ଭୟଙ୍କର... ଲୋମଟାଙ୍କୁରା...ଛାତିଥରା... ହୃଦୟ ବିଦାରକ । 2023 ଜୁନ 2 ତାରିଖ, ସନ୍ଧ୍ୟା 7ଟା ସ୍ଥାନ ବାହାନଗା । ଆଜିବି ମନରୁ ଲିଭିନି ସେହି କାଳ ରାତିର କରାଳ ରୂପ । ମନେପଡିଲେ ଥରି ଉଠୁଛି ଛାତି, ଟାଙ୍କୁରି ଉଠୁଛି ଲୋମ । କାନରେ ଆଜିବି ବାଜୁଛି ରେଳ ଟ୍ରାକରୁ ଶୁଭୁଥିବା ଆର୍ତ୍ତ ଚିତ୍କାର । ସେଦିନ ଅନ୍ଧକାର ରାତିରେ ଲୌହଦାନବ ରଚିଥିଲା ରକ୍ତ ଭୋଜି । କୁଢ କୁଢ ମୃତଦେହ ସମସ୍ତଙ୍କୁ ଧୈର୍ଯ୍ୟହରା କରିଥିଲା । ଅଭୁଲା ଦୃଶ୍ୟ।

ବାଲେଶ୍ବର ବାହାନଗାରେ ଆଜିର ୦୨/ଜୁନ/୨୦୨୪ ଦିନରେ ଘଟିଥିଲା ଭୟଙ୍କର ଟ୍ରେନ ଦୁର୍ଘଟଣା । ତିନିଟି ଟ୍ରେନ ଦୁର୍ଘଟଣାଗସ୍ତ ହେବାକୁ ଯାଇଥିଲା 296 ଜୀବନ । ଆଜି ଏହି ଘଟଣାକୁ ବର୍ଷେ ପୁରୁଛି । ଦେଖୁ ଦେଖୁ ୧ବର୍ଷ ହୋଇଗଲା କିନ୍ତୁ ପରିଚୟ ପାଇ ପାରିନାହାଁନ୍ତି ସେଇ ରେଳ ବାହିରେ ଯାତ୍ରା କରୁଥିବା ସମୟରେ ତୃତ୍ୟୁ ହୋଇଯାଇଥିବା ଲୋକ ମାନେ।

ସେ ଦୃଶ୍ୟ ଆଜି ବି ଆଖିଆଗରେ ନାଚିଉଠେ। ମନେ ପଡ଼ିଯାଏ ସେଇ ଦୁର୍ଘଟଣାରେ ଯାଇଥିବା ଲୋକଙ୍କ ମୁଣ୍ଡ। ପାରିବାର ର ସଦସ୍ୟ ଙ୍କ ଜୀବନ। ପାପା ମା ର ଅଲିଅଳ ଝିଅ ଓ ପୁଅ। ପ୍ରେମିକ ଓ ପ୍ରେମିକା ର ଭଲ ପାଇବା ଏମିତି କେତେ କାହାଠୁ ଛଡ଼େଇ ନେଇଛି ସେ ଟ୍ରେନ ଦୁର୍ଘଟଣା। ଦୟନୀୟ ମର୍ମାହତ ଦୃଶ୍ୟ ଦେଖିବାକୁ ମିଳିଥିଲା ଆଜିର ଦିନରେ।

ବାହାନଗା ଦୁର୍ଘଟଣାକୁ ବର୍ଷେ:ଅନ୍ଧାରକୁ ଚିରି ଟ୍ରାକରେ ଗଡୁଥିଲା କରମଣ୍ଡଳ ଏକ୍ସପ୍ରେସ । ଗନ୍ତବ୍ୟ ସ୍ଥଳର ନିକଟତର ହେଉଥିଲେ ଯାତ୍ରୀ । କିଏ ପରିବାର ସହ ତ କିଏ ସାଙ୍ଗ ସାଥିଙ୍କ ସହ ହସଖୁସିରେ ମଜି ଯାଇଥିଲେ । ହେଲେ ଅଚାନକ ନିମିଷକ ମଧ୍ୟରେ ସବୁ କିଛି ଛାରଖାର ହୋଇଯାଇଥିଲା । ଆଖି ବୁଜିଥିଲେ ଶହ ଶହ ଯାତ୍ରୀ, ରକ୍ତରେ ଭିଜିଥିଲା ବାହାନଗା ଟ୍ରେନ ଟ୍ରାକ । ସାରା ବିଶ୍ବକୁ ସ୍ତବ୍ଧ କରିଥିଲା କରମଣ୍ଡଳ ଟ୍ରେନ ଦୁର୍ଘଟଣା । ଆଜି ଏହି ଘଟଣାକୁ ବର୍ଷେ ପୁରିଛି । ଦିନ ବଦଳିଛି ସମୟ ବଦଳିଛି, କିନ୍ତୁ ସେହି ଦିନର ସେ ଦୁଃଖଦ ଘଟଣା କାହାରି ମନରୁ ଆଜି ବି ଲିଭିନାହିଁ । 293 ଯାତ୍ରୀଙ୍କ ମୃତ୍ୟୁ ହୋଇଥିବାବେଳେ 1100ରୁ ଊର୍ଦ୍ଧ୍ବ ଆହତ ହୋଇଥିଲେ । ଏହି ଦୁର୍ଘଟଣା ସାରା ବିଶ୍ବକୁ ଦୋହଲାଇ ଦେଇଥିଲା ।

