ମଦନପୁର ବୋଲି ଏକ ଛୋଟ ଗାଁ ଅଛି,ସେଠାରେ ବାସ କରୁଥିଲେ ରମେଶ ବାବୁ ,ତାଙ୍କ ଧର୍ମପତ୍ନୀ ସୁମିତ୍ରା ଦେବୀ ଆଉ ତାଙ୍କର ଏକ ମାତ୍ର ପୁତ୍ର ରାହୁଲ । ବେଶ ହସ ଖୁସି ରେ ଚାଲିଥିଲା ରମେଶ ବାବୁଙ୍କ ସଂସାର। ରମେଶ ବାବୁ ଥିଲେ ବହୁତ ଭଲ ଲୋକ,ଗରିବ ମାନଙ୍କ କଷ୍ଟ ଦେଖିଲେ ଜମା ବି ସହି ପାରନ୍ତି ନାହିଁ। ସବୁବେଳେ ସେ ସମସ୍ତଙ୍କୁ ସାହାଯ୍ୟ କରିବାକୁ ଆଗେଇ ଆସିଥିଲେ ,ସେ ଭଲି ତାଙ୍କ ପତ୍ନୀ ବି ଜଣେ ଧର୍ମପରାୟଣ ଥିଲେ । ଗାଁ ରେ ସଭିଏ ରମେଶ ବାବୁ ଆଉ ତାଙ୍କ ପତ୍ନୀ ଙ୍କୁ ଖୁବ ସମ୍ମାନ ଦେଉଥିଲେ।ବାପା ଆଉ ମା ଙ୍କ ଠାରୁ ଅନୁପ୍ରାଣିତ ହୋଇ ପୁଅ ମଧ ଗାଁ ଲୋକଙ୍କ ପ୍ରିୟ ଥିଲା । ରାହୁଲ ବୋହୁତ ଭଲ ପିଲା ଥିଲା ଏବଂ ସେ ସ୍କୁଲ୍ ରେ ମଧ୍ୟ ସବୁ ଶିକ୍ଷକ ମାନଙ୍କ ପ୍ରିୟ ଥିଲା ଆଉ ଭଲ ପାଠ ମଧ୍ୟ ପଢୁଥିଲା। ଏ ଭିତରେ ସେ ଦଶମ ପାସ କରି ସାରିଥିଲା ।ତ ପରେ ସେ ଅଧିକ କଲେଜରେ ପଢିବା ପାଇଁ ସେ ଭୁବନେଶ୍ୱର ଆସିଲା । ରାହୁଲ ର ସବୁ ଗୁଣ ଭଲ ଥିଲା କିନ୍ତୁ ସେ ଟିକେ ଝିଅ ପିଲାଙ୍କ ପରି ହେଉଥିଲା ,ତାକୁ ମଧ୍ୟ ସେ ଗୁଣ ପାଇଁ ତାକୁ ବେଳେ ବେଳେ ତା ସାଙ୍ଗମାନେ ତାକୁ ମାଇଚିଆ ବୋଲି ଡାକନ୍ତି,କିନ୍ତୁ ସେ ତାକୁ ଗୁରୁତ୍ୱ ଦିଏନି । ସବୁଦିନ ତ ସମାନ ଯାଏନି ଏ ଗୁଣ ଦିନ କୁ ଦିନ ତାର ବଢିବାକୁ ଲାଗିଲା ,ସେ ଯେତେ ଚେଷ୍ଟା କଲେ ମଧ୍ୟ ତାର ଅଭ୍ୟାସ କୁ ବଦଳେଇ ପାରେନାହିଁ। ଗାଁ ରେ ସିନା ବାପା ଆଉ ମାଆଙ୍କୁ ସବୁ ମାନନ୍ତି ବୋଲି କେହି କିଛି କୁହନ୍ତି ନାହିଁ କିନ୍ତୁ ଏଠି ତ କେହି କାହାକୁ ଯାଣନ୍ତି ନାହିଁ ଯିଏ କିଛି ଭୁଲ କରେ ତାକୁ ଦେଖି ହସନ୍ତି ଆଉ ସମାଲୋଚନା