ରୁଚିକା ଙ୍କ କଥା ଶୁଣି ସମୃଦ୍ଧି ରୁଚିକା ଙ୍କ ପାଦ ଛୁଇଁ ପ୍ରଣାମ କରି ତାଙ୍କୁ ମିଠା ଖୁଆଇ କହିଲା , " ରୁଚି ଅପା ତାହେଲେ ମୋ ଆଶୀର୍ବାଦ ନେବା କାର୍ଯ୍ୟକ୍ରମ ଟା ତୁମ ଠାରୁ ଶୁଭାରମ୍ଭ ହେଉ । ମୋତେ ତୁମେ ଏତିକି ଆଶୀର୍ବାଦ କର ଯେ ମୁଁ ଜଣେ ଭଲ ମଣିଷ ହୁଏ ଏବଂ ଖୁବ୍ ଶୀଘ୍ର ଯେମିତି ମୋତେ ଜଣେ ବଡ ଭାଇ ରୂପ ରେ ବାପା ମିଳି ଯାଆନ୍ତୁ । " ରୁଚିକା ସମୃଦ୍ଧି ର କଥା ବୁଝି ନ ପାରି ତାକୁ ଅବୁଝା ଆଖିରେ ଅନାଇ ରହିଲେ । ସମୃଦ୍ଧି କଥା ଟି କୁ ଆଉ ରହସ୍ୟ ନ କରି ଅତି ସାଧାରଣ ଭାବେ ହସି ହସି କହିଲା , " ଆରେ ରୁଚି ଅପା ଏତିକି ସହଜ କଥା ଯଦି ବୁଝି ପାରୁ ନାହଁ ତାହେଲେ ମୁଁ ଭାବୁଛି ତୁମେ ତୁମ ଟ୍ୟୁସନ ପିଲାମାନଙ୍କୁ କେମିତି ଗଣିତ ବୁଝାଉଥିବ ଯେ ?? ଶୁଣ ମୋ କହିବାର ଅର୍ଥ ହେଲା ଯେ ତୁମେ ଯେମିତି ବଡ ଭଉଣୀ ରୂପ ରେ ମୋ ମା' ତ ତୁମକୁ ଯିଏ ବିବାହ କରିବେ ସିଏ ମୋର ବଡ ଭାଇ ରୂପ ରେ ବାପା ହେବେ ନା ନାହିଁ ତୁମେ କୁହ । ଏବେ ବୁଝି ପାରିଲ ତ ମୋ ଅବୁଝା ରୁଚି ଅପା ?? " ସମୃଦ୍ଧି ର ଏପରି କଥା ଶୁଣି ରୁଚିକା ସମୃଦ୍ଧି ର ଗୋଟିଏ କାନ ଧରି କହିଲେ , " ସମୁ ତୁ ବହୁତ ବଦମାସ୍ ହୋଇଗଲୁଣି । ଏତେ କଥା କୋଉଠୁ ଶିଖିଲୁ ?? " ସମୃଦ୍ଧି ନିଜ କାନକୁ ଆଉଁସି ଆଉଁସି କହିଲା ," ଆରେ ରୁଚି ଅପା ମୋ କାନ ଛାଡ । ଜୋର୍ ରେ କାଟୁଛି । ଆଉ ଗୋଟିଏ କଥା ମୁଁ ତ ଛୋଟ ବେଳୁ ହିଁ ବଦମାସ୍ ଥିଲି ।😁😁 ଏବେ ମୋତେ ଛାଡ ମୁଁ ସମସ୍ତ ଙ୍କ ଠାରୁ ଆଶୀର୍ବାଦ ନେଇ ଆସେ ନ ହେଲେ ଶୁଭ ମୁହୂର୍ତ୍ତ ଗଡିଯିବ ଯେ । " ରୁଚିକା ସମୃଦ୍ଧି ର କାନ ଛାଡ଼ି ରୁଚିକା କୁ କୋଳେଇ ନେଇ କହିଲେ , " ତୁ ଏମିତି ସବୁଦିନ ଖୁସି ରେ ରହ । "

