ରାୟଗଡା:- ଏଇ ଚାରି ଶବ୍ଦ କେବଳ ଓଡିଶା ର ଗୋଟିଏ ଜିଲ୍ଲାର ନାମ ନୁହଁ ଏହା ହେଉଛି ଗୋଟିଏ ଭାବନା, ଗୋଟିଏ ପ୍ରେମ ଆଉ ପ୍ରକୃତିର ପରିଚୟ। ଯେଉଁମାନେ ପ୍ରକୃତିକୁ ଅନୁଭବ ବା ଉପଭୋଗ କରିବାକୁ ଚାହୁଁଛନ୍ତି ସେମାନ ସମସ୍ତଙ୍କ ପାଇଁ ଜୀବନରେ ଗୋଟିଏ ଥର ଭ୍ରମଣ ଓ ପରିଦର୍ଶନ କରିବାର କେବଳ ଗନ୍ତବ୍ୟସ୍ଥଳ ହେଉଛି ରାୟଗଡା।

ଆମ୍ଭେମାନେ ସମସ୍ତେ ନିଶ୍ଚୟ ଓଡ଼ିଆ ସିନେମା କିମ୍ବା ରାଜନୈତିକ ଜଗତରେ ଏମିତି ନିଶ୍ଚୟ ବହୁତ କଟୁବାଣୀ ଶୁଣିବାକୁ ପାଇଥିବା ଯେ ରାୟଗଡା ଜିଲ୍ଲା କେତେ ଅବହେଳିତ କେତେ ପଛୁଆ ଆଉ ଅଶିକ୍ଷିତ ସ୍ଥାନ। ଏଠାରେ କେବଳ ଆଦିବାସୀ ମାନେ ରହୁଛନ୍ତି। ସଭ୍ୟ ସମାଜ ର କୈାଣସି ଲୋକ ଏଠାରେ ରହିବାକୁ ପସନ୍ଦ କରୁନାହାଁନ୍ତି ବା ରହିବା ପାଇଁ ଯୋଗ୍ୟ ନୁହଁ। ଏଠାରେ ନିତ୍ୟ ଆବଶ୍ୟକ ସାମଗ୍ରୀର ଅଭାବ ରହିଛି।ଆଉ ଏମିତି ବି ଶୁଣିଛୁ ନିଶ୍ଚୟ ଯେଉ ଅଧିକାରୀ ଠିକ୍ ସେ କାମକରେ ନାହିଁ ତାକୁ ଦଣ୍ଡ ବିଧାନ ହିସାବରେ ରାୟଗଡା କୁ ସ୍ଥାନାନ୍ତର କରାଯିବା ର ଧମକ ଦିଆଯାଏ ବା ଭୟଭୀତ କରାଯାଏ।

ଆମର ପ୍ରିୟ ଆଉ ନିରୀହ ଜିଲ୍ଲା ରାୟଗଡା ଓ ଏଠାରେ ବସବାସ କରୁଥିବା ରାୟଗଡା ବାସିନ୍ଦା ମାନଙ୍କୁ ବଦନାମ୍ କରାଯିବା ପାଇଁ ବହୁତ ହୀନ ଚକ୍ରାନ୍ତ କରାଯାଇଛି ଆଉ ବର୍ତ୍ତମାନ ପର୍ଯ୍ୟନ୍ତ ବି ସବୁ ଏହିପରି ଘୃଣ୍ୟ କର୍ମରେ ଲିପ୍ତ। କିନ୍ତୁ ବର୍ତ୍ତମାନ ରାୟଗଡା ଜିଲ୍ଲାର ଦଶାଦିଶା ସବୁ ବଦଳି ଯାଇଛି ଆମ ଜିଲ୍ଲାର ବହୁତ ଦ୍ରୁତ ଗତିରେ ଅଭିବୃଦ୍ଧି ଓ ବିକାଶର ରାସ୍ତାରେ ଅଗ୍ରସର।

