ଆମ ପଖାଳ

🌹🌹🌹🌹

ପଖାଳ ପଖାଳ ପଖାଳ ସବୁରି ପ୍ରିୟ ପଖାଳ

ଗାଁ ଠୁ ସହର ପ୍ରିୟ ସଭିଙ୍କର ତୁ ପଖାଳ,

ଗରିବର ତୁ ସାହାରା,ଧନି ର ଡାକରା

ପଖାଳ ଭାତର ସ୍ୱାଦ ସବୁଠୁ ନିଆରା।

ଜଗାର ତୁ ପ୍ରିୟ ବଳିଆର ସରଧା, ପଡ଼ିଲେ ପେଟରେ ଆସିଯାଏଶାନ୍ତିମନରେ ନଥାଏ ଦ୍ୱିଧା।

ଓଡିଆ ର ପ୍ରିୟ ଖାଦ୍ୟ ପଖାଳ,ଲୋଡା ହୁଏ ସଦା ହେଉ ସଞ୍ଜ ଅବା ସକାଳ।

ସବୁବେଳେ ଓଡିଆ ଘରେ , ମିଳିଥାଏ ଓଡ଼ିଶାର ଘରେଘରେ ପରିଚିତ, ଅତ୍ୟାବଶ୍ୟକ ଖାଦ୍ୟ ଓଡିଆ ଘରର ପ୍ରଧାନ ଓ ଅତି ପ୍ରିୟ ଖାଦ୍ୟ ପଖାଳ।କାହାର ଖୁସି ତ କାହାର ଅତ୍ୟାବଶ୍ୟକ। ଖୁସିରେ ଖାଇବା ଲୋକ ମାନଙ୍କ ପଖାଳ ବିଭିନ୍ନ ପ୍ରକାର ସାକାର ପ୍ରଶାଖା ଦ୍ୱାରା ସୁ ସଜ୍ଜିତ ହୋଇ ବେସ୍ ଆକର୍ଷଣିୟ ହୋଇଥାଏ। ସେମାନଙ୍କ ପଖାଳ ପ୍ରସ୍ତୁତ ହୁଏ,ଲେମ୍ବୁ,ଭୂସରଙ୍ଗ ପତ୍ର ଯୁକ୍ତ ହୋଇ ଥାଏ। ତା ସହିତ ବିଭିନ୍ନ ପ୍ରକାର ପରିବା ଭଜା,ମାଛ, ଚିଙ୍ଗୁଡ଼ି, ଶୁଖୁଆ ଆଦିର ଭଜା,ବଡ଼ି,ଶାଗ ଆଳୁ ର ଭର୍ତା, ବାଇଗଣ ପୋଡ଼ା ଏପରି ବିଭିନ୍ନ ପ୍ରକାର ଶାଖା ଖାଦ୍ୟ ଥାଏ।

ଖରା ଦିନରେ ବହୁଲୋକ ପଖାଳ ଖାଇବାକୁ ଭଲ ପାଇଥାନ୍ତି।

ପ୍ରକାର ସାଧାରଣ ତ ପଖାଳ ଦୁଇ ପ୍ରକାରର ହୋଇଥାଏ ସେ ପଖାଳ ଓ ବାସି ପଖାଳ।

ସଜ ପଖାଳ

ସଜ ପଖାଳ ଟି ସାଙ୍ଗେ ସାଙ୍ଗେ ଭାତ ରନ୍ଧା ଯାଇ ଥଣ୍ଡା କରି ପାଣି ପୁରା ଯାଇ ପଖାଳ କରାଯାଏ।ସେଥିରେ ବିଭିନ୍ନ ପ୍ରକାର ଭଜା ସହ ଦହି ମିଶାଇ ଖାଇଲେ ସ୍ୱାଦିଷ୍ଠ ହୋଇ ଥାଏ।

ବାସି ପଖାଳ

ଏହି ପଖାଳ ରେ ରାତିରେ ଭାତ ରନ୍ଧା ଯାଇ ପାଣି ଭର୍ତ୍ତିକରି ପଖାଳ କରାଯାଏ। ଏ ପ୍ରକାର ପଖାଳ ଖାଇବା ଲୋକ ସଜ ପଖାଳ କୁ ପସନ୍ଦ କରନ୍ତି ନାହିଁ।

