ଆମ ସମାଜ ରେ ସମାନତା ର କଥା ସବୁବେଳେ ଉଠେ |
ସମସ୍ତ ଙ୍କର ସମାନ ଅଧିକାର , ସମସ୍ତ ଙ୍କ ପାଇଁ ନିୟମ ସମାନ ବୋଲି ବହୁ ପ୍ରଚାର ଘଟେ ।
ଏହାକୁ ନେଇ ଇଂରାଜୀ ରେ ଏକ ସଂଜ୍ଞା ଦେବାକୁ ଇଚ୍ଛା ପ୍ରକାଶ
କରେ , All Gender having equal rights and opportunities.
କିନ୍ତୁ ସତରେ ମନରେ ପ୍ରଶ୍ନ ଆସେନି ଏଠି କ'ଣ ସମସ୍ତ ଙ୍କୁ ସମାନ ଅଧିକାର ମିଳେ?
ଆଚ୍ଛା; ଆପଣ ଙ୍କ ମତରେ ସମାନ ଅଧିକାର କହିଲେ କ'ଣ?
ପୁରୁଷ ଓ ନାରୀ ଉଭୟ ଯେଉଁ ସମାନ ଅଧିକାର ଓ ସମାନ ସମ୍ମାନ ସହ ଜୀବନ ବିତାଉଥିବେ ତାହା ହିଁତ ସମାନତା ଯାହା ସମସ୍ତ ଙ୍କ ପାଇଁ ସମାନ ।
କିନ୍ତୁ କିନ୍ତୁ କିନ୍ତୁ ... ଟିକେ ଭାବିଲେ ଏହା କ'ଣ ଆାପଣଙ୍କ ସମାଜରେ ବାସ୍ତବରେ ଘଟୁଛି ?
ଏହି ସତ୍ୟ ଅପ୍ରିୟ ହେଲେ ମଧ୍ୟ ସତ୍ୟ ,ଏଠି ତ ଅଧିକାର କେବଳ ସରକାରଙ୍କ ନିୟମ ପୁସ୍ତକରେ ହିଁ ଆବଦ୍ଧ ।
ଏ ପୁରୁଷ ପ୍ରାଧାନ୍ୟ ସମାଜ ରେ ଗୋଟେ ନାରୀକୁ କଣ ସେତିକି ଅଧିକାର ମିଳେ ଯେତିକି ପୁରୁଷକୁ ମିଳେ । ଏହା ଆଜିର ବିଷୟ ବସ୍ତୁ ନୁହେଁ ଏହା ହୁଏତ ସମାଜ ସୃଷ୍ଟି ଆରମ୍ଭରୁ ଆଜି ପର୍ଯ୍ୟନ୍ତର ବିଷୟ ବସ୍ତୁ, ଗୋଟେ ନାରୀ କୁ ଏ ସମାଜ ଦେଇଛି କ'ଣ?
ଯୁଗେ ଯୁଗେ ନାରୀକୁ ଲାଞ୍ଚିତା , ଅପମାନିତା, ବିତାଡିତା ସହ ଧର୍ଷଣର ଅସହ୍ୟ କଷଣ ଦିଆଯାଇଛି । ତାକୁ "ଶିକ୍ଷା ଓ ସମାଜ ଠାରୁ ବହୁ ଦୂରରେ ଏକ ରକ୍ଷଣଶୀଳ ସମାଜ ରେ ରଖି ବଡ କରାଯାଏ" ।
ଯଦି ଆପଣ ସମାନତାର କଥା ଉଠାନ୍ତି । ତେବେ ଏ ପ୍ରଶ୍ନ କ'ଣ ଆପଣ ମାନଙ୍କ ମନକୁ ଆନ୍ଦୋଳିତ କରେ ନାହିଁ । ଏ ପୁରୁଷ ପ୍ରାଧାନ୍ୟ ସମାଜ ନାରୀର ଅସ୍ତିତ୍ୱ କୁ ଭୁଲିଯାଏ ଭୁଲିଯାଏ ନାରୀର ଦାନ ଏବଂ ମହତ୍ତ୍ୱ , ଭୁଲିଯାଏ ଏ ସମାଜ ପାଇଁ ନାରୀର ଅବଦାନ। ସେ କିପରି ଭୁଲିଯାଇପାରେ ଏ ନାରୀ ପାଇଁ ଯେ ଏ ପୁରୁଷ ମାନଙ୍କର ଜନ୍ମ |
ତଥାପି ଏ ସମାଜ ଗର୍ଭରେ ଭୃଣ ନିରିକ୍ଷଣ କରି ହତ୍ୟା କରେ କନ୍ୟା ଭ୍ରୁଣ।
ହାତ ଟିକେ ବି ତାର ଥରେନି ବାଧାଦିଏନି ତା ହୃଦୟ ର ସ୍ପନ୍ଦନ ।