ଆମ ଜିଲ୍ଲା ବୁଲେଇ ନେବି ତୋତେ

ମୋ କର୍ତ୍ତବ୍ୟ କହିଛି ମୋତେ ।।

ସବୁଜ ବନାନୀ ବଡ଼ବଡ଼ ପାହାଡ଼

JK,IMFAପରି ଉଦ୍ୟୋଗ ର ଦାହାଡ।।

ଜଙ୍ଗଲ ଭିତରେ ସବୁଜିମା କ୍ଷେତ

କ୍ଷେତ ଭିତରେ ଆମ ରାଜ୍ୟର ଭବିଷ୍ୟତ ।।

ଆଦିବାସୀ ମାନେ ଆମର ଆକର୍ଷଣ

ଜୀବିତ ସଂସ୍କୃତିର ସେମାନେ କାରଣ।।

ବଂଶଧାରା ନାଗାବଳୀ ପରି କେତେ ନଦୀ

ଏଠାରେ ଲୁଚିଛି ଭାରତର ପ୍ରତିଛବି ।।

ଆହୁରି ଅଧିକ କେତେ ଦେଖାଇବି ତୋତେ

ଆସିବି ବୋଲି ପ୍ରତିଶୃତି ଦେଲେ ମୋତେ ।।

ରାୟଗଡା ବିକାଶର କିଛି ପଟ୍ଟଚିତ୍ର

ଶିଳ୍ପଦ୍ୟୋଗ

ଶିଳ୍ପ ଓ ଉଦ୍ୟୋଗ ରେ ବର୍ତ୍ତମାନ ରାୟଗଡା ବହୁତ ଦ୍ରୁତ ଗତିରେ ପ୍ରଗତି କରୁଛି। ପ୍ରକୃତି ର ପ୍ରିୟ ସନ୍ତାନ ହୋଇଥିବାରୁ ଏଠାରେ ବହୁତ ଖଣିଜ ସମ୍ପଦ ଭରପୁର ହୋଇ ରହିଛି ଯେମିତି କି ଆଲୁମିନିୟମ, ବକ୍ସାଇଟ,ଗ୍ରାଫାଇଟ୍,ମାଙ୍ଗାନିଜ୍,ଲାଇମଟ୍ଟୋନ । ଏହାକୁ ବାହାର କରିବା ପାଇଁଁ ବି ଏଠାରେ ବହୁତ କମ୍ପାନୀ ରହିଛି ଯେମିତି ଉତ୍କଳ ଆଲୁମିନା, ଭୂଷଣ ଷ୍ଟିଲ, ଇମ୍ଫା, ବେଦାନ୍ତ ଏହି କମ୍ପାନୀ ଗୁଡ଼ାକ ହଜାର ହଜାର ଲୋକଙ୍କୁ ଜୀବିକା ପ୍ରଦାନ କରିବା ସହ ନିକଟସ୍ଥ ସ୍ଥାନର ଆର୍ଥିକ ସ୍ଥିତି କୁ ସୁଧାରିବାରେ ସକ୍ଷମ ହୋଇଛି। ଏଠାରେ ଭାରତର ଅନ୍ୟତମ ସୁପ୍ରସିଦ୍ଧ କମ୍ପାନୀ ଜେ.କେ ପେପର୍ ମିଲ୍ ବି ରହିଛି।

ପର୍ଯଟନ ସ୍ଥଳ

ଧାର୍ମିକ ପର୍ଯ୍ୟଟନ ସ୍ଥଳୀର ଗନ୍ତାଘର ହେଉଛି ଆମର ଜିଲ୍ଲା ଏଠାରେ ପ୍ରତି ୫-୧୦ କିଲୋମିଟର ରେ ଗୋଟିଏ ମନ୍ଦିର ରହିଛି। କିଛି ସୁପ୍ରସିଦ୍ଧ ଧାର୍ମିକ ସ୍ଥଳ ହେଉଛି।

ମଝିଘରିଆଣୀ ମନ୍ଦିର

ଏହି ମନ୍ଦିରଟି ରାୟଗଡାର ହୃଦୟ ଉପରେ ଅବସ୍ଥିତ। ଏଠାକୁ ପ୍ରତିଦିନ ହଜାର ହଜାର ଭକ୍ତଙ୍କର ସୁଅ ଛୁଟିଥାଏ ମାଁ ଙ୍କ ଦର୍ଶନ ପାଇଁ।ବହୁ ଦୁର ଦୁରାନ୍ତରୁ ଭକ୍ତ ମାଡ଼ି ଆସନ୍ତି ମାନସିକ ପୂରଣ କରିବା ପାଇଁଁ। ବିଶ୍ଵାସ କରାଯାଏ ଭକ୍ତି ଭାବରେ ଯାହା ମାଗିବ ମାଁ ତାହା ପୂରଣ କରନ୍ତି । ବିଶେଷ କରି ଆନ୍ଧ୍ର ପ୍ରଦେଶ ଓ ତେଲେଙ୍ଗାନାର ଅଧିକ ଭକ୍ତ ଏଠାକୁ ଦର୍ଶନ ନିମନ୍ତେ ଆସିଥାନ୍ତି।