             ସମୃଦ୍ଧି ସମସ୍ତଙ୍କ ପାଖକୁ ଯାଇ ସମସ୍ତ ଙ୍କ ର ଆଶୀର୍ବାଦ ନେଲା । ଯେତେବେଳେ ସେ ଯାଇ ଆଶ୍ରମର ସବୁ ବୁଝା ବୁଝି କରୁଥିବା ଲତା ମାଉସୀ ଙ୍କର ଆଶୀର୍ବାଦ ନେଲା ଲତା ମାଉସୀ ତା ମୁଣ୍ଡ ଆଉଁସି ତାକୁ ବହୁତ ଆଶୀର୍ବାଦ ଦେଲେ । ଆଶ୍ରମରେ ଆଜି ଛୋଟ ରୁ ବଡ ସମସ୍ତେ ଖୁସି । ତେଣୁ ଲତା ମାଉସୀ କହିଲେ , " ଏତେ ବଡ ଖୁସି ର ମୁହୂର୍ତ୍ତ କୁ ଆଉ ଟିକିଏ ଖୁସି କରିବା ପାଇଁ ଆଜି ରାତିରେ ଆଶ୍ରମରେ ପୁରୀ , ତରକାରୀ ଆଉ ଖିରୀ ହେବ " ଏହି କଥା ଶୁଣି ସବୁ ଛୋଟ ଛୋଟ ଛୁଆମାନେ ଖୁବ୍ ଖୁସି ହୋଇ ତାଳି ମାରି କହିବାକୁ ଲାଗିଲେ " ଆଜି ପୁରୀ ହେବ ଆଜି ଖିରୀ ହେବ । " ସମୃଦ୍ଧି ସେହି ପିଲାମାନଙ୍କର ହସ ହସ ମୁହଁ କୁ ଦେଖି ବହୁତ ଖୁସି ହେଉଥିଲା ।😊😊😊

           ସମୃଦ୍ଧି ଓ ରୁଚିକା ଯାଇ ଗୋଟିଏ ଗଛ ତଳେ ବସିଲେ । ସମୃଦ୍ଧି ରୁଚିକା ଙ୍କୁ କହିଲା , " ରୁଚି ଅପା ଦେଖ ସେ ପିଲାମାନଙ୍କୁ ଖିରୀ , ପୁରୀ ନାଁ ଶୁଣି କେତେ ଖୁସି ହେଉଛନ୍ତି । ଆମ ଭଳି ଅନାଥ ମାନଙ୍କ ପାଇଁ ଏହି ସବୁ ଖାଦ୍ୟ ସ୍ବପ୍ନ । ରୁଚି ଅପା ଏଇ କଥା ଟା ସତ ଯେ ଆମ ମାନେ ଭଲ ଭଲ ଖାଦ୍ୟ ଖାଇ ପାରୁ ନାହିଁ , ନୂଆ ନୂଆ ଡ୍ରେସ୍ ପିନ୍ଧି ପାରୁ ନାହିଁ , ଘର-ପରିବାର-ବାପା-ମା'-ଭାଇ-ଭଉଣୀ ବୋଲି କେହି ନାହାଁନ୍ତି । କିନ୍ତୁ ଅପା ଏହି ଆଶ୍ରମର ଚାରି ପାଞ୍ଚ ଟି ବଡ ବଡ କୋଠରୀ ରେ ଏକା ସହ ପନ୍ଦର କୋଡିଏ ଜଣ ରହିବା , ପାଞ୍ଚ ଛଅ ମାସ ରେ ଥରେ ଭଲ ଖାଦ୍ୟ ଖାଇବା , ସମସ୍ତ ଙ୍କ ସହ ମିଳିମିଶି ହସ - ଖୁସି - ଦୁଃଖ - ସୁଖ ରେ ରହିବା , ସମସ୍ତେ ସମସ୍ତ ଙ୍କ ଦୁଃଖ , କଷ୍ଟ ସମୟରେ ସାଥ୍ ଦେବା ର ଆନନ୍ଦ ଖୁବ୍ ନିଆରା । ସମସ୍ତ ଙ୍କ ସହ ମିଳିମିଶି ରହି ଅତୀତର ସବୁ ଦୁଃଖ, କଷ୍ଟ ଓ ଯନ୍ତ୍ରଣା କୁ ଆମେ ଭୁଲି ପାରୁଛୁ । ସତରେ ଅପା ଆଶ୍ରମର ଏ ଛୋଟ ଦୁନିଆରେ ଆମେ ବହୁତ ବହୁତ ବହୁତ ଖୁସି ପାଉଛୁ ........ " 😊😊
କ୍ରମଶଃ ..........

❣ଟୋପାଏ ସିନ୍ଦୂର❣ (ଭାଗ-4)

❤