କବିତା - 🙏ଗୁରୁଦେବ🙏
ବୃତ୍ତେ - ହେ ଗୁରୁତୁମେ ମଙ୍ଗଳମୟ

ବିଶ୍ଵ ଗାଉଅଛି ଜୟ ଗୁରୁଦେବ
ହୃଦୟ ମନ୍ଦିର ଠାକୁର,
ବିଶ୍ଵମୂର୍ତ୍ତି ପ୍ରଭୁ ବିଶ୍ଵ ପ୍ରାଣକର୍ତ୍ତା
ଜାଗତିକ ଶକ୍ତି ସୃଷ୍ଟିର। ୧
ବିଶ୍ଵ ଗାଉଅଛି....

ଆବାହନ କରେ ହୃଦୟ ମଧ୍ୟରେ
ସ୍ଥାପି ପ୍ରଭୁ ଦିବ୍ୟସ୍ଥାନ,
ଅର୍ଘ୍ୟ ଘେନି ଗୁରୁ ପାଦପୂଜା କରେ
ଭକ୍ତି ଘେନ ଭଗବାନ। ୨
ବିଶ୍ବ ଗାଉଅଛି ……

ଧୂପ ,ଦୀପ, ଫୁଲ ଚନ୍ଦନ, ସିନ୍ଦୂର
ନଇବେଦ୍ୟ ନିବେଦନ,
ତାମ୍ବୁଳ କର୍ପୁର ଆଲଟ ଚାମର
ଉପଚାର ସ୍ତୁତି ଧ୍ୟାନ। ୩
ବିଶ୍ବ ଗାଉଅଛି ......

ଆଜ୍ଞା ପାଇ ଜ୍ୟୋତି ଜଳେ ଦିନରାତି
ପଶୁ ନର ପାଦପର,
ଆଦେଶକୁ ଗୁରୁ ମଣୁଅଛି ସର୍ବ
ଗୁରୁଦେବ ବ୍ରହ୍ମାଣ୍ଡର। ୪
ବିଶ୍ଵଗାଉ ଅଛି.....

ଅଙ୍ଗୁଳି ନିର୍ଦ୍ଦେଶ ହେଉମୋ ନିଃଶ୍ୱାସ
ସତ୍ୟପଥ ଖଣ୍ଡାଧାର,
ଚାଲିବାକୁ ଦିଅ ଅନେକ ବିଶ୍ୱାସ
ଗୁରୁ ରୂପ ଅବତାର। ୫
ବିଶ୍ଵଗାଉ ଅଛି....

ବିଶ୍ଵ ନଦେଖୁ ବିଶ୍ଵରୂପ ତବ
ଗୁରୁ ତୁମେ ଜଗତର,
ହାତଧରି ବାଟ ଚଲାଇବ ପ୍ରଭୁ
ତବ ପାଦେ ନମସ୍କାର। ୬
ବିଶ୍ଵଗାଉ ଅଛି.....

ହେ ସୃଷ୍ଟି ସ୍ରଷ୍ଟା ହେ ବିଶ୍ଵ ନିୟନ୍ତା
ସ୍ବାମୀ ତୁମେ ନୟନର,
ଲକ୍ଷ୍ୟ ପ୍ରଭୁମୋର ସ୍ପଷ୍ଟ କରିଦେବ
କୋଟି କୋଟି ନମସ୍କାର। ୭
ବିଶ୍ବ ଗାଉଅଛି......

ବିଶ୍ଵ ଗାଉଅଛି ଜୟ ଗୁରୁଦେବ
ହୃଦୟ ମନ୍ଦିର ଠାକୁର,
ଡାକିଡାକି ନନ୍ଦ କାନ୍ଦିକାନ୍ଦି କହେ
ଜାଗତିକ ଶକ୍ତି ସୃଷ୍ଟିର ।୮
ବିଶ୍ବ ଗାଉଅଛି.....
ଜୟ ଗୁରୁଦେବ 🙏
ଜୟ ଜୟ ଗୁରୁଦେବ🙏🙏

###

🙏ଗୁରୁଦେବ🙏 ବୃତ୍ତେ - ହେ ଗୁରୁତୁମେ ମଙ୍ଗଳମୟ

ସୌମ୍ୟ ରଞ୍ଜନ ନନ୍ଦ