ମିନାଝୋଲା

ଏହା ଗୋଟିଏ ଶ୍ୟୈବପୀଠ ଅଟେ। ରାୟଗଡା ରୁ ୧୦୦ ଓ ଗୁଣପୁର ସହରରୁ ୬୦ କିଲୋମିଟର ଦୂରରେ ଏହି ପୀଠ ଅବସ୍ଥିତ। ଏଠାରେ ମହାପ୍ରଭୁ ଭୋଲାନାଥ ପଥର ଗହ୍ୱରରେ ବିରାଜମାନ କରିଛନ୍ତି। ଏହି ପୀଠକୁ ଯିବା ପାଇଁ ହେଲେ ଛୋଟ ଛୋଟ ପାହାଡ,ପର୍ବତ, ନଦୀ ଓ ନାଳ ପାର କରିବାକୁ ପଡିଥାଏ। ସେଇଥି ପାଇଁ ଏମିତି କମନୀୟ ପ୍ରାକୃତିକ ପରିବେଶକୁ ଉପଭୋଗ କରିବା ପାଇଁଁ ପ୍ରତିବର୍ଷ ହଜାର ହଜାର ଭକ୍ତଙ୍କ ସୁଅ ଛୁଟିଥାଏ। ପ୍ରାକୃତିକ ବିମଳ ପରିବେଶ ହୋଇ ଥିବାରୁ ଏହା ଗୋଟିଏ ସୁପ୍ରସିଦ୍ଧ ପିକ୍ ନିକ୍ ବା ବନଭୋଜି ସ୍ଥଳ ହିସାବରେ ପରିଗଣିତ।

ଏଠାରେ ତ୍ରିବେଣୀ ସଙ୍ଗମ ବି ରହିଛି ଯେଉଁଠି କି ବଂଶଧାରା,ଫଳିଫଳିଆ ଓ ଚାଉଳଧୁଆ ନଦୀର ମିଳନ ହୋଇଛି ଆଉ ଏହାର ବେଶେଷ ଧାର୍ମିକ ମହତ୍ତ୍ଵ ରହିଛି। ଏପରି ମନଲୋଭା ଦୃଶ୍ୟ ଓ ଶାନ୍ତ ପରିବେଶ ହୋଇଥିବାରୁ ଏଠାରେ ହଜାର ହଜାର ସାଧୁ ସନ୍ଥ ମାନେ ଆସି ତପସ୍ୟା କରି ପୁଣ୍ୟଲାଭ କରିଥାଆନ୍ତି। ମୁନିଋଷି ମାନଙ୍କ ତପସ୍ୟା ର ସ୍ଥଳୀ ହୋଇଥିବା ରୁ ଏହାକୁ ଶକ୍ତିପୀଠ ବୋଲି ବି କୁହାଯାଏ।

ଝୁଲା ବ୍ରିଡଜ୍

ଆମ ଜିଲ୍ଲାରେ ଦୁଇଟି ଝୁଲା ବ୍ରିଡଜ୍ ଅବସ୍ଥିତ ଗୋଟିଏ ରାୟଗଡ଼ାରେ ଓ ଅନ୍ୟଟି ଗୁଡ଼ାରୀ ଠାରେ। ନାଗାବଳୀ ର ପଥର ଭରାନଦୀ ଉପରେ ଅବସ୍ଥିତ ହୋଇଥିବାରୁ ସନ୍ଧ୍ୟା ସମୟରେ ଏଠାରେ ବହୁତ ଦର୍ଶକଙ୍କ ସୁଅ ଛୁଟିଥାଏ। ଏହା ହେଉଛି ଓଡିଶାର ଦ୍ଵିତୀୟ ବୃହତ୍ତମ ଝୁଲା ବ୍ରିଡଜ୍ସ।ସପରିବାର ସହ ଆସି ଲୋକମାନେ ଏଠାକାର ପ୍ରାକୃତିକ ପରିବେଶକୁ ଉପଭୋଗ କରନ୍ତି।

