ଏ ସୃଷ୍ଟିର ସର୍ବାଧିକ ପ୍ରାଚୀନ ଏବଂ ବୈଜ୍ଞାନିକ କାଳଗଣନା ଅନୁସାରେ ଚୈତ୍ର ଶୁକ୍ଳ ପ୍ରତିପଦା ହିଁ ବାସ୍ତବିକ ନବବର୍ଷ ଓ ଏହା ବେଦସମ୍ମତ ଅଟେ। ଅନାଦି କାଳରୁ ଭାରତବର୍ଷରେ ଏହି ଦିନକୁ ନବବର୍ଷ ରୂପେ ପାଳନ କରାହେଇଆସୁଥିଲା।ବାସ୍ତବିକ ହିନ୍ଦୁମାନେ ରାତି ଅନ୍ଧାରରେ ନବବର୍ଷର ସ୍ୱାଗତ କରନ୍ତି ନାହିଁ, ପରନ୍ତୁ ସୂର୍ଯ୍ୟଙ୍କ ପ୍ରଥମ କିରଣକୁ ଅଭିବାଦନ କରି ନବବର୍ଷକୁ ସ୍ୱାଗତ କରିଥାନ୍ତି ।

*”ଚୈତ୍ର ଶୁକ୍ଳ ପ୍ରତିପଦା”* -(୦୯/୦୪/୨୦୨୪)*

ଏହା ହେଉଛି ସୃଷ୍ଟିସଂବତ୍ସର।* ଅର୍ଥାତ ଏହି ଦିନଟି ସୃଷ୍ଟି ରଚନାର ପ୍ରଥମ ଦିବସ ଅଟେ।( *୧୯୬ କୋଟି, ୮ ଲକ୍ଷ ,୫୩ ହଜାର, ୧୨୪ବର୍ଷ ପୂର୍ବେ* ଏହି ଦିନରେ [“ଚୈତ୍ର ଶୁକ୍ଳ ପ୍ରତିପଦା” ତିଥିରେ ] ସୂର୍ଯ୍ୟୋଦୟ ସମୟରେ ପରମପିତା ପରମେଶ୍ଵରଙ୍କ ଦ୍ୱାରା ସୃଷ୍ଟିରଚନାର ଅୟମାରମ୍ଭ ହୋଇଥିଲା ।)[ଚୈତ୍ର ମାସି ଜଗଦ୍ ବ୍ରହ୍ମା ସସର୍ଜ ପ୍ରଥମେऽହନି।]।_ଲକ୍ଷ୍ୟ କରିବା କଥା ଯେ ଅତ୍ୟାଧୁନିକ ଜ୍ଞାନ କୌଶଳ ପ୍ରୟୋଗକରି ଏବେକାର ବୈଜ୍ଞାନିକମାନେ ମାତ୍ର ଏଇ କିଛି ବର୍ଷ ପୂର୍ବେ କହି ପାରିଲେ ଯେ ପୃଥିବୀର ପରମାୟୁ ହେଉଛି ପ୍ରାୟ ୨୦୦ କୋଟି ବର୍ଷ। କିନ୍ତୁ ବୈଦିକ ଗଣନା କେତେ ନିର୍ଭୁଲ ଯେ ଦେଖନ୍ତୁ ଯଜ୍ଞର ପ୍ରାରମ୍ଭରେ ସଂକଳ୍ପ ସମୟରେ ଯଜ୍ଞ ଦିବସକୁ ସୃଷ୍ଟିସଂବତ୍ସର ସହ ଅନାଦି କାଳରୁ ଚିନ୍ହିତ କରି ( ଯଥା: ଏକବୃନ୍ଦ ଷଣଣବତିକୋଟି ଅଷ୍ଟ ଲକ୍ଷ ତ୍ରିପଞ୍ଚାଶତସହସ୍ର ତ୍ରୟୋବିଂଶାଧିକଶତତମେ ସୃଷ୍ଟିସଂବତ୍ସରେ) ମନ୍ତ୍ର ଉଚ୍ଚାରଣ କରିଆସୁଛନ୍ତି।_ସତ୍ୟଯୁଗର ଆରମ୍ଭ ।