ପୁଅଟିଏ ହେଲେ ସାହିପଡ଼ିଶା ରେ ବଣ୍ଟା ହୁଏ ମିଠା ଝିଅ ଟିଏ ହେଲେ ସୁଖିଯାଏ ମୁହଁ ଝିଅ ଟିଏ ଏ ଦୁନିଆ କୁ ଦେଖିବା ଆଗରୁ ଜୀବନର ସଂଜ୍ଞା ବୁଝିବା ଆଗରୁ କୁହାଯାଏ ତାକୁ "ତୁବୋଝ"l
ଇଏ କଣ ଆପଣଙ୍କ ସମାଜ ରେ ସମାନତା । ଦେହ କୁ ଘୋଡାଇ ରଖିବୁ, ଘର କାମ ଶିଖେ, ପାଠ ପଢିଲେ କଣ ହେବୁ ତୁ ପା ଝିଅ ତା ତୁ କଣ ପୋଷିପରିବୁ ଠାରୁ ଆରମ୍ଭକରି ଏମିତି ବସିବୁ, ଏମିତି ହସିବୁ,ଏମିତି କହିବୁ ସବୁ ପର୍ଯ୍ୟାୟରେ ତା ପାଦ ରେ ପକାଯାଏ ବେଡି ତା ସ୍ବପ୍ନ ଠୁ ଅନେକ ଦୂର ରେ ସିଏ ରହିଯାଏ ହସି ହସି ସବୁ ସହିଯାଏ। -- କଣ ଗୋଟେ ପୁଅ ପାଇଁ ଏତେ ନିୟମ ଅଛି?
ଋତୁସ୍ରାବ ଠାରୁ ଆରମ୍ଭ କରି ଗର୍ଭକାଳିନ ପ୍ରସବ ଯନ୍ତ୍ରଣା ପର୍ଯ୍ୟନ୍ତ ର କଷ୍ଟ କୁ ସହିଯାଏ ତଥାପି ଏ ସମାଜ ନାରୀ କୁ ବେଶ୍ୟା ଆଖ୍ୟା ଦିଏ ବାଃ ଏ ସମାଜ।
ଆପଣ କଣ ଶୁଣିଛନ୍ତି ଏକ ପୁରୁଷ ବଳତ୍କାର ର ଶୀକାର ହୋଇଛି, କି ଶୁଣିଛନ୍ତି ପାଞ୍ଚ ଜଣ ଝିଅ ପୁରୁଷ କୁ ବଳତ୍କାର କରି ହତ୍ୟା କରିଛନ୍ତି ବୋଲି।
କିନ୍ତୁ ନାରୀ କ୍ଷେତ୍ର ରେ ଏହିପରି ଅନେକ କଥା ଶୁଣିଥିବେ ତେବେ କାହିଁକି? ଆପଣ ଙ୍କ ସମାଜ ପା ସମାନତା ର କଥା କୁହେ ଏହା କଣ ତା ସମାନତା। ଏ ହେଉଛି ଆପଣଙ୍କ ସମାଜ ର ପ୍ରକୃତ ରୂପ , ଆପଣଙ୍କ ସମାଜର ବାସ୍ତବତା ଏହା ?ଯଦି ହଁ ତେବେ ଆପଣ ଙ୍କୁ ଓ ଆପଣ ଙ୍କ ସମାଜ କୁ ଲାଜ ଲାଗିବା ଉଚିତ୍। ସମାନତା ର ଡିଣ୍ଡିମ ପିଟି ପ୍ରଚାର କରୁଛି ତାହା ବାସ୍ତବ ରୂପରେ କେତେ ଯେ ଅବାସ୍ତବ ।
ଯେତେବେଳେ ନାରୀ ମଧ୍ୟ ପୁରୁଷ ଙ୍କୁ ବଳତ୍କାର, କରିବେ ନାରୀଙ୍କୁ ପୁରୁଷ ଡରିବେ , କନ୍ୟା ଭ୍ରୁଣ କୁ ନଷ୍ଟ ସମ୍ପୂର୍ଣ ରୂପେ ଶେଷ ହେବ ସେତେବେଳେ ଏ ସମାଜ ରେ ସମାନତା ର କଥା ସୋଭାପାଇବ ।

ଏ ସମାଜ ର ବାସ୍ତବ ରୂପ ତ ଆପଣ ଙ୍କ ସାମ୍ନା ରେ ଆଉ ରହିଲା ସମାନତା ର କଥା ଆପଣ ନିଜେ ନିଜ ମନ କୁ ପଚାରନ୍ତୁ ସମାନତା ଏ ସମାଜ ରେ ସଠିକ୍ ରୂପେ ସମସ୍ତ ଙ୍କ ପାଇଁ କାର୍ଯ୍ୟରତ ତ ??

ଆପଣ ନିଜେ ଏହାର ଉତ୍ତର ପାଇଯିବେ।

ସମାଜିକ ଓ ବାସ୍ତବତା

ସମାଜ ରେ ନାରୀର ସ୍ଥାନ (ଅପ୍ରିୟ ସତ୍ୟ କୁ ଗ୍ରହଣ କରିବାକୁ କଷ୍ଟ ହେଲେ ମଧ୍ୟ ଏହା ହିଁ ସତ୍ୟ)