ନମସ୍କାର ଆପଣ ମାନଙ୍କୁ ମୁଁ ମହେନ୍ଦ୍ର କୁମାର।ଆଜି ପୁଣି ଏକ ନୂଆ ଲେଖା ଆପଣ ମାନଙ୍କ ପାଇଁ ଆଣିଛି ଆଶା କରୁଛି ଆପଣ ମାନଙ୍କୁ ଭଲ ଲାଗିବ।

ମୁଁ ସମ୍ବଲପୁରରେ ଏକ କମ୍ପାନୀରେ କାମ କରେ। ଦିନେ ସକାଳୁ ସକାଳୁ ମୁଁ ଆସି ନିଜ କର୍ମକ୍ଷେତ୍ରରେ ପହଞ୍ଚି ସାରିଥାଏ ।ସବୁ ସହକର୍ମୀ ମାନଙ୍କ ସହ ଭେଟ ହେଇ ସାରି ନିଜର ପ୍ରତିଦିନର କାମ ସାରିବା ପରେ ମୁଁ ନିଜ ଜାଗାରେ ବସିଥାଏ।ମୁଁ ଧ୍ୟାନ ଦେଲି ଯେ ମୋର ଜଣେ ସହକର୍ମୀ ସେ ଦୁଇ ଦିନ ହେଲାଣି duty ରେ ଆସି ନାହାନ୍ତି।ମୁଁ ଭାବିଲି କଣ ହେଇଥିବ କେଜାଣି।ହଉ ୧୧:୦୦ ବେଳ ବିରତିରେ ତାଙ୍କୁ ଫୋନ୍ କରି ପଚାରିବି। ତା ପରେ ମୁଁ ମୋ କାମରେ ଲାଗି ପଡ଼ିଲି। ୧୦:୩୦ଟା ବେଳେ ମୁଁ ଦେଖିଲି ଯେ ମୋର ସେହି ସହକର୍ମୀ ଭାଇ ଆସୁଛନ୍ତି।ଆଉ ତାଙ୍କ ମୁହଁରେ ଏକ ପ୍ରକାର ଖୁସି ଆଉ ଚମକ ଥାଏ।ସେ ଆସିଲା ପରେ ଅନ୍ୟ ସହକର୍ମୀ ମାନଙ୍କ ମିଶା ମିଶି କରିଲା ପରେ ଆସି ମୋ ପାଖରେ ଥିବା ତାଙ୍କ ଚୌକି ଉପରେ ବସି ପଡିଲେ। ତା ପରେ ଆମ ଭିତରେ ଆରମ୍ଭ ହୁଏ କିଛି ବାର୍ତ୍ତା------>

ସହକର୍ମୀ=ମହେନ୍ଦ୍ର ଭାଇ କେମିତି ଅଛ ଆଉ ଭଲ ଅଛ ତ?
ମୁଁ=ହଁ ଭାଇ ମହାପ୍ରଭୁ ଶ୍ରୀ ଜଗନ୍ନାଥଙ୍କ କୃପାରୁ ଭଲ ଅଛି ଆଉ ତମେ କେମିତି ଅଛ ଆଉ କଣ ଦୁଇ ଦିନ ହେଲାଣି ଛୁଟିରେ ଥିଲ।

ସହକର୍ମୀ=ଭାଇ ଗୋଟେ ଖୁସି ଖବର ମୋ ବାହାଘର ଠିକ୍ ହେଇଯାଇଛି। ପହରଦିନ ନିର୍ବନ୍ଧ ଥିଲା ସେଥିପାଇଁ ଛୁଟିରେ ଥିଲି।
ମୁଁ=ତମର ବାହାଘର ଠିକ୍ ହେଇ ନିର୍ବନ୍ଧ ହେଇଗଲାଣି ତମେ ଥରେ କହିନ ଆମକୁ।ଆମେ କଣ ଆସି ଯାଇଥିଲୁ କି?

ସହକର୍ମୀ=ଆରେ ନା ଭାଇ ସେମିତି କଣ ପାଇଁ ଭାବୁଛ।କଥା କଣ କି ମୁଁ ବି ଜାଣିନଥିଲି ପହରଦିନ ମୋର ନିର୍ବନ୍ଧ ।ବାପା ତାଙ୍କର ଜଣେ ସାଙ୍ଗ କିଏ ହେବ? ସେ ସାଙ୍ଗର ଭଉଣୀର ଝିଅ କୁ ପସନ୍ଦ କରିଥିଲେ ଆଉ ଆଗୁଆ ତାଙ୍କର ସବୁ ଠିକ୍ କରି ରଖିଥିଲେ ମୁଁ ସେଦିନ ଘରେ ଯାଇ ପହଞ୍ଚିଛି ତ ବାପା କହିଲେ କି ତୁ ଦୁଇ ଦିନ ଛୁଟି ନେଇ ଯାଆ କାଲି ସକାଳେ ତୋର ନିର୍ବନ୍ଧ।ସେଥିପାଇଁ ମୁଁ ଆଉ ଫୋନ୍ କରି କହି ପାରିଲି ନାହିଁ।ଖାଲି ମ୍ୟାନେଜର କୁ କହି ଦେଇଥିଲି କି emergency ଛୁଟି ନେଉଛି।