କେମିତି ହୋଇଥିଲା ଦୁର୍ଘଟଣା ?:ସେଦିନ ଥିଲା ଶୁକ୍ରବାର, ହାୱାଡାରୁ ଚେନ୍ନାଇ ଅଭିମୁଖେ ଯାଉଥିବା କରମଣ୍ଡଳ ଏକ୍ସପ୍ରେସ । ହଠାତ୍ ବାହାନଗାରେ ଲୁପ ଲାଇନକୁ ଚାଲିଯାଇ ଏକ ମାଲବାହୀ ଟ୍ରେନକୁ ଧକ୍କା ଦେଇଥିଲା କରମଣ୍ଡଳ । ଫଳରେ ଟ୍ରେନର ବଗି ଟ୍ରାକରେ ଛିଟିକି ପଡିଥିଲା । ଏହି ସମୟରେ ଅପର ପାର୍ଶ୍ବରୁ ଆସୁଥିବା ଯଶୋବନ୍ତପୁର ଏକ୍ସପ୍ରେସ କରମଣ୍ଡଳ ବଗିରେ ପିଟି ହୋଇଥିଲା । ଆର୍ତ୍ତ ଚିତ୍କାରରେ ଫାଟି ପଡିଥିଲା ସାରା ଅଞ୍ଚଳ । ଟ୍ରାକ ତଳୁ ଶୁଭୁଥିଲା ବଞ୍ଚାଅ ବଞ୍ଚାଅର ଶବ୍ଦ । ଖବର ପ୍ରଚାର ହେଉ ହେଉ ସଙ୍ଗେ ସଙ୍ଗେ ରେଳ ଲାଇନ ପାଖରେ ଲାଗିଯାଇଥିଲା ଲୋକଙ୍କ ଭିଡ଼ । ଯିଏ ଯେମିତି ପାରିଥିଲା ଆହତ ଲୋକମାନଙ୍କୁ ଉଦ୍ଧାର କରିବାରେ ଲାଗି ପଡିଥିଲେ । ସ୍ଥାନୀୟ ଲୋକଙ୍କ ଠାରୁ ଆରମ୍ଭ କରି ବିଭିନ୍ନ ସ୍ବେଚ୍ଛାସେବୀ ସଂଗଠନମାନଙ୍କ ଦ୍ୱାରା ଉଦ୍ଧାର କାର୍ଯ୍ୟ ଚାଲିଥିଲା ।