ଚାଟିକଣା ଜଳପ୍ରପାତ

ଏହା ବି ଗୋଟିଏ ଶ୍ୟୈବପୀଠ ଅଟେ। ସୁନ୍ଦର ସବୁଜ ବନାନୀ ମଧ୍ୟରେ ଅବସ୍ଥିତ ଏହି ଜଳପ୍ରପାତ । ଏହାର ଦୃଶ୍ୟ ବହୁତ ମନଲୋଭା ଓ ହୃଦୟସ୍ପର୍ଶୀ ଅଟେ। ଭକ୍ତି ସହ ପ୍ରକୃତିର ମିଳନର ଜ୍ୱଳନ୍ତ ଉଦାହରଣ ଅଟେ ଏହି ପୀଠ। ଏଠାରେ ଗୋଟିଏ ସୁନ୍ଦର ଗଦଗଦା ଜଳପ୍ରପାତ ସହ ଆମ ଜିଲ୍ଲାରେ ଅନେକ ଜଳପ୍ରପାତ ରହିଛି ଯେମିତି କି ଦୂର୍ଗାପାଡୁ ଜଳପ୍ରପାତ,ଜିମିଡିପେଟା ଜଳପ୍ରପାତ,ମିନାଖୁଣ୍ଟି ପ୍ରପାତ।

କେନ୍ଧୁଗୁଡା ଡେମ୍

ଡେମ୍ ମାନଙ୍କ ମଧ୍ୟରୁ ଏହା ଅନନ୍ୟ ଅଟେ। କେନ୍ଧୁଗୁଡା ଠାରେ ଅବସ୍ତିତ ଥିବାରୁ ଏହାକୁ କେନ୍ଧୁଗୁଡା ଡେମ୍ କୁହାଯାଏ। ଏହା ଦେଖିବା ପାଇଁ ବହୁତ ସୁନ୍ଦର ସେଇଥି ପାଇଁ ବହୁତ ଦୂରରୁ ଲୋକ ଦେଖିବା ପାଇଁ ଏଠାକୁ ଆସନ୍ତି। ଏହି ବେତ ଟି ବସୁନ୍ଧରା ନଦୀ ଉପରେ ଉପସ୍ଥିତ। ପଦ୍ମପୁର ଗ୍ରାମର ଆଖାପାଖି ୨୦୦-୩୦୦ ଗ୍ରାମ କୁ ଏହା ପାଣି ଯୋଗାଇ ଥାଏ। ଏହା ପ୍ରାୟ ୩୨୫ ମିଟର ଉଛ୍ଛା ଓ ୪୮ ମିଟର ଲମ୍ବା ଅଟେ। ଓଡ଼ିଆ ଚଳଚ୍ଚିତ୍ର ବାବୁଶାନ୍ ଙ୍କ ଦ୍ଵାରା ଅଭିନୀତ ନୂଆ ଶାୟରି ମୁଁ ନୂଆ କବିତା ମୋତେ ପାଗଳ କଲୁ ଆହିସ୍ଥା ଆହିସ୍ଥା ଏହି ଗୀତଟି ଏଠାରେ ସୁଟିଙ୍ଗ କରାଯାଇଛି।

ହାତୀ ପଥର:

ଏହା ଗୋଟିଏ ସୁପ୍ରସିଦ୍ଧ ପର୍ଯଟନ ସ୍ଥଳ ଅଟେ। ରାୟଗଡା ଠାରୁ କେବଳ ୩ କିଲୋମିଟର ଓ ମାଁ ମଝିଘରିଆଣୀ ମନ୍ଦିର ଠାରୁ କେବଳ ୨ କିଲୋମିଟର ଦୂରରେ ଅବସ୍ଥିତ ଏହି ବନଭୋଜି ସ୍ଥଳ । ପ୍ରକୃତି ଦ୍ଵାରା ହାତୀସମ ବହୁତ ବଡ଼ ବଡ଼ ପଥର ରେ ସୁସଜ୍ଜିତ ହୋଇଅଛି। ଯେହେତୁ ଏ‌ହି ସ୍ଥଳର ପୂର୍ବଭାଗ ହସ୍ତିର ମୁଖ ସଦୃଶ୍ୟ ଦୃଶ୍ୟମାନ ହୁଏ ଏହାକୁ ହାତୀ ପଥର ବୋଲି କୁହାଯାଏ। ଏଠାରେ କ୍ଷୁଦ୍ର ଜଳପ୍ରପାତ ମଧ୍ୟ ଅଛି। ଯାହା ଏହି ସ୍ଥଳକୁ ଆହୁରି ଅଧିକ ମନଲୋଭା କରି ଦେଇଥାଏ।

