ସାଗର ଗର୍ଭରେ ଘୋର ମନ୍ଥନ,

ଉଠିଲା ଅମୃତ ଲାଗି ଘନଘନ।

ଦେବତା,ଦାନବ ମିଶି ଏକ ମନ,

ଟାଣୁଥିଲେ ବାସୁକିର ମହାଫଣ।

ମନ୍ଥନର ସେହି ମହାନ ଛନ୍ଦ,

ଜାତ ହେଲେ ଅନେକ ରତ୍ନ ବିନ୍ଦୁ।

ବିଷ ବୈଦ୍ୟ ଧନ୍ୱନ୍ତରି ହସ୍ତେ ଘୃତ,

ଦିବ୍ୟାପରମ୍ପରା ମେଘକୁ ମନୋହର।

ତା’ମଧ୍ୟରୁ ଏକ ଦିବ୍ୟ ଜ୍ୟୋତି,

ଉଠିଲାଜଳୁ ଜଳୁ ଅତି ଶୋଭା।

କନ୍ୟା ରୂପେ ଦେବୀ ଲକ୍ଷ୍ମୀ ମୁରତି,

ଧରିଲେ ସାଗରକୁ କରି କ୍ଷୋଭି।

ସାଗର ଦୁହିତା ନାମ ତୁମର,

ସମସ୍ତେ ଡାକନ୍ତି ସାଗର ଦୁଲ୍ହାଣୀ।

ଦେଖି ତୁମ ରୂପ ଅତୁଲ ସୁନ୍ଦର,

ହୃଦୟ ହରିଲେ ଗୋଲକ ବିହାରୀ।

ଶ୍ରୀହରି ବିଷ୍ଣୁଙ୍କ ହୃଦୟ ଜିଣି,

ହେଲୋ ତୁମେ ତାଙ୍କରି ପଟରାଣୀ।

ବିଷ୍ଣୁପ୍ରିୟା,ବିଷ୍ଣୁଶକ୍ତି ସନାତନୀ,

ଜଗତର ମାତାହେ କମଳିନୀ।

ଆଶ୍ୱିନ ମାସର ଶୁଭ୍ର ପୂର୍ଣ୍ଣିମା,

ଜ୍ୟୋତିଷ୍ମତୀରାତ୍ରି ଅତି ସୁଭଗା।

ସେହିଦିନ ଆବିର୍ଭାବ ତୁମ ହେଲା,

ମହାଲକ୍ଷ୍ମୀ ରୂପେ ହେ କମଳା।

ଶାରଦୀୟା ପୂଜାର ମହାପର୍ବ,

ଘରେ ଘରେ ଉଲ୍ଲାସ ନୂତନ ରଙ୍ଗ।

ମାତାଙ୍କୁ ଅବାହନ କରି ମନ୍ତ୍ରେ,

ପୂଜାକରେ ସକଳ ଜନଗଣ।

ଦୁଇ ପାର୍ଶ୍ୱରେ ଦୁଇ ଗଜରାଜ,

ଶୁଭ୍ର ଶୁଣ୍ଢରେ ଶୋଭା ଅନୁରାଗ।

ସୁବର୍ଣ୍ଣ କଳଶ ଧରିଶୋଭା ପାଉ,

ଜଳ ଧାରାଦେଉ ଅବିରତ।

ମହାସ୍ନାନର ଏହି ଅର୍ଥ ଗଭୀର,

ପବିତ୍ର ଜଳରେ ପାପ ଧୋଇବାର।

ସମୃଦ୍ଧିର ଧାରା ବରଷେ ଅଖଣ୍ଡ,

ସନ୍ତାନ ସମ୍ପଦ ଦେଇ ଶରଣ।

ଗଜଲକ୍ଷ୍ମୀ ନାମେ ତୁମେ ଖ୍ୟାତ,

ଉଲ୍ଲୁକ ବାହିନୀ ମାତା ମହିମା।

ଉଲ୍ଲୁକ ତୁମର ବାହନ ରୂପେ,

ରାତ୍ରିର ଅନ୍ଧାର କର ନିର୍ମୂଳ।