ମୁଁ=ହଉ ହଉ କିଛି ନାହିଁ ଯାହା ହଉ ଭଲ ହେଲା ।ଆଉ ବାହାଘର ଠିକ୍ ହେଲା ନିର୍ବନ୍ଧ ବି ହେଲା ଆଉ କଣ ମିଠା ଆଣିଛ ନା ସୁଖିଲାରେ ଆସିଛ।
ସହକର୍ମୀ=ଆରେ ନାହିଁ ଭାଇ ସେମିତି କାଇଁ କହୁଛ ଆଣିଛି ନା ମିଠା।ସଙ୍ଗେ ସଙ୍ଗେ ନିଜ ଅଫିସ୍ ବ୍ୟାଗ୍ ସାଥୀରେ ଆଣିଥିବା ଅନ୍ୟ ବ୍ୟାଗ୍ ରୁ ଚାରୋଟି ମିଠା ଡବା କଢ଼ିଲେ । ତିନିଟା ବଡ ଆଉ ଗୋଟେ ଛୋଟ।
ଅଫିସରେ ଥିବା ପିଅନ ଭାଇଙ୍କୁ କୁ ଡାକି ତିନିଟା ଡବା ଦେଇ ମିଠା ବାଣ୍ଟିବାକୁ କହିଲେ ମୁଁ ନିଜ ପାଇଁ କହିବାରୁ ସେ କହିଲେ ସେ ଛୋଟ ଡବାରେ ମୋ ପାଇଁ ମିଠା ଅଛି।ତାକୁ ମୋତେ ଦେଲେ ମୁଁ ଖୋଲିଲା ପରେ ଦେଖିଲି କି ସେଥିରେ ୨୫୦ଗ୍ରାମ ଛେନାପୋଡ଼,ଦୁଇଟା ଛେନାଗଜା ବଡ size, ବଡ ରସଗୋଲା,ଥିଲା।ଏହି ସବୁ ସେ ମୋ ପାଇଁ ଆଣିଥିଲେ।ମୁଁ ବି ତାଙ୍କୁ ପଚାରିଲି ସେ ମନା କଲା ପରେ ଯେହେତୁ ମୁଁ ମିଠା ପ୍ରିୟ ତେଣୁ ମୁଁ ସେଥିରୁ ଖାଇବାକୁ ଲାଗିଲି।
ଏବେ ସବୁ ଖାଇ ସାରିବା ପରେ ଆମେ କଥା ହେବା ସହ କାମ କରିବାକୁ ଲାଗିଲୁ । ମଧ୍ୟାହ୍ନ ଭୋଜନ ବିରତି ସମୟରେ ସେଇ ସହକର୍ମୀ ମୋତେ ପଚାରିଲେ ଭାଇ ମୋତେ ବାହାଘର ପାଇଁ କିଛି ପଇସା ଦରକାର ଅଛି ମୁଁ ଭାବୁଛି ଲୋନ୍ କରି ନେବି।ମୁଁ ତାଙ୍କୁ କହିଲି ଲୋନ କାଇଁ କରିବ କମ୍ପାନୀରୁ ପଇସା ନେଇ ଯାଅ ସେଇ ପଇସା ପରେ ତମ ଦରମାରୁ କଟି ଯିବ।ସେ ମନା କଲେ ଆଉ କହିଲେ ତାଙ୍କୁ ଯେତିକି ପଇସା ଦରକାର ସେତିକି କମ୍ପାନୀ ଦେବ କି ନାହିଁ ଠିକ୍ ନାହିଁ ସେଥିପାଇଁ ସେ ବ୍ୟାଙ୍କରୁ ଋଣ ନେବେ।ମୁଁ ପଚାରିଲି କେତେ ଦରକାର ପଇସା କୁହ ସେ କହିଲେ କି ତାଙ୍କୁ ପାଞ୍ଚ ଲକ୍ଷ ଟଙ୍କାର ଋଣ ଦରକାର।ମୁଁ ପଚାରିଲି ତମେ ଗାଆଁରେ ବାହା ହେବ ନା ତ କେତେ ଖର୍ଚ୍ଚ ଆସିବକି।ସେ କହିଲେ ଭାଇ ଖର୍ଚ୍ଚ ବହୁତ୍ ଅଧିକ ହେବ ମୁଁ ତାଙ୍କୁ କାରଣ ପଚାରିଲି ସେ କହିଲେ
ସହକର୍ମୀ=ଭାଇ ମୋର ଇଚ୍ଛା ଥିଲା କି ମୁଁ ଯେତେ ବେଳେ ବାହାହେବି ଭଲରେ ବାହା ହେବି।
ମୁଁ= ଭଲରେ ବାହା ହେବା ତ ଆଉ କଣ ଖରାପରେ ବାହା ହେବ କି?
ସହକର୍ମୀ=ଭାଇ ତମେ ବୁଝି ପାରୁନ ମୁଁ କଣ କହିବାକୁ ଚାହୁଁଛି।

ମୁଁ= ତମେ ସିନା ବୁଝେଇଲି ମୁଁ ବୁଝିବି ତମେ ତ କିଛି କହୁନ।
ସହକର୍ମୀ=ଭାଇ ଭଲରେ ମାନେ ଆଜି କାଲି ତମେ ଦେଖୁନ ଘୋଡ଼ା ଗାଡ଼ିରେ ଯେମିତି ବର ଯାଉଛି ମୁଁ ସେମିତି ଯିବି।ଆଉ ତା ସହ dj ଆସିବ,ଖାଇବା ପିଇବା ଭଲ କରିବି ନା ଆଉ ସ୍ତ୍ରୀ ସହିତ honeymoon ପାଇଁ ଯିବି ।

ମୁଁ=ତ ଏ ସବୁ ପାଇଁ ତମେ loan କାଇଁ କରିବ।ଆଉ ବରଯାତ୍ରୀ ପ୍ରୋସେସନ୍ ପରା ଝିଅ ଘର ଲୋକେ କରନ୍ତି ବୋଧେ ।
ସହକର୍ମୀ=ହଁ ଯେ ହେଲେ ଝିଅ ଘର ସହ ଆମେ ବି କରିବୁ ଭଲ ବଡ ଧରଣର।

ମୁଁ=ଓଃ ଏମିତି କଥା।ଦେଖ ମୁଁ ତମ କୁ ସାଙ୍ଗ ଭାବେ କହୁଛି ଏମିତି କିଛି କର ନାହିଁ।ଯେତିକି ଅଛି ତମ ପାଖରେ ସେତିକିରେ କର।ଏବେ ମଜା ଲାଗୁଛି ପରେ ହଇରାଣ ହେବ।
ସହକର୍ମୀ=ଭାଇ କିଛି ହେବନି ମ ଖାଲି ତ ତମେ ଚିନ୍ତା କରୁଛ।ତମେ ଖାଲି କୁହ କେମିତି loan ପାଇବି।ମୁଁ ସମ୍ଭାଳି ନେବି
ବହୁତ୍ ଥର କହିବାରୁ ମୁଁ ଶେଷରେ ନିଜର କୌଣସି ଦୋଷ ନ ରଖି ଆଉ ପରେ କିଛି ହେଲେ ମୋତେ ଦୋଷ ନ ଦେବ ଏହା କହି କହି ଦେଲି।