ଟ୍ରେନ ଟ୍ରାକ ତଳୁ ଜୀବନ ବଞ୍ଚାଇବାକୁ ଉଦ୍ୟମ:ଦୁର୍ଘଟଣା ଏତେ ଭୟଙ୍କର ଥିଲା ଯେ, ଏହାର ଶବ୍ଦରେ ଥରି ଉଠିଥିଲା ପୁରା ବାହାନଗା ଅଞ୍ଚଳ । ଦୁର୍ଘଟଣାଗ୍ରସ୍ତ ଟ୍ରେନରୁ ଜୀବନ ବଞ୍ଚାଇବାକୁ ଶୁଭୁଥିଲା ଚିତ୍କାର । ଟ୍ରେନ ତଳୁ ଉଦ୍ଧାର କରିବାକୁ କୋହଭରା କଣ୍ଠରେ ଚିତ୍କାର କରିଥିଲେ ଯାତ୍ରୀ । କାହାର ଜୀବନ ଯାଇଥିଲା ତ ଆଉ କିଏ ଅଚେତ ହୋଇପଡିଥିଲା । କାହାର ଗୋଡ ଶରୀର ଦୁଇ ଭାଗ ହୋଇଯାଇଥିଲେ ତ ଆଉ କାହାର ଗୋଡ ଶରୀରଠୁ ଅଲଗା ହୋଇଯାଇଥିଲା । ଏହାପରେ ଯାତ୍ରୀଙ୍କ ଜୀବନ ବଞ୍ଚାଇବାକୁ ଆରମ୍ଭ ହୋଇଥିଲା ଉଦ୍ୟମ । ଆଖି ଆଗରେ ଦୁର୍ଘଟଣା ପରର ସେ ଭୟଙ୍କର ଦୃଶ୍ୟ ଦେଖି ସମସ୍ତେ ହୋଇଯାଇଥିଲେ ଧୈର୍ଯ୍ୟହରା । ଆଖି ଆଗରେ ପଡିଥିଲା କୁଢ କୁଢ ମୃତଦେହ । ତଥାପି ଆହତ ଯାତ୍ରୀଙ୍କୁ ହସ୍ପିଟାଲରେ ଭର୍ତ୍ତି କରିବାକୁ ଅଣ୍ଟା ଭିଡିଥିଲେ ବାଲେଶ୍ବରବାସୀ । ଆମ୍ବୁଲାନ୍ସ ଆସିବା ପୂର୍ବରୁ ସଙ୍ଗେ ସଙ୍ଗେ ଆହତଙ୍କୁ ଉଦ୍ଧାର କରି ହସ୍ପିଟାଲରେ କରିଥିଲେ ଭର୍ତ୍ତି ।

ବିଚିତ୍ର ଭଗବାନଙ୍କର ବିଚାର । ଜନ୍ମ ଗୋଟିଏ ଜାଗାରେ ଆଉ ଜୁଇ ଜଳିଲା ଆଉ ଗୋଟିଏ ଜାଗାରେ । ଜୁନ 2 ତାରିଖରେ ବାଲେଶ୍ବର ବାହାନଗାରେ ଜୀବନ ଗଲା । ସେଠାରୁ ଏମ୍‌ସକୁ ଗଲେ ଏହାପରେ ପୁଣି ଜୁନ୍‌ 4ରୁ 128 ଦିନ କଣ୍ଟେନରରେ ରହିଲେ । ଶେଷରେ ସବୁ ଦିନ ପାଇଁ ସେମାନଙ୍କ ପରିଚୟ ଜଳିଯାଇଛି । ଏବେ ସେମାନଙ୍କ ପରିଚୟ କେଇ ମୁଠା ପାଉଁଶ । ଏହାଠୁ ହୃଦୟବିଦାରକ ଆଉ କଣ ବା ହୋଇପାରେ । ଭୟଙ୍କର ବାଲେଶ୍ବର ବାହାନଗା ଟ୍ରେନ୍‌ ଦୁର୍ଘଟଣାରେ ମୃତ୍ୟଙ୍କର ମଧ୍ୟରୁ ପରିଚୟ ମିଳିନଥିବା 28 ମୃତଦେହର ଅନ୍ତିମ ସଂସ୍କାର କରାଯାଇଛି । ଭରତୁପୁର ଶ୍ମଶାନରେ ସେମାଙ୍କ ପରିଚୟ ସବୁ ଦିନ ପାଇଁ ଲିଭିଯାଇଛି । ବିଏମସି ପକ୍ଷରୁ ଅପରିଚିତ ମୃତଦେହ ସଂସ୍କାର କରାଯାଇଛି ।

ବାହାନଗା ଟ୍ରେନ ଦୁର୍ଘଟଣା ପରେ ସୋସିଆଲ ମିଡିଆରେ ଘୁରି ବୁଲିଥିଲା ଦୁର୍ଘଟଣା ପରର କିଛି ହୃଦୟ ବିଦାରକ ଦୃଶ୍ୟ । କୁଢ କୁଢ ମୃତଦେହ ମଧ୍ୟରୁ ସମ୍ପର୍କୀୟଙ୍କୁ ଖୋଜୁଥିଲେ ଲୋକେ ।