କରନ୍ତି , ଏ କଥା ରାହୁଲ କୁ ବହୁତ୍ ଖରାପ ଲାଗେ କିନ୍ତୁ ସେ କାହାକୁ ନିଜର ଦୁଃଖ କହିପରେନାହି। ଦିନେ ତା ମନ ରେ ପ୍ରଶ୍ନ ଆସିଲା ମୁ କାହିଁକି ଝିଅ ପିଲା ଭଳି ହେବାକୁ ଚାହୁଁଛି, ସାହାସ କରି ମେଡକାଲ ଗଲା ଆଉ ତା ପରେ ଯାହା ଜାଣିବାକୁ ପାଇଲା ତା ପାଦତଳୁ ମାଟି ଖସିଗଲା ପରି ଲାଗିଲା ,ସେ ଜାଣିବାକୁ ପାଇଲା କି ସେ ପୁଅ ନୁହେଁ ବୋଲି,ତା ପରେ ସେ ତା ନିଜ କୁ ସମ୍ଭାଳି ଆଗକୁ ବଢିବାକୁ ଚାହିଁଲା,କିନ୍ତୁ ଏ ସମାଜ ଯେତେବେଳେ ବେଳେ ଜାଣିଲା ଧରେ ଧୀରେ ତାକୁ ଘୃଣା କରିବାକୁ ଲାଗିଲା ,ଧୀରେ ଧୀରେ ଗାଁ ଲୋକ ମଧ୍ୟ ସେ ସତ କୁ ଜାଣିଲେ ଆଉ ଯୋଉ ଗାଁ ଲୋକେ ତାକୁ ଏତେ ଭଲ ପାଉଥିଲେ ସେମାନେ ଧୀରେ ଧରେ ତାକୁ ଘୃଣା କଲେ ,ତାର ବା ଭୁଲ କଣ ଏକ କିନ୍ନର ହେଇ ଜନ୍ମ ନେବା ଭୁଲ ,ସତ ରେ ଏ ସମାଜ ରେ କିନ୍ନର ମାନଙ୍କୁ ବୋହୁତ ଅବହେଳା କରାଯାଉଛି ,ସମୟ ରେ ଚକ ଅନୁସାରେ ଧୀରେ ଧୀରେ ରାହୁଲ ପାଲଟି ଗଲା ରାଗିଣୀ ,ଆଉ ସବୁଦିନ ପାଇଁ ନିଜଭିତରେ ହଜେଇ ଦେଇଛି ସେ ରାହୁଲ କୁ । ଆଉ ସେ ସବୁ ବେଳେ ଭାବେ ସତରେ କଣ ମୋ ଜୀବନ ଅଭିଶପ୍ତ, ଯଦି ଏ କିନ୍ନର ଜୀବନ ଅଭିଶପ୍ତ ଭଗବାନ କାହିଁକି ଏମିତି ଜୀବନ ସୃଷ୍ଟି କରୁଛନ୍ତି , ଏ କଥା ଭାବି ସେ ଅଭିମାନ କରେ ଭଗବାନଙ୍କ ଉପରେ ଆଉ ଖୋଜେ ମୁକ୍ତି ର ରାସ୍ତା କେମିତି ସେ ମୁକ୍ତି ପାଇବ ଏ ଅଭିଶପ୍ତ ଜୀବନ ରୁ....। ସତରେ କଣ ଗୋଟେ କିନ୍ନର ହୋଇ ଜନ୍ମ ନେବା ଭୁଲ କାହିଁକି ଏ ସମାଜ ସେମାନଙ୍କୁ ଉଚିତ୍ ସମ୍ମାନ ଦିଏନାହି , କାହିଁକି ସେମାନଙ୍କୁ ଭଲ ପାଇବା ବଦଳରେ ଏ ସମାଜ ର ଲୋକମାନେ ଘୃଣା କରେ।କଣ ସତେ ଏ ଜୀବନ ଅଭିଶପ୍ତ..........