ସ୍ବାଧିନତା ବା ସ୍ବରାଜ ମନୁଷ୍ୟକୁ ଊର୍ଦ୍ଧକୁ କୁ ନିଏ।କାରଣ ନିଜର ମତାମତକୁ ଉପସ୍ଥାପନ କରିବା,ଦେଶର ରାଜନୀତି ରେ , ବିକାଶରେ ଓ କଲ୍ୟାଣ ଦିଗରେ ଆଗକୁ ଯିବାକୁ ହେଲେ ସ୍ବାଧିନତା ନିତ୍ୟାନ୍ତ ଆବଶ୍ୟକ।

ସ୍ବରାଜ ହିଁ ନିଜ ମାତୃଭୂମି କୁ ବିଜୟମଣ୍ଡିତା ଓ ଗୌରବାନ୍ଵିତ କରିଥାଏ।

ଭାରତର ସ୍ବାଧୀନତାର ସେହି ସକାଳ ଅର୍ଥାତ୍ ଅଗଷ୍ଟ ୧୫ ତାରିଖ ।ଚାରିଆଡ଼େ ତ୍ରିରଙ୍ଗା ପତାକା ଧରି ସମସ୍ତେ ରାଲି କରିବାରେ ବ୍ୟସ୍ତ।
ସେଦିନ ଯେମିତି ସୂର୍ଯ୍ୟ ଙ୍କ ନୂଆ ସୁନେଲୀ କିରଣ ଆମ ମାତୃଭୂମି ଭାରତ ପାଇଁ ନୂତନ ସ୍ପର୍ଶ କରିଥିଲା।
ଭାରତ ମାତା କି ଜୟ .......

ଓ ପଣ୍ଡିତ ନେହେରୁ ଙ୍କ ଟ୍ରାଇଷ୍ଟ ୱିଥ ଡେ ଷ୍ଟିନି ଭାଷଣ ରେ ଗଗନ ପବନ ପ୍ରକମ୍ପିତ ହେଉଥିଲା ବେଳେ ଲଗ୍ନଜିତ୍ ପଟ୍ଟନାୟକ ଙ୍କ ଘରେ ବୁଣା ଯାଉଥିଲା ଆଶା,ଯନ୍ତ୍ରଣା ଓ ତ୍ୟାଗ ର କାହାଣୀ।

ଲଗ୍ନଜିତ୍ ପଟ୍ଟନାୟକ ନିଜ ଡାଇନିଂ ଟେବଲ ଉପରେ ବସି ,ନିଜ ଗଳି ସେ ଯାଉଥିବା ରାଲି ରେ ଭାରତ ମାତା କି ଜୟ ଧ୍ୱନି କୁ ଶୁଣି ନିଜ କର୍ଣ୍ଣ ଦୁଇଟି ଚାପି ଧରି ଚିତ୍କାର କରିଛନ୍ତି।

ସଙ୍ଗେ ସଙ୍ଗେ ଡାଇନିଂ ରୁମ୍ ର ଝରକାକୁ ବନ୍ଦ କରି ଚାଲି ଯାଇଛନ୍ତି ଉପର କୋଠରୀକୁ। ସ୍ତବ୍ଧ ହୋଇ ନିଜକୁ ଅନ୍ଧାର ଗୃହ ରେ ବନ୍ଦ୍ କରି ଦେଇ ,ଆଜିକୁ ଘଟିଥିବା ସେହି କୋଡ଼ିଏ ବର୍ଷ ତଳର ଘଟଣା କୁ ମନେ ପକେଇବା ରେ ଲାଗିଛନ୍ତି।

