ଶୀର୍ଷକ:- ଯେବେ ପ୍ରେମ ଶେଷ ପଦ ରେ ପହଞ୍ଚେ:-

    ଜୀବନରେ ମୁ କେବେ ପ୍ରେମ କରିନି ମାତ୍ର ଅନ୍ୟ ମାନଙ୍କୁ ପ୍ରେମ କରିବାର ଦେଖିଚି ସେଥିରେ ଖୁବ୍ କମ୍ ଜିତି ଥାଆନ୍ତି ତ ବହୁତ୍ ଜଣ ପ୍ରତାରଣା ର ଶିକାର ହୁଅନ୍ତି.....

       ସ୍ବପ୍ନ ସବୁ ଯେବେ କଡ ଲେଉଟାଏ
        ମୋ ମନର ଫୁଲ ଶେଯେ;
ଅଶ୍ରୁଜଳ ଟୋପା ଟୋପା ଝରି
       ଶୁଖିଲା ଅଧର ଭିଜେ ।।
ମନରେ ଭରି ନୀରବ ଯାତନା
ଲୁଚି ଯାଏ କେଉଁଠାରେ
ଭୁଲିଯାଏ ଯେତେ ପୁରୁଣା କଥାକୁ
ନିରନ୍ତର ମନ ଝୁରେ....!!

       ଯେଉଁଠି ଭାଙ୍ଗି ଯାଏ ବିଶ୍ୱାସ ଭରଷା ଆଦର ସ୍ନେହ ପ୍ରେମ... କେବଳ ମାତ୍ର ଶୁଭେ ପ୍ରତାରଣା, ଛଳନା, ଧୋକା, ବିରହ, ଯନ୍ତ୍ରଣାର ଅଶୁଭନାଦ । ଯେବେ ପ୍ରେମ ଶେଷ ପଦରେ ପହଞ୍ଚେ......🥺💔

               ତୁମେ ଦେଇଥିବା କିଛି ସ୍ମୃତି ବିନ୍ଦୁଙ୍କୁ
               ଜଳାଞ୍ଜଳି ଦେଈ ସାରିଛି ନିଜକୁ
               ବନ୍ଧା ପକାଇ ଦେଇଛି
                      ଲୁକ୍କାୟିତ ବେଦନା କୁ.........
                 କାହା ପାଇଁ ପ୍ରେମ ଅନ୍ଧକାର ତ କାହା ପାଇଁ ଅଭିଶପ୍ତ ମାତ୍ର ମୋ ପାଇଁ ପ୍ରେମ କଳଙ୍କିତ ଯିଏ ମତେ କଳଙ୍କିନୀ ନାୟିକା ରୂପେ ସଜେଇ ଦେବାକୁ ବାଧ୍ୟ କରିଛି ।।

                ପ୍ରେମରେ କିଏ ହାରେ ତ କିଏ ମରେ ହେଲେ ଏଠି ପ୍ରତିଦିନ ମୁ ଜଳୁଛି...... ସମସ୍ତଙ୍କ ପରି ମୋ ପ୍ରେମ ନୁହେଁ । ପ୍ରେମ କଳଙ୍କର ମିଠା ଚିହ୍ନ .... ଘଟିଥିବା ପ୍ରତାରଣା ର ପ୍ରତିରୂପ ।
                ତା ପ୍ରେମ ନାଟକର ମୁଁ
                କଳଙ୍କିତ ଚିରଶୁପ୍ତ ଜହ୍ନ
                ତଥାପି କାହିଁ ହୃଦୟ ବେଳା ରେ
               ପ୍ରତିବାର ଖୋଜେ ତା ପାଦ ଚିହ୍ନ।।