ପରେ ଏମିତି କିଛି ଦିନ ଗଲା ପରେ ସେହି ସହକର୍ମୀଙ୍କ ବାହାଘର ହେଲା ଆମେ ସମସ୍ତେ ଯାଇଥିଲୁ ଦେଖିଲୁ ସେହି ସହକର୍ମୀ ସେମିତି ସବୁ କରିଛନ୍ତି ଯାହା ଯାହା ସବୁ ସେ ମୋତେ କହିଥିଲେ।ଘୋଡ଼ା ଗାଡ଼ିରେ ବସି ବର ହେଇ ଗଲେ।ସେ ଅଞ୍ଚଳର ନାମୀ dj operater ଆଣି dj ବାଜୁଥାଏ।ଆଜି କାଲିର ଫ୍ୟାସନ ଭଳି ପ୍ରି wedding videos ବି କରିଥିଲେ।ଯେହେତୁ ଝିଅ ଆଉ ପୁଅ ଘର ମିଶି ସବୁ ଖର୍ଚ୍ଚ କରୁଥାନ୍ତି ହେଲେ ସେଥିପାଇଁ ଖାଇବା ବି ବିଭିନ୍ନ ପ୍ରକାରର ହେଇଥିଲା।ସେମିତି ଚତୁର୍ଥୀ ଦିନ ରାତିରେ ବି ତାଙ୍କ ଘରେ ବହୁତ୍ ପ୍ରକାରର ସବୁ ବ୍ୟବସ୍ଥା କରିଥାନ୍ତି। Reception ରାତିରେ ବଡ ବଡ projectors ଲାଗିଥାଏ ।ଯେଉଁ ସେ ପ୍ରି wedding ଭିଡିଓ ଚାଲି ଥାଏ। ସେ ସହକର୍ମୀ ମୋତେ ସେହି ଦିନ କହିଲେ କି ସେ ତାଙ୍କ ସ୍ତ୍ରୀ କୁ ନେଇ ସିକ୍କିମ ରାଜ୍ୟର ଗ୍ୟାଙ୍ଗଟକ୍,ଆଉ ମେଘାଳୟ ରାଜ୍ୟ ବୁଲିବାକୁ ଯିବେ।ମୁଁ ବି ହେଉ ଭଲ କଥା କହି ସେଠୁ ଖାଇସାରି ଆସିଗଲି।ଯେହେତୁ ସେହି ସହକର୍ମୀ ୨୦ ଦିନର ଛୁଟିରେ ଥାଆନ୍ତି ସେଥିପାଇଁ ସେ ପରେ ଦେଖା ହେବେ ବୋଲି କହିଲେ।

ଏହା ପରେ କିଛି ଦିନ ପରେ ମୋତେ କମ୍ପାନୀର ନୂଆ ଶାଖା ଯେଉଁଟା କି ଅନୁଗୁଳରେ ଥାଏ ସେଠାକୁ ସ୍ଥାନାନ୍ତରଣ କରିଦିଆ ଗଲା।ମୁଁ ଅନୁଗୁଳ ଗଲା ପରେ ସେ ସହକର୍ମୀଙ୍କ ସହ ଏତେ କଥା ହେବା ପାଇଁ ସମୟ ଆଉ ମିଳିଲା ନାହିଁ କାହିଁ ନା ସେଠି ମୁଁ ପଦୋନ୍ନତି ହୋଇ ଯାଇଥିବାରୁ ମୋର କାମ ଅଧିକ ବଢ଼ିଯାଇଥିଲା।
ଏମିତି ପ୍ରାୟ ଛଅ - ସାତ ମାସ ପରେ ମୁଁ କମ୍ପାନୀର କିଛି କାମରେ ଚାରିଦିନ ପାଇଁ ସମ୍ବଲପୁର ଶାଖା କୁ ଆସିଥାଏ।ଆଉ ମଧ୍ୟାହ୍ନ ଭୋଜନରେ ସେହି ସହକର୍ମୀଙ୍କ ସହ ଭେଟ ହେବା ସହ ଆମର ସେହି କିଛି ସମୟର କଥା ବାର୍ତ୍ତା ଏମିତି ଥିଲା

ମୁଁ= ଆଉ କେମିତି ଅଛ ଭଲ ଅଛ ତ ?
ସହକର୍ମୀ=ହଁ ଭାଇ ସେମିତି ଠିକ୍ ଅଛି ଆଉ ତମେ କେମିତି ଅଛ?
ମୁଁ=ମୁଁ ତ ଭଲରେ ଅଛି ।ଆଉ ବାହାଘର ପରେ ଏବେ ମଜା ଆସୁଛି ନା ନାହିଁ।ଆଉ କଣ ସବୁ ଆଗକୁ ଭାବୁଛ କଣ କରିବ।
ସହକର୍ମୀ= କଣ ଭାଇ ମଜା ଆସିବ ଏବେ ତ ମୁଣ୍ଡ ଉପରେ କର୍ଜର ଚିନ୍ତା ଲାଗି ରହିଛି କି ପ୍ରତି ମାସରେ ଏତିକି ଟଙ୍କା ସୁଝିବାର ଅଛି।

ମୁଁ = କାଇଁ କେତେ କଣ loan କରିଥିଲ କି ?
ସହକର୍ମୀ= ଭାଇ ମୋ ପାଖରେ ୩ ଲକ୍ଷ୍ୟ ଥିଲା ବାକି ମୁଁ ୫ ଲକ୍ଷ୍ୟ loan କରିଥିଲି। ବାହାଘରରେ ପ୍ରାୟ ୬.୫ ଲକ୍ଷ୍ୟ ଭଳି ଖର୍ଚ୍ଚ ହେଇଗଲା ବାକି ୧:୫ ଲକ୍ଷ୍ୟ ଟଙ୍କା ଅଛି ଏବେ loan ଚିନ୍ତା ଲାଗିଛି କେମିତି ସୁଝିବି।