ଲଗ୍ନଜିତ୍ ପଟ୍ଟନାୟକ ଜଣେ ଜଣାଶୁଣା ବିଚାରପତି।ଅନେକ ଦୁଃଖୀ , ଦରିଦ୍ର ଓ ଗରିବ ଲୋକଙ୍କ ଅସୁବିଧାକୁ ବିନା ଦ୍ଵନ୍ଦ ରେ ,ସହଜ ରେ ନ୍ୟାୟ ପ୍ରଦାନ କରିଛନ୍ତି।ଲୋକ ଙ୍କ ପାଇଁ ସେ ଥିଲେ ଭଗବାନ୍।କାରଣ ନ୍ୟାୟ ପ୍ରଦାନ କରୁଥିବା ନ୍ୟାୟଧିଶ ଙ୍କୁ ଭାଗଵନ୍ ଙ୍କ ସହ ତୁଳନା କରାଯାଏ। ନ୍ୟାୟ ଦେଉଥିବା ସେ ସବୁ ମାୟା ବନ୍ଧନ ତୁଟାଇ ଧର୍ମ ର ପଥ ,ସତ୍ ର ପଥ କୁ ଅପନେଇଛନ୍ତି।
*। *। *।
ହେଲେ ଏ କଣ ସମସ୍ତଙ୍କୁ ନ୍ୟାୟ ପ୍ରଦାନ କରୁ କରୁ ନିଜ ପୁତ୍ର ଓ ପରିବାର ପ୍ରତି ଏତେ ବଡ ଅନ୍ୟାୟ କେମିତି ହୋଇଗଲା???

ଆଜି ସ୍ବାଧିନତା ଲଗ୍ନଜିତ୍ ପାଇଁ ସୁଖର ଦିନ ନଥିଲା।ସମସ୍ତେ ସ୍ବାଧୀନତାର ଉତ୍ସବ ରେ ବୁଡି ରହିଥିବା ବେଳେ ଲଗ୍ନଜିତ୍ ହୃଦୟରେ ଗଭୀର ଯନ୍ତ୍ରଣା ଥିଲା।ହେଲେ ସେ ଯନ୍ତ୍ରଣା ର କାରଣ ଓ ଦୋଷୀ ସେ ନିଜେ ଅଟନ୍ତି।

ତାଙ୍କ ପରିବାର କହିଲେ ତାଙ୍କ ଧର୍ମପତ୍ନୀ(ନଳିନୀ ),ପୁଅ(ଦେବେନ୍ଦ୍ର),ବୋହୂ ଓ ନାତି। ଦେବେନ୍ଦ୍ର ପ୍ରତି କରିଥିବା ଅନ୍ୟାୟ ପାଇଁ ନିଜ ପତ୍ନୀ ଓ ବୋହୂ ଆଗରେ ଆଖି ମିଶାଇ ସବୁଦିନ ରହିବା ତାଙ୍କ ପାଇଁ କଷ୍ଟକର ହୋଇଯାଉଥିଲା।

ହେମମାଳା ଆବେଗ ଓ ଉତ୍ତେଜନା ତଳେ ମୂର୍ଚ୍ଛିତା ହୋଇ ପଡିଗଲେ।ନିଜର ପୁତ୍ର ର ଫଟୋଟିକୁ ଛାତିରେ ଚାପିଧରି ବହୁତ୍ କାନ୍ଦିଲେ।
ଆହାଃ ଯଦି ଆଜି ଦେବେନ୍ଦ୍ର ବଞ୍ଚି ଥାଆନ୍ତା ତେବେ ଆଜି ତ୍ରିରଙ୍ଗା ପତାକା ତଳେ ଠିଆ ହୋଇ ନିଜ ମାଟି ମା କୁ ଦେଖି ଶାନ୍ତି ର ନିଃଶ୍ୱାସ ମାରିଥାନ୍ତା।

ପିଲାଟି ବେଳରୁ ଦେବେନ୍ଦ୍ର ନିଜ ଦେଶ ପ୍ରତି ଅହେତୁକ ଭଲ ପାଇବା । ପ୍ରତ୍ୟେକ ଆନ୍ଦୋଳନ ,ଧର୍ମଘଟ,ଥାନା ଘେରାଉ ଓ ଜନତା କୁ ଦେଶ ପ୍ରେମରେ ଉଦବୁଦ୍ଧ କରାଇବା କରିବା ଗୋଟିଏ ନିଶା।
ଦେଶକୁ ଆଗକୁ ନେବାକୁ ହେଲେ ସଂସାର ର ମୋହ ମାୟା ତୁଟାଇ ପ୍ରାଣବଳୀ ଦେବାକୁ ହୁଏ ହୁଏତ ବହୁତ ଲୋକ ଏହାକୁ ଆପଣେଇବା କଷ୍ଟକର।

