର ବାପା ମା' ଆରପାରିକୁ ଚାଲି ଯାଇଥିଲେ । ତେଣୁ ସେ ସେବେଠୁ ତା'ର ମାମୁଁ ଙ୍କ ଘରେ ରହି ପାଠ ପଢ଼ିଛି । ବହୁତ୍ ମେଧାବୀ ଛାତ୍ରୀ ଥିଲା ସେ । ଛୋଟ ବେଳୁ ସେ ବହୁତ ଅଭାବରେ ବଢ଼ିଥାଏ । ତେଣୁ ସେ ଭାବିଥାଏ ଭଲ ପାଠ ପଢ଼ି ଗୋଟେ ବଡ଼ ଚାକିରୀ ଟିଏ କରିବ ଏବଂ ନିଜର ସମସ୍ତ ଅଭିଳାଷା ପୂରଣ କରିବ । ତାର ସମସ୍ତ ପ୍ରକାର ଲକ୍ଷ୍ୟ ପୂରଣ ଦିଗରେ ସର୍ବଦା ଅର୍ଥ ଅଭାବ ସାଜିଛି । ହେଲେ ତାର ପାଦ କେବେବି ଅଟକି ନାହିଁ । ସେଥି ପାଇଁ ତାକୁ ବୋହୁତ ପରିଶ୍ରମ କରିବାକୁ ପଡିଥାଏ । ଦଶମ ଶ୍ରେଣୀରେ ଭଲ ମାର୍କ ରଖିଥିବାରୁ ତାକୁ ଏ କଲେଜ୍ ସ୍ଥାନ ମିଳି ଯାଇଥାଏ । ତାକୁ ଏତେ ପର୍ଯ୍ୟନ୍ତ ଆସିବା ପାଇଁ ବହୁତ୍ ସଂଘର୍ଷ କରିବାକୁ ପଡିଛି ତେଣୁ ସେ ଏତେ ବଡ଼ କଲେଜ୍ ରେ ପାଠ ପଢ଼ିବାର ସୁଯୋଗକୁ ବ୍ୟର୍ଥ କରିବା ପାଇଁ ଚାହୁଁ ନଥିଲା ।

ପ୍ରତିଦିନ ପରି ସେଦିନ ମଧ୍ୟ ଶ୍ରେଣୀରେ ଶିକ୍ଷକ ପାଠ ପଢ଼ାଉଥିଲେ । ହଠାତ୍ ବିବେକ ଏବଂ ତାର ଚାରି ଜଣ ସାଙ୍ଗ ମିଶି ଶିକ୍ଷକଙ୍କୁ ହଇରାଣ କରିବା ଆରମ୍ଭ କରିଦେଲେ । ଯାହା ଫଳରେ ଶିକ୍ଷକ ଜଣଙ୍କ ରାଗିଯାଇ ଅଧା ପାଠ ପଢା ଛାଡ଼ି ସେଠାରୁ ରାଗିଯାଇ ଚାଲିଗଲେ । ଏସବୁ ସୋନାଲି କୁ ଜମାବି ଠିକ୍ ଲାଗୁ ନଥାଏ । ସେ ମନେ ମାନେ ବୋହୁତ ରାଗିଲା ଅଥଚ ଅନ୍ୟ ପିଲା ମାନଙ୍କ ପରି ସେ ମଧ୍ୟ ସବୁ ସହି ଚୁପ୍ ରହିଗଲା ।
ସର୍ବଦା ସମୟ ସମାନ ନଥାଏ । ସୋନାଲି ନିଜ ଭବିଷ୍ୟତ କୁ ନେଇ ବୋହୁତ ଚିନ୍ତିତ ଥାଏ । ସେଦିନ ମଧ୍ୟ ସମାନ ଭାବରେ ବିବେକ ଆଉ ତାର ସାଙ୍ଗ ମାନେ ମିଶି ଶ୍ରେଣୀ ରେ ବଦମାସୀ କରିବା ଆରମ୍ଭ କରିଦେଲେ । ପାଠ ପଢା ଅଧାରୁ ବନ୍ଦ ହେଇଗଲା । ହେଲେ ସେଦିନ ସୋନାଲି ର ରାଗ ଚରମ ସୀମାରେ ପହଞ୍ଚି ଯାଇ ଥାଏ । ପ୍ରତିଦିନ ଏମିତି ଘଟିଲେ ତାର ଭବିଷ୍ୟତ ଅନ୍ଧାର ହେଇଯିବ । ଅନ୍ୟତ୍ର ଶିକ୍ଷକଙ୍କ ନିକଟରେ ଟିୟୁସନ ନେବା ପାଇଁ ତା ପାଖରେ ଯଥେଷ୍ଟ ଅର୍ଥ ନଥାଏ । ତାର ପାଠ ପଢା ସମ୍ପୂର୍ଣ୍ଣ ଭାବେ କଲେଜ୍ ଉପରେ ହିଁ ନିର୍ଭର ଥାଏ । ତେଣୁ ସେ ଏଇ ବଦମାସ୍ ପିଲାଙ୍କୁ ପାନେ ଚଖେଇବା ପାଇଁ ନିର୍ଣ୍ଣୟ ନେଲା । ସେ ଯାଇ କଲେଜ୍ କର୍ତୃପକ୍ଷଙ୍କ ନିକଟରେ ବିବେକ ଏବଂ ତା'ର ଚାରି ଜଣ ସାଙ୍ଗଙ୍କ ନାମ ରେ ଅଭିଯୋଗ କରିଦେଲା । କଲେଜ୍ କତୃପକ୍ଷ ଏହି ପାଞ୍ଚ ଜଣଙ୍କ ଚରିତ୍ର ଭଲ ଭାବରେ ଜାଣି ଥିଲେ । ପୂର୍ବରୁ ମଧ୍ୟ ଅନେକ ଅଭିଯୋଗ ଏମାନଙ୍କ ନାମରେ ଆସିଛି । ଆଉ ତାର ପରିଣାମ କଣ ଘଟିଛି ସେ ଭଲ ଭାବରେ ଜ୍ଞ୍ୟାନ୍ତ ଥିଲେ । ପୂର୍ବ ଘଟଣାକୁ କେନ୍ଦ୍ର କରି କିପରି ସୋନାଲି ମଧ୍ୟ ସେଇ ସବୁ ସମସ୍ୟା ଭୋଗ ନକରୁ ସେଥିପାଇଁ ତାକୁ ବୁଝାଇବାକୁ ଲାଗିଲେ ଏବଂ ଯଦି ଅଭିଯୋଗ ପ୍ରତ୍ୟାହାର ନ'କରେ ତାର ପରିଣାମ କଣ ହେବା ତାକୁ କହିଲେ ।
ସତରେ କ'ଣ କଲେଜ୍ କର୍ତୃପକ୍ଷଙ୍କ ଅନୁମାନ ସତ୍ୟ ହେବାକୁ ଯାଉଛି । ସୋନାଲି ର ଜୀବନ ପ୍ରତି କେଉଁ ପ୍ରକାର ବିପଦ ଅଗ୍ରସର ହେଉଛି ? ନା ଏସବୁର କିଛି ସମାଧାନ ବାହାରିବ ?

କ୍ରମଶଃ...............

ରହସ୍ୟର ଛାୟାପଥ (ଭାଗ-୨)

ଅନ୍ଧାରରେ ଲୁକ୍କାୟିତ ସତ୍ୟର ସନ୍ଧାନ