ମିଲି ଥାନାରୁ ଆକାଶ ରାଉତଙ୍କ ଘର ଠିକଣା ପଚାରି ବୁଝିଲା। ଠିକଣା ନେଇ ସେ ପହଞ୍ଚିଲା ଆକାଶ ରାଉତଙ୍କ ଘରେ । ସେଠି ତାର ଭେଟ ହେଲା ତାଙ୍କ ମା, ବାପା ଓ ଭଉଣୀଙ୍କ ସହ । ତାଙ୍କ ପାଖରୁ ଜାଣିବାକୁ ପାଇଲା ଯେ ଆକାଶ ରାଉତ ଜଣେ ସଫ୍ଟୱେର ଇଞ୍ଜିନିୟର। ହଠାତ୍ ସେ ଚାକିରୀ ଛାଡି ଓଡ଼ିଶା ଆସିଥିଲେ କିଛି ନୂଆ କରିବାକୁ। ହେଲେ ଅନେକ ଦିନ ବିତିଗଲା ତାଙ୍କୁ ସେତେ ପରିମାଣର ସଫଳତା ପ୍ରାପ୍ତି ହୋଇ ପାରିନଥିଲା। ସେଥିପାଇଁ ସେ ଚିନ୍ତିତ ରହୁଥିଲେ। ସମୟ ଅଧିକ ବିତି ଯାଇଛି, ଏ ଭିତରେ ତାଙ୍କୁ ଅନେକ ନିନ୍ଦା ଅପବାଦ ସହ ସାମ୍ନା କରିବାକୁ ପଡ଼ିଛି। ଲୋକ ବାକ ଟୁପୁର ଟାପର ହେଉଛନ୍ତି କିନ୍ତୁ ତାଙ୍କ ମନ କଥା ବୁଝେ କିଏ?

ଏଠି କିଏ କାହା ମନ ଭିତରେ ପଶିଛି? ଯାହା ଉପରକୁ ଦିଶିଲା ସେ ହିଁ ମନର କଥା । ଆକାଶ ରାଉତ ଏ ଭିତରେ ମନ କଥା କାହାକୁ ନକହି ତାକୁ କବିତା ଓ କାହାଣୀ କରି ଲେଖୁଛନ୍ତି। ବଡ଼ ଅଜବ ଏ ଲଖନୀ, ଯେତେ ବେଳେ ଚିନ୍ତନ ସବୁ ସାଉଁଟି ଗପ କିମ୍ୱା କବିତା ଲେଖେ । ସେତେବେଳେ ସତ କଥାକୁ ପାଠକ ମନ ଗଢା ଭାବେ। ପାଠକ ବଡ଼ ଭାଗ୍ୟବାନ ସେ ହିଁ ପଢ଼େ ଲେଖକ ମନରେ ଥିବା ଅନେକ ଝଡ଼ ଓ ଯନ୍ତ୍ରଣାର କଥା । ହେଲେ ବିଚରା ତାକୁ କାଳ୍ପନିକ ଭାବେ । କେହି କେବେ କଳ୍ପନା କରି ଗପ କିମ୍ୱା କବିତା ଲେଖେ ନାହିଁ । ସବୁ ଅଙ୍ଗେ ନିଭେଇ ଥିବା କଥା ଗୁଡିକୁ କାଳ୍ପନିକ କରି ଲେଖକ ରଚେ ।

ହଠାତ ଥରେ ଆକାଶ ରାଉତଙ୍କ ବାପା ଗୋଟିଏ ଖବର କାଗଜ ଦେଖିଲେ । ଯେଉଁଥିରେ ଆକାଶ ରାଉତଙ୍କ ଫୋଟ ସହ ସମ୍ବାଦ ଥିଲା, ତାଙ୍କ ଲିଖିତ ସାହିତ୍ୟ ସମୀକ୍ଷା ଗୋଟିଏ ପୁରସ୍କାର ପ୍ରାପ୍ତ କରିଛି। ଏଥର ତାଙ୍କ ବାପା ଖୁସି ହୋଇ ତାଙ୍କୁ ପୂର୍ଣ୍ଣ ସ୍ଵାଧୀନତା ଦେଲେ ଲେଖା ଲେଖି କରିବାକୁ । ହେଲେ ସେ ସବୁବେଳେ ଚାହିଁଛନ୍ତି ତାଙ୍କ ଲେଖା ଗୁଡିକ ଗୋଟିଏ ବହିର ରୂପ ନେଉ। କିଏ ସାହାଯ୍ୟ କରିବ ତାଙ୍କୁ ବହିଟିଏ ଛାପିବାକୁ। ଅନେକ ନିରାଶ ହେବାପରେ ସେ ଭାବିଲେ କଣ ଗୋଟିଏ ବହି ଜଣଙ୍କୁ ସାହିତ୍ୟିକର ଆଖ୍ୟା ଦିଏ । ସାହିତ୍ୟ ସାଧନା କରିବା କଣ ବହିଟିଏ ଲେଖିବା ଜରୁରୀ? ନା ମନର ଭାବନାକୁ କାଗଜରେ ଉତ୍ତାରି ଦେବା ହିଁ ଲେଖା ପ୍ରତି ଅସଲ ଭଲପାଇବା । ସେ ଗୋଟାଏ ସିଦ୍ଧାନ୍ତ ନେଲେ, ଏଥର ସେ ଲେଖିବେ ପ୍ରତିଦିନ। ଯେବେ ତାଙ୍କ ଲେଖା କାହାର ମନକୁ ଛୁଇଁବ, ସେତେବେଳେ ଆପେ ଆପେ ବହିଟିଏ ଲେଖିବେ ।

