ଆଜକୁ ପ୍ରାୟତଃ ୧୫ ଲକ୍ଷ ବର୍ଷ ପୂର୍ବେ ବଣମଣିଷ ସ୍ୱରୂପ ନୃବାନର ରୂପେ ଆଦି ମାନବ ର ସୃଷ୍ଟି ହୋଇଥିଲା। ସେତେବେଳେ ମନୁଷ୍ୟ ଉଲଗ୍ନ ଶରୀରେ କଞ୍ଚା ମାଂସ ,ଠାର ମାଧ୍ୟମରେ ଭାବ ପ୍ରକାଶ , ଯାଯାବର ରୂପେ ଜୀବନ ଯାପନ କରିଥିଲା। ସ୍ୱବୁଦ୍ଧି ବିବେକ କୌଶଳ ଦ୍ୱାରା ଧିରେଧିରେ ନିଜକୁ ପ୍ରକୃତି ସହ ଖାପ ଖୁଆଇ ଧରାପୃଷ୍ଠର ଶ୍ରେଷ୍ଠ ଜୀବ ଭାବରେ ଗଢିତୋଳିଲା । ପରେ ପରେ ସ୍ଥାୟୀ ଭାବେ ବସତି ସ୍ଥାପନା କରି ଏକ ସାମାଜିକ ପ୍ରାଣୀ ରୂପେ ନିଜକୁ ବିବେଚନା କଲା । ପ୍ରସ୍ତର କୁ ଆଶ୍ରୟ କରି ନିଜକୁ ସୁରକ୍ଷା ଦେବା ସହ ,ଅଗ୍ନିର ବ୍ୟବହାର, ବସ୍ତ୍ର ବାସଗୃହ ଗଠନ, ଜଳର ବ୍ୟବହାର, କୃଷି ପଶୁପାଳନ ଚିତ୍ର କଳା ,ଧର୍ମ ବିଶ୍ଵାସ ଭାବନା ଆଦି ସୃଷ୍ଟି କରି ରଚିଥିଲା ମାନବ ସମାଜ। କାଳକ୍ରମେ ଏକ ଗୋଷ୍ଠୀ ବା ଦଳ ଗଠନ କରି ଦଳପତି ଚୟନ ପୂର୍ବକ ବିଭିନ୍ନ କାର୍ଯ୍ୟ ରେ ନିଜ କୁ ନିୟୋଜିତ କରିଥିଲେ । ଏହିପରି ସମୟକୁ ତାଳ ଦେଇ ପହଞ୍ଚିଥିଲା ସମାଜର ଦ୍ୱାରଦେଶରେ। ଗ୍ରାମ ନଗର ଜନ ପଦ ମହାଜନପଦ ଗଠନ କରି ସମାଜ କୁ ଦୃଢତା କରିଥିଲେ।

ପୁରାଣ ପୃଷ୍ଠା ଉନ୍ମୋଚନ କଲେ ଜଣାଯାଏ ମହାପ୍ରଳୟଜଳରେ ବଟ ପତ୍ରରେ ଶୟନ କରି ବାଳ ଗୋବିନ୍ଦ ପୁଣ୍ୟବାନ୍ କିଛି ଲୋକଙ୍କୁ ଉଦ୍ଧାର କରି ମହାନ୍ ଜନନାୟକ ବ୍ରହ୍ମାଙ୍କର ସୁପୁତ୍ର ବୈବସ୍ଵତ ମନୁଙ୍କୁ ପୃଥିବୀର ଦାୟିତ୍ଵ ପ୍ରଦାନ କରିଥିଲେ। ଯାହାର ପରିଣାମ ସ୍ୱରୂପ ମନୁଙ୍କର ଅନୁଗତ ଅଧିକାରୀ ଭାବରେ ମନୁଷ୍ୟ ବା ମାନବ ନାମ ଧାରଣ କଲେ । ସେହି ବୈବସ୍ଵତ ରାଜା ମନୁ ସମାଜ ଗଠନ କରି ସମାଜରେ ଶୃଙ୍ଖଳିତ ତଥା ସଂସ୍କାର ଆଣି କେତେକ ନିୟମ ଲାଗୁ କରିଥିଲେ । କର୍ମ ଅନୁଯାୟୀ ୪ ଜାତି ( ବ୍ରାହ୍ମଣ କ୍ଷତ୍ରିୟ ବୈଶ୍ୟ ଶୂଦ୍ର)ରୁ ୩୬ ପାଟକ ଜାତି ଗଢ଼ି ସ୍ୱକର୍ମ ସୃଷ୍ଟି କରିଥିଲେ । ପ୍ରତିଷ୍ଠିତ ପ୍ରଥା ପରମ୍ପରା ମାଧ୍ୟମରେ ପ୍ରକାଶ କରିଗଲେ ସମାଜ ଶୃଙ୍ଖଳା ବିଷୟକ ବିଶେଷ ନିୟମ ।