ଦେବଗିରି ପର୍ବତଶୃଙ୍ଗ

ଏ‌ହା ଓଡ଼ିଶାର ଅନ୍ୟତମ ସୁପ୍ରସିଦ୍ଧ ଓ ସର୍ବ ବୃହତ୍ ପର୍ବତଶୃଙ୍ଗ ଅଟେ। କଲ୍ୟାଣସିଂହପୁର ଯିବା ରାସ୍ତାରେ ଏହା ଅବସ୍ଥିତ। ଏଠାରେ ପ୍ରାକୃତିକ ଦୃଶ୍ୟ ବହୁତ ମନୋରମ ଅଟେ। କୋୖଣସି ଅନ୍ତର୍ଜାତୀୟ ପର୍ବତ ରୁ କମ୍ ନୁହଁ। ଏହି ଶୃଙ୍ଗର ଶୀର୍ଷରେ ମାଁ ଲକ୍ଷ୍ମୀଙ୍କ ମନ୍ଦିର ରହିଛି। ସେଠାରେ ପହଞ୍ଚିଗଲେ ସ୍ଵର୍ଗର ଅନୂଭୁତି ହୁଏ।ଏହାର ସୁନ୍ଦରତା କୁ କୈାଣସି ଶବ୍ଦରେ ବର୍ଣ୍ଣନା କରାଯାଇ ପାରିବ ନାହି।

ରାୟଗଡା ଘାଟି

ମୁକୁନ୍ଦପୁର ଓ ରାୟଗଡା ମଧ୍ୟରେ ଗୋଟିଏ ଘାଟି ପଡ଼େ । ଯେଉଁ ଯାତ୍ରିମାନେ ଏହି ରାସ୍ତା ଦେଇ ଯାତାୟତ କରିଛନ୍ତି ସେମାନେ ନିଶ୍ଚୟ ଜାଣିଥିବେ ଯେ କେତେ ଭୟଙ୍କର ଲାଗେ ଏହି ରାସ୍ତା ଦେଇ ଗତି କରିବା ଲାଗେ ଯେମିତି ପ୍ରାଣ ଗଲାରେ ଆସି ଅଟକି ଯାଇଛି ଆଉ ଯମରାଜା ହାତ ମେଲାଇ ଅପେକ୍ଷା କରିଛନ୍ତି ଆଲିଙ୍ଗନ କରିବା ପାଇଁଁ । କିନ୍ତୁ ଯେଉଁମାନେ ଏହି ଦୃଶ୍ୟକୁ ଟିକେ ଅନ୍ୟ ଦୃଷ୍ଟିରୁ ଦେଖିବେ ସେମାନେ ଜାଣିପାରିବେ ଯେ କେତେ ମନୋହର ବା ମନୋରମା ଦୃଶ୍ୟ ଏହା।ଶକ୍ତ ପାହାଡ଼ କୁ କାଟି କେମିତି ସୁନ୍ଦର ରାସ୍ତା ନିର୍ମାଣ କରାଯାଇଛି।ଚାରି ଦିଗରେ ସବୁଜ ବନାନୀ ତନ୍ମଧ୍ୟରେ ସୁଢଳ ରାସ୍ତା ଲାଗେ ଯେମିତି ସ୍ଵର୍ଗରୁ ଓହ୍ଲାଇ ପୂଥିବି ରେ ଧରାବତରଣ କରୁଛୁ। ପାହାଡ଼ ଶିର୍ଷରୁ ବୃହତ ବୃକ୍ଷମାନ ସବୁ ଘାସ ତୃଲ୍ୟ ଦୃଶ୍ୟମାନ ହୁଏ।ଲିପ୍ଟ ରୁ ତଳକୁ ଖସିଆସିଲା ପରି ଲାଗେ।