ଏପଖାଳ ଜନ୍ମ କେମିତି ଓ କେବେଠାରୁ ହୋଇ ଥିଲା ପ୍ରାୟ କେହି କହି ପାରିବେ କି ନାହିଁ ମୁଁ ଜାଣିନି କିନ୍ତୁ ବହୁ ପୂରୁଣା ସମୟରୁ ଏହାର ସୃଷ୍ଟି ବୋଧହୁଏ। ରନ୍ଧା ହୋଇ ଥିବା ଭାତ କୌଣସି ପ୍ରକାରେ ନଷ୍ଟ ନକରି ପୁନର୍ବାର ଖାଦ୍ୟ ଉପଯୋଗୀ କରିବାର ପ୍ରୟାସ ରୁ ଏହି ପଖାଳ ର ସୃଷ୍ଟି।

କୋଟି ଓଡିଆଙ୍କ ମଉଡ ମଣି ପ୍ରଭୁ ଜଗନ୍ନାଥଙ୍କ ପଖାଳ ଅତି ପ୍ରିୟ।ପ୍ରତି ଦିନ ରାତ୍ରି ବଡ଼ସିଂହାର ବେଶର ପୂର୍ବରୁ ଏହି ପଖାଳ ଶ୍ରୀଜୀଉଙ୍କ ପାଖରେ ଭୋଗ କରାଯାଇଥାଏ। ଗୁପ୍ତ କ୍ଷେତ୍ର ତୁଳସୀ କ୍ଷେତ୍ର ବାସି ପ୍ରଭୁ ବଳଭଦ୍ର ଙ୍କ ର ମଧ୍ୟ ଏଇ ପଖାଳ ଅତି ପ୍ରିୟ।ସେହି ପଖାଳ ର ବାସ୍ନା ଓ ସ୍ୱଦ ନିଆରା। ଠାକୁର ମାନଙ୍କ ପାଖରେ ଦହି ପଖାଳ ଲାଗି କରାଯାଏ ସେଥିସହ ବିଭିନ୍ନ ପ୍ରକାର ପରିବା ର ଭଜା ଲାଗି କରାଯାଏ।

ଦହି ପଖାଳ ର ପ୍ରସ୍ତୁତି ପ୍ରଣାଳୀ

ଦହି ପଖାଳ ପାଇଁ ବାସୁମତି ବା କୌଣସି ସୁଗନ୍ଧ ଯୁକ୍ତ ଚାଉଳ କୁ ରାନ୍ଧି ସେହି ଭାରତକୁ ଅଳ୍ପ ଥଣ୍ଡା କରି ପାଣି ରେ ଧୋଇ ସେଥିରୁ ପେଜ ଛଡେଇ ଦିଆଯାଏ।ପରେ ସେଥିରେ ଭଜା ଜିରା, ଲୁଣ,ଦହି,ଅଦା,(ଅଦାଛେଚା) ମିଶାଇ ପ୍ରସ୍ତୁତ କରାଯାଏ।

ଆଉ ଘରେ। ଲୋକମାନେ ସିଧା ପଖାଳ ରେ ଦହି ଗୋଳାଇ ଖାଇଥାନ୍ତି।

ଏଇ ପଖାଳ ଗରିବର କ୍ଷୁଦା ନିବାରଣ ର ଏକମାତ୍ର ସାଧନ। ପଖାଳ ସହ ପିଆଜ , କଞ୍ଚାଲଙ୍କା, ଲୁଣ ଲଗାଇ ସମସ୍ତେ ଖୁସିରେ ଖାଇ ଥାନ୍ତି।ଅଭାବ ଗ୍ରସ୍ତ ଲୋକ ଖାଦ୍ୟ ବିଧାତା ବଞ୍ଚିବ ନି ତାର ଆବଶ୍ୟକ ଏଇ ପଖାଳ ପୂରଣ କରିଥାଏ।