ଆର୍ୟମାନଙ୍କ ଆଗମନ ଫଳରେ ଭାରତରେ ନୂତନତ୍ବ ଭାବେ ସମାଜରେ ସଂସ୍କାର ଆସିଥିଲା । ବେଦ ଉପନିଷଦ ପୁରାଣ କୂ ମାଧ୍ୟମ କରି ସମାଜରେ ମନୁଷ୍ୟ ଜ୍ଞାନ ପ୍ରଦାନ ସଂସ୍କାରକ ସମାଜ ସଂସ୍କାରିତ କରିଥିଲେ ।

★ ସମାଜ ର ନୂତନତ୍ବ ଭାବେ ବିକାଶ ନିତାନ୍ତ ଜରୁରୀ

ସଂସ୍କୃତିକରଣ କରି ସଂସ୍କୃତି ବିଷୟକ ଜ୍ଞାନ ଅବଧାରଣା କରି , ସଂସ୍କୃତିକରଣର ବିଶେଷତା ମାଧ୍ୟମରେ ସମାଜର ବିକାଶଶୀଳ ହୋଇଥାଏ । ବିକଳ୍ପ ଯୁକ୍ତ ଅନୁକ୍ରିୟା , ଆତ୍ମସା,ତୀ ଅନୁକ୍ରିୟା, , ସମର୍ଥନ ଅନୁକ୍ରିୟା , ବିଘଟନ ଅନୁକ୍ରିୟା , ଶିକ୍ଷା, ସଂଚାର ସଂପ୍ରେକ୍ଷଣ, ସଂସ୍କାର, ରାଷ୍ଟ୍ରିୟତା ବିଚାର ଧାରା , ଚମତ୍କାର ନେତୃତ୍ୱରେ ସମାଜ ବିକଶିତ ହୋଇପାରିବ ।

ବର୍ତମାନ ସମୟରେ ଭାରତବର୍ଷରେ ଯେଉଁ ସମାଜ ଗଢି ଚାଲିଛି ତାହା ବିନାଶର ଦିଗ ଆଡ଼କୁ ଗତି କରିବାରେ ସହାୟକ ହେଉଛି ।

ଏହି ଭାରତରେ ସମାଜର ବିନାଶ ର ମୁଖ୍ୟ କାରଣ ହେଉଛି ଆଞ୍ଚଳିକତା ବାଦ , ଧର୍ମ ସାମ୍ପ୍ରଦାୟିକତା , ଭାଷାଗତ ବିଭିନ୍ନତା ଏହାପରେ ମଧ୍ୟ ଭାରତୀୟ ରାଜନୀତି ସମାଜ ଵିଭାଜନର ପ୍ରମୁଖ କାରଣ । ରାଜ୍ୟ ରାଜ୍ୟ ଭିତରେ ଵିବାଦ, ସହର ସହର ଭିତରେ ବିବାଦ, ଗ୍ରାମ ଗ୍ରାମ ଭିତରେ ବିବାଦ ଲୋକ ଲୋକ ଭିତରେ ବିବାଦ ଘର ଘର ଭିତରେ ବିବାଦ ଘର ମଧରେ ଭାଇ ଭାଇ ଭିତରେ ବିବାଦ ବାପା ପୁଅ ଭିତରେ ବିବାଦ , ସ୍ୱାମୀ ସ୍ତ୍ରୀ ଭିତରେ ବିବାଦ, ପରିବାର ଭିତରେ ବିବାଦ ଲାଗିବାରେ ଆଗେଇ ଚାଲିଛି ଯାହାଦ୍ଵାରା ସମାଜରେ ବଞ୍ଚିବା କଷ୍ଟକର ହେବା ସହ ଦୁର୍ବିସହ ହୋଇପଡିଛି । ବର୍ତମାନ ସମାଜରେ ଶୃଙ୍ଖଳିତ ହେବା ପରିବର୍ତେ ସମାଜ ବିଭାଜିତ ହୋଇଚାଲିଛି ।

ଯଦିଓ ସମାଜକୁ ସୁରକ୍ଷିତ କରାନଯାଏ ସମାଜ ବିଭାଜନ ହେବା ସହ ବିଲୟ ଘଟିପାରେ । ସାମୂହିକ ଭାବେ ଉତ୍କର୍ଷତା ସହିତ ସହଯୋଗ ବାର୍ତ୍ତା ବହନ କରି ସମାଜରେ ରକ୍ଷାକରିପା

ରିବା ।