ଅଭିଯୋଗ ଅଭିଯୋଗ କରନ୍ତି ଅଭିଯୋଗ
କିଏ କରେ ନାହିଁ ଅଭିଯୋଗ
ଅଭିଯୋଗ ଶବ୍ଦଟି ଏ ସଂସାରେ ଏମିତି
ଯାହା ବିନା ଏ ସଂସାର ହୀନ ||

ଅଭିଯୋଗ କରୁଛି ଫୁଲଟି ଆଜି
ସେହି ରାଣୀ ମହୁମାଛି କୁ
ମୋହୁ କାହିଁ କରୁନି ସେ ମହୁମାଛି
ରସ ନେଇ ସେଇ ଫୁଲରୁ ||

ଅଭିଯୋଗ କରୁଛି ଧରଣୀ ମାତା
ହେ ସୂର୍ଯ୍ୟ ଦେବ
ଏତେ ପ୍ରଚଣ୍ଡ ରୂପ ଧରିଚ କିଆଁ
ଥରେ ଟିକେ ଶାନ୍ତ ହୁଅ ||
ସହି ନ ପାରନ୍ତି ତୁମ ପ୍ରଖର
ମୋ ଭିତରେ ଥିବା ଜୀବ
ଖରା ଏତେ ଏବେ ଟାଣ ହେଲାଣି
ସୁଖୀ ଯାଏ ନଦୀ ନାଳ ||
ସୂର୍ଯ୍ୟ ଦେବ ନିଜେ କୁହନ୍ତି ମାତା କୁ
ହେ ମୋର ଭଉଣୀ ଧରଣୀ
ଜାଣି ତୁମେ କଣ ପାରୁ ନାହଁ ଝିଅ
ବୈଶାଖ ମାସ ଆରମ୍ଭ ହେଲାଣି ||
ବୈଶାଖ ଜ୍ୟେଷ୍ଠ ପରା ମୋରି ମାସ
ଏ ସମୟେ ମୁଁ ହେବି ଟାଣ
ଏଇ ଦୁଇ ମାସ ପରେ ବରଷା
ନେଇ ଆସିବ ସେଇ ଆଷାଢ଼ ||

ସମୁଦ୍ର କରୁଛି ଅଭିଯୋଗ ତାର
ସେଇ ପୁନେଇର ଚାନ୍ଦ କୁ
କେବେ ଯେ ଆସିବ ସେଇ ସମୟ
କେବେ ଯେ ଛୁଇଁବ ତାକୁ ||
ଚାନ୍ଦଟି ଟିକିଏ ହସିଦେଇ କହେ
ହେ ମୋର ପ୍ରିୟ ସମୁଦ୍ର
ତୁମେ କେବେ ମୋତେ ଛୁଇଁ ପାରିବ ନାହିଁ
ଅଛି ତୁମ ଠାରୁ ମୁଁ ଅନେକ ଦୂର ||
ଦୂରରୁ ଦେଖି ପରସ୍ପରକୁ ଆମେ
ଯେ ଖୁସି ହେବା
ସଂସାରର ଏହି ସତ୍ୟକୁ ଆମେ
ଯେ ମାନି ନେବା ||

କରୁଛି ଅଭିଯୋଗ ଆଜି ବି ସେଇ
କୋଣାର୍କର ସୂର୍ଯ୍ୟ ମନ୍ଦିର
ହେ ରାଜା ତୁମେ ନରସିଂହ ଦେବ
ଏମିତି କାହିଁ କରିଥିଲ ||
ମୋତେ ତିଆରି କରିବା ପାଇଁ
ଆଦେଶ ତୁମେ ଦେଲ
ବିଶୁ ମହାରଣାଙ୍କୁ ମୁଖ୍ୟ କାରିଗର ଭାବେ
ତୁମେ ଯେ ଦାୟିତ୍ଵ ଦେଲ ||
ଦଣ୍ଡ ଦେବ ତୁମେ ପୁରା ନ କରିଲେ
ଏହି ସୂର୍ଯ୍ୟ ମନ୍ଦିର
ସମୟ ଯେତେ ଲାଗୁ ପଛେ ହେଲେ
ଏହା କୁ ତିଆରି କର ||
ବିଶୁ ମହାରଣାଙ୍କ ସାଥିରେ ସବୁ
ବିଭିନ୍ନ କାରିଗର ମାନେ
ସୂର୍ଯ୍ୟ ମନ୍ଦିର କୁ ତିଆରି କରିବାକୁ
ରାତି ଦିନ ଲାଗି ପଡ଼ିଲେ ||
ଦିନ ରାତି ସେମାନେ କରି ପରିଶ୍ରମ
ମନ୍ଦିର ଛିଡା କରିଲେ
ଶେଷରେ ଚୂଳି ମାରିବା ପାଇଁ ସେମାନେ
ଭାଗ ମାପ ନ ପାଇଲେ ||
ଯେତେ କଲେ ଚେଷ୍ଟା ବିଫଳ ହେଲେ
ଆସିଲାନି କିଛି ବୁଦ୍ଧି
ଦେଖା ଯେ ଗଲାନି କିଛି ରାସ୍ତା ତାଙ୍କୁ
ମାରିବେ କେମିତି ଚୁଳି ||
ବାରଶହ କାରିଗର ମାନଙ୍କ ପାଇଁ
ସେହି ଛୁଆଟିଏ ଆସିଥିଲା
ମୋ ଶରୀରର ସବୁଠୁ ମହତ୍ତ୍ବପର୍ଣ୍ଣ
କାର୍ଯ୍ୟ କରି ଦେଇଗଲା ||
ଭାଗ ମାପ କରି ମାରିଦେଲା ଚୁଳି
ଏତେ କାରିଗର ମାନେ ଥାଇ
ବିଶୁ ମହାରଣାଙ୍କ ସନ୍ତାନ ସିଏ
ଧରମା ନାମ ତାହାରି ||
ଚନ୍ଦ୍ରଭାଗାର ସେହି ସମୁଦ୍ରରେ
ସେ ମୋ ଉପରେ ଥାଇ
ପ୍ରଣାମ କରି ସମସ୍ତଙ୍କୁ ସେ
ମାରିଲା ସେଥିରେ ଡେଇଁ ||
ବଞ୍ଚାଇ ଦେଇ ବରଶହ ଜୀବନ କୁ
ସେ ଯେ ଅମର ହେଲା
କୋଣାର୍କର ଇତିହାସରେ ନାମ ଯେ ତାହାର
ସବୁଦିନ ପାଇଁ ଲେଖା ରହିଗଲା। ||

ଅଭିଯୋଗ ବିନା ଅସମ୍ଭବ ଜୀବନ
ଏହା ହିଁ ନିରାଟ ସତ୍ୟ
ମାନନ୍ତି ଏହା କୁ ନିଜେ ପରା ଆମ
ଜଗତର ଜଗନ୍ନାଥ |

ଅଭିଯୋଗ

କବିତା