ପଖାଳ ଆମ ପାଚନ ତନ୍ତ୍ର କୁ ସୁଦୃଢ଼ କରେ। ପ୍ରଚୁର କାର୍ବୋହାଇଡ୍ରେଟ,ଆଇରନ ମିଳିଥାଏ। ପାଣି ର ଅଭାବ ପୂରଣ କରିଥାଏ।

ଆମ ଘର ପଖାଳ

ଆମ ଘରେ ଖରାଦିନେ ପ୍ରାୟ ସବୁ ଦିନେ ମାନେ ଅଧିକ ଗରମ ହେବା ସମୟରେ, ପଖାଳ ଖିଆଯାଇଥାଏ।ସେ ପଖାଳ ପାଇଁ ସକାଳୁ ଭାତ ରନ୍ଧା ହୋଇ ଥଣ୍ଡା କରି ଦିଆଯାଏ।ସେଥିରେ ଝୁଙ୍କ ମାନେ ତେଲ,ପଞ୍ଚଫୁଟଣ, ଭୁସ୍ରଙ୍ଗ ପତ୍ର, ଲେମ୍ବୁ ଲୁଣ ଦହି ମିଶାଇ ଏହାକୁ କିଛି ସମୟ ରଖି ଦିଆଯାଏ।ଏଥର ପଖାଳ ଖାଇବା ଭଲଲାଗେ। ଏଥିସହ ବିଭିନ୍ନ ପ୍ରକାର ପରିବା ଭଜା, ବଢ଼ି ଗୁଣ,ଶାଗ , ମାଛ ଆଦି ଲଗେଇ ଖାଇବା ଜିନିଷ ଥାଏ।

ପଖାଳ ସହିତ ଜଡିତ କିଛି ଘଟଣା

ଆମ ଓଡିଆ ଘରେ ବିବାହ ପର୍ବ ର ଶେଷ ପର୍ଯ୍ୟାୟରେ, ଜୋଇଁ ର ପଖାଳ ଖିଆ ହୋଇଥାଏ। ଏଥିରେ କନ୍ୟା ଘର ଲୋକ ମାନେ ନୂଆ ପିତ୍ତଳ ବାସନରେ ପଖାଳ ଖାଇବା ବ୍ୟବସ୍ଥା କରାଯାଏ। ଏଥିରେ ଥଟ୍ଟା ବା ନକଲ ହିସାବର ମାନେ ଶାଳି, ଭାଉଜ ଆଈ, ଏହି ଭଳି ହିସାବରେ ସ୍ତ୍ରୀ ଲୋକମାନେ ପଖାଳ ଖାଇବା ବ୍ୟବସ୍ଥା କରନ୍ତି। ସେତେବେଳେ ସେମାନେ ଏଇ ପଖାଳ ଭାତରେ ବିଭିନ୍ନ ପ୍ରକାର ବ୍ୟଙ୍ଗ କରିଥାନ୍ତି।ସେସମୟରେ ଗୋଟିଏ ପ୍ରକାର ମଜା ଦାର ପରିବେଶ ସୃଷ୍ଟି ହୋଇଥାଏ।

ଏହିପରି ପଖାଳ ସହ ଆମର ସଂପର୍କ ଅତି ନିବିଡ଼ ଓ ବହୁ ପୂରୁଣା।ଏବେ ଏହି ପଖାଳ ର ଗୁଣବତ୍ତା ପରୀକ୍ଷା କରିବା ପରେ ବା ପଖାଳ ର ଉପକାର ଜାଣିବା ପରେ ସାରା ବିଶ୍ବରେ ଆଦୃତ ହୋଇଥିବାରୁ ଆମକୁ ଭାରି ଖୁସି ଲାଗୁଛି। ଆମେ ଓଡିଆ ଆମ ଖାଦ୍ୟ ଭାରି ବଢ଼ିଆ।

ଲିଳା ମୟୀ ଦାଶ

କେନ୍ଦ୍ରାପଡ଼ା

ଆମ ପଖାଳ

Ama pakhala