        ହଠାତ୍ ଆଜି କାଇଁ ମନେ ପଡ଼ିଗଲି ତୁମର ସେ ଦରସିଝା ସ୍ମୃତି ପଟ୍ଟରେ.... ଅଭାଗିନୀ କଲଙ୍କିନୀ କହି ଦୂରେଇ ଦେଇ ଯାଇଥିଲ ତୁମେ ମୋତେ। ସେ ପ୍ରେମର ଜହର ପାନରୁ ଏ ଯାଏ ମୁଁ ଆରୋଗ୍ୟ ମଧ୍ୟ ହୋଇ ନାହିଁ, ପୁଣି ମୋ ଜୀବନକୁ ଅସଜଡ଼ା କରିବାକୁ ଚାଲି ଆସିଲ .....?
               ପ୍ରେମ ହେଉଛି ଏକ ମାୟା ନଗରୀ ର ମାୟାବୀ ଭଅଁର। ଫୁଲ ଠାରୁ ଫୁଲ କୁ ଉଡ଼ି ବୁଲେ। ଗୋଟେ ଫୁଲ ପାଖରୁ ମହୁ ଶୋଷି ତାକୁ ଛାଡି ଦେଇ ନୂଆ ଫୁଲକୁ ନିଜର ମୋହରା ବନେଇ ଦିଏ.... ଏକା କରି ଚାଲି ଯାଏ ସେ ଫୁଲକୁ , ଦେଇଯାଏ ଅଜସ୍ର ଲୁହ ଲହୁ ମାତ୍ର ଅମାନିଆ ଫୁଲଟି ତାର ବାଟକୁ ସେମିତି ହିଁ ଚାହିଁ ଥାଏ ବୋଧେ ଏହା ହିଁ ପ୍ରକୃତ ଉଦାହରଣ ପ୍ରତାରଣା ପ୍ରେମର.....
                 ପ୍ରେମର ଗଭୀରତା କୌଣସି ଏକ ଅନୁତପ୍ତ କାଳ କୋଠରୀ କହିଲେ ମଧ୍ୟ କିଛି ଅତ୍ୟୁକ୍ତି ହେବ ନାହିଁ। ପ୍ରେମରେ ଜଳିବାକୁ ଏଠି କିଏ ବା ପସନ୍ଦ କରେ ମାତ୍ର ପ୍ରେମ ଏଠି ଜଳେଇ ଜଳେଇ ମାରିବାକୁ ବାଧ୍ୟ କରିଦିଏ। ପ୍ରେମ ସିନା ପ୍ରତାରଣା କରି ଚାଲିଯାଏ ହେଲେ ସ୍ମୃତି...? ତାର କଣ ହେବ .? ସେ ତ ପ୍ରତି ମୁହୂର୍ତ୍ତରେ ଅନୁଭବ ର ସ୍ପର୍ଶ ଦିଏ।ଶୁଣିଛି ପ୍ରେମରେ ପାର୍ଥକ୍ୟ ସେତେବେଳେ ଆସେ ଯେତେବେଳେ ତାହା ପୁରୁଣା ହୋଇଯାଏ।
            ପ୍ରତାରଣା ରେ ଛନ୍ଦି ହୋଇଥିବା ପ୍ରେମିକା ଟି ବାସ୍ ଏତିକି ଉଲ୍ଲେଖ କରେ:-
ତୁମେ କୁହ ନାଲି ରଙ୍ଗ ମୋ ସୁନ୍ଦରତା କୁ ଦୁଇ ଗୁଣ ଆଗକୁ ନେଇଯାଏ ହେଲେ ତୁମେ ମତେ ଛାଡ଼ି ଚାଲିଯିବା ପରେ ଆଇନା ଆଗରେ ମୋ ସୁନ୍ଦରତା ସବୁ କଦର୍ଯ୍ୟ ପରି ମନେ ହୁଏ... ନା ମୋ ପାଖେ ଅଛି ସେଇ ରୂପ, କମନୀୟତା ନା ଅଛି ତୁମ ଉପସ୍ଥିତି ଭରା ସେ କଥା ବାର୍ତ୍ତା....
        ପ୍ରତାରିତ ପ୍ରେମିକ ର ମନରେ ଆସେ:-
                     ମନ ଦୁଃଖରେ ଯେବେ ଏକାକୀ ଏକ ରାସ୍ତାରେ ଚାଲି ଯାଏ ମୁ ହଠାତ୍ ତୁମେ କେଉଁଠୁ ଆସି ମୋ ହାତ ପାପୁଲିରେ ତୁମ ହାତକୁ ଦିଅ ଛନ୍ଦି। ତୁମର ସେ କୋମଳ ହାତ ର ସ୍ପର୍ଶ ପାଇ ମୋ ମନରେ ପ୍ରେମ ପୁଣି ଜାଗ୍ରତ ହୋଇ ଉଠେ।
       କଣ ଏ ସବୁ ପ୍ରେମ ନଥିଲା...?? ତୁମେ ମୋ ପ୍ରେମିକା ହୋଇ ମତେ କୁହ ତୁମକୁ ଛଳନା କରି ଆସେନି ହେଲେ ସବୁ ବୁଝିବି ପ୍ରେମକୁ ବନ୍ଧୁ ର ଆଖ୍ୟା ଦେଇଥିଲ ତେବେ କୁହ କିଏ ସେ ପାରିବ ସହି...? ଏହା କଣ ତୁମର ଛଳନା ନୁହେଁ...
       ବୋଧେ ମୁ ତୁମ ଜୀବନର ପ୍ରଥମ ପ୍ରେମ ନୁହେଁ... ତୁଳା ପରି କୋମଳ ହୃଦୟ ମୋର ଲୁହର ଓଜନ ଭାର କୁ ସହିଥାନ୍ତା ବି କେମିତି...? ବୟସ ସହ ସ୍ୱରତନ୍ତ୍ରୀ ବଢ଼ି ଯାଇ ସିନା ସ୍ୱର କର୍କଶ ହୋଇଯାଇଛି ମାତ୍ର ତୁମ ପାଖରୁ ପ୍ରେମ ର ଧୋକା ଖାଇ ମଧ୍ୟ ତୁମ ପାଇଁ ମୋ ମନରେ ଏ ପ୍ରେମ ଏତେ ସତେଜ କଣ ପାଇଁ.... ।
        ତୁମେ କହୁଥିଲ ତୁମକୁ ଗୋରା ପୁଅ ପସନ୍ଦ ବୋଲି.... ମୋତେ କହିପାରିବ କି..? ଗୋରା ମାନେ ଯଦି ଏତେ ମହାନ୍ ତେବେ ସେଓ ଠାରୁ ମୂଳା ର ଦାମ୍ ବେଶୀ କାହିଁକି ନୁହେଁ..?
   ଅନ୍ଧକାର ଠାରୁ ଆଲୋକର ଦାମ୍ ବେଶୀ କାହିଁକି ନୁହେଁ...?
       ପୁଣି ବିରହରେ ସେ ପ୍ରେମିକଟି କହି ଉଠେ..:-
   ହସରେ ଦୁଃଖରେ ଲୁହରେ କୋହରେ
            ଦିଶି ଯାଏ ତୁମ ମୁହଁ
           ଅଜାଣତେ କାଇଁ ନୀରବତା ଭାଙ୍ଗି
             ମୋ ଛାଇ କୁ ତୁମେ ଛୁଅଁ...?
        ତୁମ ସ୍ମୃତି ରାତିର ବକ୍ଷରେ
         ଢାଳି ଦିଏ କେତେ ଲୁହ
        ମୋ ମନର ସେ ବିରହ ବେଦନା
        ତୁମେ କି ବୁଝିବ
        ତୁମ ପ୍ରେମ ତୁମ ପ୍ରେମ ନୁହଁ।।।

