ଜୟ ଜୟ ମାଆ କାଳୀ ଶକ୍ତି ବାହିନୀ

ଜଗତର କଲ୍ୟାଣୀ ମାଆ

ତୁହି ଉଗ୍ର ଚଣ୍ଡୀ , ଶାନ୍ତି ଦାୟିନୀ

ହଜାରେ ରୂପ ତୋହାରି ଲୋ ମାଆ ।

ପାପୀ ମାନଙ୍କୁ ବିନାଶ କରି ତୁହି

ଜଗତେ ଶାନ୍ତି ଦେଉ ବୋଲି

ଯୁଗେ ଯୁଗେ ତୁହି ଜଗତଜନନୀ

ସବୁଠି ରୂପେ ମାଆ କାତ୍ୟାୟନୀ ।

ଚାରି ଯୁଗରେ ଏହି ପର୍ବ ବର୍ଣ୍ଣିତ

ସବୁଠି ଲେଖା ଏହାର ମାହାତ୍ମ୍ୟ,

ଆଲୋକ ଦୀପ ସଭିଁଏ ଜାଳି

ଦୀପାବଳି ଉତ୍ସବ ପାଳନ କରନ୍ତି ।

ସତ୍ୟ ଯୁଗରେ

ସତ୍ୟ ଯୁଗରେ ପ୍ରଥମେ ପାଳନ ହେଲା

ଦେବତା,ଦୈତ୍ୟ ସମୁଦ୍ର ମନ୍ଥନ କଲେ

ମହାଲକ୍ଷ୍ମୀ ସହ ଧ୍ବନତ୍ୱେରୀ ଆସିଲେ

ଚଉଦ ରତ୍ନ ସହ ବିଷ ବାହାରିଲା |

ସବୁଠି ଶୁଭିଲା ଜୟ ମାଆ ମହାଲକ୍ଷ୍ମୀ

ଲକ୍ଷ୍ମୀ ଠାକୁରାଣୀଙ୍କ ସ୍ୱାଗତ କରି,

ଦେବତା ସଭିଏଁ ଦୀପ ଜାଳି ଦେଇ

ମାଆଙ୍କୁ ଶୁଭେଚ୍ଛା ଜଣାଇଥିଲେ ।

ତ୍ରେତୟା ଯୁଗ

ତ୍ରେତୟାରେ ରାମ ବନବାସ ଭୋଗିଲେ

ସୀତାଙ୍କୁ ରାବଣ ହରଣ କରିଲେ,

ଜାନକୀ ଦେବୀଙ୍କୁ ଉଦ୍ଧାର କରି

ରାବଣଙ୍କୁ ବଧ କରିଲେ ଶ୍ରୀହରି ।

ଅଯୋଧ୍ୟା ଫେରନ୍ତି ରାମସୀତାଙ୍କ ସହ

ସ୍ଵାଗତ ଜଣାଇ ପାଇଁ ପାଳନ୍ତି

ଅଯୋଧ୍ୟାବାସୀ ଏକାଠି ଦୀପାବଳି

ବିଜୟର ଶୁଭେଚ୍ଛା ଜଣାଇ ଦିଅନ୍ତି ।

ଦ୍ୱାପର ଯୁଗ

ଦ୍ୱାପରରେ ଶ୍ରୀକୃଷ୍ଣଙ୍କର ବାଲ୍ୟ ଲୀଳା

ଗୋବର୍ଦ୍ଧନଙ୍କ ପୂଜା କରିଲେ ,

ପ୍ରକୃତି ସୁରକ୍ଷା ପାଇଁ ସ୍ଲୋଗାନ ଦେଇ

ଅନ୍ନ,କୂଟ ପର୍ବତର ପୂଜା କରିବା |

ଅନ୍ନକୂଟର ଅର୍ଥ ଶସ୍ୟର ପର୍ବତ

ବଳରାମ ଓ କୃଷ୍ଣ କୃଷିର ଦେବତା

ସବୁଠି ପାଳିଲେ ଖୁସିର ଲହରୀ

ଦୀପ ଜାଳି ପାଳନ୍ତି ଦୀପାବଳି ।

କଳିଯୁଗ

ଦୀପାବଳି ଦିନେ ଜୟନ୍ତୀ ପାଳିତ

ମହର୍ଷି ଦୟାନନ୍ଦ ସରସ୍ୱତୀଙ୍କ

ସତ୍ୟ,ଶାନ୍ତି,ଦୟା ପ୍ରତିଷ୍ଠା କରି

ଆର୍ଯ୍ୟ ସମାଜର ପ୍ରତିଷ୍ଠାତା ।

ଦୀପାବଳି ପର୍ବ ଆଲୋକର ପର୍ବ

ଅନ୍ଧାରମୟ ବିନାଶ ହୋଇ ,

ଆଲୋକ ପ୍ରଜ୍ଜ୍ଵଳିତ ହେଉ

ଧର୍ମର ବିଜୟ ସର୍ବଦା ରହୁ |

ଦୀପାବଳି ହୁଏ ଗାଁ ଠାରୁ ସହରରେ

ଖୁସିର ଉତ୍ସବ ଘରେଘରେ

ସଭିଏଁ ମିଶି ଦୀପ ଜାଳି ଦେଇ,

ପ୍ରାର୍ଥନା କରିବା ଅଜ୍ଞାନ ଦୂର ପାଇଁ ।

କାର୍ତ୍ତିକ ମାସରେ ମୁରୁଜ ଆଙ୍କି ଦେଇ

ମଝିରେ ମହା ଲକ୍ଷ୍ମୀଙ୍କ ପାଦ ଥାପି,

ଧାରେ ଧାରେ ଦୀପ ଜାଳିବା ......

ଧୂପ ଦେଇ କାଳୀଙ୍କୁ ପୂଜିବା ।

ଖୁସିରେ ପରସ୍ପରକୁ ମିଠା ଖୁଆଇ

ବାଣ ଫୁଟାଇ ଝରାବତୀ ଧରି

ଆନନ୍ଦରେ ଯେ ଉତ୍ସବ ପାଳିବା

ଲିଚୁ ଲାଇଟରେ ଘର ସଜାଇବା ।

ବଡ଼ ଅମାବାସ୍ୟା ଦୀପାବଳି ଦିନ

କାଉଁରିଆ କାଠି ଜାଳି ଦେଇ

ମାତା ଓ ପିତାଙ୍କ ପୁର୍ବ ପୁରୁଷଙ୍କୁ

ଶ୍ରଦ୍ଧାରେ ଡାକନ୍ତି ଆକାଶ ଚାହିଁ ।

"ବଡ଼ ବଡୁଆ ହୋ, ଅନ୍ଧାରରେ ଆସ,

ଆଲୁଅରେ ଯାଅ, ମହାପ୍ରସାଦ ଖାଇ

ବାଇଶି ପାହାଚରେ ଗଡ଼ା ଗଡୁଥାଅ"

ଅର୍ଥ ଅନ୍ଧାରରୁ ଆଲୋକର ଜ୍ଞାନ ଦିଅ ।

ଦୀପାଲି ବେହେରା

ମୟୂରଭଞ୍ଜ

ଶୁଭ ଦୀପାବଳି

ଦୀପାବଳି ଅବସରରେ ସମସ୍ତଙ୍କୁ ହାର୍ଦ୍ଧିକ ଶୁଭେଚ୍ଛା ଓ ଶୁଭକାମନା । ମାଆ କାଳୀ ସମସ୍ତଙ୍କୁ ଭଲରେ ରଖନ୍ତୁ ।