ସେପ୍ଟେମ୍ବର ୮ ତାରିଖ। ବାୟୁ ସେନା ଦିବସ। ଏହି ଦିନଟି ମୋ ପାଇଁ କେବଳ ପାଠ୍ୟପୁସ୍ତକର ଏକ ପାଠ ନଥିଲା, କାରଣ ଗତ ବର୍ଷ ମୁଁ ଏକ ବାୟୁ ସେନା ପ୍ରଦର୍ଶନୀ ଦେଖିବାର ସୁଯୋଗ ପାଇଥିଲୁ। ସେଦିନର ସବୁ ସ୍ମୃତି ଆଜି ବି ମୋ ମନରେ ଜୀବନ୍ତ ଅଛି।

ସେଦିନ ସକାଳ ବେଳକୁ ଆମେ ପରିବାର ସହିତ ପ୍ରଦର୍ଶନୀ ସ୍ଥଳକୁ ପହଞ୍ଚିଲୁ। ସେଠାରେ ପହଞ୍ଚିବା ମାତ୍ରେ ଦେଖିଲୁ ବିରାଟ ବିରାଟ ଯୁଦ୍ଧ ବିମାନଗୁଡିକ ସଜାଯାଇ ରଖିଛନ୍ତି। ବିମାନଗୁଡିକ ଦେଖିବାକୁ ଯେମିତି ବିରାଟ ପକ୍ଷୀ ଭଳି ଲାଗୁଥିଲା, ଯାହାକୁ ଦେଖି ଆମ ଛୋଟ ଭଉଣୀ ଉତ୍ସାହରେ ଚିତ୍କାର କରି ଉଠିଥିଲା, "ଦାଦା, ଏସବୁ କେତେ ବଡ଼!"

କିଛି ସମୟ ପରେ ବାୟୁ ସେନା ଜବାନମାନେ ଆସିଲେ। ସେମାନଙ୍କୁ ଦେଖିଲାବେଳକୁ ମନେ ହେଉଥିଲା ଯେମିତି ଜୀବନ୍ତ ଦେଶପ୍ରେମ ଆମ ଆଗେ ଠିଆ ହୋଇଛନ୍ତି। ସେମାନଙ୍କ ଚାହାଣିରେ ଥିଲା ଏକ ଅଦ୍ମୟ ଆତ୍ମବିଶ୍ୱାସ, କିନ୍ତୁ କଥା ହେବାର ଢଙ୍ଗ ଥିଲା ଅତ୍ୟନ୍ତ ନମ୍ର। ଜଣେ ଜବାନ୍ ଆମକୁ ତାଙ୍କ ହେଲମେଟ୍ ଓ ଉଡ଼ାଣ ପୋଷାକ ଦେଖାଇଥିଲେ। ସେ କହିଥିଲେ, "ଏହି ପୋଷାକ କେବଳ ଏକ ଯୁଦ୍ଧ ପୋଷାକ ନୁହେଁ, ଏହା ଆମ ଦାୟିତ୍ୱର ପ୍ରତୀକ।"

ତା'ପରେ ଆରମ୍ଭ ହେଲା ବିମାନ ଉଡ଼ାଣ ପ୍ରଦର୍ଶନୀ। ବିମାନଗୁଡିକ ଆକାଶରେ ନାନା ରଙ୍ଗର ଚିତ୍ର ଆଙ୍କୁ ଥିଲେ। କେତେବେଳେ ବିମାନ ଗୁଡ଼ିକ ଏକତ୍ର ହୋଇ ଉଡ଼ୁଥିଲେ, କେତେବେଳେ ବିଛିନ୍ନ ହୋଇ ବିଭିନ୍ନ କରାତ୍ବଜୀ ଦେଖାଉଥିଲେ। ଆକାଶ ଯେମିତି ସେମାନଙ୍କ କାନ୍ଥ ଥିଲା ଏବଂ ବିମାନ ଗୁଡ଼ିକ ତା'ଉପରେ ନୃତ୍ୟ କରୁଥିଲେ। ଲୋକଙ୍କ ମୁହଁରେ ଥିବା ଆଶ୍ଚର୍ଯ୍ୟ ଓ ଗର୍ବର ଭାବ ଦେଖି ମୁଁ ବୁଝିପାରିଲି ଯେ ଏହା କେବଳ ଏକ ପ୍ରଦର୍ଶନୀ ନଥିଲା, ଏହା ଥିଲା ଆମ ସମସ୍ତଙ୍କ ମନରେ ବିଶ୍ୱାସ ଓ ସୁରକ୍ଷାର ଅନୁଭୂତି।