ହୃଦୟ କଣ ଏଠି ଖେଳ ଘର
ମନ ଏଠି ଅଟେ ଖେଳନା
ପ୍ରେମର ମାନେ ନଜାଣି କେହି
କାହିଁକି କରନ୍ତି ଛଳନା...?

ପ୍ରେମ କଣ ଗୋଟେ ଫୁଲ
ଖାଲି ବାସିବା ପାଇଁ
ପ୍ରେମର ମହକ ତେବେ ନୁହେଁ କାହିଁକି ମଧୁର
ସବୁବେଳେ ବାସେ ନାହିଁ କଣ ପାଇଁ।।

ପ୍ରେମ କଣ ଏକ କାଚ ଆଇନା
ଭାଙ୍ଗିଦେଲେ ଭାଙ୍ଗି ଯିବ
ପ୍ରେମ ତ ଅଟେ ଯେ ପବିତ୍ର ବନ୍ଧନ
ନିତି ନିଜକୁ ଦେଖୁଥିବ ।।

ପ୍ରେମ କଣ ଏଠି ଜୀବନର ବାଜି
କିଏ ଥାଏ ଏଠି ଜିତି
କିଏ ପୁଣି ପ୍ରେମକୁ ହରାଇ
ଜୀବନ ସାରା ବସେ କାନ୍ଦି।।

ପ୍ରେମ କଣ ଏଠି ନିନ୍ଦା ଅପମାନ
ନା ଦୁଇ ଆତ୍ମାର ମିଳନ
ପ୍ରେମ ଯଦି ହୁଏ ଈଶ୍ବରଙ୍କ ବଡ଼ ଦାନ
ତେବେ କାହିଁକି ତାର ମାନ ଏଠି ଶୁନ...??

ପ୍ରେମ ଯଦି ଓଠ ତଳ ଚିର ହସ
ପ୍ରେମ ସରିଯାଏ ମନରୁ କାହିଁକି
ରହେ ନାହିଁ ବର୍ଷ ମାସ।।

ଲୁହ ଝରିଗଲେ ପ୍ରେମ ସରିଗଲେ
ଆଉ ରହେ ନାହିଁ ମୋହ
ଜୀବନ ଭିତରେ ମନର ଭାରି
ଆଖିରେ ଆସଇ ଲୁହ।।

ବିଛେଦର ଅର୍ଥ କେତେ ଯେ କଠିନ
ତାହାକି ବୁଝିବ ତୁମେ.....?
ପ୍ରେମ ହେଲା ପ୍ରତାରିତ, ଅବାଞ୍ଛିତ
ଏହାତ କେବଳ ବାହାନା .....
ଥାଏ ଯଦି ସେଠି ସ୍ନେହ ପ୍ରେମ ଶ୍ରଦ୍ଧା
              କୁହ ତ ଦେଖି....!!!
                  ପ୍ରେମ ଏଠି କିପରି ହୁଏ ଛଳନା.....??