ମୁଁ = କଣ ଏମିତି ଖର୍ଚ୍ଚ କଲ କି ସାଢେ଼ ଛଅ ଲକ୍ଷ୍ୟ ଟଙ୍କା ଖର୍ଚ୍ଚ ହେଇଗଲା।
ସହକର୍ମୀ=ଖର୍ଚ୍ଚ ଯଦି କହିବି ଭାଇ ପ୍ରଥମେ ତ ଆମ ସବୁ କୁଣିଆ ମାନଙ୍କ ପାଇଁ ଖାସ କରି ଛୁଆ ଆଉ ସ୍ତ୍ରୀ ଲୋକ ମାନଙ୍କ ପାଇଁ ଶାଢୀ ଆଉ ଡ୍ରେସ କିଣା ହେଲା ।ସେଥିରେ ବଡ ଭଉଣୀ , ବଡ ଭେଣେଇ ଆଉ ଭଣଜା ଭାଣିଯି ମାନେ ଅଛନ୍ତି ତାଙ୍କ ପାଇଁ special। ବଡ ଭଉଣୀର, ତା ସ୍ବାମୀ ଆଉ ଭଣଜା ଆଉ ଭାଣିଜି ଆଉ ତା ଶାଶୁ ଶଶୁରର କପଡା ବାବଦ କୁ ମିଶେଇ ୧୨,୦୦୦₹ । ସେମିତି ସାନ ଭଉଣୀ, ତା ସ୍ବାମୀ, ତା ଝିଅ ଏବେ ୫ ବର୍ଷର ତା ଶାଶୁ ଶଶୁର ଆଉ ନଣନ୍ଦ ବାବଦ କୁ ୧୩୦୦୦₹ ଖର୍ଚ୍ଚ।
ତା ସହ ମୋର ଦୁଇ ଜଣ ପିଉସୀ ନାନୀ ଆଉ ପିଉସା ଅଛନ୍ତି ସେ ଦୁଇ ଜଣଙ୍କ ପାଇଁ ଆଉ ତାଙ୍କ ପରିବାର କୁ ମିଶେଇ ୩୦,୦୦୦₹ ଏଇଠି ୫୫,୦୦୦ ତ ସହ ଅନ୍ୟ କୁଣିଆ ମାନେ ସବୁ ମିଶେଇ ମୋଟ ୮୫,୦୦୦₹ ।

ମୁଁ= ଆଚ୍ଛା ହଉ ତା ପରେ କୁହ?
ସହକର୍ମୀ= ମୋ ସ୍ତ୍ରୀ ପାଇଁ ମଙ୍ଗଳସୂତ୍ର କଲି ୧.୫ ଲକ୍ଷ୍ୟ,ତାର ଯାହା ବି କିଛି ଶାଶୁ ଘର ପଟୁ ଦିଅନ୍ତି ସେ ସବୁ ମିଶେଇ ୨.୫ ଲକ୍ଷ୍ୟ।

ମୁଁ = ହଁ ଏବେ ତମର ୩.୩୫୦୦୦ ଟଙ୍କା ହେଲା
ସହକର୍ମୀ= ଭାଇ ତମେ ହିସାବ କରୁଛ ।

ମୁଁ = ହଁ ତମେ କୁହ ମୁଁ ବି ଦେଖିବାକୁ ଚାହୁଁଛି ତମେ କଣ ଖର୍ଚ୍ଚ କରିଛ ଏବେ ଆଗକୁ ।ତମେ ଏ ସବୁ ଯେଉଁ ଖର୍ଚ୍ଚ କରିଛ ସେଇଟା କହିଲା ଏବେ ତମର dj ଆଉ ଚତୁର୍ଥୀରେ ?
ସହକର୍ମୀ= ହଁ ଭାଇ କହୁଛି ଶୁଣ। ଇଏ ତ ଯାହା ଖର୍ଚ୍ଚ ଗଲା ଏବେ
Dj ନେଲା ୪୦,୦୦୦₹ ତା ପରେ ଆମେ ପ୍ରି wedding ଭିଡିଓ ଆଉ photoshoot କରିଥିଲୁ ବାହାଘର ପୂର୍ବରୁ ସେ ସବୁରେ ୫୦,୦୦୦₹ ବାକି ଆମ ଘର କୁ ବି makeup artist ଆସିଥିଲେ ସେମାନେ ୧୫,୦୦୦₹ । ତା ପରେ reception ଭୋଜିରେ ୧.୫ ଲକ୍ଷ୍ୟ ଭଳି ଖର୍ଚ୍ଚ ହେଲା।

ମୁଁ = ହଁ ତମର ୫.୯୦,୦୦୦ ଏବେ ଯାଏ ହେଲା ତାପରେ ତମେ honeymoon ଯାଇଥିଲ ସେଥିରେ କେତେ କଣ ଖର୍ଚ୍ଚ।
ସହକର୍ମୀ= ସେଥିରେ ଭାଇ ୬୦,୦୦୦ ଖର୍ଚ୍ଚ ହେଲା
ମୁଁ = ଏବେ ଯାଇ ହେଲା ତମର ୬,୫୦୦୦ ₹ ।ମାନିବାକୁ ପଡ଼ିବ ତମକୁ।

ସହକର୍ମୀ= କଣ ମାନିବାକୁ ପଡ଼ିବ ମ ଭାଇ । ଏବେ ଭାବୁଛି ମନ୍ଦିରରେ ବାହା ହେଇ ଯାଇଥିଲେ ଭଲ ହେଇଥାନ୍ତା କେତେ ଖର୍ଚ୍ଚ ବଞ୍ଚି ଯାଇଥାନ୍ତା।ମୁଁ ବି ପାଗଳ ଥିଲି ଜଉ ଏତେ ଖର୍ଚ୍ଚ କରୁଥିଲି।
ମୁଁ= ଖର୍ଚ୍ଚ ତ କଲ ଏବେ ବ୍ୟାଙ୍କରୁ loan ନେଇଥିବ ସୁଝି ଦେବ ମାସକୁ କେତେ emi ଦବ କି?

