ଭୂମିର ନିବେଦନ.....

ଆଜି ମୋ ଜଗାର ସ୍ନାନଉତ୍ସବ,
ଅସଂଖ୍ୟ ଭକ୍ତଙ୍କ ଭିଡରେ ମୋ ଜଗା ଭିଜିବ ।
ଶଂଖ ଓ ହୁଳହୁଳିର ଧ୍ୱନିରେ ବଡ଼ ଦାଣ୍ଡ ଉଠିବ, ପଡ଼ିବ।

ହେ ବୈଶାଖୀ! ମୋ ଜଗା ଭିଜିବା ବେଳେ କୃପା କରି କଳା ବାଦଳ ଆଣ ଓ ଅନ୍ଧାରକୁ ନିୟନ୍ତ୍ରଣ କର।
ହେ ପବନ! ମୋ ଜଗାକୁ ଗରମ ନ କରୁ ଯେମିତି ନିରବ ଭାବରେ ବହିଯାଅ।

ହେ ପୃଥିବୀ ମାଆ! ଆଜି ଏତେ ଭକ୍ତ ଯାଉଛନ୍ତି ମୋ ଜଗା ପାଇଁ, ତୁମେ ଟିକେ ସହିଯିବ।

ହେ ବର୍ଷା! ଆଜି ବିନା ଡେରି କରି ବେଶି ଭାବରେ ବରଷି ଯାଅ, କାହିଁକିନା – ମୋ କାଳିଆ ତାଙ୍କ ଭକ୍ତଙ୍କ ଲୁହରେ ଭିଜୁଛନ୍ତି,
ତୁମେ ଏବେ ତୁମ ସୁଧ ଜଳରେ ଭିଜାଅ।

ହେ ଇନ୍ଦ୍ରଦେବ! ତୁମେ ବଜ୍ରପାତ କର, ମୋ ଜଗାକୁ ଜଣାଇଦିଅ – ତୁମେ ମଧ୍ୟ ଏହି ମହୋତ୍ସବର ଅଂଶ।

ହେ ସମୁଦ୍ରଦେବ!ତୁମେ ମୋ ଜଗାର ପଦ ଧୋଇ ଶୁଦ୍ଧ କରେଇଦିଅ,

ମୋ ଜଗା,ଆଜି ଭକ୍ତ ଙ୍କ ମେଳ ରେ ବସିଛନ୍ତି,
ଭକ୍ତଙ୍କୁ ଦେଖି ମୁରୂକି ମୁରୂକି ହସୁଛନ୍ତି।
ହେ ଆକାଶ! ମୋ ଜଗା ଉପରେ ଫୁଲ ବୃଷ୍ଟି କର,
ଏମିତି ଚମକ ଆଣ – ଯେଉଁଥିରେ ଜଣେ ଭକ୍ତ କହୁ– "ଦେଖନ୍ତୁ ମୋର ଜଗା କେତେ ସୁନ୍ଦର!"

ମୋ ଜଗାକୁ ଆଜି ଏକ ମଧୁର ସ୍ନାନ ମିଳୁ, କଷ୍ଟ ନ ହେଉ, ତାଙ୍କ ପ୍ରେମର ଜଗତ ମଧ୍ୟ ଏମିତି ଶିତଳ ହେଉ।

ଭୂମିକା ମହାରଣା
ପଶ୍ଚିମ ବଙ୍ଗ
୧୨/୬/୨୦୨୫

ସ୍ନାନ ପୂର୍ଣ୍ଣିମା ରେ-

ମ ଜଗା ପାଇଁ ଭୂମିର ଅନୁରୋଧ ପ୍ରକୃତିକୁ