ଶୀର୍ଷକ୍ : -

🌹ଅନୁକୂଳରେ ଅକ୍ଷୟ ତୃତୀୟା 🌹

✍️@ ଅଭିପ୍ସା ପ୍ରିୟଦର୍ଶିନୀ

🪴🪴🪴🪴🪴🪴🪴🪴🪴🪴

ପ୍ରବଳ ପ୍ରତାପୀ ‘ଅକ୍ଷୟ' ନାମରେ

ଅସୁର ଯେ ଜଣେ ଥିଲା ;

ଅତ୍ୟାଚାରରେ ତା' ଧରଣୀ ରାଣୀ ମୋ'

ଥରହର ହେଉଥିଲା .....।।୧।।

ଦିନକୁ ଦିନ ତା ନିଷ୍ଠୁର ପ୍ରକୃତି

ଭୟଙ୍କର ରୂପ ନେଲା ;

ଦେବତାମାନଙ୍କୁ ସ୍ବର୍ଗ ଛାଡ଼ିବାକୁ

ବାଧ୍ୟ ବାଧକତା କଲା .....।।୨।।

ସ୍ବର୍ଗ ଛାଡି ଯେବେ ପଳାୟନ କଲେ

କୋଟିକୋଟି ଦେବାଦେବୀ ;

ଭଗବାନ୍ ବିଷ୍ଣୁ ଧୌର୍ଯ୍ୟତାର ସହ

ଉପାୟ ପାଞ୍ଚିଲେ ବସି ....।।୩।।

ବୈଶାଖ ମାସର ଶୁକ୍ଳପକ୍ଷ ତିଥି

ଅକ୍ଷୟ ତୃତୀୟା ଦିନ ;

ସେହିଦିନ ବିଷ୍ଣୁ ଆକ୍ଷୟାସୁରର

ମସ୍ତକ କରିଲେ ଛିନ୍ନ .....।।୪।।

ପ୍ରବଳ ପ୍ରତାପୀ ଅସୁରକୁ ମାରି

ପୃଥିବୀକୁ କଲେ ଶାନ୍ତ ;

ସେଥିପାଇଁ ବୋଧେ ଅକ୍ଷୟ ତୃତୀୟା

ନାମଟି ହେଲା ଯଥାର୍ଥ .....।।୫।।

ସତ୍ୟ ଯୁଗର ଏ ପ୍ରଥମ ଦିବସ

ଅକ୍ଷୟ ତୃତୀୟା ଜାଣ ;

ଗୁଣ୍ଡିଚା ଯାତର ଶୁଭାରମ୍ଭ ରୂପେ

ଜଗନ୍ନାଥଙ୍କ ରଥର ନିର୍ମାଣ ....।।୬।।

କୃଷକ ଭାଈଟି ଭୂମିପୂଜା କରି

ଅନୁକୂଳ କରେ କ୍ଷେତ ;

‘ଅଖିମୁଠି' ଦେଇ ନୂଆ ବୀଜ ସାଥେ

ହୋଇଥାଏ ଆପ୍ୟାୟତ .....।।୭।।

ଘରେ ତା ଘରଣୀ ନବବସ୍ତ୍ର ପିନ୍ଧି

କଳସ ସ୍ଥାପନା କରି ;

ସ୍ୱାମୀକୁ ପଠାଏ କ୍ଷେତକୁ ତାହାର

ମୁଣ୍ଡରେ ତିଲକ ମାରି ....।।୮।।

ନୂତନ ଲଙ୍ଗଳ, କାଙ୍କ, ଶିକା, ଧାନ..

ବିଧିମତେ ଖଞ୍ଜି ଦେଇ ;

ସଧବା ନାରୀଟି ସୁଧିମନ୍ତ ହୋଇ

ସ୍ୱାମୀକୁ ଦିଏ ବଧେଇ ....।।୯।।

ଭାରି ସରଧାରେ ଲକ୍ଷ୍ମୀପୂଜା ସାଥେ

ବ୍ୟଞ୍ଜନ ପ୍ରସ୍ତୁତ୍ କରି ;

ପଳାଶ ପତ୍ରରେ ଖାଆନ୍ତି ସଭିଏଁ

ସପରିବାର ମନଭରି ।।୧୦।।

ଏହି ଦିନଟିରେ “ଷଠିଜୀଉ" ପୂଜା

ପାଇଥା'ନ୍ତି ଶାସ୍ତ୍ରମତେ ;

ଛୋଟ ପିଲାଙ୍କର ମଙ୍ଗଳ ମନାସି

ପୂଜେ ମାଆ ଏକାଗ୍ରତେ ....।।୧୧।।

ନିଆରା ଢଙ୍ଗରେ ‘ଜ୍ବାଇଁ' ଙ୍କର ପୂଜା

କରାଯାଏ ସେହିଦିନ ;

‘ପଶ୍ଚିମ ଓଡ଼ିଶା' ଅଞ୍ଚଳବାସୀଙ୍କ

ବିଧି ଏହା ପୁରାତନ ....।।୧୨।।

ଏହି ଦିନଠାରୁ ‘ଚନ୍ଦନ ଯାତ୍ରା'ର

ହୋଇଥାଏ ଶୁଭାରମ୍ଭ ;

‘ଜଗନ୍ନାଥ' ଆଉ ‘ଲିଙ୍ଗରାଜ' ଙ୍କର

ଏ'ତ ନିଆରା ପରବ ....।।୧୩।।

ଓଡ଼ିଆ ସଂସ୍କୃତି ପରମ୍ପରାରୁ ଏ

ଅକ୍ଷୟ ତୃତୀୟା ଯାତ ;

ସତ୍ୟ ଯୁଗର ପ୍ରାରମ୍ଭରେ

ହୋଇଥାଏ ସୂଚୀମନ୍ତ ....।।୧୪।।

🪴🪴🪴🪴🪴🪴🪴🪴🪴🪴🪴🪴

ସ୍ୱାସ୍ଥ୍ୟ ସେବିକା, ଜଟଣୀ, ପୁରୀ

ମୋ - ୮୨୮୦୪୩୦୪୯୦

🍍ଅନୁକୂଳରେ ଅକ୍ଷୟ ତୃତୀୟା🍍

ଏକ ଶୁଭ ଦିବସଟିର ଉଦ୍ଦେଶ୍ୟ ଓ ମହତ୍ତ୍ଵ