ଦଶଟା ପରେ ସମୃଦ୍ଧି ଓ ରୁଚିକା ରେଜଲ୍ଟ ଦେଖିବା ପାଇଁ ଗୋଟିଏ ପାଖ ଦୋକାନ କୁ ଗଲେ । ଦୋକାନୀ ଜଣକ ସମୃଦ୍ଧି ଓ ରୁଚିକା ଙ୍କୁ ପୂର୍ବରୁ ଜାଣିଥିଲେ । ସେ ସମୃଦ୍ଧି ର ରୋଲ୍ ନମ୍ବର ଓ ରେଜିଷ୍ଟ୍ରେସନ ନମ୍ବର ନେଇ ରେଜଲ୍ଟ ଦେଖିଲେ । ରେଜଲ୍ଟ ଦେଖି ସାରି ଦୋକାନୀ କିଛି ସମୟ ପାଇଁ ଚାହିଁ ରହିଲେ ସମୃଦ୍ଧି ଓ ରୁଚିକା ଙ୍କୁ । କାରଣ ସେ ବିଶ୍ବାସ କରି ପାରୁ ନ ଥିଲେ ଯେ ଜଣେ ଅନାଥ ଆଶ୍ରମର ଝିଅ ଏତେ ଭଲ ମାର୍କ୍ ରଖି ପାସ୍ କରିଥିବ ବୋଲି । ଦୋକାନୀ କୁ ଏମିତି ଚାହିଁ ରହିବାର ଦେଖି ସମୃଦ୍ଧି ଭୟଭୀତ ହୋଇଗଲା । ସେ ରୁଚିକା ଙ୍କୁ କହିଲା, " ରୁଚି ଅପା , ମୁଁ ବୋଧେ ଫେଲ୍ ହୋଇଛି କିମ୍ବା କମ୍ ମାର୍କ୍ ରଖିଛି । ତେଣୁ ଏ ଦୋକାନୀ ଭାଇ ମୋତେ ଏପରି ଦେଖୁଛନ୍ତି । ରୁଚି ଅପା ମୋତେ ବହୁତ ଡର ଲାଗୁଛି । ଏବେ ଆମେ ସମସ୍ତ ଙ୍କୁ କ'ଣ କହିବା ??? "
        ରୁଚିକା ବେଶ୍ ଭଲ ଭାବରେ ଜାଣିଥିଲେ ଯେ ତାଙ୍କ ସମୁ କମ୍ ମାର୍କ୍ ରଖି ନଥିବ ଆଉ ଫେଲ୍ ହେବା ତ ଦୂରର କଥା । କାରଣ ସେ ନିଜେ ଦେଖିଛନ୍ତି ସମୃଦ୍ଧି କେତେ ପରିଶ୍ରମ କରିଛି, କେତେ କଷ୍ଟ କରିଛି । ତେଣୁ ସମୃଦ୍ଧି ର ପରିଶ୍ରମ କେବେ ବୃଥା ରେ ଯିବ ନାହିଁ । ରୁଚିକା ସମୃଦ୍ଧି ର ମୁଣ୍ଡକୁ ଧୀରେ ବାଡେଇ ଦେଇ କହିଲେ, " ଆରେ ହୁଣ୍ଡି ତୋର କ'ଣ ମତିଭ୍ରମ ହୋଇ ଯାଇଛି ?? ମୋର ବିଶ୍ବାସ ଅଛି ଯେ ତୁ କମ୍ ମାର୍କ୍ ରଖି ନଥିବୁ । ତୋର କ'ଣ ତୋ ଉପରେ ଟିକିଏ ବି ବିଶ୍ବାସ ନାହିଁ ?? "

               ରୁଚିକା ଦୋକାନୀ କୁ କହିଲେ, " ଆରେ ଭାଇ ଆପଣ ଆଉ ବିଚାରୀ କୁ ନ ଡରାଇ ତାର କେତେ ମାର୍କ୍ ଅଛି ଦୟାକରି ତାକୁ କହି ଦିଅନ୍ତୁ । " ଦୋକାନୀ ଜଣକ କିଛି ନ କହି ତାଙ୍କ ଲାପଟପ୍ କୁ ରୁଚିକା ଓ ସମୃଦ୍ଧି ଆଡକୁ ବୁଲାଇ ଦେଲେ । ସମୃଦ୍ଧି ଭୟରେ ନିଜର ଆଖି ବନ୍ଦ୍ କରି ବସି ପଡିଲା । ରୁଚିକା ସମୃଦ୍ଧି ର ମାର୍କ୍ ଦେଖି ସମୃଦ୍ଧି କୁ କୋଳେଇ ନେଇ କହିଲେ, " ସମୁ ଡରୁଛୁ କ'ଣ ପାଇଁ ?? ଆରେ ତୁ 1st division ପାଇଛୁ, 88% ଅଛି ତୋର । ଏବେ ଆଖି ଖୋଲି ନିଜର ମାର୍କ୍ ଦେଖ୍ । " ସମୃଦ୍ଧି ଧୀରେ ଧୀରେ ଆଖି ଖୋଲି ନିଜ ମାର୍କ୍ କୁ ଦେଖି ସେ ଖୁସି ରେ ଫାଟି ପଡିଲା ।
           ଦୋକାନ ରୁ ଆଶ୍ରମ କୁ ଫେରୁଥିବା ସମୟରେ ରୁଚିକା ସମସ୍ତ ଙ୍କ ପାଇଁ ମିଠା ନେଇଗଲେ   । ରୁଚିକା ଲକ୍ଷ୍ୟ କରିଲେ ଯେ ସମୃଦ୍ଧି ରାସ୍ତା ସାରା ପୁରା ଚୁପ୍ ଚାପ୍ ହୋଇ ଆସୁଛି । ରୁଚିକା ଙ୍କ ସମସ୍ତ ପ୍ରଶ୍ନ ର ଉତ୍ତର କେବଳ ହଁ କିମ୍ବା ନା ରେ ଦେଉଛି । ସମୃଦ୍ଧି ର ଆଖିରେ ଟିକିଏ ହେଲେ ଖୁସି ନାହିଁ । ରୁଚିକା ସମୃଦ୍ଧି ର ଦୁଃଖ ର କାରଣ ଜାଣିଥିଲେ । ତେଣୁ ସେ ସମୃଦ୍ଧି କୁ କହିଲେ, " ସମୁ ମୁଁ ଜାଣିଛି ତୋ ଓଠ ରୁ ହସ କ'ଣ ପାଇଁ ଉଡିଯାଇଛି । କିନ୍ତୁ ତୁ କ'ଣ ପାଇଁ ଦୁଃଖ କରୁଛୁ, ଚିନ୍ତା କରୁଛୁ ?? ମୁଁ କହିଛି ନା ମୋ ଉପରେ ଟିକିଏ ବିଶ୍ବାସ ରଖ୍ ସବୁ କିଛି ଠିକ୍ ହୋଇଯିବ । ତୁ ଏବେ ମନରୁ ସେ କଥା କୁ ଭୁଲି ଏହି ମିଠା ନେଇ ସମସ୍ତ ଙ୍କୁ ଦେଇ ସମସ୍ତ ଗୁରୁଜନ ମାନଙ୍କ ଆଶୀର୍ବାଦ ନେବୁ ଯାଆ ।......"
କ୍ରମଶଃ ...........

❣ଟୋପାଏ ସିନ୍ଦୂର❣ (ଭାଗ-3)

❤