*ଏହି ଦିବସରେ [“ଚୈତ୍ର ଶୁକ୍ଳ ପ୍ରତିପଦା” ତିଥିରେ ] ସତ୍ୟଯୁଗର ଆରମ୍ଭ ହୋଇଥିଲ।। *ମର୍ଯ୍ୟଦା ପୁରୁଷୋତ୍ତମ ଶ୍ରୀ ରାମଚନ୍ଦ୍ର* “ଚୈତ୍ର ଶୁକ୍ଳ ପ୍ରତିପଦା” ତିଥିରେ ସିଂହାସନରେ ଅଭିଷିକ୍ତ ହୋଇ ଥିଲେ ଓ ରାମରାଜ୍ୟ ପ୍ରତିଷ୍ଠା ହୋଇଥିଲା । *ଧର୍ମରାଜ ଯୁଧିଷ୍ଠିର* “ଚୈତ୍ର ଶୁକ୍ଳ ପ୍ରତିପଦା” ତିଥିରେ ସିଂହାସନରେ ଅଭିଷିକ୍ତ ହୋଇଥିଲେ । *ଶାଳିବାହନ ଶକାବ୍ଦ ଆରମ୍ଭ ଏହିଦିନ ଠାରୁ:*(“ଚୈତ୍ର ଶୁକ୍ଳ ପ୍ରତିପଦା” ତିଥିରେ ଶକାବ୍ଦ ପ୍ରଚଳନ ହୋଇଥିଲା ।) *ବିକ୍ରମ ସଂବତ୍ସର ୨୦୮୧ପ୍ରାରମ୍ଭ ଏହିଦିନ ଠାରୁ:*[“ଚୈତ୍ର ଶୁକ୍ଳ ପ୍ରତିପଦା” ତିଥିରେ ୨୦୮୦ ବର୍ଷ ପୂର୍ବେ ବିକ୍ରମାଦିତ୍ୟଙ୍କଦ୍ୱାରା ନୂତନସଂବତ୍ସର ପ୍ରଚଳନ କରାଯାଇଥିଲା ।]। “ଚୈତ୍ର ଶୁକ୍ଳ ପ୍ରତିପଦା” ତିଥିରେ ବେଦୋଦ୍ଧାରକ, ସମାଜ ସଂସ୍କାରକ ମହର୍ଷି ଦୟାନନ୍ଦ ସରସ୍ୱତୀଙ୍କ ଦ୍ୱାରା ଆର୍ଯ୍ୟ ସମାଜ ପ୍ରତିଷ୍ଠା ହୋଇଥିଲା । *ବାସନ୍ତିକ ନବରାତ୍ର* ପ୍ରାରମ୍ଭ ଏହିଦିନ ଠାରୁ।[ ମର୍ଯ୍ୟାଦା ପୁରୁଷୋତ୍ତମ ଶ୍ରୀରାମଚନ୍ଦ୍ରଙ୍କ ଜନ୍ମୋତ୍ସବର ୯ ଦିନ ପୂର୍ବରୁ ଅର୍ଥାତ୍ “ଚୈତ୍ର ଶୁକ୍ଳ ପ୍ରତିପଦା” ଠାରୁ ପାଳନ କରାଯାଏ ।]୧୮୭୨ ମସିହାରେ ଶ୍ରୀରାମଜନ୍ମଭୂମି ଆନ୍ଦୋଳନର ନ୍ୟାୟିକ ପ୍ରକ୍ରିୟା ହେତୁ ହିନ୍ଦୁ ମହାସଭା ଟ୍ରଷ୍ଟ ସ୍ଥାପନ ଏହି ଦିନ ପ୍ରାରମ୍ଭ ହୋଇଥିଲା । ୧୮୮୨ ମସିହାରେ ଧର୍ମ ଓ ରାଷ୍ଟ୍ର ହିତ ନିମନ୍ତେ “ଚୈତ୍ର ଶୁକ୍ଳ ପ୍ରତିପଦା” ତିଥିରେ ‘ପଞ୍ଜାବ ହିନ୍ଦୁ ମହାସଭା’ ସ୍ଥାପନ ହୋଇଥିଲା ଓ ଏହାହିଁ ଏସିଆ ମହାଦେଶର ପ୍ରଥମ ରାଜନୈତିକ ପାର୍ଟି ରୂପେ ଦଣ୍ଡାୟମାନ ହୋଇଥିଲା । ପରବର୍ତ୍ତୀ ସମୟରେ ଏହା ‘ଅଖିଳ ଭାରତୀୟ ହିନ୍ଦୁ ମହାସଭା’ ନାମରେ ନାମିତ ହେଲା । “ଚୈତ୍ର ଶୁକ୍ଳ ପ୍ରତିପଦା” ତିଥିରେ ପ୍ରସିଦ୍ଧ ସମାଜ ରକ୍ଷକ “ସନ୍ଥ ଝୂଲେଲାଲ୍”ଙ୍କ ଜନ୍ମ ଦିବସ ।ରାଷ୍ଟ୍ରୀୟ ସ୍ୱୟଂସେବକ ସଂଘର ପ୍ରତିଷ୍ଠାତା ଡ. କେଶବବଳୀରାମ ହେଡଗେୱାରଙ୍କର ଜନ୍ମଦିବସ । ପ୍ରକୃତିରାଣୀ ମଧ୍ୟ ଏହି ସମୟରେ ପୃଥିବୀକୁ ନବୀନ ସୁନ୍ଦର ରୂପରେ ସଜାଇ ନବବର୍ଷକୁ ସ୍ୱାଗତ ଜଣାଏ, ଯାହାକି ଇଂରାଜୀ ନବବର୍ଷରେ ନ ଥାଏ।