ସହକର୍ମୀ= ମାସକୁ ୧୨୦୦୦ emi ଲାଗିଛି। ମୋ ଦରମା ହିସାବରେ ବହୁତ୍ । ତମର ଯାହା ହଉ ଭାଇ ଭଲ ମୋ ବାହାଘର ହେଲା ତମର ପଦୋନ୍ନତି ହେଇଗଲା।ହେଲେ ମୋର ତ ଏବେ ସେତିକି salary ମିଳୁଛି ତା ସହ ଖର୍ଚ୍ଚ ବି ବଢ଼ି ଚାଲିଛି ସେଥିପାଇଁ ଏବେ overtime ଅଧିକ ଲଗେଇବା ଆରମ୍ଭ କରିଛି।

ମୁଁ=ତମେ ଖରାପ ଭାବିବନି ମୁଁ ଆଗରୁ ମନା କରୁଥିଲି ନା କି ଏମିତି କିଛି କରିବନି ବୋଲି।ହେଲେ ତମେ ବୁଝିଲନି। ମୁଁ କହୁଥିଲି ନା ନିଜ ପ୍ୟାକେଟ ଦେଖି ଖର୍ଚ୍ଚ କରିବ ହେଲେ ତମେ ବୁଝିଲନି।
ସହକର୍ମୀ= ହଁ ଭାଇ ଠିକ୍ କହୁଥିଲ ତମେ ମୁଁ ବୁଝୁ ନଥିଲି।ଏବେ ତମ କଥା ମନେ ପଡ଼ିଲା ବେଳେ ମୁଁ ଏକା ବସି ଭାବେ ମହେନ୍ଦ୍ର ଭାଇ ଯାହା କହୁଥିଲେ ଭଲ କହୁଥିଲେ ।ମୁଁ ହିଁ ବୋକା ଥିଲି ଜଉ ଅଧିକ ଲୋକ ଦେଖାଣିଆ ପାଇଁ ଏତେ ଖର୍ଚ୍ଚ କରି ପକେଇଲି।

ମୁଁ= ହଉ ଛାଡ଼ ଯାହା ତ ହେଇ ଯାଇଛି ଏବେ ଦେଖି ଚାହିଁ ପାଦ ରଖିବ।ଲୋକ ଦେଖଣିଆ ଖର୍ଚ୍ଚ କରିବନି ,ତମ ପଇସା ଖର୍ଚ୍ଚ ହେଲେ କେହି କହିବେନି କି ନା ନେ ତୁ ଏତେ ପଇସା ଖର୍ଚ୍ଚ କରିଥିଲୁ କିଛି ପଇସା ରଖ ।ଆଗକୁ ପରିବାର ବଢିବ ।ସେଥିପାଇଁ ଧ୍ୟାନ ରଖିବ।
ସହକର୍ମୀ= ହଁ ଭାଇ ଏବେ ତମ କଥା ମାନିବି। ଆଚ୍ଛା ଭାଇ ତମ ବାହାଘର କେମିତି ହେଇଥିଲା ତମେ ବି ଏମିତି ଖର୍ଚ୍ଚ କରିଥିଲ।

ମୁଁ= ମୋ ବାହାଘର ସାଧାରଣ ବାହାଘର ହେଇଥିଲା ।ମନ୍ଦିର ବାହାଘର, ଚତୁର୍ଥୀ ଭୋଜି ଭଲରେ ଦେଇ ଦେଲି ହେଇଗଲା।ଅଧିକ ଖର୍ଚ୍ଚ ହେଲା ନାହିଁ।
ସହକର୍ମୀ= ଭାଉଜକୁ କୁଆଡେ ବୁଲେଇବାକୁ ନେଲ ନାହିଁ।

ମୁଁ= ହଁ ହେଲେ ତମେ ଯେମିତି ଖର୍ଚ୍ଚ କରିଲ ସେମିତି ଖର୍ଚ୍ଚ ହେଇ ନଥିଲା କମ୍ ଖର୍ଚ୍ଚ ହେଇଥିଲା।ତମ ଭାଉଜ ଟିକେ ଆଧ୍ୟାତ୍ମିକ ଝିଅ ତାର ଇଚ୍ଛା ଥିଲା କି ପ୍ରକୃତ ଚାରି ଧାମ ବୁଲିବା ପାଇଁ ସେଥିରୁ ତିନିଟା ଧାମ ଆମେ ବୁଲି ସାରିଲୁଣି ଖାଲ ବାକି ରହିଲା କେଦାରନାଥ ଆଉ ବଦ୍ରିନାଥ ଅଛି।
ସହକର୍ମୀ= ଓଃ ଭଲ।ହଉ ଭାଇ ମୁଁ ଯାଉଛି ତମେ ଏବେ ଅଛ ନା ପଳେଇବ।

ମୁଁ= ମୁଁ ଏବେ ଦୁଇ ଦିନ ଅଛି ଶନିବାର ଦିନ ଅନୁଗୁଳ ପଳେଇବି।
ସହକର୍ମୀ= ହଉ ଭାଇ ମୁଁ ଆସୁଛି। ଏବେ ତମେ ଅଛ ତ ଦେଖା ହେବ।
ମୁଁ = ହଁ ହଁ ନିଶ୍ଚିତ ଦେଖା ହେବା।

ସେ ଯିବା ପରେ ମୁଁ ଅଫିସ କୁ ଆସିଗଲି କାମ କରୁଥିବା ବେଳେ ଭାବିଲି କଣ ପାଇଁ ଆଜି କାଲି ବାହାଘରରେ ଏତେ ଖର୍ଚ୍ଚ କଣ ପାଇଁ କରୁଛନ୍ତି।ସେ ପୁଅ ଘର ହେଉ ବା ଝିଅ ଘର ଲୋକେ ହୁଅନ୍ତୁ କଣ ଏତେ ଖର୍ଚ୍ଚ କରିବାର ଦରକାର ଅଛି।