ଏବେ ସାହିତ୍ୟ ସମାଜରେ ଅନେକ ନୂଆ ଲେଖକ ଓ ଲେଖିକା ଆସୁଛନ୍ତି। ହେଲେ ସମସ୍ତେ ଗୋଟିଏ ମୋହ ପଛରେ ଦୌଡୁଛନ୍ତି ତାହା ହେଲା ନାଁ କେମିତି କମେଇ ହେବ। ହେଲେ ଏଥିରେ କଣ ସାହିତ୍ୟର ସିଦ୍ଧି ଅଛି । ସେମାନେ କଣ ଜୀବନକୁ ସୂକ୍ଷ୍ମ ଓ କ୍ଷୁଦ୍ର ସ୍ତରରେ ଦେଖି ପାରନ୍ତି। ସେମାନେ ଇନ୍ଷ୍ଟାଗ୍ରାମରେ ପ୍ରଚାର ଆରମ୍ଭ କଲେଣି ପ୍ରେମର ଓ ଆଖ୍ୟା ଦେଲେଣି ତାହା ସାହିତ୍ୟ । ତେବେ କଣ ପ୍ରତ୍ୟେକ ପ୍ରେମ ଉପରେ ଲେଖୁଥିବା କବିତା ଆଗାମୀ ଛୋଟ ଛୋଟ ପିଲା ମାନେ ଯିଏ ମାତୃଭାଷାକୁ ଦୃଢ଼ କରିବାକୁ ବାନର ସେନା ସାଜିବେ ସେମାନେ କଣ ତାକୁ ସାହିତ୍ୟ ବୋଲି ଧରିନେବେ । ଗଦା ଗଦା ପ୍ରେମ କବିତା ଭିତରେ ସାହିତ୍ୟକୁ ଭଲ ପାଉଥିବା ଯୁବ ସମାଜ ଅନ୍ୟ ଲେଖା ତଥା ବିଷୟ ବସ୍ତୁକୁ ଏଡେଇ ଚାଲି ନଯାନ୍ତୁ।

ଆକାଶ ରାଉତ ସେମିତି ଆଜିବି ଡାଏରୀ ଭିତରେ ଅନେକ କିଛି ଲେଖନ୍ତି । ଏବେ ଧୀରେ ଧୀରେ ତାଙ୍କ ଲେଖା ଗୁଡ଼ିଏ କବିତାରେ ପ୍ରକାଶ ପାଉଥାଏ ଓ ସେ ଅନେକ ସ୍ନେହ ସାଉଁଟି ପାରିଥିବା ଜଣେ ନୂଆ ଲେଖକ ଭାବେ ପାଠକ ମଣ୍ଡଳୀରେ ଲୋକପ୍ରିୟତା ଲାଭ କରିଛନ୍ତି।

ମିଲି ହଠାତ୍ କହିଲା ମଉସା ଆପଣା ମୋତେ ତାଙ୍କ ରୁମ୍ ଦେଖେଇ ପାରିବେ । ଏଥର ମିଲି, ଆକାଶ ରାଉତଙ୍କ ବାପା, ମା ଓ ଭଉଣୀଙ୍କ ସହ ଅଗ୍ରସର ହେଲେ ତାଙ୍କ କୋଠରୀ ଆଡ଼କୁ ।

ସଙ୍ଘର୍ଷ -୪

ଏ କାହାଣୀ ଲେଖକର