       ପ୍ରେମ ହେଉ ଯେତେ ବି ଶାଶ୍ଵତ , ସେଠି ଆତ୍ମାର ମିଳନ ଦରକାର୍। ଆତ୍ମାର ମିଳନ ପାଇଁ କି ବୁଝା ମଣା ଏଠି ଲୋଡା। ନାହିଁ ଯଦି ସେଠି ବୁଝାମଣା ପ୍ରେମ କି ରହିବ ବିଶ୍ୱାସେ..... ପ୍ରେମ ଆଜି ମୋର ତା ପାଇଁ ପର ଧୋକା କୁ ନ ଆପଣାଇ ଥାଏ.....
    କାରଣ; ମୁଁ ମାନେ " ଏମିତି ବି ପ୍ରେମ ହୁଏ " ।।

ଏ ସବୁକୁ ନେଇ ଦିନେ ମୁ ମୋର ମନକୁ ପ୍ରଶ୍ନ କରିଥିଲି....:-

ସାତମେଘୀ ଇଦ୍ରଧନୁ ର ଅହଁଙ୍କାରିତ ଝଡ଼ ରେ ଅସହ୍ୟ ହୋଇ ଯେବେ ଏ ଅବୁଝା ଆଖି ଦ୍ବୟ ଥକି ପଡ଼ି ମୋର ସେ ମନ କୁ ପ୍ରଶ୍ନ କରେ:-
     ରେ ମନ! ଯାହା ପୂରଣ ହେବନି ତାହାକୁ ଦେଖାଉ କିଆଁ, ଯିଏ ନିଜର ହେବନି ତାକୁ ନିଜର କରାଉ କିଆଁ...?? ତୋ ପାଇଁ ମୋ ଆଖିରୁ ଅଶ୍ରୁ ଆସୁଚି କିଆଁ..? ଶେଷରେ ମୋର ସ୍ୱପ୍ନର ଦୁଆର ଫିଟେନି କିଆଁ...?? ଯାହାକୁ ସେ ନିଜର କରି ଆଖିରେ ସଜାଏ ସେ ମଣିଷ ତାକୁ ମିଳେନି କିଆଁ...?😑
        ଅବୁଝା ମନ ହସି ଦେଇ ନିଜ କଥା ବ୍ୟକ୍ତ କରିବାକୁ ଯାଇ କୁହେ ଯେ:-
        ଯେଉଁ ସ୍ବପ୍ନ ପୂରଣ ହେବନି ଏ ମଣିଷ ଭାବିବାକୁ ବାଧ୍ୟ କାହିଁକି କରେ. ବାରମ୍ବାର ମତେ ଭାଙ୍ଗି ପୁଣି କାହିଁକି ଯୋଡେ...? ଯାହା କୁ ସେ ପୁରଣ କରିବାକୁ ଚାହେଁ ସେ ସ୍ବପ୍ନକୁ ନେଇ ସେ ଆଗକୁ ବଢିବା ବଦଳରେ, କେବଳ ତାକୁ ନେଇ କାହିଁକି ଭାବି ବସେ ...?? ଯାହା ପାଇଁ ସେ ବି ଭାଙ୍ଗେ ଆଉ ମତେ ବି ଶକ୍ତ ଭାବେ ଭାଙ୍ଗିଦିଏ.....!! 🥺

ଶେଷରେ ନିଜ ମନକୁ ଏତିକି ବୁଝେଇଲି:-

      ଏତିକି ଶୁଣିବା ପରେ ମୁଁ ତ ମଣିଷ ମୁ ଆଉ କଣ ବୁଝେଇବି ... ଯେତେବେଳେ ଆଖି ଆଉ ମନ ଛଳ କରିବାକୁ ଲାଗନ୍ତି ସେତେବେଳେ ହୃଦୟ କଥା ହିଁ ଶୁଣିବା ଉଚିତ୍..... ସେ ସ୍ବପ୍ନ ପାଇଁ ନିଷ୍ପତି ହେଉ ଅଥବା ନିଜ ହୃଦୟର ପ୍ରିୟ ମଣିଷ ପାଇଁ 🌸❤️😌☺️

ସୋନାଲି

ଶୀର୍ଷକ:- ଯେବେ ପ୍ରେମ ଶେଷ ପଦରେ ପହଞ୍ଚେ

ପ୍ରେମ