ଖାଦ୍ୟଶସ୍ୟ

ବହୁତ ହସ ମାଡି ଆସେ ଯେତେବେଳେ ପ୍ରକୃତି କୋଳକୁ ଆସି ଖାଦ୍ୟଶସ୍ୟ ବିଷୟରେ ଆଲୋଚନା କରୁ। ଯାହା ଚାହିଁବ ତାହା ପାଇବ କିଛି,ଷ୍ଟବେରି ରୁ ଆରମ୍ଭ କରି କଦଳୀ, ନଡ଼ିଆ,ଭଣ୍ଡା, ପିଜୁଳି,କଇଠ,ଜାମୁ,ପଣସ, ସପୁରୀ,ଧାନ, ଚାଉଳ, ମାଣ୍ଡିଆ,ମକା,ଶାଗ, ଭେଣ୍ଡି,ମୂଳା, ଗାଜର,ବିଟ୍। ଏମିତି ଆହୁରି ଅନେକ ସବୁ ଫ୍ରେସ୍ ପାଇବେ,୧୦୦% ଅରଗାନିକ୍।

ରାୟଗଡିଆ

ଆମ୍ଭମାନଙ୍କୁ କୋରାପୁଟିଆ ବା ରାୟଗଡିଆ ବୋଲି କୁହାଯାଏ। ଏଠାରେ ୭୦% ଆଦିବାସୀ, ହରିଜନ ଓ କନ୍ଧ ଜାତିର ଲୋକେ ବସବାସ କରୁଛନ୍ତି। ଦିନଥିଲା ଆମେ ସବୁ ଅଶିକ୍ଷିତ ଥିଲୁ କିନ୍ତୁ ବର୍ତ୍ତମାନ ଆମେ ଶିକ୍ଷିତ। ଦୁନିଆର ତାଳେ ତାଳେ ପାଦ ଦେଇ ଚାଲିବା ଆମେ ଶିଖିଛୁ।ଆପଣ ମାନେ ଜାଣି ଖୁସି ନିଶ୍ଚୟ ହେବେ ଯେ ପୁଅ ଆଉ ଝିଅ ଲିଙ୍ଗ ଅନୁପାତ ରେ ଓଡ଼ିଶା ରାଇଜ ରେ ଆମରାୟଗଡା ନମ୍ବର ୧ ...….ହଁ ଆମେ ସବୁ ଟିକେ ନିରୀହ ଓ ସରଳ ବିଶ୍ଵାସି ସେଇଥି ପାଇଁ ଲୋକମାନଙ୍କୁ ବହୁତ ଶୀଘ୍ର ବିଶ୍ଵାସ କରିଦେଉ ଓ ବିଶ୍ବାସଘାତ ର ଶୀକାର ହେଇଯାଉ। ବୋଧହୁଏ ଏଇଥି ପାଇଁ ଲୋକ ଦୁନିଆ ଆମକୁ ମୂର୍ଖ ବୋଲି କୁହେ ଆଉ ଆମେ ସମସ୍ତଙ୍କ ହାସ୍ୟର ଶିକାର ହେଇଥାଉ। କିନ୍ତୁ ଆମକୁ ଏଥିରେ କିଛି ଖରାପ ଲାଗେନାହିଁ ଆମେ ସବୁ ଅନ୍ୟର ଖୁସିରେ ଖୁସି ହେଇଥାଉ।

ଯାହା ହେଉ ପଛକେ ଯଦି ଧରିତ୍ରୀ ରେ ସ୍ଵର୍ଗ ଦେଖିବାକୁ ଚାହୁଁଛ ତା ହେଲେ ଆମ ରାୟଗଡା ଟିକେ ବୁଲି ଆସିବେ।।।

ଜୟ ହିନ୍ଦ୍ ଜୟ ଭାରତ ଜୟ ଶ୍ରୀରାମ ଜୟ ଜଗନ୍ନାଥ

ଲେଖକ: ସୁନୀଲ୍ କୁମାର୍ ଚୌଧୁରୀ

Writer: Sunil Kumar Choudhury

ରାୟଗଡା ପର୍ଯ୍ୟଟନ Rayagada Tourism

The Best Place in The World To Explore is Rayagada,Odisha