କମଳ ଆସନେ ବିରାଜେ ତୁମେ,

ପଦ୍ମଲୟା,ପଦ୍ମାସନି ନାମ ଧରି।

ଉଭାହୋଇ ଶୋଭା ଅତୁଲ ମଧୁର,

ଧନ ଧାନ୍ୟ ଦାତ୍ରୀଜଗତ ଭରି।

ଚାରିଭୁଜା ମାତା ଦାରିଦ୍ର୍ୟ ନାଶିନୀ,

ଦାରିଦ୍ର୍ୟର ଦୁଃଖ କରୁନାଶ।

ଦୁଇ ହାତରେ ଧରି ଦିବ୍ୟ ପଦ୍ମ,

ପବିତ୍ରତାଓ ଶାନ୍ତିର ପରିଚୟ।

ଅନ୍ୟ ଦୁଇ ହାତେ ଅଭୟ ବରଦ,

ମୁଦ୍ରାରେ ଅନୁଗ୍ରହ ବରଷ ମାତା।

ଭକ୍ତ ଜନଙ୍କୁ ଦେଉ ଅଭୟ ଦାନ,

ସଂକଟ ତରିବାପାଇଁ ଆଶ୍ୱାସନା।

ଧନ ଧାନ୍ୟର ମାତା ଦେବୀ ଲକ୍ଷ୍ମୀ,

ସୁଖ ଶାନ୍ତିର ତୁମେ ଅଟ ଆଧାର।

ତୁମ ବିନା ଜଗତ ଅସମ୍ପୂର୍ଣ୍ଣ,

ତୁମରି କୃପାରେ ଭରେ ଭଣ୍ଡାର।

ଜଗତ ଜନନୀ ମାତା ଭବବାରିଧି,

ତୁମେ ତାରଣୀ ଦୁଃଖ ସଂକଟ ହାରିଣୀ।

ସାଗର ମନ୍ଥନୁ ଆସି ଏ ସଂସାରେ,

ସମୃଦ୍ଧିର ବରଷାକର ମାଧୁରୀ।

ତୁମରି କୃପାରୁ ଘର ଭରିଯାଏ,

ଧନ ଧାନ୍ୟେ ଭଣ୍ଡାର ହୁଏ ପୂର୍ଣ୍ଣ।

ସନ୍ତାନ ସମ୍ପଦ ମିଳେ ଜଗତେ,

ତୁମ ଚରଣେ ଶରଣ ମାଗେ ପ୍ରଜା।

ହେ ମାତା ଲକ୍ଷ୍ମୀ, ଆମ ଗୃହେ ବିଜୟୀ,

ରହିଯାଅ ସର୍ବଦା ଆମ ସହିତ।

ଦରିଦ୍ର ଦୁଃଖୀଜନଙ୍କୁ କର ଧନ୍ୟ,

ପୃଥିବୀ ପୃଷ୍ଠରେ ରହିବ ମଙ୍ଗଳ।

ସମୁଦ୍ର ମନ୍ଥନର ଏହି କଥା,

ଜାଣି ନେଉ ସକଳ ମନୁଷ୍ୟ।

ଲକ୍ଷ୍ମୀଙ୍କର କୃପା ପାଇବା ପାଇଁ,

ଭକ୍ତିଭାବରେ କରୁ ଉପାସନା।

ଏହି କାମନା କରି ଶେଷ କଥା,

ମାଗୁଛି ତୁମରି ଅନୁଗ୍ରହ।

ସବୁ ଘରେ ଆଶେଷ ଦିଅ ମାତା,

ଦୂର କର ସକଳ ଦୁଃଖ ଦାରିଦ୍ରୟ।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!

"ସମୁଦ୍ର ମନ୍ଥନୁ ସାଗର କନ୍ୟା"

"ସମୁଦ୍ର ମନ୍ଥନୁ ସାଗର କନ୍ୟା"