ସେଦିନ ଦ୍ବିପ୍ରହର ସମୟରେ ସମୃଦ୍ଧି ର ରୁମ୍ ରେ ରହିବା ପାଇଁ ଆଉ ଜଣେ ଝିଅ ଆସିଲେ । ସିଏ ତାଙ୍କ ମା' ଙ୍କ ସାଙ୍ଗରେ ଆସିଥିଲେ । ତାଙ୍କ ମା' ଆଉ ସେ ମିଶି ତାଙ୍କର ଜିନିଷ ଗୁଡିକ ସଜାଡି ରଖିଲେ । ସେ ଝିଅ ର ମା' ସମୃଦ୍ଧି କୁ ତା ନାମ , ଠିକଣା ସବୁ ପଚାରିଲେ । ସମୃଦ୍ଧି ତା ବିଷୟରେ ସବୁ କହିଲା । ତାପରେ ସେ ଝିଅ ଆସି ସମୃଦ୍ଧି ପାଖରେ ବସି କହିଲେ , " ମୋ ନାମ ଇତିକା ସାହୁ । "

               ଇତିକା ଙ୍କର ମା' ଘରୁ କିଛି ଖାଇବା ଜିନିଷ ଆଣିଥିଲେ । ସେ ସମୃଦ୍ଧି ଙ୍କୁ ମଧ୍ୟ ଖାଇବା ପାଇଁ ଡାକିଲେ । ସମୃଦ୍ଧି ଖାଇବା ପାଇଁ ଯିବ କି ନାହିଁ ଦ୍ବନ୍ଦ୍ବ ରେ ପଡିଗଲା । କାରଣ ତା ଭଳି ଜଣେ ଅନାଥ ଝିଅ ସହ ସେମାନେ ଖାଇବେ କି ନାହିଁ ?? ବୋଧହୁଏ ଇତିକା ଙ୍କର ମା' ସମୃଦ୍ଧି ର ଦ୍ବନ୍ଦ୍ବ ବୁଝି ପାରି ଥିଲେ । ସେ ସମୃଦ୍ଧି ପାଖକୁ ଯାଇ ତା ହାତ ଧରି ଆଣି ଖାଇବା ଜାଗାରେ ବସାଇ କହିଲେ ," ମା' ମାନଙ୍କ ପାଇଁ ସବୁ ପିଲା ସମାନ । ଇତି ଯେମିତି ମୋ ଝିଅ ତୁମେ ମଧ୍ୟ ମୋର ଆଉ ଗୋଟିଏ ଝିଅ । ଏବେ ଆଉ କିଛି ନ ଭାବି ଖାଇବା ଆରମ୍ଭ କର ।"

                 ଇତିକା ଙ୍କର ମା' ଙ୍କୁ ଦେଖି ସମୃଦ୍ଧି ତା ମା' ଆଉ ରୁଚିକା ଙ୍କ କଥା ମନେ ପଡି ଯାଉଥିଲା । ଇତିକା ଙ୍କ ମା' ଇତିକା ଓ ସମୃଦ୍ଧି ଙ୍କୁ ନିଜ ହାତରେ ଅତି ସ୍ନେହ ରେ ଖୁଆଇ ଦେଉଥିଲେ । ଇତିକା ଙ୍କ ମା' ପରି ତା ମା' ଏବଂ ରୁଚିକା ମଧ୍ୟ ସମୃଦ୍ଧି କୁ ବଳେଇ ବଳେଇ ଖୁଆଉଥିଲେ । ସମୃଦ୍ଧି ର ଆଖି ଛଳ ଛଳ ହେବାକୁ ଲାଗିଥିଲା କିନ୍ତୁ ସେ ନିଜକୁ କୌଣସି ପ୍ରକାର ରେ ସମ୍ଭାଳି ନେଲା । ଖାଇ ସାରିବା ପରେ ଇତିକା ଙ୍କ ମା' ଘରକୁ ଯିବା ପାଇଁ ବାହାରିଲେ । ସମୃଦ୍ଧି ଦେଖୁଥିଲା ଇତିକା ଓ ତାଙ୍କ ମା' ଙ୍କୁ । ଇତିକା ଛୋଟ ଛୁଆ ଙ୍କ ଭଳି ତାଙ୍କ ମା' ଙ୍କୁ ଜାବୁଡି ଧରି କାନ୍ଦୁଥିଲା । ତାଙ୍କ ମା' ମଧ୍ୟ କାନ୍ଦୁଥିଲେ । ଇତିକା ଙ୍କୁ ବୁଝାଉଥିଲେ ନ କାନ୍ଦିବାକୁ ।

                ଇତିକା ଙ୍କ ମା' ସମୃଦ୍ଧି ଓ ଇତିକା ଙ୍କୁ କହିଲେ , " ଏଠି ତୁମ ମାନଙ୍କ ଭଲ ମନ୍ଦ କଥା ବୁଝିବା ପାଇଁ ପରିବାର ଲୋକ କେହି ନାହାଁନ୍ତି । ତେଣୁ ତୁମେ ମାନେ ନିଜ ନିଜର ଯତ୍ନ ନେବ । ଠିକ୍ ସମୟରେ ଖିଆ ପିଆ କରିବ । ଭଲ ସେ ପାଠ ପଢିବ । ସମସ୍ତ ଙ୍କ ସହ ଦେଖି ଚାହିଁ ମିଶିବ । ଦୁହେଁ ଦୁହିଁଙ୍କର ଦୁଃଖ ସୁଖ ରେ ସାଥ୍ ଦେବ । ପରସ୍ପର ର ଭଲ ମନ୍ଦ କଥା ବୁଝିବ । ହଉ ରେ । ମୁଁ ଏବେ ଆସୁଛି । ଆଉ କିଛି ଦିନ ପରେ ସୁବିଧା ଦେଖି ଆସିବି । " ଇତିକା ଙ୍କ ମା' ଇତିକା ଓ ସମୃଦ୍ଧି କୁ ଆଶୀର୍ବାଦ ଦେଇ ଫେରିଗଲେ ............

କ୍ରମଶଃ ..........

❣ଟୋପାଏ ସିନ୍ଦୂର ❣

(ଭାଗ-8)