ଏହିପରି ଭାବରେ ସନାତନ ହିନ୍ଦୁଧର୍ମର କାଳ ଗଣନା ଅନେକ ପ୍ରଚୀନ ଓ ଶାସ୍ତ୍ର-ସମ୍ମତ ତଥା ବିଜ୍ଞାନ-ସମ୍ମତ ହୋଇଥିବାରୁ ଚୈତ୍ର ଶୁକ୍ଳ ପ୍ରତିପଦ [ନବ ବର୍ଷ] ମହାପର୍ବକୁ ବ୍ୟକ୍ତିଗତ ଓ ସାମୁହିକ ଭାବରେ ପାଳନ କରିବା ଉଚିତ୍। ପ୍ରତ୍ୟେକ ହିନ୍ଦୁ ଆଗରୁ ଗୃହକୁ ଓ ପରିବେଶକୁ ପରିଷ୍କାର ପରିଚ୍ଛନ୍ନ କରିବା। ଅଲୋକସଜ୍ଜା ବ୍ୟବସ୍ଥା କଲେ ଉତ୍ତମ।ଏହିଦିନ ସକାଳେ ନିଜ ନିଜ ଗୃହର ପ୍ରାଙ୍ଗଣକୁ ଗୋବରରେ ଲିପି ଝୋଟି କାଟି ବା ମୂରୁଜ ପକାଇ ପୂର୍ଣ୍ଣକୁମ୍ଭ , ଆମ୍ବତୋରଣ, କଦଳୀ ଗଛ ଇତ୍ୟାଦି ଦ୍ୱାରା ଗୃହକୁ ସଜାଇବା। ସନ୍ଧ୍ୟାରେ ଦୀପ ପ୍ରଜ୍ବଳନ ବା ବିଦ୍ୟୁତ ଆଲୋକସଜ୍ଜା କରି ପାରିବା। ପ୍ରାତଃସ୍ନାନପୂର୍ବକ ନବ ବା ଶୁଦ୍ଧପୂତ ବସ୍ତ୍ରାଦି ପରିଧାନପୂର୍ବକ ସପରିବାର ହୋମ – ଯଜ୍ଞ, ଈଶ୍ବର ଉପାସନା ଓ ଈଶ୍ୱରଙ୍କର ଅର୍ଚ୍ଚନ, ବନ୍ଦନ କରିବା। ପିତା ମାତାଙ୍କ ଦର୍ଶନ ଓ ସେବା, ଗୋପୂଜନ, ଦରିଦ୍ର ସେବା, ସମାଜସେବା ଆଦି କରିବା। ନିଜର ସାମର୍ଥ୍ୟ ଅନୁସାରେ ଦାନ ଦେବା ଉଚିତ। ସମର୍ଥ ବ୍ୟକ୍ତି ବା ଅନୁଷ୍ଠାନମାନେ ସେ ଦିନ ଦରିଦ୍ରଭୋଜନ, ବାଳକଭୋଜନ, ଜଳଦାନ, ରକ୍ତଦାନ ପରି ପୁଣ୍ୟ କାର୍ଯ୍ୟ ସମ୍ପାଦନ କରିବା ଉଚ୍ଚିତ। ସାମୁହିକ ସ୍ଥାନରେ ବିଶ୍ୱକଲ୍ୟାଣ ନିମନ୍ତେ ନୂତନ ବର୍ଷରେ ସାମୁହିକ ଯଜ୍ଞାନୁଷ୍ଠାନ ଓ ପ୍ରବଚନ ଆଦି ସହ ନୂତନ ବର୍ଷକୁ ସ୍ୱାଗତ ଓ ପରୋପକାରୀ କାର୍ଯ୍ୟମାନଙ୍କର ଆୟୋଜନ କରାଯିବା ଉଚିତ୍।

