ଦିନ ରାତି ଝାଳ ବହି ଥକେ ତାଙ୍କ ଦେହ
ଝରିବାକୁ ଦିଅନ୍ତିନି ମୋ ଆଖିରୁ ଲୁହ ।।
ନିଜ ସ୍ବପ୍ନ ତାଙ୍କ କେବେଠୁ ଅଧୁରା
ଖଟି ଖଟି ମୋ ସ୍ବପ୍ନ କରନ୍ତି ସେ ପୁରା ।।
ମୁଁ ପିନ୍ଧି ବୁଲୁଥାଏ ନୂଆ ଜୋତା ହଳ
ତାଙ୍କ ଜୋତା ଙ୍କୁ ସିଲାନ୍ତି ଶହେ ଥର ।।
ସବୁ ପୂଜା ମୋ ଦେହ ନୂଆ ପୋଷାକ ରେ ଭରା
ତାଙ୍କ ଦେହରେ କାହିଁକି ସେ ପୁରୁଣା କପଡା ??
ନିଜେ କଷ୍ଟ ଭୋଗୁଥିଲେ କେବେ ନ କହନ୍ତି
ମୋ ସୁଖ ପାଇଁ ନିଜ ସୁଖ କୁ ଜାଳନ୍ତି ।।
ହାତ ଧରି ତୁମେ ମୋତେ ଚଲା ଶିଖେଇଲ
ଝୁଣ୍ଟି ଗଲେ ସବୁଥର କୋଳ ରେ ଧରିଲ ।।
ମା' ସିନା ଝୁରି ହେଲେ ଢାଳିଦିଏ ଲୁହ
ତୁମେ କିନ୍ତୁ ଦେଖାଅନି ଅନ୍ତରର କୋହ ।।
          ଦୁଃଖ ଯଦି ଝଡ ହୁଏ
          ପାହାଡ ମୋ ବାପା ।।
          ଧରା ଯଦି ନର୍କ ହୁଏ
          ସ୍ବର୍ଗ ମୋ ବାପା ।।
          ଜୀବନଟା ବିଷ ହେଲେ
          ଅମୃତ ମୋ ବାପା ।।
          ହାରିଗଲେ ପାଦେ ପାଦେ
          ସାହସ ମୋ ବାପା ।।
ଲାଗୁ ଆୟୁଷ ତୁମକୁ ମୋ ନିଜର
ତୁମେ ହେଉଛ ମୋ ଚଳନ୍ତି ଠାକୁର
ମୁଣ୍ଡ ନୁଆଇ କରୁଛି ତୁମକୁ ନମସ୍କାର ।।🙏

❤ମୋ ବାପା❤

❤