ଜଣେ ବୃଦ୍ଧ ବାପା ଆସି ନିଜ ପୁଅକୁ ଶହ ଶହ ମୃତଦେହ ମଧ୍ୟରୁ ଖୋଜୁଥିଲେ । ସେହି ଦୃଶ୍ୟ ସମସ୍ତ ମନକୁ ବ୍ୟଥିତ କରିଥିଲା । ଅନ୍ୟ ରାଜ୍ୟରୁ ଓଡିଶା ଆସି ପୁଅକୁ ମୃତଦେହ ମଧ୍ୟରେ ଚିହ୍ନିବାକୁ ଚେଷ୍ଟା କରୁଥିଲେ ବୃଦ୍ଧ ଜଣକ ।

ଭାରତ ସ୍ୱାଧୀନତା ପରଠାରୁ ଏହା ସବୁଠାରୁ ମର୍ମନ୍ତୁଦ ଦୁର୍ଘଟଣା ମଧ୍ୟରୁ ଗୋଟିଏ। ତେବେ ଜାଣନ୍ତୁ କେବେ କେବେ ଭାରତରେ ହୋଇଛି ଟ୍ରେନ ଦୁର୍ଘଟଣା ।

ଲୁହ ଦେଇଗଲା ଲୌହ ଦାନବ। ବାଲେଶ୍ଵର ବାହାନଗା ଠାରେ ମର୍ମନ୍ତୁଦ ଟ୍ରେନ୍ ଦୁର୍ଘଟଣା କେବଳ ଓଡିଶା ନୁହେଁ ସାରା ବିଶ୍ୱକୁ ସ୍ତବ୍ଧ କରିଦେଇଛି। ଦୁର୍ଘଟଣାରେ ପ୍ରାଣ ହରାଇଥିବା ସମସ୍ତ ମୃତକଙ୍କର ଅମର ଆତ୍ମାର ସଦଗତି କାମନା କରିବା ସହିତ ଡାକ୍ତରଖାନାରେ ଚିକିତ୍ସିତ ଥିବା ସମସ୍ତ ଆହତ ଯାତ୍ରୀଙ୍କ ଆଶୁ ଆରୋଗ୍ୟ କାମନା କରୁଛନ୍ତି ସଭିଏଁ ।

ସମୟ ହାତରେ କାହାଣୀ ଲେଖୁଛି

ହସରେ ଲୁହରେ।।

ଭାଗ୍ୟ ତ ବଦଳେ ଅଧା ବାଟରେ,

ସୁଖ ବଦଳରେ ଏଠି,

ପଥର ଖସେ।।

ସୁନାର ଲେଖନୀ ସମୟ ହାତରେ,

କାହାଣୀ ଲେଖୁଛି ହସରେ ଲୁହରେ।।

ଦଇବ ନେଇଗଲା ଓଠର ହସକୁ,

ଓଡ଼ିଶାବାସୀ ଯେ ହେଲେ ମର୍ମାହତ।।

ଏ କାଳ ରାତିରେ ନେଲା କେତେ ଯେ ମୁଣ୍ଡ,

ଅଲଗା କରିଲା ବାପ ଠୁ ପୁଅ।।

ଏମିତି ମରଣ ନ ମିଳୁ ରେ କାହାକୁ,

ନ ହେଲେ ଜୀବନ ଥାଉ ଥାଉ ଯିବ ଯେ ଜୀବ।।

ଆଜି ବି ମନରୁ ଯାଇନି ସେ ଦୃଶ୍ୟ,

ଡାକୁଥିଲେ ଯେ ବଞ୍ଚାଅ ବଞ୍ଚାଅ।।

ଏମିତି ଦୃଶ୍ୟ ଦେଖି ଯେ,

ଉଠିବ ଟାଙ୍କୁରି ଲୋମ,,

ହୋଇବ ମନ ବିଚଳିତ।।

।। ଲୁହ ଦେଇଗଲା ଲହାୈ ଦାନବ।।

ଚାଲନ୍ତୁ ଆଜି ର ଦିନରେ ଠାକୁର ଙ୍କ ପାଖରେ କିଛି ସମୟ ପ୍ରାର୍ଥନା କରିବା ଏବଂ ସେମାନଙ୍କ ଜୀବନକୁ ସଦଗତି ମିଳୁ।।🙏🙏🙏🙏🙏🙏🙏🙏🙏

ଆଜି ବି ମନେପଡେ ସେ କରାଳ ରୂପ (Balasore Bahanaga Coromandel express Odisha tarin accident)

୧ ବର୍ଷ ହୋଇଗଲା ସେ ମର୍ମାହତ ଟ୍ରେନ ଦୁର୍ଘଟଣା।।