ଆସନ୍ତୁ ସର୍ବତ୍ର ଖୁସି, ଆନନ୍ଦ ଓ ଉତ୍ସବର ବାତାବରଣ ସୃଷ୍ଟିକରି ହିନ୍ଦୁ ଏକତାର ନୂତନ ଦୃଷ୍ଟାନ୍ତ ପ୍ରସ୍ତୁତ କରିବା।ଆମ୍ଭେ ପରସ୍ପରକୁ ଏହି ଦିନ ବ୍ୟକ୍ତିଗତ ଭାବରେ ବା ପରମ୍ପରାଗତ ଅଭିନନ୍ଦନ ପତ୍ର(ଗ୍ରୀଟିଙ୍ଗ କାର୍ଡ) ବା ମୋବାଇଲ ମାଧ୍ୟମରେ ଅଭିନନ୍ଦନ/ଶୁଭକାମନା ପ୍ରେରଣ କରି ପାରିବା। ଭାରତକୁ ଇଂରାଜୀ ନବ ବର୍ଷ ପାଳନର ଅବୈଜ୍ଞାନିକତାରୁ ମୁକ୍ତକରି ପାରିବା।ଏହିପରି ଭାବରେ ନବବର୍ଷ ପାଳନକରି ଆସନ୍ତୁ ହିନ୍ଦୁ ଏକତାର ଉଚ୍ଚ ପରମ୍ପରା ସହ ଆମ ମାତୃଭୂମିର ଗୌରବ ବୃଦ୍ଧି କରିବା ତଥା ବିଭାଜନ-ସୃଷ୍ଟିକାରୀ ଶକ୍ତିମାନଙ୍କ ଆଖି ଖୋଲିଦେବା।*

ସମସ୍ତଙ୍କୁ ମୋର ନିବେଦନ ଯେ ଆମର ସଂସ୍କୃତି ଓ ଆମର ପରମ୍ପରାକୁ ଆମେ ବଚେଂଇ ରଖିବା। ନିଜେ ପାଳନ କରିବା ସଙ୍ଗେ ସଙ୍ଗେ ଅନ୍ୟମାନଙ୍କୁ ଏ ସମ୍ପର୍କରେ ଜଣାଇବା ପାଇଁ ବିନମ୍ର ଅନୁରୋ

ଧ ।।

ହିନ୍ଦୁ ନବ ସମ୍ବତ୍ସର

ଚୈତ୍ର ଶୁକ୍ଳ ପ୍ରତିପଦ