କବିତା -ସ୍ୱଚ୍ଛ ଭାରତ

ସ୍ୱାଧୀନତା ପାଇଁ ଅହିଂସା ଥିଲା
ଗାନ୍ଧୀଙ୍କ ନୀତି,
ଅହିଂସା ଶିଖିକି ଭାରତ ହେଲା
ସ୍ଵାଧୀନ ଜାତି। ୧

ଗାନ୍ଧୀଙ୍କ ଦ୍ଵିତୀୟ ମନ୍ତର
ସ୍ବଚ୍ଛତା ଯେ ଅଟଇ,
ପୃଥିବୀ ଦେଖୁଛି ଫରକ୍
ସ୍ୱଚ୍ଛଭାରତ ପାଇଁ। ୨

ଘର,ଗାଁ,ନଦୀ,ସହର
ସାଗର ମହାନଗରୀ,
ସୁନ୍ଦର ଶରୀର ସବୁଜ
ହୋଇପାଇବେ ଶିରି। ୩

ବାପୁ ଦେଖିଛନ୍ତି ସପନ
ସ୍ୱଚ୍ଛ ଭାରତ ପାଇଁ,
ସ୍ବଚ୍ଛତା ପାଇଁକି ଗୋଟିଏ
ପାଦ ଦେବା ବଢ଼ାଇ। ୪

ସ୍ବଚ୍ଛତା ରହିଲେ ଦୁର୍ନୀତି
ପ୍ରଦୂଷଣ ହଟିବ,
ରାମରାଜ୍ୟର ସେ ସପନ
ଦିନେ ସତ ହୋଇବ। ୫

ଆସଆସ ଭାଇ ଭଉଣୀ
ଦୃଢ଼ ସଂକଳ୍ପ ନେବା,
ଗୋଟେ ନୁହଁ ଆଜି କୋଟିଏ
ପାଦ ବଢ଼େଇଦେବା। ୬

ସୁନ୍ଦର୍ ନିର୍ମଳ ସବୁଜ
ପରିବେଶର ଜୟ,
ଆସନ୍ତୁ ଗଢ଼ିବା ଦେଶକୁ
ମନେ ନରଖି ଭୟ। ୭

ଗଙ୍ଗା ହସି ହସି ବୋହିବ
ମହାନଦୀ ତ ଖୁସି,
ହିମାଳୟ ଉଚ୍ଚେ କହିବ
ଧନ୍ୟ ଭାରତବାସୀ। ୮

ବନ୍ୟପ୍ରାଣୀ ହେବେ ଆଶ୍ବସ୍ତ
ବୃକ୍ଷରାଜିଙ୍କ ବନ୍ଧୁ,
ସୁନେଲି ଆକାଶ ଦେଖିବ
ବେଳାଭୂମିରେ ସିନ୍ଧୁ। ୯

ଶୌଚାଳୟଟିଏ ଘରେ କରିବ
ସ୍ୱଚ୍ଛ ଭାରତ ପାଇଁ,
ପ୍ଲାଷ୍ଟିକବର୍ଜନ କରିବ
ନିଜେବଞ୍ଚିବା ପାଇଁ। ୧୦

ସାମୁହିକ ସ୍ଥାନ ଦେଖିଲେ
ଶୃଙ୍ଖଳାକୁ ମାନିବା,
ଡଷ୍ଟବିନ ବ୍ୟବହାରକୁ
ନିଶ୍ଚେ ଗୁରୁତ୍ଵ ଦେବା। ୧୧

ଆଜି ଦିବସରେ ଆସନ୍ତୁ
ବଜ୍ର ଶପଥ ନେଇ,
ସ୍ୱଚ୍ଛ ଭାରତକୁ ସ୍ୱଚ୍ଛତା
ପାଦ ଦେବା ବଢ଼ାଇ। ୧୨
####

ସ୍ୱଚ୍ଛ ଭାରତ

ସୌମ୍ୟ ରଞ୍ଜନ ନନ୍ଦ