ସେହି ଦିନ ମୁଁ ଏକ ଗୁରୁତ୍ୱପୂର୍ଣ୍ଣ କଥା ଶିଖିଥିଲୁ। ଆମେ ଯେତେବେଳେ ରାତିରେ ନିଶ୍ଚିନ୍ତରେ ଶୋଉଥାଉ, ଯେତେବେଳେ ଖାଦ୍ୟ ଖାଉଥାଉ, ବା ପଢ଼ୁଥାଉ, ସେତେବେଳେ ବି ଆମ ବାୟୁ ସେନାର ଜବାନମାନେ ଆକାଶରେ ଆମ ରକ୍ଷାର ପ୍ରହରୀ ହୋଇ ଠିଆ ହୋଇଥାନ୍ତି। ସେମାନେ ଆମ ଶାନ୍ତିର ଜୀବନ୍ତ ପାଳକ।

ସେଦିନ ଘରକୁ ଫେରିବାର ପଥରେ ମୋ ମନରେ ଏକ ଭାବନା ଜାଗ୍ରତ ହୋଇଥିଲା। ଆଜି ଯେତେବେଳେ ମୁଁ ଆକାଶକୁ ଦେଖେ, ସେଇ ବୀରଙ୍କ ପ୍ରତି କୃତଜ୍ଞତାରେ ମୋ ହୃଦୟ ଭରିଯାଏ। ବାୟୁ ସେନା ଦିବସ ଆମକୁ ଶିଖାଇଥାଏ ଯେ ଶାନ୍ତି ଓ ସୁରକ୍ଷା କେବେ ବିନା ମୂଲ୍ୟରେ ମିଳେ ନାହିଁ। ଏହାର ପଛରେ ଥାଏ କେତେଜଣ ବୀରଙ୍କ ଅବିରାମ ପ୍ରୟାସ ଓ ତ୍ୟାଗ।

ଆଜି ବି ସେଇ ସ୍ମୃତି ମୋ ମନରେ ତାଜା ଅଛି। ବାୟୁ ସେନା ଦିବସ କେବଳ ଏକ ଦିବସ ନୁହେଁ, ଏହା ଏକ ଅନୁଭୂତି, ଏକ ଶିକ୍ଷା ଏବଂ ଏକ ଚିରକାଳୀନ କୃତଜ୍ଞତାର ଅଭିବ୍ୟକ୍ତି। ଆସନ୍ତୁ, ଆମେ ସମସ୍ତେ ମିଶି ଏହି ମହାନ ବୀରଙ୍କୁ ପ୍ରଣାମ କରିବା ଏବଂ ସେମାନଙ୍କ ପ୍ରେରଣାରେ ଦେଶ ପାଇଁ କିଛି କରିବାର ପ୍ରତିଶ୍ରୁତି ନେବା।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!

ଶାନ୍ତି ଓ ସୁରକ୍ଷାର ପାଳକ - ବାୟୁ ସେନା ଦିବସର ସ୍ମୃତି

ଶାନ୍ତି ଓ ସୁରକ୍ଷାର ପାଳକ - ବାୟୁ ସେନା ଦିବସର ସ୍ମୃତି