ପୂର୍ବ କାଳରେ ବାହାଘର ଠିକ୍ ହେଲେ ଅଧିକ ଖର୍ଚ୍ଚ ହେଉ ନଥିଲା।ପ୍ରାୟ ଲୋକ ସେ ଝିଅ ଘର ଲୋକେ ହୁଅନ୍ତୁ କି ପୁଅ ଘର ଲୋକେ ହୁଅନ୍ତୁ ପ୍ରାୟ ବାହାଘର ରେ ଖର୍ଚ୍ଚ ବଞ୍ଚାଇବା ପାଇଁ ତୁଳା କନ୍ୟା କରି ନେଇ ଆସୁଥିଲେ।ଯେଉଁଥିରେ ଝିଅ ବାହାଘର ଦିନ ପୁଅ ଘର କୁ ଆସୁଥିଲା ଆଉ ପୁଅ ଘରେ ବାହାଘର ହେଉଥିଲା। ନା ବରଯାତ୍ରୀ ଯାଉଥିଲେ ନା ଅଧିକ ଖର୍ଚ୍ଚ ହେଉଥିଲା।ଆଉ ଯେଉଁ ଘର ଲୋକେ ଦାଣ୍ଡ ବାହାଘର କରୁଥିଲେ ସେମାନଙ୍କୁ ବଡ ଲୋକେ କୁହା ହେଉଥିଲା । (ମୁଁ ଛୋଟ ଥିଲା ବେଳେ ମୋତେ ଲାଗୁଥିଲା) ତା ଛଡା ଅଧିକରୁ ଅଧିକ ମନ୍ଦିର ବାହାଘର ହେଇ ଯାଉଥିଲା। ହେଲେ ଆଜି ସମୟ ବଦଳିବା ସହ ବାହାଘରର ଶୈଳୀ ବି ବଦଳି ଗଲାଣି।ଆଜି ୨୦୨୫ ରେ ଲୋକ ମାନେ ନିଜର ଧନ ସଂପତ୍ତି କେତେ ଦେଖାଇବା ପାଇଁ ଅଧିକ ପଇସା ଖର୍ଚ୍ଚ କରୁଛନ୍ତି।

ଆଗେ ଲୋକ ମାନେ ଆଧୁନିକତା ପ୍ରଭାବରେ ଏତେ ନଥିଲେ ହେଲେ ସମୟକ୍ରମେ ଜାଣିବାକୁ ଲାଗିଲେ।ଆଉ ଯେବେ ଠାରୁ ଇଣ୍ଟରନେଟ ଆସିଲା ଆଉ jio ବାବା ଲୋକ ମାନଙ୍କୁ 4G ଇଣ୍ଟରନେଟ ଦେଲେ ଆଉ ଲୋକ ମାନେ ସୋସିଆଲ ମିଡ଼ିଆ ମାଧ୍ୟମରେ ଅନ୍ୟ ରାଜ୍ୟର ବାହାଘର ଦେଖିଲେ।ମହାନ ସ୍ତର ବାହାଘର ଯେଉଁଠି ସବୁ ଦିନ ଅଲଗା ଅଲଗା ଆୟୋଜନ ହେଉଛି।ମେହେନ୍ଦି ଅଲଗା ଆୟୋଜନ,ହଳଦୀ ଆୟୋଜନ ଅଲଗା ଏମିତି ବିଭିନ୍ନ ପ୍ରକାରର ଅନ୍ୟ ରାଜ୍ୟର ଦେଖି ଲୋକ ମାନେ ସେଇ ସବୁ କରିବାକୁ ଆରମ୍ଭ କଲେ।ଆଗେ ସହରରେ ହେଉଥିଲା ହେଲେ ଧୀରେ ଧୀରେ ଗ୍ରାମାଞ୍ଚଳରେ ବି ହେଇଗଲାଣି କାହିଁକି ନା ଲୋକ ମାନଙ୍କ ଆୟ ବୃଦ୍ଧି ପାଇଛି। ଯାହା କି ଆମ ଓଡ଼ିଆ ସଂସ୍କୃତି ନୁହଁ ହେଲେ ଏବେ ଓଡ଼ିଆ ସଂସ୍କୃତି ଭିତରେ ଆଧୁନିକତାର ଛାପ ଅଧିକ ପଶି ଗଲାଣି।

ଏବେ ତ ନୂଆ ଧାରା ଚାଲିଛି prewedding photoshoot aau videography. ଯେଉଁ ଲୋକ ମାନଙ୍କ ପାଖରେ ପଇସା ଅଛି ଯେଉଁ ବାପା ଆଉ ମାଙ୍କର ପୁଅ ଭଲ ଚାକିରୀ କରୁଛି କିମ୍ବା ଭଲ ବ୍ୟାପାର କରୁଛି ଯାହାର ପଇସା ପତ୍ରରେ ଅଭାବ ନାହିଁ ସେମାନେ ତ କରୁଛନ୍ତି ତା ସହ ଯେଉଁ ଲୋକର ପଇସା ଅଭାବ ଅଛି ସେ ବି ତାଙ୍କୁ ଦେଖି ଆଉ ସୋସିଆଲ ମିଡ଼ିଆରୁ ଦେଖି ସେମାନେ ବି କରୁଛନ୍ତି କାହିଁକି ନା ତାଙ୍କୁ ଦେଖେଇବାର ଅଛି ନା ସେ କେତେ ନିଜ ବାହାଘରରେ ଖର୍ଚ୍ଚ କରୁଛନ୍ତି।

ଆଗେ ବାହାଘର ଭୋଜିରେ ଭାତ,ଡାଲି,(ଡାଲମା) ଖଟ୍ଟା,ଖିରି,ଆଉ ମାଛ କି କୁକୁଡ଼ା ମାଂସ ହେଉଥିଲା ଆଉ ସାଧାରେ ପୋଟଳ ବେସନ ବାସ ଏତିକି ଖାଦ୍ୟ ଜିନିଷ ହେଉଥିଲା ହେଲେ ଏବେ ଭାତ ନ ହେଲେ ଜିରା ଭାତ(jeera rice) ଡାଲମା ତ ହେଉନି ତା ଜାଗାରେ ଡାଲି, ଖଟ୍ଟା, ଖିରି, ମାଛ fried ମସଲା, ମାଛ ଝୋଳ,କୁକୁଡ଼ା ମାଂସ ସହ ଖାସି ମାଂସ ( ବହୁତ୍ ଆବଶ୍ୟକ) ସାଧା ରେ ପୋଟଳ ବେସନ ସହ ପନୀର, ତା ସହ ପାମ୍ପଡ, ice cream,cold drinks, ମିଠା ଏମିତି ବିଭିନ୍ନ ପ୍ରକାରର ବ୍ୟଞ୍ଜନ ହେଉଛି ଯାହା କି ଖର୍ଚ୍ଚ କୁ ବଢାଇ ଦେଉଛି।