ଗୋଟିଏ ଦିନ ର କଥା ଦେବେନ୍ଦ୍ର ଓ କିଛି ସହଯୋଗୀ ବିଦେଶୀ ମଦ ଦୋକାନ ଉପରେ ଘେରାଉ କରିଥାନ୍ତି।ଜନ ସମାଗମ ଓ ଗହଳି ର ଉପଦ୍ରବ ମଧ୍ୟରେ ଠେଲା ପେଲା ମଧ୍ୟରେ କିଛି ପୋଲିସ କର୍ମଚାରୀ ଲାଠି ପ୍ରହାର କରିବା ଆରମ୍ଭ କରିଦେଲେ।

ଛତ୍ରଭଙ୍ଗ ଦେଲା ପରି ସମସ୍ତେ ଅଣାୟତ ହୋଇ ଦୌଡିବାକୁ ଲାଗିଲେ।କିଛି ପୋଲିସ କର୍ମଚାରୀ ମଧ୍ୟ ଏଥିରେ ଆହତ ହୋଇଥିଲେ । ପୋଲିସ ପ୍ରତିଶୋଧ ପରାୟଣ ହୋଇ ଅତର୍କିତ ଗୁଳି ଚାଳନା ହେତୁ ପ୍ରତିବାଦ ର ସ୍ୱର ଉତ୍ତୋଳନ କରିଥିବା ଦେବେନ୍ଦ୍ର ଙ୍କ ଛାତିରେ ବିଦ୍ଧ କଳା ଗୁଳି। ଏତେ ଜନ ସମାଗମ ମଧ୍ୟରେ ଦେବେନ୍ଦ୍ର ସେଠି ଟଳି ପଡ଼ିଲେ।

ବ୍ରିଟିଶ ସରକାର କରିଥିବା ସବୁ ଦ୍ରୋହାଚର ଜାଣି ମଧ୍ୟ ସେଦିନ ନ୍ୟାୟ ର ପ୍ରତିମୂର୍ତ୍ତି ହୋଇ ନିଜ ପୁତ୍ର କୁ ନ୍ୟାୟ ମଧ୍ୟ ଦେଇ ପାରିଲେ ନାହିଁ।ବ୍ରିଟିଶ ଅଧୀନରେ ନ୍ୟାୟଧିଶ ହୋଇ ସେଦିନ ଲଗ୍ନଜିତ୍ ନିଜକୁ ଧିକାର କରି ଚାଲିଲେ।

ଆଜି ୨୦ ବର୍ଷ ପରେ ଦେବେନ୍ଦ୍ର ର ସ୍ବପ୍ନ ପୂରଣ ହୋଇଛି ।ସେ ରଙ୍ଗୀନ କନା ର ଜୟ ଜୟ କାର କୁ ଦେବେନ୍ଦ୍ର ଦେଖିପରିନାହି। ଏପଟେ ଦେବେନ୍ଦ୍ର ଙ୍କ ପତ୍ନୀ ଏକ ତ୍ରିରଙ୍ଗା ଧରି ଜୟ ଧ୍ୱନି କରିବାରେ ଲାଗିଲେ।

ପ୍ରାଣହୀନ ପାଷାଣ ପରି ଚାହିଁ ରହିଥାଏ ପ୍ରଭାତ ର ସୂର୍ଯ୍ୟଦିପ୍ତ ଆକାଶ ।ଭାଦ୍ର ଆକାଶ ମେଘହୀନ ସୁନୀଳ ପଟ ଭୂମିରେ ସ୍ଵାଧୀନ ଭାରତର ତ୍ରିରଙ୍ଗା ପତାକା ସେମିତି ଲଗ୍ନଜିତ୍ ଙ୍କ ଛାତ ରେ ଫର୍ ଫର୍ ହୋଇ ହୋଇ ଉଡୁଥାଏ।

ଅଶ୍ରିତା ଦାସ
(ଡାଳତୋଳା) ଖୋର୍ଦ୍ଧା।

ସ୍ବାଧୀନତାର ର ସୂର୍ଯ୍ୟୋଦୟ ଏବଂ ଏକ ଅକୁହା କାହାଣୀ।

ସ୍ବରାଜ ହିଁ ନିଜ ମାତୃଭୂମି କୁ ବିଜୟମଣ୍ଡିତା ଓ ଗୌରବାନ୍ଵିତ କରିଥାଏ।