ତା ସହ ଆଗେ ଦାଣ୍ଡ ବାହାଘରରେ ଯାହାର ବଜେଟ୍ କମ୍ ଥାଏ ସେମାନେ ଢୋଲ ପାର୍ଟି କୁ ଡାକନ୍ତି ଆଉ ଯାହାର ଟିକେ ଅଧିକ ପଇସା ଥାଏ ସେ ବ୍ରାସ ପାର୍ଟି କୁ ଡାକନ୍ତି ହେଲେ ଏବେ DJ। ଆଉ ଢୋଲ ପାର୍ଟି ନାହିଁ ଢୋଲ ପାର୍ଟି ଜାଗାରେ ସିଂହ ବାଜା ନେଇ ଗଲାଣି ଆଉ ବ୍ରାସ୍ ପାର୍ଟି ଅଛି ହେଲେ ବ୍ରାସ୍ ପାର୍ଟି ସହ DJ ନ ହେଲେ ହେଉନି।ଆଉ ଏ DJ ପାର୍ଟିର ବିବାହ ଋତୁରେ ଭଡ଼ା ମୂଲ୍ୟ କିଛି ଘଣ୍ଟା ପାଇଁ ପଇସା ଏତେ କି ଜଣେ ସାଧାରଣ ମଣିଷର ଯିଏ ଦିନକୁ ୫୦୦₹ ଆୟ କରୁଛି ତାର ଦୁଇ ମାସର ଆୟ କି ତିନି ମାସର କିମ୍ବା ଚାରି ମାସର ଆୟ ଏହି dj ପାର୍ଟି କିଛି ସମୟରେ ନେଇ ଯାଉଛନ୍ତି। ଯେଉଁଥି ପାଇଁ ଖର୍ଚ୍ଚ ଅଧିକ ବଢୁଛି।

ଏମିତିରେ ତ ଆଜି କାଲି ବାହାଘରରେ ଖର୍ଚ୍ଚ ବହୁତ୍ ଅଧିକ ବଢ଼ି ଗଲାଣି।ଲୋକ ମାନେ ବାହାଘର ମାଧ୍ୟମରେ ନିଜର ଧନ, ସଂପତ୍ତି,ସ୍ଥିତି ସ୍ତର ଦେଖାଇବାକୁ ଚାହୁଁଛନ୍ତି ।ଯେଉଁ ମାନଙ୍କ ପାଖରେ ପଇସା ଅଛି ସେ ଦେଖେଇବେ ଠିକ୍ ଅଛି ।ହେଲେ ମଧ୍ୟମ ପରିବାର ଯଦି ଏମିତି କରିବ କେମିତି ହେବ।

ଆପଣ ମାନେ ଯେଉଁ ବାହାଘରରେ ନିଜର ଧନ ସଂପତ୍ତି, ସ୍ଥିତି ସ୍ତର ଦେଖାଇବେ କେମିତି ହେବ।ଖାସ କରି ଯଦି ଆପଣ ମାନେ ଋଣ ନେଇ ବାହାଘର କରୁଥିବେ ସେତେବେଳେ କଣ ଠିକ୍।ମୋ ମତରେ ବିଲକୁଲ ଠିକ୍ ନୁହଁ।

ଆପଣ ମାନେ ଋଣ ନେଇ ଏମିତି କରିଲେ କାହାକୁ କିଛି ଫରକ୍ ପଡିବନି।ଲୋକ ମାନେ ଆସିବେ ଭୋଜିରେ ଖାଇ ଦେବେ।କିଛି ଲୋକ ମାନେ ଆପଣଙ୍କୁ ଈର୍ଷା କରୁଥିବେ ଭାବୁଥିବେ ( ଏ ଲୋକ ପାଖରେ ଏତେ ପଇସା କଉଠୁ ଆସିଲା) ,ଆଉ ଯେଉଁ ମାନେ ଈର୍ଷା କରୁ ନଥିବେ ସେମାନେ ଖାଇ ପିଇ ଦେଇ ଯିବେ,ପର ଦିନ ସକାଳୁ ଶୌଚାଳୟରେ ଶୌଚ ହେବା ପରେ ସବୁ ଭୁଲିଯିବେ।ହେଲେ ଆପଣ ମାନେ ଯେଉଁ ଋଣ ନେଇଥିବେ ନା ତାକୁ ଶୁଝିବା ପାଇଁ କେହି ଏକ ଟଙ୍କା ବି ସାହାଯ୍ୟ କରିବେ ନାହିଁ। କେହି କହିବେ ନାହିଁ କି ତମେ ଏତେ ଖର୍ଚ୍ଚ କରି ଋଣରେ ପଡିଛ ନିଅ କିଛି ପଇସା ଆଗ ଋଣ ଶୁଝି ନିଅ।ହେଲେ ପରେ ଯେତବେଳେ ଜାଣିବେ କି ଆପଣ ଋଣ ନେଇ ବାହାଘର କରିଥିଲେ ଆଉ ଏବେ ଶୁଝିବା ପାଇଁ ହଇରାଣ ହେଉଛନ୍ତି ସେତେବେଳେ ସେହି ଲୋକ ମାନେ ଆପଣଙ୍କୁ ଖରାପ କହିବେ( ହଁ ମ ଋଣ ନେଇ ବାହାଘର କରିଥିଲା ଏବେ ଋଣ ଦେଇ ପାରୁନି।କେଜାଣି କଣ ପାଇଁ ଏଇ ଭଳି ଲୋକ ଋଣ ନିଅନ୍ତି କେଜାଣି ଯଦି ସୁଝି ନ ପାରିବେ ତ ଋଣ କାଇଁ ନେଉଛନ୍ତି କେଜାଣି କଣ କମ୍ ଖର୍ଚ୍ଚରେ ବାହାଘର ହେଇ ନଥାନ୍ତା)ଏମିତି କହିବାକୁ ଲଗିବେ।

ନିଜ ପିଲା ମାନଙ୍କର ବାହାଘର କରନ୍ତୁ ।ଏମିତି ଋଣ ନେଇ କରନ୍ତୁ ନାହିଁ। କମ୍ ଖର୍ଚ୍ଚରେ ବି ବାହାଘର ହେଇଯିବ।ଚେଷ୍ଟା କରନ୍ତୁ କି କେମିତି କମ୍ ଖର୍ଚ୍ଚରେ ବାହାଘର କରି ସେଇ ପଇସା କୁ ସଞ୍ଚୟ କରି ରଖନ୍ତୁ ସେଇ ପଇସା ଭବିଷ୍ୟତରେ କାମରେ ଆସିବ।ଯେଉଁ ଭାଇ ମାନେ ବାହାଘରର ଅଧିକ ଖର୍ଚ୍ଚ କରୁଛନ୍ତି ସେମାନେ ବି ନିଜର ଖର୍ଚ୍ଚ କମ କରନ୍ତୁ। କିଛି ଜରୁରୀ ନାହିଁ କି ଆପଣ ମାନେ prewedding ଭିଡିଓ କି photoshoot କରନ୍ତୁ। ଏ ମେହେନ୍ଦି ଲଗାଇବାର ଆୟୋଜନ ହେବ କି ହଳଦୀ ଆୟୋଜନ ବି ଅଲଗା କରିବେ।ଜରୁରୀ ନାହିଁ ଆପଣ ମାନେ ଏତେ ଖର୍ଚ୍ଚ କରିବେ ସେଇ ପଇସା କୁ ବଞ୍ଚାଇ ରଖନ୍ତୁ। ଯଦି ଆପଣ ମାନେ ସରକାରୀ କର୍ମଚାରୀ ତ ବି ଆପଣ ମାନେ ଖର୍ଚ୍ଚ କମ୍ କରି ବି ବାହାହେଇ ପାରିବେ।ଆପଣ ମାନେ ଜାଣି ନାହାନ୍ତି ଆପଣ ମାନଙ୍କ ଅତ୍ୟାଧିକ ଖର୍ଚ୍ଚ ବିବାହ ସମାଜରେ ଏକ ପ୍ରକାର ଭୂଲ ବାର୍ତ୍ତା ଦେଉଛି।

ବିବାହ ଏକ ପବିତ୍ର ବନ୍ଧନ ଏଠି ଆମକୁ ଏମିତି କିଛି କାମ କରିବାର ଦରକାର କି ଯାହା ସମାଜରେ ଅନ୍ୟ ଲୋକ ମାନଙ୍କ ପାଇଁ ପ୍ରେରଣା ହେବା ଦରକାର । ଅତ୍ୟାଧିକ ଖର୍ଚ୍ଚ ବହନ କରି ବିବାହ କଲା ପରେ ବି ଯଦି ବିବାହ ସଫଳ ନ ହୁଏ ତ ଲାଭ କଣ ।

ଯଦି ଆପଣ ମାନଙ୍କ ପାଖରେ ଅଧିକ ପଇସା ଅଛି। ତ ଆପଣ ମାନେ ଗରିବ ଝିଅ ମାନଙ୍କ କୁ ବିବାହ କରାଇ ପୁଣ୍ୟ କାମ କରନ୍ତୁ ନା।ଯଦି ଆପଣ ମାନଙ୍କ ପାଖରେ ଏତେ ପଇସା ଅଛି ତ ସେଇ ପଇସା କୁ mutual funds ଲଗେଇ ଦିଅନ୍ତୁ।ସେଇ ପଇସାରେ କିଛି କାମ ଖୋଲି ଲୋକ ମାନଙ୍କୁ ରୋଜଗାର ଦିଅନ୍ତୁ ନା ।ଦେଖିବେ ସେଇ ପଇସା ଯେଉଁ ପଇସା ଖର୍ଚ୍ଚ କରି ଆପଣ ମାନଙ୍କ ଉପରେ ଋଣ ଭାର ବଢ଼ି ଯାଇଥିଲା ସେଇ ପଇସା ଏମିତି କାମରେ ଆପଣ ମାନଙ୍କୁ ଭଲ ସମ୍ମାନ ଦେବ ତା ସହ ଆପଣ ମାନଙ୍କ ପାଖକୁ mutual funds ରୁ ଅଧିକ ଭଲ returns ମିଳିବ।ଋଣ ନେଇ ଏମିତି କିଛି କରନ୍ତୁ ନାହିଁ।ଋଣ ନେବା ବଡ କଥା ନୁହଁ ହେଲେ ଋଣ ଚୁକାଇବା ବଡ।ପ୍ରତି ମାସରେ ଯେଉଁ emi ଆସିବ ଆପଣ ମାନଙ୍କୁ ଚିନ୍ତା ରହିବ କେମିତି emi ପୁରା କରିବେ ସେ ଚିନ୍ତାରୁ ମୁକ୍ତ ରୁହନ୍ତୁ ନା।ସେଇ ଅଯଥା ପଇସା ଭବିଷ୍ୟତରେ ନିଜ ପିଲା ମାନଙ୍କର ପାଇଁ ସଞ୍ଚୟ କରି ରଖନ୍ତୁ ଯାହା ଫଳରେ ସେମାନଙ୍କ କ୍ୟାରିୟର ଆଉ ବାହାଘର ବେଳକୁ ଆପଣ ମାନଙ୍କୁ ଚିନ୍ତା ରହିବ ନାହିଁ।ହେଲେ ଋଣ ନେଇ କିଛି କରନ୍ତୁ ନାହିଁ।

ଯାହା ବି କରନ୍ତୁ ଭଲ କରନ୍ତୁ ,ଭାବିଚିନ୍ତି କରନ୍ତୁ,ଲୋକ ମାନଙ୍କୁ ଦେଖେଇବା ପାଇଁ କରି ନିଜର କ୍ଷତି କରନ୍ତୁ ନାହିଁ।ମହାପ୍ରଭୁ ଶ୍ରୀ ଜଗନ୍ନାଥଙ୍କ ଶ୍ରୀ ଲିଙ୍ଗରାଜ,ମା ଲକ୍ଷ୍ମୀ ଆଉ ମା ଶାରଳା ଆପଣ ମାନଙ୍କ ମଙ୍ଗଳ କରନ୍ତୁ ।ଭଲରେ ରୁହନ୍ତୁ ଖୁସିରେ ରୁହନ୍ତୁ।ଯଦି ମୋର ଏହି ବ୍ଲଗ୍ ଆପଣ ମାନଙ୍କୁ ଭଲ ଲାଗିଛି ତ ନିଜର ମତାମତ ଦେବା ଭୁଲିବେ ନାହିଁ। ଜୟ ଜଗନ୍ନାଥ ଜୟ ମା ଲକ୍ଷ୍ମୀ

ଆଜି କାଲିର ଋଣ ନେଇ ହେଉଥିବା ବିବାହ